~N~的个人专页

假日朝早難得起到身食早餐，唔想食樓下茶記、麥記，行遠少少去間小店食等自己有個good morning ~叫左個雞扒炒蛋多士加即磨咖啡，只係$37，茶餐廳價錢、茶餐廳嘅食物但絕對唔係茶餐廳質素。沙律菜夠新鮮加黑醋、搽咗牛油嘅多士夠脆，基本上已經冇得comment; 雞扒同炒蛋嫩滑得黎又唔油，不過重口味人注意，兩樣都冇乜調味，可能要自己加鹽同胡椒，當然我就覺得收貨有餘啦！最後飲埋杯正咖啡，成日都好精神！😇…查看更多

已經食咗依間有兩年了，之前有藍色飯(蝶豆花+椰漿)，後來無咗有d失落，依家有新嘅綠色飯(班蘭+椰漿)，當然要試吓。巴東牛肉椰漿飯外表一如以往咁靚仔，可惜質素越來越差。牛肉有點老，飯嘅椰香味亦唔夠，花生都應該炸起咗好長時間.....只有跟餐嘅拉茶同以前一樣。如果以星馬餐廳黎講會幾失望，因為一定食唔到個個味。但如果睇埋環境、價錢、叫一個飯已經食到幾樣不同嘅食物，性價比都算高，係會繼續幫襯嘅...不過唔會專登過嚟，定位會變成行開就食下嘅高級茶餐廳。…查看更多

依條街可以講係紅磡嘅食街，要係到屹立不倒咁多年，就要做到四個字：價廉物美。下午茶時段來，tea set 只係$34起，有一個主食，三個小食，加熱飲。落完單很快成set就連餐盤送上, 主食揀咗鹵肉飯，鹵肉用了半肥瘦的腩肉，煮得非常入味，砌成mini size, 連埋肉汁，其實已經可以成碗飯食矖。小食揀咗炸豆腐、台灣腸同鹽酥雞。要講最有特色應該係炸豆腐，炸皮加左好多木魚碎，上面加上甜酸醬同青瓜絲，未食已經好開胃，咬落又有炸皮嘅脆口，又有豆腐嘅嫩滑！台灣腸同鹽酥雞都不過不失，只要夠熱好難唔好食。之於跟餐奶茶就麻麻地。…查看更多

無食早餐，lunch time想食得豐富d，就叫咗以餐廳命名嘅ocio 全日早餐。Order完好快就黎左lunch set 包嘅餐湯，今日係有少少磨菇嘅白湯：雖然唔係話好好味，但用黎暖胃都ok。好快主角就黎😍滿滿一碟，最欣賞就係佢地嘅個雞扒同窩夫！雞扒煎得香脆又嫩滑，而窩夫做為飯後甜品最後一樣野食都keep到脆口，食完成份all day breakfast 真係大滿足！😋最後以一杯black coffee 作結。…查看更多

依間cafe係電梯旁，樓底好高，另一面就係落地玻璃，個種開陽嘅空間感未入去已經覺得好舒服。今次叫咗炸豬扒漢堡tea set。一上碟大大碟、熱焫焫咁，未食已經覺得正！一野叉條薯條食，係好實在咁用薯仔切條炸，真係好正！！雖然熱到焫嘴，但忍唔住係咁食😋猪扒本身有d厚度，加左炸粉炸都唔會只係食到麪粉，反而有個炸皮包住令個豬扒保留水份，幾juicy!!下面亦鋪左生菜、蕃茄，減輕罪惡感，而麪包雖然係garden 個類嘅貨色，但都烘得恰到好處。跟餐叫左latte，唔洗另外加錢，咖啡味有啲淡，但個拉花加矖分。overall 大約係starbxxx咁上下。跟餐可以加錢加小食，好似叫和風柚子雞翼，雞翼鋪満日式飯素，加上淡淡嘅柚子味，就算已經好飽都仲可以食多幾隻。坐得舒服，食物又正，係咪以為好貴？個set 只係$56，加$15小食。真係難以想像香港都有咁嘅好地方！…查看更多

同事派嘅散水餅，每款都好靚仔，唔知揀邊個好。不過都有心理準備會幾甜，所以揀咗個檸檬定青檸味諗住冇咁溜，可惜一食落去只係甜味，係好似食緊砂糖嘅死甜！！！只有吞下去才有少少嘅檸味....Cupcake係影相靚，但始終都係好難好食。…查看更多

有d掛住紫色靚靚野飲，所以趕係last order(6點禁堂食）前沖過去。行去已經諗住食佢個好優惠嘅全日餐，點知原來換咗新menu，加左少少價$6x 起，不過都應該嘅，不竟好多都去咗地產商到。因為有啲趕，隨便叫咗個最平嘅東蔭功麪食就算。點知幾有驚喜，一上枱d餸係成個碗舖滿，幾片豬頸肉、幾片扎肉、幾隻蜆，仲分上咗隻生雞蛋，唔講味道就咁都對得住個價。豬頸肉燒過、蜆夠鮮甜，但最正係個東蔭功湯底，個酸辣味平行得好好，加埋個蛋成個麵真係好好味😋最後飲埋個蝶豆花檸檬水，成個人開心晒。…查看更多

行開 the one 發現有新餐廳幾靚就行過去睇吓，裝修到以為係 cafe, 睇到門口個 menu 先知係新式茶餐廳。見到下午茶只係比一般茶記價錢貴少少（10%左右）就入去試吓。叫左個炸脾加沙律，見latte唔洗加錢就試吓。炸脾幾正，外皮香脆又唔會硬，似焗出嚟，入面亦都有調味，唔會食到有雪味😋。個沙律就唔係幾得，明明係港式，但個沙津醬好似汁，好在只係幾舊。其實寧願佢比幾片青瓜、番茄伴碟仲好。其實可以揀薯條，可能係我揀錯🙈。Latte 中規中矩，以跟餐包都ok。整體來講都唔錯，應該會繼續幫襯！…查看更多

朋友聚會已經一早訂位，不過可能是平日，全晚都唔full。Menu選擇算多，亦有得選小份或例牌，例牌價錢約係小份的1.5倍，不過份量就不得而知。有得揀總好過冇得揀，只可以遠觀其他食客櫈上嘅份量來做參考。蘿蔔灌漿做得不錯，咬下滿口甜甜的蘿蔔絲，好juicy,係有點油，不過都推介。鹵水鵝片係最期待亦最失望，叫了例牌，雖然$148都知唔會多，不過上碟見到我覺得四份一隻都冇，放落口先知點解得咁少，因為 真 係 好 硬 ！！！ 我估 well done steak 應該都不過如此。不知係咪食過好硬嘅鵝，之後嘅手撕雞(半份）特別滑，亦有雞味，個麻醬好濃，似花生醬，依個不錯。仲叫左個菜煲、炒飯，同中式糖水甜點，不過不失。…查看更多

已經來過好幾次食，只可以用三個字黎形容：平靚正。價錢一個意粉包熱茶set、牛角包set，四、五十蚊到，all day breakfast最貴不過都係$68，全日都係一樣價。依d價位連快餐連鎖店、茶餐廳都未必做到！而且食物質素唔錯，唔似事先做好等你叫先整熱，咁當然唔會話好驚為天人啦，不過就算普通野，用心去煮已經好好。小店環境佈置得好舒適，木檯木凳，有小盆栽，好適合我e d偽文青。唯一問題係地點有d隔涉，唔近地鐵站，不過我會繼續幫襯😆P.S.老闆娘（老闆?)好靚女!…查看更多

約左好友見面，想找間可以坐奈d嘅餐廳傾下心事，依間cafe冇time limit, 食評又唔錯就試試。好在book左位，星期五夜好full下，不過好快已經安排入座。坐向bar seat望街景，坐得唔係幾舒服，不過都適合二人傾悄悄話。費事諗，叫左兩人set,好快有得食，食物又唔錯喎。個set有湯or沙律，一個意粉，一個T-bone,餐飲同雪糕。…查看更多