馬六

已經食咗依間有兩年了，之前有藍色飯(蝶豆花+椰漿)，後來無咗有d失落，依家有新嘅綠色飯(班蘭+椰漿)，當然要試吓。

巴東牛肉椰漿飯

外表一如以往咁靚仔，可惜質素越來越差。

牛肉有點老，飯嘅椰香味亦唔夠，花生都應該炸起咗好長時間.....只有跟餐嘅拉茶同以前一樣。

如果以星馬餐廳黎講會幾失望，因為一定食唔到個個味。但如果睇埋環境、價錢、叫一個飯已經食到幾樣不同嘅食物，性價比都算高，係會繼續幫襯嘅...不過唔會專登過嚟，定位會變成行開就食下嘅高級茶餐廳。