wychan642的个人专页

個人今次海鮮大排檔喜好排名先後：砵酒台山蠔>馬友>帶子多士>蝦子豆腐>芝士鮮魷>黑椒牛柳砵酒台山蠔 好少出面食到 平時喺大排檔未必會見到嘅海鮮砵酒配個味道幾夾，完全估唔到幾乎好似冇咩酒辣味反而係有酒香同酸酸甜甜嘅味道，又幾開胃酒入面嘅果味好香，有少少脆邊至於煎馬友處理得幾好，重點係大部分去咗骨，加埋本身馬友就唔係好多細骨煎完都保持到肉質嫩滑睇吓今次Total 叫咗嘅嘢食！懷舊帶子多士 $152芝士鮮魷 $178砵酒台山蠔 $388特產馬友咸鮮 $198蜜椒薯角牛柳粒 $158鍋塔蝦籽豆腐 $128下次有機會想試埋魚湯系列 （可能涼多少少先想飲湯）_菜方面以大排檔嚟講希望佢會推出更多選擇好似我呢啲幾鍾意食菜嘅人就覺得菜類可以再多啲整體嘢食都係比較啱大班人飲下酒～惹味小菜咁 如果大家想食支持吓本地消費食本地坪洲海鮮就可以考慮試吓呢間！…查看更多

「唐吉柯德」係澳門少有嘅西葡fusion餐廳！招牌「白酒煮蜆」蜆肉鮮甜，蒜香白酒汁濃郁，點埋脆麵包食超正！「烤乳豬」皮脆到「咔嚓」聲，肉質嫩滑又多汁，加埋檸檬醬油吊味，一啲都唔膩；「炸沙丁魚」外脆內軟，魚肉鮮味爆棚，送啤酒一流。環境好有異國情調，服務又貼心，想一次過試晒兩國菜必嚟，味道絕對值得encore！入面環境感受到濃濃嘅伊比利亞風情，侍應招呼好周到，出菜又快，好適合同班friend吹水食飯，或者兩個人撐枱腳…查看更多

去啟德除咗去 Airside 去Sogo 其實都有好多餐廳選擇﹗不過就要識得上 14 樓﹗ 呢邊日式、西式餐廳都有齊仲有Airside 餐廳未必有嘅嘢：就係高空開揚嘅啟德景觀﹗由Sogo 地下升降機大堂搭Lift直上 14 樓一開就見到成層都係餐廳 上次Thankful week 見到呢間排長龍冇機會食今次呢個Weekend 人唔係好多就試下先 烏冬選擇都真係算幾多同幾多種類 凍熱都有仲有地雞鍋同牛肉鍋，我哋今次食Lunch 就揀咗清啲嘅香炒牛肉澆汁冷烏冬 $138牛肉都畀得幾多 同切得好薄所以好易食冷烏冬夏天食真係好消暑 加埋凍食烏冬再煙韌啲﹗明太子牛油熟烏冬 （ 6月新出） $138有一球明太子畀你撈烏冬食，仲有超多配料配料擺得好整齊 有溫泉蛋 香蔥 紫菜 木魚片 同脆脆加分位係我哋 2個都幾鍾意呢支柚子辣椒粉，成個烏冬嘅味好似昇華咗咁！柚子味好醒神開胃又有啲辛口咁！另外估唔到係有 Cold brew 都係 $32，唔算太貴叫咗支試下！…查看更多

最近好多人都去咗試呢間日本九州八女抹茶，於是我哋又去試下呢間Cafe 嘅 抹茶出名在產自日本福岡縣八女市，八女茶風味較溫和、茶味平衡，主要以甘味（甜）為主，同時帶清香茶味原來除咗八女抹茶雪糕，佢哋啲主食都ok! 厚玉子漢堡夠玉子又厚又大條雞脾扒都好嫩呢 八女抹茶French Toast超級鍾意佢已經切好一舊舊上好切都好易切 少少煙韌 軟熟為主！幾Details 係側邊加咗抹茶醬茶澀味中和返個多士甜味重點係紅豆蓉山泥傾瀉咁澎拜嘢飲叫咗Iced Matcha Latte 同柑橘梳打 ～梳打評價 ＝ 香港人嘅好評 ＝唔會太甜！整體環境服務同食物都 OKLunch 我見都係 98 左右，喺銅鑼灣呢區其實唔算貴﹗食完好西...呢個星期要去Gym行多幾轉機 ！…查看更多

Sorry !! 我真係太耐冇出街去新嘅地方！仲停留緊喺Airside ...原來啟德 SOGO 已經有咁多嘢行，竟然係第一次去 14 樓仲要有咁多餐 廳⁉️仲要價錢都唔算好貴，都係 $101-20014樓呢層有一系列唔同菜式嘅餐廳，每間餐廳座位都好多 唔會好逼 間格都幾舒服 重點有超靚景 啟德景 \ 蘋果木煙燻法式鵝肝 配炙燒焦糖香蕉 /其中一個叫咗佢哋嘅招牌鵝肝，就係用一中咁華麗嘅煙燻方式登場 ✨鵝肝整得好嫩 但唔會覺得好油膩！值得一試\虎蝦．櫻花蝦明太子意粉 / 我哋成日食嘅辛口明太子 最普通嘅就一係太辣一係太咸 而呢度用嘅 由日本直送明太子 帶鮮味突出 反而冇辛口感﹗令到個醬汁特別好食 而且賣相都好靚！要讚係好多菇✨令到整體好豐富又好香 ！講真呢個原本以為好普通嘅配搭 但的確係整得比想像中好食   \ UnMe 火燒法式露絲瑪莉鐵板羊膝 拌薄荷醬/我哋 2個人再食多咗個 MAin就係羊啦～ 啲肉質好實在 醬汁唔會太咸 薄荷醬溝咗喺本身嘅醬汁到 幾 MAtch \ 芒果抹茶Latte / 😍 呢個係好有趣嘅配搭 聽講最近都幾興於是趁今次機會試一試﹗ 估唔到咁夾 🉐 芒果好開胃配綠茶中和返甜度， 味道超級 Fresh 🥰…查看更多

【牛頭角竟然有個咁靚咁大嘅泰式Foodhall｜仲係米芝蓮級泰菜✨】成日都覺得牛頭角冇咩嘢食揀，但自從去咗呢個 Foodhalll之後每次喺牛頭角開完會...諗唔到食咩(-`д´-)就會嚟呢間Moon thai Foodhall 慢慢食😂作為 Slasher 仲要可以喺Lunch hour 之後先食冇咩人坐得好舒服(๑´ㅂ`๑) ...社恐人感到好正一入去就見到超闊落嘅空間，挑高天花掛滿泰式編織燈飾💡，暖色 Tone 配木系裝潢色系搭配好時尚，成個環境又幾 chill📸第一次聽  ✧泰式All Day Breakfast✧好好奇...於是都係想叫嚟試下  原來係有中西合壁嘅感覺 濃郁綿滑嘅白雞粥 配上西式炒蛋煙肉🍳...雖然佢係一間泰菜 但佢粥底分分鐘線綿過某啲粥鋪 ✧手打牛肉漢堡 配紅咖喱蛋黃醬✧🍔！個醬汁濃帶微辣好開胃 最開心係有我最鐘意食嘅焗薯！終於唔係薯條啦～見到有 ✧泰式奶茶Latte☕️✧，茶香得嚟又唔會過甜 （ 唔會太甜係香港人最大讚賞嚟 ）…查看更多

留港消費嘅大家 Say 個 Hi 😌🙂‍↕️四日都留喺香港我決定份享呢幾日食咗啲咩💁🏻‍♀️！韓國街入咗呢間唔使排隊又有啲人食嘅餐廳好似喺傳統韓國家庭裝修緊食韓國嘢家庭式料理咁，感覺都幾溫馨，主打做唔同嘅套餐，兩個人食都啱✨｜牛肉海鮮辣湯鮮 $109 ｜湯鮮原來都係有麵 😂 講真韓國麵質真係好 Q 彈其中一個同普通麵、唔同係佢湯底真係會搵到好多鮮蜆粒 蝦粒仲有青口同勁多牛肉 湯底係特別有鮮味仲有好多椰菜絲 食落口感真係幾豐富｜韓式石頭飯 $109 ｜上到嚟好超級熱辣辣😹會有飯焦又有蔬菜同蘿蔔絲好多，加埋雞蛋黃撈埋一齊好食(⁎⁍̴̛ᴗ⁍̴̛⁎)呢個外套餐仲包埋唔同嘅傳統泡菜，以及佢哋跟餐甜品竟然係韓版益力多\(≧▽≦)/💛…查看更多

其實一直都唔知西洋菜街呢邊有間咁大間嘅泰國嘢 入面仲要幾多位 二人卡位又好 多人座位又好 睇落都幾企理啦 有吓掛畫嘗試營造泰式氛圍 2個人晚市都有得坐卡位 仲要唔多人排隊食物選擇同九龍城嗰啲泰國菜一樣成本咁多 價錢都未去到特別貴 叫做正常中位？ 講起旺角好似真係唔算好多泰菜食 都幾分散 呢間咁大間又唔使等位 間中唔想煩 食一次都 OK ｜ 生蝦刺身 ｜比起一般嘅算係大隻口肉，食落肉質爽口厚實，蒜同辣椒比足點埋酸辣汁蝦味有鮮又開胃﹗｜泰式燒魷魚｜魷魚桶原條上啖啖肉， 整得啱啱好唔會韌｜蟹肉奄列 ｜好似幾多人都食呢款奄列，切開中間全部都係蟹肉 平時食蟹又唔鍾意拆蟹嘅你就啱食喇 ～本身就原味道啲 ，點埋醬汁食就幾夾喇 ｜炒椰菜苗｜椰菜苗份量都OK 味道都好濃好有鑊氣椰菜苗爽口索晒味﹗ ｜木瓜沙律｜木瓜絲切得好幼 食落清甜 連埋醬汁食好開胃，唔會太辣｜芒果沙冰｜芒果沙冰呢度都高質 芒果味係好自然唔假甜 冰冰做得綿密同濃郁 ！…查看更多

一嚟到地下已經見到 無臉男好孤單咁坐喺度整體設計都營造到居酒屋嘅氛圍仲有好長嘅走等位區 仲畀我見到林家謙都嚟過估唔到嘅係平日Lunch 幾受打工仔歡迎晏晝感受到嗰種熱鬧感 兩個定食 一共 7品包括開胃前菜｜芝麻醬沙律 三文魚刺身 2片  茶碗蒸 ｜ 麵豉湯  ｜ 抹茶蕨餅 以及係一款 主食\ 銀鱈魚西京燒定食 / $168西京燒係日本好傳統嘅燒魚料理作為超愛食魚嘅人類一有得畀我揀都會想試西京燒呢間又入味又啖啖肉 唔多細骨好易挑 魚肉仲燒得相當嫩滑添 算係食過叫做唔錯嘅西京燒 \ 雜錦天婦羅定食 木魚白菇飯 / $118食海鮮素嘅朋友就叫咗雜錦天婦羅定食，天婦羅有南瓜 魚 蝦 番薯等等 特別在木魚白菇飯好香而且淋咗少少麵汁咁 食天婦羅配飯都有濕潤啲嘅口感唔怕太Dry 整體環境都好舒服 唔會坐得好逼 上到去燈籠同日式設計真係幾有居酒屋 Feel…查看更多

有時突然想鋸扒，就係食個感覺！行完朗豪坊見到呢間 $100 多少少就有得食個鐵板餐，忽然好想試餐廳感覺都企理光猛 座位都唔算好少 一人一份牛扒，我哋分別叫咗2份牛扒餐就係 肉眼扒餐 同 牛板健餐 ，跟餐包碗羅宋湯生熟度呢度就係冇得揀～一個揀咗黑椒汁 一個揀咗蒜蓉汁幾有驚喜嘅係 呢啲鐵板餐牛板切開都仲有 7成熟～都叫幾好，同肉質保有肉汁同嫩滑嘅薯菜除咗本身嘅 蔬菜 仲有一個薯角🌟薯角就巴閉啦 入面蘿蓉做得好 外面先調味再即炸入口真係熱辣辣 外脆內軟﹗晏就食完都好滿足～ …查看更多

好少嚟到一個音樂唔會太大聲，可以同朋友認真傾吓計嘅Bar 梳化杕坐得好舒服之餘，燈光光暗啱啱好，對於返咗工一日 同老 Best 食完飯 想Easy Drink 嘅時 慢慢邊傾邊享受 入嚟先會有杯 Welcome Drink 加上Setting 唔會太逼 坐位都幾舒適 我自己就幾鍾意佢 MEnu Design 上好清晰好有心思 有手繪風嘅 Cocktail 用料同 Flavor 感覺描述得好仔細🫶🏻係有溫度嘅Menu呢 今次我哋 2個人叫咗 4杯 Cocktail 🍹Pardon Pardon 小編個人 No.1 推介 💯以斑蘭作為風味主題， 咁啱飲呢 杯嘅朋友都係鍾情斑蘭味 但最驚喜係 呢杯以 斑藺為主題 嘅 Cocktail 竟然係會加豆漿 🥛仲豆漿係好滑好夾 成個感覺好清新🌿 舒服 真係值得一試 ﹗ 🍹Milk Tea Wash (Rum, Clarlfy Earl Grey Tea, Evaporated Milk, Simple Syrup, Citrus Acid)呢杯以港式奶茶為創作靈感🧋，口味比較Milky，sweet，easy飲落好易飲得出港式奶茶嘅香味 ， 口感比較滑飲 Pardon Pardon 之前呢杯 係 No.1 好飲 但 Pardon Pardon 實在太出色 斑蘭味又好少飲到咁好的 hehe🍹Mr Red bean 呢杯係以「紅豆沙」 為主題 嘅 Cocktail ，我個人就幾鍾意食紅豆沙 所以就抵受唔住 試咗係咩感覺佢用咗 陳皮浸 Gin 酒，佐紅豆忌廉泡沫 設計幾細緻 幾有想法本住驚奇怪嘅心試 但估唔到整體幾夾 陳皮味好香好出 但甘同微微澀味 我諗呢杯比較視乎大家好唔好陳皮香 我自己鍾意食紅豆沙 叫做幾滿意 但個人可能會想紅豆忌廉佔比再多啲 甜啲 heheh 🍸Unicorn （Avocado oil, vodka, lemon, egg white, corn honey syrup)牛油果加上粟米嘅組合，配上酒感，比較適合初嚐/淺嚐雞尾酒嘅人呢款 Cock Tail 飲落 creamy 先有淡淡味 再有粟米嘅甜味 同少少檸檬酸味道都好豐富﹗ 4杯 Cocktail 之外 ，我哋仲叫咗個 Nachos 食 呢度Nachos 會用埋芝士肉醬一齊焗 又熱又脆仲幾暖胃 配埋少少酒精 就好適合 ！—————————————————The Wall Street Bar & Lounge @bar.the.wallstreet尖沙咀金巴利道40號MW Plaza1樓…查看更多

久唔久返工太辛苦定係OT太攰定係太需要Energy 嘅時候，就好想食一波韓式炸雞，回覆體力好彩喺未飛到韓國嚟講，而家多咗唔算太貴嘅炸雞選擇今次去咗朋友介紹嘅 PURADAK CHICKEN😎限定套餐 $369 2個人食 = 半半炸雞 + 雜錦小食＋2杯ADE 1個人都係 $200 留意返係飽到嘔嘅份量 絕對夠 3個女仔 Share 如果唔係 2個女仔食好大機會要打包﹗ 💥青陽辣椒 MAYO 炸雞先講我最期待嘅 🔸青陽辣椒 MAYO 炸雞🔸食過好多間好多時唔係甜辣、醬油、就蜜糖 /芝士 ， 有青陽辣椒醬真係好少見青陽辣椒係韓國好多人鍾意食嘅辣椒，雖然係青BB 但辣度會比一般韓國辣椒再辣啲 Aespa <Spicy> No 1 Encore 舞台就係直接生啪呢種青陽辣椒就知韓國人有幾鍾意食 ﹗ 咁青陽辣椒 MAYO 炸雞係撈咗青陽辣椒再調落蛋黃醬到蛋黃醬添加咗辣度更加開胃 同好食 青陽辣椒嘅辣味仲好香口🥹 真係幾值得一試💯辣卡邦尼年糕炸雞 另外我哋叫咗比較常見到嘅 辣卡邦尼年糕炸雞 相對就同平時食嘅差不多 冇青陽辣椒咁驚喜味道甜甜辣辣而值得講係2款無體炸雞肉質夠嫩 保有肉汁又唔會好肥 啖啖都係肉咁 🥰同埋雞件份量都幾多雜錦炸薯 跟餐仲有配埋雜錦炸薯 有晒薯條薯格滿足晒你 2個願望  呢度啲芝士粉真係唔使錢咁落畀你 真係極重芝士味 而且薯仔炸得超好等緊主菜嗰陣食 餓餓哋第一啖入口會滿足到嗯一聲！紫菜粉絲卷 加咗呢個粉絲卷我都勁推介 個紫菜面炸得超脆但入面啲韓式粉絲 超軟熟 熱辣辣🔥完全係代表緊外脆內軟呢個字 🈵飲品我哋叫咗［西柚 ADE ］x［檸檬 ADE ］，飲落唔算太甜，滿滿嘅汽泡飲落好清爽☝🏻主要係餐包 2杯個感覺幾好  2個人食人均... $200 (連加1）（$200 係飽到嘔出嚟嘅 Level 😂 ）星期一至五晚唔使排隊 多卡位坐﹗ 想食炸雞嘅諗得過 …查看更多

牛頭角人食西餐 係咪只可以去觀塘究竟喺牛頭角有冇 唔錯又夠Firm 嘅西餐？ 今次被我發現原來7點後整過太空嘅海濱匯原來有一間坐得唔錯又幾舒服嘅餐廳 MANO！ Pizza即叫即整新鮮熱辣都值得一試㗎！人均消費大約 $180 - $200食物主要係意大利同西餐主打又多款Pizza同埋意粉亦都有紅白餐酒同特色雞尾酒餐廳嘅裝飾擺設以至座位都係算係幾舒適寬敞由於枱面空間有限我哋兩個人叫Pizza嘅時候用托架再放上Pizza再叫咗個肉醬千層麵個人覺得比較驚喜嘅就係呢度嘅Pizza 厚度啱啱好超級香口 新鮮松露聞到都夠晒開胃 松露味仲好突出﹗…查看更多

一直以為竹面譜呢種小店名係傳統粉麵店，有邊個估到港式粉麵店有 「日本夢王」日本蛋配和牛丼😂❗️我哋 2個 人就叫咗花膠二人餐再加夢王和牛丼、小食、同上湯瑤柱蘿蔔，2枝涼茶 ｜花膠二人餐 ｜我哋揀咗幼麵，麵質彈牙，湯底唔會太咸，偏清，就啱平時食得清啲健康啲嘅朋友～ 麵可以話係正路，但花膠同冬菇係食得出用心製作，花膠超滑又入味，冬菇都處理得好好，而個汁都唔會太咸食完都唔會好渴 花膠係有種想一食再食嘅感覺 ｜夢王和牛丼 ＋$29｜只要二人餐再 ＋ $29 就可以升級呢到嘅招牌之一嘅「夢王和牛丼」 首先係估唔到呢種小店會用夢王蛋做招徠，的確係幾吸引夢王蛋唔使講就色澤靚蛋味有濃✨，配埋和牛食啲牛加倍嫩滑添個人小小想法係丼飯米如果有得用日本米感覺再夾啲😏｜脆炸鮮奶卷 （3條）｜炸墨魚餅（ 3粒）配泰式辣醬｜聽店員介紹咗 脆炸鮮奶卷 呢個平時好似真係幾少機會試到 ，係我今餐其中一個 MVP 🥳我個人好鍾意呢種酥脆得嚟一啲都唔油嘅感覺，但入面鮮奶部分又香又熱辣辣🥹炸墨魚餅都好香口 ﹗｜上湯瑤柱蘿蔔｜本身諗住清清地所以配咗個上湯蘿蔔，其實出去食親蘿蔔都係一場「賭博」車仔麵同平時粉麵都會叫嘅我真係試過勁多間 今次賭贏咗因為冇根 又入味 清甜得嚟 唔咸 做到嗰種剛剛好平時真係會有啲糖水浸/完全冇味 /多根又老，呢間係有心整的 ✅｜凍金銀菊花薏米 （微甜）｜飲品方面幾特別嘅係佢哋有自家製嘅涼茶，呢個真係幾啱都市人成日捱夜爆肝嘅時候清一清啲燥熱，去一去濕氣 等個人舒服啲 抵讚係佢有得揀甜度 我就揀咗微甜～淡淡嘅調味飲落好解渴同舒服﹗…查看更多

之前聽聞 Cozy 唔做，後來先知原來經過重新裝修設計同換過晒啲傢俬後，而家已經重開返啦﹗先講門面同環境感覺都好企理，值得讚係全間Cafe 枱櫈Setting 擺放有預留足夠空間感，唔會放得好逼 一共上下兩層而且每枱客都好似有自己嘅小角落咁，大枱又有 ，舒服梳化位又有，完全唔會覺得好逼 坐得都好舒服 整體環境真係畀滿分，好舒服，特別係星期五嚟是日餐湯 自家製磨菇湯❤️‍🔥❤️‍🔥❤️‍🔥個人大推蘑菇湯🔥🔥🔥好好飲班尼迪蛋酸種包 $118*可以揀兩款配搭 ... 我揀咗：巴馬火腿班尼迪蛋煙三文魚牛油果醬是日午餐 海鮮意大利飯Risotto 整體賣相、材料都唔昔，青口非常大隻，而且都好鮮海鮮汁味道適中，非常開胃，燉飯嘅硬度都空制得幾好係可以一試嘅選擇聯乘法國佬烘焙店 - 朱古力酥朱古力酥係嚟自西貢一間好出名嘅烘焙店「法國佬烘焙」，咬落非常酥脆，入面朱古力都好燶，但如果稍稍再Refheat 少少，令到個包暖返少少，入面朱古力條可以熔熔地咁應該更好食飲品｜Cold Brew☕️ Matcha LAtte 🍵店員推介 呢度Cold Brew嘅咖啡豆浸出嚟帶威士忌香味，飲落真係好出 推介得好haha 好香 同埋口感都爽 好啱夏天消署飲﹗ Iced Matcha Latte 抹茶味都濃～配超微甜味，啱晒口味， 正常發揮﹗———————————————環境：🌕🌕🌕🌕🌕味道：🌕🌕🌕🌕🌗…查看更多