小點角落 (朗豪坊)

有時突然想鋸扒，就係食個感覺！
行完朗豪坊見到呢間 $100 多少少就有得食個鐵板餐，忽然好想試
餐廳感覺都企理光猛 座位都唔算好少 

一人一份牛扒，我哋分別叫咗2份牛扒餐
就係 肉眼扒餐 同 牛板健餐 ，跟餐包碗羅宋湯
生熟度呢度就係冇得揀～
一個揀咗黑椒汁 一個揀咗蒜蓉汁
幾有驚喜嘅係 呢啲鐵板餐牛板切開都仲有 7成熟～
都叫幾好，同肉質保有肉汁同嫩滑嘅

薯菜除咗本身嘅 蔬菜 仲有一個薯角🌟
薯角就巴閉啦 入面蘿蓉做得好 外面先調味再即炸
入口真係熱辣辣 外脆內軟﹗

晏就食完都好滿足～