amandalam130825的个人专页

次次經過都見到排長龍，已經有心理準備要等。可能係平日再加timing問題，我6點半去到唔係好多人排，等左15分鐘就可以入去坐低。我order左士多啤梨藍莓香蕉班戟，而朋友就叫左原味班戟。落單後等左大約15分鐘就有班戟食啦！未食已經聞到陣陣蛋香從班戟飄過黎，班戟賣相簡單精致且震騰騰，睇落空氣感十足。班戟口感輕盈鬆軟，軟綿又有空氣感，入口即融。加上配埋水果，成件事好夾好清新。再連埋甜甜地嘅凍忌廉一齊食，甜而不膩，口感香滑又豐盈，呢份梳乎厘班戟真係冇得輸！FLIPPER'S嘅梳乎厘班戟真係一試難忘，簡直係視覺、嗅覺、味覺嘅三重享受！…查看更多

終於趕上黑糖鮮奶呢股熱潮！今日下晝經過銅鑼灣，見到人龍大約有二十幾人，由排隊到拎到杯飲品大約半個鐘左右，快過上深圳排喜茶😂 虎虎生風厚鮮奶黑糖虎紋真係幾靚，有齊奶霜、黑糖波霸同黑糖珍珠，可以享受到兩種口感。波霸同珍珠煙韌偏軟身，有咬口，係我鍾意嘅口感。黑糖味唔算好濃，鮮奶幾香滑，唔會太甜。…查看更多

周末同朋友閒聚，揀左黎呢間最近新開以茶做主題嘅café。 蛋糕我揀左鐵觀音芝士蛋糕，蛋糕面頭加上朱古力醬、鐵觀音啫喱、脆脆，冇咁單調。蛋糕上層係鐵觀音慕絲，質地厚滑，茶味突出而甘香，下層係原味芝士蛋糕，茶香同芝士香各佔一半。鐵觀音啫喱有淡淡茶香，同蛋糕夾得黎又可以中和芝士蛋糕嘅膩，呢個組合確實唔錯~ 飲品我叫左期間限定嘅奶蓋荔枝茉莉茶，佢係用時令新鮮嘅荔枝汁整，清新得黎又唔會死甜。奶蓋都幾厚，接近三分一杯都係奶蓋！奶蓋嘅奶香唔錯，夠濃郁~ 奶蓋同荔枝茶鹹甜交集，荔枝嘅香甜同茉莉嘅清香又好夾身為荔枝控嘅我對呢杯飲品好滿意老闆娘送上飲品嗰陣提我要大啖啲飲，咁先可以一次過飲到兩層，幾貼心 我地臨走時老闆娘問我地蛋糕好唔好食，睇得出佢地好着重食物品質，亦好有心機做好間café。鍾意飲茶或茶味甜品嘅朋友要黎試一試，支持一下咁俾心機經營嘅小店啊！…查看更多

甜Crêpes食得多，但鹹班戟都係第一次試。今次同朋友各自叫一個Galettes再加一個Crêpes share，咁就可以一次試到鹹、甜兩款可麗餅啦~Galettes 我揀左 LA PIANO,因爲呢款有我鍾意嘅三文魚同菠菜😋由於Galettes係用蕎麥粉整，個皮食落好薄好脆！Crêpes 我地叫左 LES BERMUDS，呢款Crêpes係有朱古力醬再加一球雲呢拿雪糕，個皮煙煙韌韌，感覺普普通通。整體來說，呢間嘅Galettes 同Crêpes質素都唔錯，不過個人比較鍾意鹹味嘅Galettes，有機會會再黎試其他款式！…查看更多

今日午餐去左試帝苑酒店J's Bar Bistro嘅$148平日沙律吧自助午餐~呢個自助午餐包自助沙律吧、麵包、餐湯、水果同甜品，仲可以加$50要埋主菜，主菜可以揀三文魚扒或燒法國春雞，感覺好抵食！入到去見到有唔少蔬菜款式可以揀，例如: 羅馬生菜、綠牛油生菜、紅珊瑚生菜、雜色車厘茄，仲有近年大熱嘅superfood羽衣甘藍、藜麥、奇亞籽等等， 淨係入嚟食superfood都值回票價！除左蔬菜，仲有其他健康沙律配料:青橄欖、醃青瓜、甜粟米、蘋果乾、紅腰豆、提子乾、脆榛子、開心果、粟米脆片等。揀好想食嘅材料就可以去Toss Salad station，等廚師幫忙拌製沙律，搞掂！想食一餐健康午餐嘅朋友認真可以嚟試一試J's Bar呢個自助午餐！…查看更多

Happy Friday 收工後同同事一齊聚餐。我地book左8點，但去到都幾full, 要再等半個鐘先可以入座。人多嘅好處就係可以嗌唔同菜式，試到多啲嘢。我地有11人，嗌左兩個salad, 兩款迷你漢堡，一個ribs, 兩個 pasta, 兩款小食，每人一杯飲品中間有個搞笑位: 我地已經食到一半，但仲差3杯嘢飲未上，追左單之後5分鐘上返店員話: 唔好意思，啱啱唔夠杯用同事Z話: 咁大間餐廳都冇杯用？我地成張檯笑到傻晒😂到我地差唔多食完，店員過嚟收返啲杯同事Z: 係咪唔夠杯用？😂😂同事有會員半價優惠，今餐人均消費$213，所以都幾抵食，不過佢地認真要買返多啲杯啦…查看更多

踏入夏天，天氣悶熱，有時真係冇乜胃口食嘢。。。晏畫想食得簡單、清淡啲，所以今日午餐嚟咗喺帝苑酒店入面嘅LE SOLEIL，試下佢地嘅 Lunch Menu．Special Lunch Menu 包括左頭盤、主菜、精選甜品，再配越南荷花茶或咖啡。頭盤:春卷、燒蝦米紙卷、越式煎扎肉，每款細細件，啱啱好主菜:蝦頭油海鮮番茄湯檬粉，酸酸尾尾，好醒胃飲品: 越南荷花茶甜品: 香芒涼粉　食完個越式午餐好滿足!!我仲好鍾意LE SOLEIL嘅清幽環境，佢位於酒店花園中庭，可以望到空中花園嘅景致同噴泉，十分寫意～…查看更多