jlc_foodie的个人专页

放工後同大學同學去灣仔呢間私房菜聚吓，環境溫馨高雅，適合一大班人聚會🍴主廚用心挑選時令食材，唔落味精以突顯食材嘅原汁原味，而且菜品設計都好有特色，非常值得去試吓🫶🏻上八冬瓜盅
湯頭清甜，鮑魚花膠軟滑入味，真材實料，完全冇落味精都咁鮮甜，呢個天氣飲好正，消暑解熱👍🏻臘香蠔豉松
將日本蠔豉切粒與臘味一齊炒，口感豐富，配爽脆生菜包住食更滋味😝小炒王
呢道小炒王內有蝦仁、豬肉、銀魚仔同時蔬，炒得火候啱啱好夠鑊氣🔥仲加入咗腰果增添口感😗蟹肉瑤柱洋蔥焗釀蟹蓋🦀
新鮮蟹肉當日即拆，滿瀉超足料，與瑤柱洋蔥一起焗出真係先鮮甜到爆💯百花釀蟹鉗
蟹鉗外層鬆脆，色澤好靚😍而且份量十足，肉質細膩彈牙✨記得要預訂啊!麥皮黃金蝦吸收晒🍤
鹹蛋黃裹蝦酥香，裹上麥皮層次豐富不油膩，必點！豉油王蝦配生麵🍜
大虎蝦肉質彈牙，生麵吸收晒香濃豉油超滿足🤤鍋燒無錫骨
無錫骨肥瘦啱啱好，肉質軟腍又入味，好啱送飯😗麵醬啫康生菜
食咁多肉當然要配搭啲蔬菜，清脆生菜加上麵醬嘅鹹鮮，配搭絶佳🥬鮑粒馬友肉餅煲仔飯
煲仔飯米飯粒粒分明，肉餅鮮味十足，同底下嘅飯焦一齊食真係好正！桂花糕
帶有淡淡桂花清香又唔會太甜，完美收尾，真係大滿足🌸…查看更多

古今嘅卷物一直都好出名，之前通常食開尖沙咀分店，原來係旺角雅蘭中心都開左新店，鄰近朗豪坊好方便！今次試咗佢哋嘅串燒都好高質，仲可以一路飲住Asahi嘅生啤同果酒，真係返工有咩煩惱都忘記晒🥳✨Asahi Sour （Lychee）/Asahi生啤🍻Asahi Sour有氣果酒荔枝口味清新，酸甜平衡，非常解渴😛Asahi生啤清爽滑口，好大杯抵飲！✨日式麻醬豆腐沙律🥗份量非常感人，豆腐凍凍地又滑，仲有中華沙律同飛魚子，健康又好食！✨火山（4件）/ 黑龍卷 （8件）來古今一定要食卷物，有別於出面嘅卷物，古今卷物賣相靚、份量都足夠，而且配搭多樣，醬汁都係精心調製。火山一出場侍應就點火，場面盛大，打卡必嗌！黑龍卷有齊蟹柳、牛油果、炸物同鰻魚，配搭特調醬汁，好滿足！✨黑豚豬頸肉串燒/ 鹿兒島黑豚荔枝卷串燒/ 蒜香牛油燒帆立貝🍢 古今嘅串燒還原食材味道，唔會過熟或者太重口味，性價比高。最鍾意鹿兒島黑豚荔枝卷串燒，荔枝嘅清甜可以中和豚肉的油脂，完美融合😝 蒜香牛油燒帆立貝鮮美多汁，豬頸肉肥瘦均勻好惹味👍🏻櫻花蝦原條茄子燒🍆估唔到冇左蒜蓉嘅茄子都咁好食！手臂咁大條茄子鋪上滿滿櫻花蝦辣油，茄子好掛汁，又香又juicy!野菜天婦羅🍤除左海老之外，全素嘅天婦羅都好推薦，尤其係番薯天婦羅！…查看更多

天后呢間人氣鐵板燒高層景觀靚到爆，維港兩岸夜景一覽無遺，坐低望住個日落，氣氛已經贏晒。裝修簡約高雅，依家宴特選和牛套餐優惠價做緊$880就可以食到龍蝦、鵝肝、南非鮑魚以及宮崎和牛，真係超級抵！自家製醬汁煮南非鮑魚紫蘇花花瓣可食，微辣清新，底層昆布搭海苔粉同七味粉，鹹甜平衡，蘿蔔軟腍吸晒精華，好正😊季節刺身 3款 - 深海池魚、真鯛刺身、池魚他他
魚肉新鮮彈牙，蔥檸檬調味酸香，口感由淺到深，鮮甜滿分💯金鎗魚腩手卷
赤醋飯香，配脆口調味，層次豐富，食完想再encore😋海鲜茶碗蒸
上面蟹肉超多，蒸蛋滑溜，鮮甜暖胃，超滿足季節吸物魚湯🐟
濃郁嘅魚湯呈現奶白色湯底，清淡鮮香，暖笠笠好治癒野生生猛龍蝦🦞
用左龍蝦膏煮嘅汁好濃郁，加小檸檬解膩，味道和諧，而且龍蝦肉真係好新鮮，又爽又彈牙。香煎鵝肝伴自象制醬汁
鵝肝煎到外脆內嫩，黑醋同配上嘅柑橘酸甜解油膩，夾埋麵包一齊食啱啱好！日本宮崎和牛🐮
和牛顏色幾靚，入口即化，配蒜片（自家製）、特製昆布鹽同岩鹽，簡單突出肉味，洋蔥沙律清爽甜甜地，冇乜生洋蔥嘅辣味，唔知點做到㗎呢？煙肉香蒜炒飯🥓
煙肉香濃，飯粒乾爽，蛋香撲鼻，簡單、飽肚但好味！炒什菜配日本醬料
呢個什菜清新健康，醬料開胃，而且有啲脆脆口感，唔錯😌紅豆奶凍
奶香同紅豆甜味好match，軟滑入口，完美收尾😆整體嚟講，呢間餐廳由環境到食物質素都好高水準，夜晚都幾浪漫，價錢合理，食材幾高級，絕對值得一試！…查看更多

上次去銅鑼灣利園一期，發現有唔少新餐廳，其中西班牙菜Aire 係 Pica Pica 同 Bàrbar 嘅姊妹店，期待值自然唔低，於是揀咗個平日 lunch time去試吓😋Aire 用咗淺木色裝修同大片玻璃窗，餐廳有室內同戶外 terrace 選擇，天氣好嘅話坐 terrace 真係好 chill，空間大好舒服。而家仲有 $248起嘅 business lunch menu，每人可以揀兩個 tapas、一個 main course，為咗等大家食到多啲唔同菜式，亦可以揀兩人一齊 share Paella，仲可以加錢升級甜品（大推！）🍽️同朋友試咗幾款招牌 tapas 同叫咗個 Paella，為咗慶祝生日仲加咗個甜品🍮Ibérico ham croquette (2 pcs)
傳統西班牙 tapas 之一，外脆內軟，入口充滿火腿鹹香，啱晒開胃！🧆Eggplants “escalibada”, romesco, almond, spring onion
茄子燒到好腍，羅美斯可醬酸甜開胃，烤過嘅杏仁同蔥加層次，香味十足！🥗Steak Tartare served on brioche
牛肉他他新鮮嫩滑，調味啱啱好，牛油包香脆，一件真係唔夠喉！😆Salted cod fritter with saffron all-i-oli (2 pcs)
鱈魚炸餅外脆內軟，配 creamy 嘅番紅花蒜泥醬，估唔到咁夾，超正！🦐Seafood black rice with baby squid, ink & all-i-oli
海鮮墨魚汁飯配小魷魚、墨汁同蒜泥醬，別睇佢黑蚊蚜咁，飯粒吸滿海鮮同墨魚汁嘅濃郁鮮味，入口濃厚帶煙燻香，配上大蒜、橄欖油、蛋黃打成嘅 all-i-oli，增添層次，兩人 share 啱啱好！🦑Hot chocolate tart, Arbequina olive oil, salt
呢個熱朱古力撻真係超驚喜，加 $30 必點！表面好似brownie咁，撻心非常流心，濃郁嘅朱古力溫熱順滑，配上橄欖油，少少海鹽帶出甜味，甜鹹平衡超正。撻皮脆口，份量大到唔似跟餐甜品，大推！🍫🧂Aire出品穩陣，tapas 質素高，Paella同甜品尤其出彩，環境夠 chill，呢個Business Lunch Menu $248起真系好抵食，附近返工嘅朋友記得save低！…查看更多

爆紅fusion菜、Openrice收藏第二位WAKAREN究竟值唔值得食？上星期放工終於試左，去到門口已經有幾個人等緊，生意真係好火爆喎🤣等左一陣坐到吧枱，佢哋最近uodate左新menu，試下啲新野先～Kanpachi Crudo有鰤魚御三家之稱嘅Kanpachi 同平時食嘅刺身前菜有啲唔同，肉質緊實，比較清爽，加上酸甜小蕃茄幾開胃🤤Crab Taco & Otoro Taco脆口taco真係幾正，我本身都好鐘意食炸紫菜，呢個taco風味同口感都好好，蟹肉同藍鰭吞拿魚大腹肉都新鮮Lettuce Wrap “Bao”呢個好似台灣划包嘅菜大有乾坤！結合左西式同東方元素，巴拿火腿乾、生菜同特製醬餡加埋一齊，火腿crunchy咸香，面包鬆軟，好有創意！Misoyaki Black Cod大推呢個前菜，首先鱈魚煎得幾香，肉質滑嫩，份量幾大，鱈魚配左本菇、蜆肉忌廉汁，其實就係「西京燒」醬汁，食食吓竟然發現個底有腸粉，原來係一個港式嘅「忌廉意粉」，真係估佢唔到😝Mussels Mariniere如果你以為呢個係普通煮青口咁就錯啦呢個汁係用左bluecheese同虹鱒魚子整嘅白汁，可以dip sour dough咁食，味道好突出，濃厚咸香，配酒應該唔錯😌Lap Cheong Inked Rice墨魚仔同臘腸炒埋一碟，仲用左墨魚汁整嘅意大利燉飯，有臘腸嘅飯係一定好食嘅，竟然仲加左蔥同瑤柱，有媽媽炒飯嘅感覺，飯焦係精華所在，用料都好足👍🏻Creme Brulee Toast焦糖多士仲要加一球雲尼拿雪糕真係好邪惡👿見到個賣相有啲似網紅吐司，焦糖面好脆，多士吸曬啲精華超濃厚，仲有啲烤堅果香噴噴，有胃口嘅一定食埋呢個！Homemade Pistachio Affogato開心果永遠唔會缺席，今次係港式奶茶Gelato +開心果醬，係成人版甜品，因為仲加左少少bailey🤌🏻入口好香開心果味，跟住就飲到濃稠嘅奶茶味，仲有雪糕食，一次滿足幾個願望🔮待應仲推介左幾種cocktails同Gin infuse，我覺得Gin infuse真係好岩女仔飲，因為用左水果Gin，一啲都唔會「拿」，清爽易入口。cocktails 試左Old Fashion (有臘腸版）同Expresso Martini，呢啲酒味會重啲，前者就會當場火灸臘腸帶出風味，後者就用清酒set上，儀式感滿滿，中意打卡可以嗌😆Fusion菜要融入唔同文化，以適合嘅烹飪方式呈現味道係有難度嘅，相信設計菜式同處理食材都有心思，而且味道都有驚喜，食物都係水準之上，有幾個signature dishes 都好食，唔怪之得會爆紅啦🤙🏻…查看更多

我一向好鍾意食韓國菜🇰🇷朋友帶我去左位於圓方嘅ANJU ，主打新派韓國菜酒吧風格🍸霓虹燈好有神秘感，夜晚去差唔多滿座，見到唔少上班族來Happy Hour，氣氛幾好🫶🏻建議提前book位。Happy Hour飲品$70起🤭叫咗個Melona Mango Mocktail 同Cucumber Kiwi Surprise🍸真係有Melona 雪條喺杯飲品度，打卡之餘，雪條漸漸溶增加咗層次，青瓜口味亦都好清新，夏日必選！醬油帶子鮑魚新鮮嘅帶子刺身以及鮑魚切片，配上酸辣嘅醬汁，係帶有西式風味嘅刺身前菜，夏天食啲涼涼地又爽口嘅前菜真係好開胃✨蟹肉三文魚子鬆餅勁量級三文魚子，鬆餅好有筋道，有啲似食緊佛卡夏，蟹味濃郁，三文魚子在口中爆開口感好好👍🏻醬烤五花肉呢個五花肉肥瘦均勻，使用了韓國大醬烤製，肉味濃郁，附送醬汁非常香口，以紫蘇葉白生菜包住食，加入大蒜、蔥花等配料，超級好味🙈黑松露和牛拌飯傳統嘅韓式拌飯結合黑松露及和牛，創新得來味道不錯，拌飯好有韓式風味，和牛味道吸引，加入拌飯醬就更加好食💯呢間餐廳性價比幾高，食物都好有水準，Happy Hour飲嘢好抵，下次行圓方會再嚟😆…查看更多

AOAO佔地5,000平方呎，設有室內及室外空間，戶外係酒吧區域好Chill，主打創新西日fusion菜式✨嚟到酒吧梗係要試吓Cocktail，我哋叫咗Crystal同H2O Sour，兩杯味道輕盈易入口，造型精緻。Crystal茉莉花茶香層次分明，H2O Sour酸香醒胃!Akagai鮮甜赤貝刺身包裹京蔥及蘆筍，擺盤精緻，入口爽脆Shredded Celtuce Salad萵筍切幼絲配蘿蔔蓉，浸於鰹魚高湯，加上三文魚籽增添鮮味，口感似蒟蒻麵，味道開胃😆Caramelized Pumpkin招牌必點！南瓜表面被焦糖脆殼包裹，內裡軟糯，加上烘烤過嘅堅果，配搭得恰到好處💯A4 Wagyu Cutlet Charcoal Sando和牛有吉列脆皮，竹炭三文治以及牛肉鮮嫩嘅顏色睇落已經好吸引😍和牛肉質肥美，不愧係招牌菜式之一👍🏻Hairy Crab Butter Udon🦀蟹肉鮮甜配搭彈牙烏冬，而且都好足料，食到啖啖蟹肉，烏冬又夠掛汁，非常推薦！甜品以蜜瓜大福與抹茶芝士蛋糕作結，蜜瓜果香濃郁，抹茶蛋糕保持水準，結束完美嘅一餐!…查看更多

壽喜燒 樹由日藉主廚高橋佳介先生主理，喺尖沙咀附近幾隱世。一入座有杯檸檬菠蘿荔枝無酒精飲品，清清地好開胃🍹✨Sukiyaki Set "Itsuki" $930首先有和牛海膽壽司，用咗Omakase常用嘅浜中小川海膽，肥美鮮甜，入口即化。和牛用炭燒非常特別，帶到肉嘅香味出嚟。櫻花蝦茶碗蒸有薑蓉，暖胃又好味。粟米炸饅頭外皮彈牙，內裏粟米蓉好似玉子燒，甜甜地好食🌽到咗壽喜燒環節，當然唔少得蘭王生雞蛋可以點任何配搭，食材全部由日本直送。第一種肉京都姬牛肉眼油脂厚，入口好滑🥩。之後嘅京都姬西冷牛味比較濃，先澀後香，沾上蛋液，或者同皇帝菜一齊食都好夾。最後有兩塊熊本牛肩，七成熟，甜甜地一咬即化，口感最正！野菜盛有多種日本直送嘅蔬菜，我最鍾意日式腐皮，吸肉汁好香甜。最後有和牛滑蛋飯，灑上法蔥，醬汁好惹味，仲有精選漬物同味增海帶湯，加上甜品北海道牛乳奶凍，食完好滿足🫶🏻…查看更多

每次行朗豪坊都見到呢間餐廳幾旺場，印象中已經開咗好多年，不過重新裝修過後環境更加靚同舒適，所以上星期就揀咗呢間餐廳同媽咪去慶祝母親節😆 精選拼盤🍢呢個拼盤好抵食，有齊春卷、大蝦米紙卷、沙嗲雞串燒、同埋餐牌冇得散叫嘅墨魚圈同炸魚餅😛最鍾意墨魚餅，真係要畀個👍 大大件好彈牙又唔腥，媽咪都話好好食！ 泰式蛋咖喱炒皇帝大蝦🦐隻蝦手掌咁大，咖喱撈埋炒蛋超濃郁，個咖喱真係「好餸飯」，忍唔住想問侍應「唔該加碗白飯啊！」🍚 香芒炒牛柳粒🥭阿媽至愛！加咗甜椒色彩豐富，牛柳粒炒得幾嫩唔韌，同芒果一齊食甜甜哋幾開胃，份量都大，適合多人分享～ 海虎蝦炒金邊粉金邊粉炒得乾身唔油，個味酸甜平衡，雖然隻蝦就冇咖喱嗰隻咁震撼，但都好新鮮彈牙😋 甜品控注意！芒果糯米飯暖笠笠，椰奶香但唔會甜到漏。椰子雪糕🍨 有驚喜，配搭椰子肉、花生同粟米，同椰香好夾，而且為口感增添層次🫶🏻 食泰國嘢梗係要嗌返杯吓夏日飲品，呢度飲品選擇好多，有Cocktail、Mocktail、沙冰、梳打等🍹我哋就試咗椰芒仙跡同菠蘿椰子沙冰，前者味道清爽又唔會太甜，後者飲到有菠蘿茸，夠晒真材實料～ …查看更多

屋企附近左新開咗間東南亞餐廳😆喺Monterey對住將軍澳跨灣大橋嘅位置，Donki行入少少就會見到👀餐廳都幾大，有吧枱亦都有普通枱，裝修Modern，望住海景，仲有露天位置好chill😎竟然有我最鍾意食嘅大蝦柚子沙律😍柚子酸酸甜甜好開胃，用左好多炸蒜同香料，係泰國食到嘅味道🫶🏻跟住叫咗兩個小炒，蟹肉炒飯都幾大份，見到有白色嘅蟹肉，仲加埋一個酸辣汁，撈埋食就好惹味。炒粿條材料豐富，有大蝦有蜆肉，用咗新加坡黑醬油，上到嚟熱辣辣有鑊氣👍🏻芒果糯米飯都似泰國食到嗰啲，啲飯唔會硬，芒果都好甜🥭飲品有cocktail亦都有無酒精飲品，Nanas Paradise & Ribena Lychee都好啱夏天飲，清爽解渴！…查看更多

中環返工食咩好，成日聽朋友講Grill，話呢度嘅串燒好味又抵食，仲提供全日套餐，主食加飲品最平只要$66，推薦泰式串燒配菠蘿炒飯，連飲品先$72，朋友果然冇介紹錯👍🏻青木瓜手撕雞沙律 $69手撕雞份量大，有一樽泰式酸辣汁可以自己加，青木瓜手沙律爽口開胃🤤串燒配菠蘿炒飯 $72串燒有齊牛豬雞三種口，配埋沙嗲醬真係好正，菠蘿炒飯都好香口👍🏻串燒方面，試左白鱔、豬頸肉、大花蝦、魷魚鬚同菠蘿都好推薦✨白鱔肉質厚實，口感爽脆；大花蝦成隻手掌咁大，蝦肉新鮮彈牙。豬頸肉串份量大，搭配泰式醬汁，燒得非常惹味，同樣口味嘅魷魚鬚都一樣咁好食。最后用燒菠蘿清一清個味蕾，菠蘿甜酸爆汁，表面形成焦糖，一定唔好錯過！Grill係中環來講，無論份量定食物質素都唔錯，全日套餐選擇多，價錢實惠，中環返工嘅朋友食午餐又多咗個選擇🥳…查看更多

星期五我朋友話帶我去佢私藏嘅寶藏餐廳，喺中環威靈頓街附近，有落地玻璃窗，環境精緻高雅，最主要晚餐都只不過係$498起，仲要買三送一，大癲！HAMACHI, JAPANESE TURNIP PICKLES, TOMATO VINAIGRETTE油甘魚肉質肥厚，配上微酸橄欖油汁，食落新鮮開胃！JET FRESH OYSTER 2pcs +$88加錢升級法國生蠔，大隻多肉，鮮甜之餘唔會有太重海水腥味，咁易入口應該個個都鍾意😊我哋仲加咗Wine Pairing，呢個階段配咗Ayala香檳，入口順滑，配合足夠氣泡感，完美Kick-start 呢個晚餐。JAPANESE CRAB BRIOCHE, CABBAGE COMPOTE & SRF WAGYU TONGUE, MUSTARD SAUCE +$98呢個crab cake都幾惹味，香味十足，滿滿嘅三文魚子爆開，海鮮感滿滿！和牛牛舌煙韌濃厚，好少可以食到一整塊牛舌，辛辣芥末醬都夾。OX-TAIL & BONE MARROW RISOTTO食法都幾特別，首先上桌整條牛骨髓，然後用匙羹將骨髓精華拌入燉飯，完整保留骨髓香味，燉飯變得濃厚軟滑，滋味十足。呢度配嘅係Chardonnay，切合返海鮮嘅主題。BRAISED ITALIAN SHORT RIB, PICKLES TOMATO, PANCETTA SAUCE呢個價錢嘅套餐仲可以食埋牛扒，真係超值！牛扒份量啱啱好，生熟控制得宜，肥瘦相間口感不錯。GRILLED FRESH SALMON, HOKKAIDO SCALLOP TARTARE, CRAB BEURRE BLANC SAUCE 三文魚皮煎到好脆，油份保存喺魚肉入邊，所以幾香，千祈唔好忽略帶子他他，仲好食呀！最後Wine Pairing 有易入口嘅Cabernet Sauvignon，配合返比較重口味嘅肉類。Dessert Platter🍰一次過滿足你三種願望，芝士蛋糕、奶凍、Tiramisu嘅組合係唔會令人失望，我最鍾意芝士蛋糕，酸忌廉同芝士蛋糕係絕配。喺中環工作咁耐都冇發現呢間餐廳真係我嘅損失，環境咁靚如果節日慶祝都幾唔錯，侍應話呢度仲有間小酒吧，唔食嘢都可以嚟happy hour吓🍷…查看更多

呢排天氣好凍又突然之間想食西班牙菜，book左西環La Paloma。餐廳裝修充滿異國風情，環境好chill，七點開始陸續都多人黎，門口見到原來特別日子仲有音樂、Flamenco等event，希望下次黎會有啦🫢煙燻三文魚配墨西哥酸忌廉及三文魚子🍣一入口係香甜三文魚同三文魚子嘅味道，咬開之後內里的酸忌廉爆開，最後會感覺到辣味，口感層次滿分💯和牛及鵝肝配長法包🥩侍應會即席灸燒和牛，除咗儀式感之外，味道都相當唔錯，和牛同鵝肝加埋竟然都唔油膩，值得一讚👍🏻酥炸忌廉球有兩種口味可以選擇分別係伊比利亞火腿及蘑菇，蘑菇係黑松露口味，表皮酥脆，一切開內餡就爆出，熱辣辣好新鮮啊！慢煮烤乳豬配椰菜仔給蘑菇🐖乳豬皮薄餡靚，而且仲保留到肉汁，椰菜仔經過炙燒處理淋上特製醬汁都好惹味，不愧係招牌名菜之一👍🏻伊比利亞豬肉及野生蘑菇燴飯🥘西班牙燴飯嘅份量真係好大呀，伊比利亞豬肉非常足料，成個飯應該有12吋咁大，3-4個人share都得！而且啱曬我呢啲唔食得海鮮嘅人，冇得嗌西班牙海鮮飯🥲食豬同蘑菇都一樣咁好味😍熱辣辣上桌，豬肉軟淋入味，燴飯軟硬適中，一定要食埋底部嘅飯焦呀！呢間餐廳氣氛真係幾好，好多情侶朋友喺度聚會，正宗西班牙風味唔會令人失望，絕對係西環寶藏餐廳！…查看更多

返工返到好攰，諗住同朋友去放鬆下，見到本來係厚福街嘅燒烤堂搬咗去諾士佛台，朋友就話去食串燒啦。七點嚟到已經見到有幾班人喺度等緊位，入邊滿座，生意好好😮呢度仲有好多限定串燒，都幾吸引！鹽燒三黃雞腿肉🐓分店限定串燒，原隻三黃雞腿，有半個手臂咁長，甜辣口味，非常抵食！焦糖鰻魚芝士玉子燒🥚燒烤堂名物之一，因為好鍾意食鰻魚，直接叫咗兩串，焦糖嘅香味同芝士玉子真係好夾，食完一定好滿足！汁燒煙韌年糕卷豚肉卷包住煙靭嘅日式年糕，咬落去有豬肉汁又有好似麻糬咁嘅口感，都幾特別。欖角粉絲蒜蓉燒蟶子黎得食串燒一定要嗌海鮮，蟶子都幾大個，上面鋪左滿滿蒜蓉同埋粉絲，食落好香蒜蓉味好惹味。秘製燒羊架羊架係用新疆孜然風味燒嘅，冇羶味而且肉質唔錯，值得一試。糖不甩燒芝麻湯圓最期待嘅甜品之一，燒過嘅芝麻湯圓外脆內軟，入邊仲有黑芝麻餡，沾糖不甩粉食真係正!…查看更多

之前都見過朋友去Bohcord慶祝，復古圖書館裝修真係好有特色📚而且飽覽維港景色😍有咩浪漫得過望住維港夜景聽住Live Music，同另一半共享燭光晚餐，當然要去體驗吓啦✨Tasting Menu $1388Royal Daurenki Caviar & Japanese Sea Urchin造型非常別緻，真空低溫烹調嘅扇貝造成卷軸狀，配合魚子醬嘅鹹香和新鮮日本海膽，真係鮮味十足！Scottish Razor Clams & French White Asparagus蟶子造成薄片狀，表面用上魚子同金箔點綴，配搭墨西哥辣椒醬汁同柚子凝膠，非常開胃！Black Truffle & Foie Gras脆皮外殼一咬落去就係入口即溶嘅鵝肝慕絲，配搭幼滑嘅忌廉白汁，絕對感受到鵝肝同松露美味爆發嘅一瞬間，好有驚喜！Seafood Bouillabaisse湯未倒落嚟已經聞到陣陣龍蝦香氣，表面有3.6牛乳打成細緻泡沫，日本蛤蜊肉質厚實，與法式燒虎蝦浸泡在香濃龍蝦湯入邊，好有風味。Fish Maw🐟魚肚經過炙燒，膠質厚實，配搭繡球菌及鮮雞高湯，口感層次豐富。Charcoal Grilled Maine Lobster 🦞 龍蝦肉彈牙鮮甜，龍蝦risotto味道香濃，非常滿足！Red Wood & Charcoal Grilled As Miyazakigyu Beef 🥩 炭火烤宮崎牛，油脂豐富，牛味濃郁，酸忌廉醬配搭得宜，中和咗油膩感👍🏻…查看更多