hot cocoa的个人专页

星期五行完山， 落山醫肚， 朋友的朋友介紹去御麵， 因為唔熟元朗路，睇google 左行右行先揾到， 原來向大坑渠B仔涼粉附近。店子細細， 可能閑日又過左午餐時間，人流一般，靜靜地，抱著一般心情， 冇特別期望！ 一坐下， 店員推介炸雞球， 咁就信佢啦:)! 要了炸雞球酸辣麵。另外， 朋友話佢地豬手出名， 都叫埋！ 仲有叫了炸雞翼，這個一定安全。先來炸雞翼， 一上枱趁熱即食，肉滑皮脆！ 食完先想起未影相， 所以相片只見雞骨再來主角炸雞球酸辣麵， 雞球分開上， 雞球好香，少少鹹香， 有啲似日式唐揚， 雞球中間加了黃薑粉，又多一重香！ 另一驚喜就係個雞皮好脆，一啲都不油膩， 脆薯片咁，但係有雞香味， 連平日不食雞皮的我都食曬！ 超讚。最後，豬手又淋又滑，一啲都唔油膩！幾拾蚊大大碟， 好抵食！ 可能肉類太出色， 酸辣麵反而平凡了。這店有驚喜，好食！ 已經諗定下次再去會叫啤酒或燒酒送炸雞球、雞翼、豬手😎🤣…查看更多

呢間牛頭角的分店超多人， 所以聽到朋友講佢嘅官塘分店因新開比較少人， 便約朋友來試一試。本想試咖啡， 但最後叫了花茶同oat shake, oat shake 同milkshake 味道上其實冇咩分別（可能我分唔到🤣）， 花茶朋友飲， 就不知味道。 食物方面叫了炸魚薯條， 上枱時炸魚外表一點都不似炸魚， 反而似炸雞條🐔🤣，但吃落炸粉薄，魚肉滑，有魚味冇雪味。 比坊間好多cafe炸魚好吃。埋單2杯飲品加一碟主食連加一，大約二百元（唔記得實數） ， 環境食物都中上， 價錢都係一般靚靚咖啡店標價…唔係平， 但尚算市場價格，唯一想講嘅係⋯點解收加一？佢哋order 都要自己描or code, services 都係一般咖啡店。🤷🏻‍♀️總括， 想靜靜地嘆咖啡， 或同朋友、男/女朋友傾下計， 呢個都係好地方。…查看更多

原來諗住早餐唔好食太多， 但一睇到有少出現於早餐的叉燒炒意粉（$32有9折，折左$29）即刻order一出盤⋯嘩！ 好大碟！ 好似叫左個午餐炒粉麵咁嘅份量！ 對我來說味道鹹甜適中，意粉量足，配料如叉燒同菜嘅份量都多，只係略嫌叉燒唔算炒得好熱。總括食得好滿足！呢個food court. 飲品係要向另一店買。 做法似大食代。 但跟餐有優惠價。我叫左凍奶茶， 都係大大杯（凍奶茶跟餐折左$10）日日食向天晉内其中一個商場內， 位置比較隔涉。 都係聽人講先知有個food court. 特地來試下。下次試下另外的店， 有點心， 燒味等。…查看更多

估唔到咁大塊雞扒， 又有隻蛋， 腸仔，粟米粒，丹麥多士好豐富！ 雞肉有汁， 又香口，蛋又大份！係多士我覺得一般！ 總括來說抵食環境乾淨！ 膠板標題搞笑，幽默價錢$45 凍飲加$3…查看更多

這家開在街市内牛什粉麵店， 已開了二、三年。 本不太起眼，環境有點髒， 但他們的牛什、牛腩麵真的好味。比美以前官塘巴士總站旁的牛什粉麵店（官塘長大的朋友一定知！） 牛腩牛什入味， 連湯也很好喝。 麵上枱時，湯仍是熱騰騰，我一定先喝一口， 試一下味， 再加醋及辣油，湯的美味更出， 令人想喝清。（注意喝太多湯後，會有點口喝。）價錢也不貴，$29 一碗。其他食品，我試過魚旦雲吞， 真的不什了了，客人大多叫牛腩，牛什。還有其他豬手，丸類，鮮墨魚鬚等，一般粉麵店有都有，實而不華小店。我由$24、5， 吃到現在$29。 希望不要加價太快過$30。又平又好吃牛腩麵，真的買少見少。可能士地問題， 以前大街小巷隨處可見的雲吞麵店、牛什粉麵店。現在大多是連銷店或舊區或偏僻地點才有。香港真的很難容納小店。…查看更多

好想食好味芋圓！ 海記聞名紫薯芋圓西米露， 今天路過馬上試。其實紫薯、芋圓、西米露分開食也好味， 但放在一起， 有點多了，過了甜。可能太大期待， 芋圓不是想像中好吃。 紫薯很香，西米水凖中。整體來說， 價錢不貴， 種類也多，算中規中舉的糖水店。 下次路過也會食。…查看更多

每次經過都會買生煎包， 店細， 只門口放幾張櫈， 因為唔想企向街食、每次我都買外賣返家吃， 起碼1小時才回到家食， 包已由熱轉暖。 但依然好味， 一咬便爆汁， 要小心吃， 以免一身汁。 …查看更多

饃包北方食品， 聽得多， 但未有機會試，今日咁啱見到佐敦有間食店主打這包， 馬上試！早餐下午茶餐都是同一餐牌， 叫了饃包加杯熱奶茶。 包應是即叫即製， 因為等了差不多15分鐘！ 用紙袋袋著上枱， 上手熱辣辣，一口咬下， 濃濃蒜香，肉香料味重， 食左都唔知豬定牛定雞 開頭一二口， 不慣這味， 食食下， 又覺得不錯，味濃濃， 新鮮熱騰騰包， 始終是好味！ …查看更多

年初四時突然好想食芋圓， 走去上次吃過的小方塘吃西米露芋圓， 可惜沒上次好吃:(西米露太水，芋圓有點淡味同不太Q(唔彈牙），沒有上次水準， 有點失望。 唔知係咪過年人多或師傅放假啩…查看更多

鵝頸橋街市熟食市場， 午餐時不時食，早餐反而第一次試， 叫了雞翼公仔麵加奶茶。$26， 算抵吃。奶茶一般茶餐廳水準，反而雞翼麵有驚喜， 麵是普通，但雞翼大隻， 一碗有3隻， 上枱時雞翼還熱辣辣， 小心燙口， 雖然放在湯麵上， 但食時還脆。 很多餐廳雞翼都是返炸或一早炸定，又凍又乾。一早有鮮炸大隻雞翼，少有！ 惟一彈，雞翼不大入味，中間淡味，好彩外脆有肉汁救回評分！如起得早， 會再食。…查看更多

位置有點山旮旯但食物細緻， 看出每碟都有用心想， 有heart 煮。 好像圖龍脷柳帶子意粉，魚柳卷著帶子煎，賣相好，亦看出心思。春雞醃得入味，煎得香口。伴碟薯餅非急凍，是一絲絲刨絲再加芝士煎。伴菜也不欺塲！午餐湯及曲奇都是水準之作。可能位置偏僻點， 人不算多， 可靜靜地享受。 整體來說價錢合理有水準！…查看更多

深水埗有好多好吃又有特色小吃店，走來走去還是想吃口水雞酸辣粉。很久沒來傷心，什麼都不用想， 來一客口水雞酸辣粉， 不是不好吃， 還是水準中， 只是沒以前驚喜，不知道是否坊間太多四川麵店水準也不錯， 還是記憶比味覺強。下次再到深水埗要試下其他小店…查看更多

2016最後午餐， 到油麻地這間街坊茶記， 午餐2 - 鹵水豬腩豆腐鹵蛋飯，附上例湯及茶， 凍飲加$2。一上台伍花腩，肥肥的有光澤。豆腐及蛋用眼看都好入味。 多汁好送飯。 跟表面一樣入味， 好食。 肥肉平日不敢多吃， 年尾就放縱自己， 男人的浪漫， 麻甩一餐。…查看更多

這兩天天氣回冷， 合時食蛇叫了套餐: 蛇羹&糯米飯蛇羹足料，蛇肉多， 中碗也很大碗（套餐有分大、中、小)，不小家，吃得滿足！臘味糯米飯，糯米多臘味小細細碗，似配角，用作充飽肚～整體來說，冬天食蛇羹很好…查看更多

某日行完山， 朋友介紹去這家樓上cafe, 雖然地點方便， 但工廈cafe, 不是街坊或區內上班， 未必知。有幾款Set lunch 可揀， 通常cafe 店多是提供西式料理，出奇地餐牌內有一個中式排骨菜飯（尚有其他扒或意粉可揀）， 所以叫試下。除主菜， 有跟湯及飲品， 飲品可選任何飲品牌上， 非常好。排骨菜飯， 上碟精緻， 份品不小， 排骨入味鬆化， 菜飯不油不膩。比好多上海店好。（有些上海店的菜飯很油呢～怕～）湯是栗米湯， 以為會是罐頭湯， 一喝⋯⋯好多粟米粒粒， 甜甜香香。最後，order 了Latte 算有水準。食物出色， 不是快餐，來吃要有心理準備，起碼等10至15分鐘主菜才上枱， 這裹裝潢走簡約風， 地方大是個很好閑hea 地方，價錢合理，這個餐不用一百元。整體來說很悠閒滿足一餐。…查看更多