BePhoebe的个人专页

上星期OT 完好肚餓突然想飲夜茶， 醒起下午經過尖沙咀有間新開點心館見佢話收夜晚10:00, 咁就同老公兩個走去試下. 入到點心館格局都寬敞舒服， 地方乾淨。佢地係用點心紙入單， 款式種類都好多選擇， 除左點心， 有有粥同魚蛋粉麵食， 好多元化喎。不過我今次主要想飲夜茶， 所以都係叫點心食。 點心紙上同鋪頭都有寫係米之蓮師傅主理， 點心全部即叫即蒸， 咁就要點d 特別d.蝦餃同燒賣就必食啦， 份量好好2粒一籠， 我可以食多幾款唔同點心⭐️⭐️⭐️⭐️⭐️ 小籠包⭐️⭐️⭐️⭐️雪茄海鮮炸春卷⭐️⭐️⭐️⭐️⭐️鳳爪排骨蒸籠仔飯 ⭐️⭐️⭐️⭐️⭐️足料花膠燉湯⭐️⭐️⭐️⭐️本身仲好想食流沙包， 但已經好飽了想提下個白桃茶好香， 唔一定要飲傳統香片傳統香片普洱茶。呢間可以encore ，因為仲有好多點心想食。…查看更多

想搵間浪漫有情調又特式餐廳同老公慶祝週年， 呢度真係滿足到我， 地點係跑馬地， 但就近電車站， 其實都好方便。去到門口裝修已感覺好有格調， 因為係用左黑色石去砌。感覺好高級。入到餐廳， 燈光氣氛恰到好處， 又唔會太暗， 播住柔和音樂。今日我地點左 Set Dinner, $680， 法國餐黎講價錢唔算貴仲算抵食， 當然係因為睇完 Menu 見到相關食材先咁講啦。最吸引係個set 有 帶子， 鮑魚， 花膠… 絕對係另類特式菜。 我想講係佢地出黎效果係出奇地夾。先講下羊肚菌忌廉蘑菇湯， 見到整個擺盤都好靚，原隻羊肚菌伴邊。真係煮好濃味， 質地屬於杰身d, 我本人最鐘意係呢種有少少咬口質地嘅蘑菇湯💕手工黑松露帶子酥💕， 呢道菜我想比⭐️⭐️⭐️⭐️⭐️，個酥皮係師傅每日新鮮整，而個汁係伴帶子邊波特酒煮成， 順帶一提， 麵包係上黑松露帶子酥嘅時候先上餐包， 因為麵包係配呢度菜食嘅。呢道菜整個口感唔會好膩，特別鍾意個帶子本身好鮮味，但黑松露又唔會太搶帶子原有嘅鮮味。慢煮鮮鮑魚伴鮑魚肝醬（加左昆布）鮑魚本身係新鮮游水嘅，再加上慢煮嘅關係，所以鮑魚除左本身鮮味外，口感亦都好好，好軟身。 配咗師傅特製嘅醬汁都唔會搶咗鮑魚本身個鮮味👍👍👍又一期待之一道菜～白花膠伴法式藜麥白汁，師傅將藜麥做咗兩個口感，一個係炸嘅，食落去卜卜脆好得意。白花膠本身係淡味一啲配咗師傅特製呢個藜麥白汁， 又好夾喎👏🏻新派意大利飯（三文魚子/魚籽醬/燒汁鮑魚）新派即係fusion 啦， 食呢個飯係要有淡味至濃味咁食，先食魚子醬，再食燒汁鮑魚，最後先食三文魚子，三文魚子自己本身味道比較濃， 所以食落好鮮.手工鵝肝雪糕，呢個白雪雪雪糕望落去好似豆腐，但食落去口感又好得意，不過建議大啖啲食，咁先可以食出鵝肝感覺。我最初以為食法國菜份量比較少，怕男士會唔夠飽， 點知。。。未食晒個意大利飯都飽喇🤣🤣🤣呢間餐廳絕對會encore👍👍👍…查看更多

NFT 呢幾年好hit , 但好少見以NFT 做主題的餐廳， 而Bored Garden 不但以NFT 裝飾， 佢地仲有NFT 相關產品， 鐘意NFT 朋友可以去啊。Bored Garden 係主要食 Burger🍔 同 Hotdog 🌭的， 我今次我2人分別點左soft shell crab cheese burger🍔 (軟殼蟹牛肉漢堡)$118另+$18配埋小食單骨雞翼仲有埋可樂， 同Chill con Came Hotdog(美式辣肉醬熱狗） $69， 同樣+$18加配埋小食薯條同可樂。軟殼蟹炸得好脆又唔會好乾， 味道不錯呀， 唯一唔好， 太巨， 女士們好難一啖食到🍔😂而美式辣肉醬熱狗🌭️， 我覺得味道不錯， 正常。另外係 menu 上我見到有2款係特別嘅， 芫荽芝心牛肉漢堡 ( 鍾意食芫荽的朋友可以點啊）同特大原條鰻魚熱狗。…查看更多

今次破格新嘗試喎， 不論裝修同環境都係好舒服， 店舖位於甲級寫字樓內， 係附近返工的朋友仔們又多個地方搵食呀。今日 week end, 專登遠離人多地方， 想放鬆心情食返個靚tea. 一黎到睇到 menu， 真係特別喎， Tsui Wah 但食韓國野Korea Food 喎。 入到去坐低裝修好靚， 仲有室外坐添。靠窗位置好休閒好舒服呀。我點左溫泉蛋牛肉石鍋飯， 熱辣辣上枱👍🏻蒜片辣椒橄欖油大蝦炒扁意粉， 不會太辣☺️小食我點左K Pop 炸雞🍗， 黑松露薯條🍟特飲柚子檸檬梳打， 本身想點雪耳人蔘雞燉湯，不過今日冇， 呢個留返下次再黎食啦。整體食物都不錯㗎， 環境真係一流…查看更多

最緊做野真係Chur 到爆， 日日Non Stop由朝Chur 到收工， 所以今日好想放工搵個舒服環境食餐好仲要方便泊車， 所以決定係Elements 到搵食， 平時好少上天台個層， 原來有咁多餐廳， 仲有outdoor 位， 環境好正，不過咁熱一定坐餐廳入面啦。我睇到JOIA menu 好吸引， 價錢又合理， 環境又舒適， 我因為即興無 book 位， walk in, 仲要剛剛有最後一張枱。本身入去前好想試佢Signature 冷盤海鮮， 但今日無呀。 店員推薦左個熱盤海觧比我地， 我另外仲點左香煎加拿大豬扒伴薯蓉， 一份芝士沙律。先講下個芝士沙律， 擺盤已好靚， 初初諗住咁大球芝士會漏左d, 點知佢配左唔同顏色蕃茄仔又好fresh, 好夾好好味， 好快就清碟。跟住到左最驚喜的香煎加拿大豬扒伴薯蓉， 首先要讚一下餐廳， 職員好細心， 係我點餐時問我豬扒要唔要切埋， 太好了， 今我雙手攰到一個點呀。 已切豬扒都唔會影響左靚靚擺碟。 一入口， 我同Honey 已讚讚讚， 外面香脆， 入面肉質勁juicy , 重要又滑又重豬味， 真心推介， 因為呢個豬扒真係要Encore.最後上埋個海鮮熱盤， 雖然係意大利菜， 但餐廳食物份量唔會太細碟， 我地叫左沙律， 豬扒同海鮮， 2人份量我覺得係剛剛好。海鮮盤最驚喜係🐙同🐟， 粗size🐙好多時出去食都係會好硬，會多數overcooked, 但呢個🐙係好”林” 好Juicy的。 另外個魚件煎得好香口，脆皮無骨👍🏻👍🏻👍🏻…查看更多

推介呀！！！如果你都鍾意食餃子😂😂本身我都好鐘意食🥟餃子，成日聽到有人話太子嗰邊有間好好食， 仲要有好多款式選擇嘅餃子店， 成日限聚， 限堂食， cut 堂食， 今日終於可以黎食， 因為我想食佢地個🥟煎餃子， 所以好想係堂食。今次我同朋友二人點左4款餃子🥟， 2款湯餃子🥟，白菜🥬🥟鮮肉餃香菇鮮肉餃， 2款係煎餃子🥟， 椰菜鮮肉餃芝士🧀粟米🌽鮮肉餃。原先係好想叫西洋菜鮮肉餃子㗎，但係到我時已賣晒🥺⭐️食湯餃子可以配埋佢個辣菜脯豆瓣醬同埋辣椒醬⭐️個湯餃真係超正個湯底好甜我自己比較鍾意嗰個香菇鮮肉餃因為好鮮味，本身佢哋啲餃子個皮都好薄， 但唔會博到穿適中，所以做湯餃見到粒粒都脹卜卜皮薄餡靚，食湯搞仲可以加埋佢個辣菜譜同埋有個豆瓣醬仲有辣椒醬🥟🥟🥟🥟🥟🥟另外煎餃我估唔到咁驚喜兩個都好好食,芝士粟米鮮肉餃簡直係好似食緊流心餃咁樣😋👍🏻👍🏻👍🏻煎椰菜餃仲會有好多肉汁喺裏面食落好Juicy好好味仲點左三隻蜜餞雞翼，另外仲有個涼拌海蜇。最緊要當然係點佢哋自家製嘅飲品啦點左柑桔蜜同菊花蜜，其實本身好想飲青檸蜜，但係去到嘅時候已經賣晒，真係要下次請早。…查看更多

很差的一次經歷😤😤😤😤😤😤之前在屯門店都遇過不好的經歷， 不過原本覺得只是那個店員的問題，所以看到新款蛋糕還是想試， 怎知道今次遇到更糟糕的。不是蛋糕有問題或不好吃， 主要是員工態度及貴公司服務上有待改進， 其實客人唔會明白點解想訂購catalog 上的款式不是每天都可以訂， 或要就你們返貨日子或這店會不會可以返新鮮水果的。TST店就是不可每天都返新鮮水果， 所以基本上如果你訂的日子沒有水果貨返， 又想食有生果的蛋糕就不用在這店訂蛋糕。我訂蛋糕是同朋友慶祝生日用， 但店員可以叫客人轉日子， 因為個日無貨返👎🏻👎🏻👎🏻…查看更多

第一，不是蛋糕🎂有什麼問題或不好吃， 蛋糕🎂味道是好的。😤😤😤😤😤😤😤😤😤😤😤😤😤😤😤主要是員工服務態度有待改進， 其實客人唔會明白點解想訂購catalog 上的款式都會有咁多問題...不是每天都可以訂， 或要就你們返貨日子或這店會不會可以返新鮮水果的。Vcity 店就是不可返新鮮水果🍓🍓🍓， 所以在屯門取貨就一定要在屯市店取蛋糕。👎🏻👎🏻👎🏻👎🏻👎🏻…查看更多

又係去大埔搵食嘅時間，最近真係成日都黎依頭搵嘢食，今次唔想食啲打邊爐嗰啲咁Heavy, 所以呢我哋搵咗間串燒黎食， 呢一間串燒呢就係日式嘅串燒店， 所以呢都唔止淨係食串燒仲有魚生食。魚生方面都有拼盤架佢有個極上刺身拼盤$398同埋小町刺身拼盤$198極上刺身拼盤$398廣島蠔紋甲墨魚帶子紅蝦海膽三文魚小町刺身拼盤 $198三文魚帶子北寄貝甜蝦海膽因為我兩個人食啊，所以呢我食唔到個極上刺身囉。。。留返下一次先點。我今次點左個小丁刺身拼盤。另外我見到佢個餐牌有個餸"一夜干" 見到個名好特別所以我就問店員，其實係咩黎原來佢一條魚， 於是我就點左嚟食 , yummy 呢！好好食㗎。黎食串燒梗係要拉返個串燒拼盤啦。。。喺呢度分咗兩個，一個就係豚之拼盤$298， 另一個set 係 串燒拼盤$138串燒拼盤$138, 抵食2人前呀👍🏻👍🏻豬五花腩菠蘿香菇雞翼海蝦翠玉瓜餐廳自家製嚟有兩種調味粉配串燒食㗎，一種係香草檸檬另外一個係麻辣。等下次叫多啲朋友嚟, 咁我就可以食埋另外果兩款拼盤啊！…查看更多

最近大家都注重多左健康， 所以我同朋友仔約好左， 每一個月會食一次至兩次素菜， 所以我地都會上openrice 搵不同的素菜餐廳。 今次搵到位於太子的素菜餐廳， 因為食材係素食的關係， 4 人份可以叫到6樣餸食，唔會好似食肉咁唔可以點咁多款式。主菜我地點左酸辣湯例牌 🔥好味⭐️⭐️⭐️⭐️如果鍾意食辣嘅朋友絕對啱齋滷味小份⭐️⭐️⭐️味道好正常咕嚕素肉⭐️⭐️⭐️⭐️⭐️高評價， 味道好似🐖， 好鬆脆又唔會係厚粉漿椒鹽海鮮菇⭐️⭐️⭐️⭐️⭐️原來炸菇可以好好食， 上碟賣相好靚， 好似椒鹽🦑干炒羅漢齋⭐️⭐️⭐️ 不錯西蘭花野菌枝竹 ⭐️⭐️⭐️⭐️ 雖然呢味餸本身都係素菜無咩特別咁， 但西蘭花有處理過， 無草青味👍🏻甜品：即撞豆腐花 ( 小碗）🥰🥰🥰我大愛， 好滑好想講小店絕對良心同顧客人感受的， 樣樣餸出到嚟都熱辣辣㗎。👍🏻👍🏻👍🏻…查看更多

因為疫情關係， 真係少左好多出街食飯， 所以難得同老公出去食撐枱腳， 一定要做下功課， 搵間有好 Comment 的餐廳啦。今晚食 Sensu, 因為見人話佢出名係平食A5 🇯🇵🐮和牛， set Menu $198 就食到 日本🇯🇵🐮A5和牛喎😍淨係呢點都已經好吸引啦🤣我點左個snack combo set, 再加黑松露炸薯條🍟， 絕對啱女仔， 擺盤真係好靚， 好吸引呀！內有三文魚子配海膽， 和牛mini 🍔, 沙律🥗， 青瓜三文魚， 炸物， 枝豆等等。。。跟snack combo set 有埋杯芒果士多啤梨冷泡茶已 full 了， 如果唔係都想外賣飲埋呢杯 Earl Grey Milk Tea呀 - 見佢Sensu Signature - Best takeaway choice 😍呢間我要encore 呀！…查看更多

今次朋友比左個難題我， 要我搵間又好食又抵食嘅任食打邊爐， 仲要九龍區呀。。。講真，真係有d 難度， 因為好食又點會係平呢？突然諗起之前係屯門食過一間可以滿足到呢個要求， 個湯底係足料花膠雞湯黎㗎。係 openrice search 後發現佢地有分店係旺角添呀， Good Fit, 即 Book 啦！我地牛魔王黎， 所以叫左個特級安格斯牛肉任食， 都只係$248, 特級安格斯牛肉同黑毛豚肉片都係任食， 仲有餐前小食， 海鮮併盤 , 火鍋配料任食至甜品都跟埋， 汽水任飲。 湯底可以選濃厚花膠雞湯鍋 / 招牌麻辣花膠雞煲。我地6人可以有兩個湯底濃厚花膠雞湯煲特濃花生沙嗲鍋懷舊餐前小食炸燒賣同炸魚旦 (本人超鐘意食👍🏻👍🏻👍🏻）時令海鮮併盤火鍋配料任食---> 我地叫左好多唔同款式， 樣樣都好新鮮， 而家年青人喜歡食嘅都有得食， 好多特式丸，女士們喜歡食蔬菜都有好多種類選擇。懷舊甜品 -->涼粉可樂/雪碧/忌廉任飲推介度： ⭐️⭐️⭐️⭐️⭐️…查看更多

光是聽個名好像好舊式的餐館， 但其實裝修好靚， 環境仲好舒服。menu 上都有好幾款特式食物好想點, 但基於今餐是兩個人的關係， 只能點3款吧， 唔想浪費食物。小食個名好好～ 零油感蝦多士， 見到要即點， 因為好似無咁肥嘛⭐️⭐️⭐️⭐️⭐️要推介， 真係無油感， 好鬆脆可口主食 no. 1⭐️⭐️⭐️⭐️鐵板爵肉牛柳 ~~ 今次先食呢個先， 有水準， 唔錯喎Vs鐵板澳洲黑毛和牛牛肋條肉 ~~ 下次要食主食 no.2祥仔脆脆豬扒飯汁同脆豬係分開上的碟的， 我想講個豬堅脆而不油， 口感唔會係厚粉漿個種， 皮簿鬆脆， ⭐️⭐️⭐️⭐️⭐️推介兩人黎講呢個份量已 好 full, 因為都唔算細份。…查看更多

好掛住韓國的🐮韓牛， 諗起都流口水呀。咁無得飛去韓國食🐮韓牛都要係香港搵間有質素先食， 呢間我之前有食過覺得都不錯的， 估唔到今次食有驚喜🤩。之後我係散叫， 逐碟逐碟叫。。。今次我叫set, 韓牛併盤套餐$888 (🐮韓牛肉眼， 🐮牛肉脊🐮牛里脊， 紫菜波波飯同 2個飲品）, 雖然話係2人份， 但個set 份量好夠， 3個女仔食都無問題， 夠晒呀。三款牛都各有不同口感， 但重點都係韓牛得式， 好重牛味又 Juicy... 就算唔小心烤得過左火都唔會咬唔到， 佢都係外脆內Juicy.🤩 我真係好鐘意食紫菜波波飯， 呢度加左調味， 唔係就咁白飯做 波波形加d 紫菜就算， 所以好好食👏🏻👏🏻👏🏻。 另外我仲點左🐷豬五花腩， 一碟有三大件， 厚厚的， 材料好好， 🐷豬好有豬味， 調味真係讚呀！味道剛剛好。 kimchi 同前菜， 🥬生菜（ 可包肉食） 都係free refill 的…查看更多

今日入咗元朗辦年貨，行吓行吓見到呢一間冠環球老店， 感覺好似澳門大三巴個嗰啲咁樣有啲花生糖啊，豬肉乾嗰啲， 咁我就行咗埋去睇下，見到啲齋雞粒啱啱炒起， 好香呀， $160/磅， 最少買$20, 我就買左$20 食， 另外就見到我鍾意食嘅花生脆糖， 店員話可以比我試吓食啱食先買，啲花生糖好脆， 又唔會太甜， 另外仲有d 傳統小食， 油角啦炸芋蝦啦， 笑口棗， 糖蓮子糖冬瓜.我本身都好鐘意食豬肉乾， 所以都買左兩款,果汁味豬肉乾同埋豬肉金錢甫， 呢兩款都屬於比較"林"身嘅， 另外佢都仲有啲豬肉紙同埋啲豬肉薄脆咁樣嘅。俾錢嘅時候， 老闆同我講就話已經係傳到第三代啦， 佢哋家族生意嚟嘅， 伯爺早係194幾年開店到而家， 到佢個仔已經第三代。返到屋企開封， 油角糸正呀， 鬆化又唔會太甜， 兩款花生糖， 我鐘意黑芝麻個款多d, 好好好脆。 豬肉乾， 一開食唔停口呀。我買左2款花生糖（花生脆糖， 黑芝麻花生脆糖）好好好鐘意食油角仔 ( 包得好靚）豬肉金錢甫…查看更多