港澳冠環球食脯專家有限公司

今日入咗元朗辦年貨，行吓行吓見到呢一間冠環球老店， 感覺好似澳門大三巴個嗰啲咁樣有啲花生糖啊，豬肉乾嗰啲， 咁我就行咗埋去睇下，見到啲齋雞粒啱啱炒起， 好香呀， $160/磅， 最少買$20, 我就買左$20 食， 另外就見到我鍾意食嘅花生脆糖， 店員話可以比我試吓食啱食先買，啲花生糖好脆， 又唔會太甜， 另外仲有d 傳統小食， 油角啦炸芋蝦啦， 笑口棗， 糖蓮子糖冬瓜.

我本身都好鐘意食豬肉乾， 所以都買左兩款
,果汁味豬肉乾同埋豬肉金錢甫， 呢兩款都屬於比較"林"身嘅， 另外佢都仲有啲豬肉紙同埋啲豬肉薄脆咁樣嘅。


俾錢嘅時候， 老闆同我講就話已經係傳到第三代啦， 佢哋家族生意嚟嘅， 伯爺早係194幾年開店到而家， 到佢個仔已經第三代。

返到屋企開封， 油角糸正呀， 鬆化又唔會太甜， 兩款花生糖， 我鐘意黑芝麻個款多d, 好好好脆。 豬肉乾， 一開食唔停口呀。

1

我買左2款花生糖（花生脆糖， 黑芝麻花生脆糖）好好好鐘意食

油角仔 ( 包得好靚）
豬肉金錢甫