Rchlee的个人专页

今日中午12點半到店，叫左食物，cappuccino和抹茶 latte。 Cappuccino來到時已經不太熱，飲左兩啖之後，隔左一陣後成杯變咗水汪汪，同女收銀員投訴，佢同負責沖咖啡男店員講，跟住你眼望我眼，冲咖啡男店員話係奶泡，係正常，跟住不了了之。我跟住冇再飲落去，比番店員。店員們嘅處理和服務態度真係不感恭為，莫非呢啲就係‘好客之道’！離開前去左廁所一轉，一個男女共用廁所，坐廁廁板成塊差唔多甩咗，更離譜係左邊坐廁放了兩枝洗廁所棍，右邊更緊貼一個冇蓋着的坑圾桶，衞生情況慘不忍睹，令人失望！…查看更多

今日大約1點10分左右去到店外賣買麵包，排第二個等候員工招呼，當時有2個收銀台，1個收緊錢，另1個冇開服務。突然1個年青男服務員走到冇開個個收銀台，叫排我后面個外國客人去走前，問佢要買乜嘢。呢個突然舉動，我即時向另1個收銀男服務員投訴，我話想知點解會咁，佢話會今日遲啲同那個年青男服務員講番有乜唔啱。我跟住話想即時同駐店經理講，男服務員話經理KC忙緊整pizza, 我堅持話要同經理講時發情況，男服務員吞吞吐吐同經理講，經理離遠問我要講什麼，我話關於投訴，經理面露不耐煩話過左lunch時間之後再來找佢講，態度非常不禮貌。當我準備走時，還清楚聽到經理同1 個男服務員講快啲叫我走，唔好阻住做生意，呢啲服務態度真係「香港好客之道」呀🤬 離開時遇到1個年青客人話呢個經理一向態度好差，啲服務員真係好慘呀！…查看更多

今晚星期三，不是太多人客。點了2位最貴Omakase, 餐廳還送了1隻龍蝦刺身，但發覺食材大多沒有什麼鮮味，尤其師傅講係西澳龍蝦，真係嚇親，完全冇味！個鮑魚熟食更加了wasabi汁，真係好難食！食個和牛粒時，負責師傅更不知所踪，要另1個師傅走來介紹，真係差勁👎🏻 同師傅反映食材冇乜鮮味，佢就話唔好意思，剛換了供應商！最後個魚湯更有大量古月粉味！呢間供應Omakase日本餐廳真係一大伏店，慘不忍睹😵🤬…查看更多

估不到第一篇食評是寫投訴😤今日因為趕時間，剛剛12點半第一次幫襯左Cafe Paradise買外賣，問過經理個海鮮飯會有蝦，蜆，魷魚，最後叫左一個和紅酒牛肋肉意粉，但足足等左20+分鐘才拿到😏 番到屋企一開個海鮮飯，發覺啲配料少得可憐，只得魷魚條和咖菇，真係貨不對辦👎🏻👎🏻👎🏻，個牛肋肉又好乾難食，午市特價飯盒真係呃人時間和金錢，以后都唔會再幫襯呢間食店💩💩💩…查看更多