天然酵母麵包店

今日大約1點10分左右去到店外賣買麵包，排第二個等候員工招呼，當時有2個收銀台，1個收緊錢，另1個冇開服務。突然1個年青男服務員走到冇開個個收銀台，叫排我后面個外國客人去走前，問佢要買乜嘢。呢個突然舉動，我即時向另1個收銀男服務員投訴，我話想知點解會咁，佢話會今日遲啲同那個年青男服務員講番有乜唔啱。我跟住話想即時同駐店經理講，男服務員話經理KC忙緊整pizza, 我堅持話要同經理講時發情況，男服務員吞吞吐吐同經理講，經理離遠問我要講什麼，我話關於投訴，經理面露不耐煩話過左lunch時間之後再來找佢講，態度非常不禮貌。當我準備走時，還清楚聽到經理同1 個男服務員講快啲叫我走，唔好阻住做生意，呢啲服務態度真係「香港好客之道」呀🤬 離開時遇到1個年青客人話呢個經理一向態度好差，啲服務員真係好慘呀！