greatofray的个人专页

荃灣西本來就係日本壽司兵家必爭之地。今日小弟行完城門水塘山消耗大量體力需要高級食材維持生命。新開張關係，拎籌時間6點半大概要到8點左右先有位，已經好過同級壽司店快First of all, 藍鰭吞拿魚拼盤係必食的，性價比係最高。藍鰭吞拿魚都具體表現應有水準。加上壽司係用赤醋，口感會比較濕，相對唔需要點太多豉油。記得豉油係有兩種，一隻甜一隻鹹要睇清楚。Wasabi 都係現磨，呢個係好特別安排，鮮味辣度係好難得。另外，大力推薦帆立貝、吞拿魚他他。翻食指數高。可惜海膽賣晒冇機會試，熟食比例比較少。其次燒三文腩都大條肥仔，油感十足，適合配酒飲。…查看更多

今日收工之後，約咗老婆嚟到銅鑼灣搵嘢食，經過見到呢間冰室招牌大大隻字，成日經過但未試過，又突然心癢癢想食下鐵板餐豪少少就入咗去試吓，果然有驚喜。首先我哋兩個人叫咗番招牌石鍋鮑魚蝦球炒飯、鐵板龍蝦拼牛柳，仲有蒜蓉牛油煙肉焗青口，嘢飲就試下叫咗鮮檸熱情果梳打打開一下個胃口。第一時間黎個餐湯就正正常常白湯，牛油煙肉焗青口嘅份量亦不錯，啲蒜香味都好濃。萬眾期待既龍蝦拼牛柳終於都出現，先唔講味道，個份量原來已經好夠兩個人食，牛扒又超厚，龍蝦方面亦都中水上平，賣相擺出黎的確唔錯，份量真係非常足，所以最後勁飽。另外，而石鍋鮑魚蝦球炒飯，炒飯底都粒粒乾身，海鮮配搭都好豐富，最緊要係石鍋果種鑊氣夠足。亦都由於份量真係唔少，我都要為老婆奉獻更多胃納出黎食晒佢地! 總結來講，平時想去銅鑼灣搵港式冰室食下扒、炒飯，呢間既食物質素唔錯，抵食夾大件可以回頭會再嚟幫襯果種。…查看更多

尖沙咀一向都係香港美食一大集中地，今日搜尋到一間偏向法式既年輕餐廳叫Amitie，我估法文即係友情咁解，唔知又可唔可以解做手足呢? 哈哈。言歸正傳，講下間餐廳。門口裝潢都係充滿年輕氣息既感覺，係一家有heart既餐廳。另外因應疫情關係，座位都有設置透明隔板，即使係兩人檯都會有。主菜方面，我地叫左個晚市套餐同另一份 dish : 餐係法國鴨肝意大利飯伴陳醋, 另外既係脆炸軟殼蟹+牛油果漢堡拼蕃薯條。 前菜先俾左牛角包同埋sourdough我地，仲有另外餐仲會跟埋吞拿魚他他+香燈沙律醒一醒胃。法國鴨肝意大利飯伴陳醋都中規中矩，其中鴨肝都有一定厚度，份料十足，擺盤都相當有心思! 有脆炸軟殼蟹+牛油果漢堡拼蕃薯條就完全冇欺場，超厚身漢堡之外，牛油果新鮮又夠多! (自己本身好鍾意食牛油果!) 薯條都係新鮮炸起熱辣辣。總括黎講餐飯味道、材料都係中上之選，環境可以再浪漫d有進步空間。例如光線暗少少、檯墊用高檔d同播下好soft既歌咁。…查看更多

今次同老婆一齊去難得完屯門之後，就入黎元朗搵一啲好食嘅西餐。之前都食咗位於元朗既都係街頭傳統小食甜品為主。今次我哋就去試吓一間叫做chef stage kitchen嘅餐廳之前喺荃灣曾經食過一次海鮮晚餐非常難忘所以今次想試多一次睇下會係咩味道，雖然位置上要多小小心機去搵。 今次我哋叫咗一個精選午餐，一份美國雞胸伴芝士焗薯仔及烤雜菜配松露燒汁，另外一份簡單既卡邦尼長通粉。套餐佢有前菜有個牛角包係好好食再加多一個沙律同埋紅菜頭忌廉湯個配搭都非常之充足，已經值得俾相機食先! 主菜嘅雞胸果然冇令我失望！塊雞扒大大塊而重點精華估唔到係佢本身個汁，味道都調較得非常平衡而且將個菜升華左！ 另外我老婆帶咗一個卡邦尼長通粉賣相相當唔錯而且材料都好充足可以食到勁飽！絕對對得住佢個價錢。最後我哋叫咗杯cappuccino係同玫瑰伯爵奶茶，睇得出就算佢地野食做到好精，有拉花有shortbread cookie，飲品方面都唔會馬虎。最後結束呢一個大西北尋味嘅旅程，真係估唔到今次入元朗會食到上環返工果種中高檔餐廳既享受感覺，每份菜同飲品出黎都係忍唔住影張相。…查看更多

平時小弟都會同老婆出沒市區油尖旺比較多，而原本今日既我地應該已經飛左日本。疫情底下我地都改變吃喝玩樂既策略，改為多D留港消費食食玩玩。今次難得入到屯門黃金海岸享受一個美好既下午，然後到市區覓食，搵到呢間有和牛燒肉既炻石燒。首先門面同裝修方面，都十分有心機同埋係年輕既感覺，門內門外既掛飾都值得大家細心欣賞。大大隻「炻」字遠睇都好清楚見到係一間食燒肉既餐廳。店內外餐牌都清楚知道推介乜野餐，全日板燒就會係小弟最注意到而想食既菜單，價錢都合理之中。由於思鄉關係，日本和牛會係我第一飛佛而另一半就叫封門柳(雖然唔知係乜地方但好似好厲害)。個套餐入面仲會包埋小吃一碟，不過我就揀追加封門柳，事後證明我呢個決定係冇錯。上菜前，職員都小心翼翼點火著爐，然後牛肉、飯、湯徐徐奉上。日本和牛都係我想像之中既味道，睇到雪花果下已經知道個油脂感會係相當豐富。驚喜既係封門柳既質感都相當唔錯，肉味濃而軟香。最後忍唔住SEARCH下原來佢係牛橫隔膜肌肉，每隻牛只有一條，所以好值得去試。下次入屯門新墟，可以再食支持飲食圈。…查看更多

今次同老婆一齊去荃灣搵一啲好食嘅西餐。之前都食咗幾間位於荃灣西嘅今次我哋去預約愉景新城試吓一間叫做chef stage kitchen嘅餐廳之前喺元朗曾經食過一次非常難忘所以今次想試多一次睇下會係咩味道。今次我哋叫咗一個精選二人餐，+68蚊有一個生蠔海鮮拼盤，所有嘢都新鮮過出面好多自助餐。套餐仲有top blade 牛扒+波斯頓龍蝦餐，佢有前菜有個餐包係好好食再加多一個鮮果沙律同埋南瓜忌廉湯個配置都非常之滿足。主菜嘅牛扒果然冇令我失望！塊牛扒係格紋同封煎得非常好而且又多汁滿足左個對一個牛扒最高嘅要求既我。再加上佢嘅薯條係非常新鮮炸起同埋夠長！仲未計嗰隻龍蝦係非常之新鮮一一啲都唔會乾爭爭！另外我老婆帶咗一個海膽墨魚帶子意大利飯賣相相當唔錯而且海膽係非常新鮮冇晒腥味，帶子亦都大大粒完全係佢嘅最喜愛菜式！最後我哋叫咗杯特飲叫Snow white係同青紅蘋果一齊做嘅沙冰特飲去結束呢一個好味嘅旅程。…查看更多

最近出街都頭痛去邊度比較方便，尤其地鐵開門時間都唔多穩定既情況下，我同老婆都prefer去d 比較近屋企既區食下好嘢。今次去咗熊貓酒店樓下既一間日式炸雞店叫鳥元。個裝修都比較causal少少，有d高凳比客坐下可以傾下計食下雞，仲有個插電為比我呢d唔帶尿袋既懶人帶來安全感。今次食嘢就叫咗d 睇落好食既餐。一個係和風牛肉飯+炸雞+汽水，份量同味道都合理，重點炸雞都熱辣辣所以都ok滿意。另外鰻魚飯+炸雞既組合都係水準之中，一樣炸雞係重點。除此之外，我地都手痕叫咗個一字雞翼，都係新鮮炸起，所以建議大家可以先食咗炸雞後食其他嘢咁樣就唔會miss最佳時間。總括黎講，地點算就腳，價位平易近人，好適合街坊或者學生黎食個飽。…查看更多

今天跟老婆一起去尖沙咀玩，這次我們特意找了一家日本特色餐廳聽說幾好吃的然後我們在那邊休息一下就找到了。 由於我地比較早到所以唔洗等好耐，好彩係因為不久之後有勁多人入坐。 每次去日本餐廳，當然不能錯過一定要叫魚生, 燒物和炸物。 首先叫了個日式大虎蝦，超級大的給你確認後即時燒給你吃, 好新鮮。 然後都整齊上台，外脆多汁非常不錯。 重點出場啦。 黑門壽司套餐，重點中重點海膽好出味新鮮又正，吞拿魚蓉沒有挑剔地方, 蟹膏拌飯更是無敵的存在, 大愛! 整體而言屬於高質素。 第二重點系磯燒榮螺帶子。 開始就已經是新鮮熱騰騰，入口想起了之前在東京吃過的磯燒餐廳水準一樣高! 另外是一個鰻魚日式捲蛋, 想不到兩者契合度可以這麼高, 口感特別印象深刻。 最後明太子炒飯賣相同味道都係超越價錢，老婆都吃得津津有味。…查看更多

今天跟老婆一起去黃大仙玩，這次我們特意找了一家日本特色餐廳聽說幾好吃的然後我們在那邊休息一下就找到了。由於我地比較早到所以唔洗等好耐，好彩係因為不久之後有勁多人入坐。每次去日本餐廳，當然不能錯過一定要叫魚生或者炸物。首先前菜叫了個溫泉玉子牛油果沙律，超級大大兜一個人食都覺得飽😂。然後千回火鳥雞翼3隻都炸到熱辣辣上檯，外脆多汁非常不錯。重點出場啦。海膽三色井，重點中重點海膽好出味新鮮又正，帶子大大件沒有挑剔地方。整體而言屬於高質素。第二重點係白咖哩烏冬。開始就見到似一碗大雪糕，原來真面目係一個忌廉咖哩烏冬，而且又滑又綿又有咖哩口味，烏冬本身都彈牙爽口。口感特別印象深刻。最後綠茶甜品賣相同味道都係超越價錢，老婆都吃得津津有味。…查看更多

平時九龍灣返工放工都食勻晒周圍餐廳，今次收工約左好同事去淘大食下好野。呢間釜飯我之前都有留意開張冇幾耐，見到門口有一個人在派傳單那個人著住一個熊仔頭，所以今次心思思不如試下。之前都完全冇concept 釜飯係乜野，去到試下就叫左金魂、鹽燒牛舌飯同埋大愛既黑松露卷蛋。金魂一上檯已經覺得幾特別有條超級尾骨插左係度。我本人最怕魚比較多骨，尤其細骨，不過好好呢個鰻魚都冇乜骨所以食得好放心，而且味道都幾唔錯，燒汗夠味道。另外同事叫左個牛舌飯都睇落好唔錯，由於釜飯係有熱力保持在個鐵底，所以入面飯邊都有少少飯焦有種煲仔飯感覺，呢樣都幾深刻。最後係個卷蛋，次次去日本餐廳都會想叫，今次黑松露卷蛋都冇令我失望，總括呢講呢餐都算不俗。…查看更多

今次又同老婆大人走圍搵地方睇下好有乜好野食而個條件係想氣氛比較舒服但又唔洗飲酒清吧。最後揀左呢個旺角既Go Dutch cafe試下。上到去見到個門口燈飾都覺得幾靚，隨手都影左一張snapshot。不過服務有待進步等左一段時間先有人招呼。呢度餐牌都係大路意粉同risotto, 我地決定叫自家製芝士煙肉長通粉，另外見到個Go dutch摩天輪都幾得意所以叫左一個睇下。自家製長通粉都中規中矩，由於個汁比較濃，我估一個男仔或者兩個女仔都可以食到好飽。另外個摩天輪就真係幾有驚喜，賣相不錯之餘又可以打下卡。上面有大部分炸物例如薯角、春卷都炸到熱辣辣出爐！另外入面隻雞翼係必食推介，又脆又多汁好岩一班朋友一齊share食。…查看更多

本月就係小編生日，老婆大人亦知道小編係海鮮怪同埋生蠔達人，又要任食先滿足到多方條件。經過精密嘅計算終於搵到呢間燒魂一做今次生日飯嘅重點重重點。見到個刺身就率先測試下水準，可能到步時間較早上菜時間都好快，標準新鮮味道。另外胃納要留俾重重點既係即燒生蠔，呢款生蠔係我食咁多次燒生蠔入面最大隻！而且職員姐姐都好細心講解點樣燒先熟要少少投巧，如果唔係就係漏汁爆殻，個漏斗就係咁用！於是乎就食左大概五六隻，食埋隻新鮮大蝦，要再留返個胃俾燒肉。燒肉方面都好多元化，雞牛豬尤其醬醃果幾款都幾有驚喜，創意方面都拍得住日/韓燒肉。而且每次份量都好適中，方便我地可以叫多幾款燒肉食。總括黎講，餐廳坐位舒服、上菜快、新鮮呢幾樣野都令個質素對得住個價位。…查看更多

話說今日同朋友終於完成左個課程同考試，難得黎到銅鑼灣附近就想食下日本野慶祝下而時間當時已經8點幾，又想搵性價比好既地方！終於能夠附合三個條件既就係黃金廣場大喜屋，所以最後決定入去刷一餐勁既。一坐低當然要叫返一大堆刺身去熱下身，三文魚、北寄貝、甜蝦、帶子呢幾個核心既內圍是必須的，最神奇原來有松葉蟹腳可以揀，呢個真係放題比較少見而成個魚生餐單好似食酒店自助餐咁樣。上菜見到完全係要開著左個胃，食到停唔到，兩人叫左2-3 round 魚生。另外仲有叫左特色壽司都好吸引，好似黑松露油甘魚、鵝肝帶子都係必食推介。而熟食方面牛柏葉、豉汁炒蜆同埋一口牛都係符合預期。原本以為清酒梅酒係要另外加錢，點知原來都有可以任叫！…查看更多

作為香港人去澳門都係食開官也街果堆餐廳或者食下地道葡國餐廳，今次睇左個網上介紹有一間幾特別既意大利菜，於是膽粗粗去試下。結果出黎我係喜出望外既，個根室海膽帶子risotto可以以驚豔黎形容，因為個海膽好新鮮之餘同蟹子口感好夾好rich, 呢個價位香港係冇可能食到！另外叫左個墨汁pizza都幾過癮，第一次見黑皮pizza, 味道都係不俗。總結覺得間餐廳係澳門氹仔係有少少驚喜，埋單都係兩百幾，可以擺脫食黎黎去去食酒店自助餐既印象。…查看更多

話說平時去開荃灣都係去荃灣街市、千色果邊食好西，今次有朋友介紹左一間比較隱世既日式餐廳。於是趁有時間，我約左老婆大人去一轉望過究竟！原來位置上係福來邨果邊，由於果區比較靜少少，反而好岩情侶或者三四人過黎舒舒服服坐低浪漫下傾下計，唔洗好似大鴻輝咁逼咁嘈。由於午餐既關係，初見都係提供定食為主，我地睇到餐牌大概可以分為魚生、丼飯同日式咖哩為主，另外都係西式意粉同漢堡包類。既然一場來到梗係叫個最吸引既魚生飯：初見特選海皇蟹刺身丼，而老婆都唔執輸揀左初見壽司拼盤試下。飲完個麵豉湯後驚喜就黎了，佢d擺盤好細心有d似我之前去東京某d高級壽司店。首先講下個壽司拼盤，佢主力有赤身同中拖、海壽同埋蝦，呢4樣大大件己經值回票價，如果個份量可以多一件油甘魚就fit晒！另外我個丼飯都好特別，蟹蓋上面有海膽、吞拿魚溶同蟹膏，另外仲有帶子，我唔捨得撈起所以我決定個別一部分食，咁樣起碼知道食緊乜，尤其個海膽係好鮮甜果隻。…查看更多