Go Dutch Cafe

营业中

休息中

今次又同老婆大人走圍搵地方睇下好有乜好野食而個條件係想氣氛比較舒服但又唔洗飲酒清吧。最後揀左呢個旺角既Go Dutch cafe試下。上到去見到個門口燈飾都覺得幾靚，隨手都影左一張snapshot。不過服務有待進步等左一段時間先有人招呼。呢度餐牌都係大路意粉同risotto, 我地決定叫自家製芝士煙肉長通粉，另外見到個Go dutch摩天輪都幾得意所以叫左一個睇下。自家製長通粉都中規中矩，由於個汁比較濃，我估一個男仔或者兩個女仔都可以食到好飽。另外個摩天輪就真係幾有驚喜，賣相不錯之餘又可以打下卡。上面有大部分炸物例如薯角、春卷都炸到熱辣辣出爐！另外入面隻雞翼係必食推介，又脆又多汁好岩一班朋友一齊share食。