晶瑩的个人专页

姐姐同我補祝生日,所以早2天已經打電話來訂位兼訂菜,朋友已經來過2次,終結她的心得,我點了以下菜式 :)茶美豬烏冬 ~ 我同姐姐都覺得超好味,茶美豬肥瘦好均勻好香豬味,烹煮得啱啱好食落無渣,烏冬彈牙湯底夠香,係必食之選 重量級雙層鰻魚飯 ~ 真係好足料鰻魚好香又多汁,但......若果唔太大食的話,其實叫普通嗰款都已經夠食 姐妹倆都嗜記甜品,所以點了三款甜品,味道由淡至濃 :) 第一款豆腐布甸 ~ 口感超滑米香味濃,雖然我倆食唔出有豆味,但口感實在太好所以下次都會再食 第二款焦糖布甸 ~ 我倆一致認同蛋香味濃焦糖味道剛好,初食有蛋香味然後有焦糖味最後帶有些許甘苦,味道非常好又係必食之選 第三款咖啡啫喱 ~ 極重咖啡味而且啫喱本身沒有落糖的,咖啡啫喱食落苦澀回甘,若平時沒有飲咖啡的話,可能未必接受到這款甜品 …查看更多

這晚約了舊同事Y聚舊,揀了彪哥海鮮菜館,因為菜式多選擇,這裡雖然沒有裝修但格局平實親切,老闆娘及太子仔雖然非常忙碌但也盡力招呼每位顧客,就是這點努力令我繼續來這家庭式酒家食飯的原因之一 :)當然除了感覺親切之外,這裡的菜式選擇亦頗多,不論是得奬菜式、生猛海鮮或家常小菜都一應俱全 蒜茸蒸大蟶子 ~ 新鮮爽甜火候掌握得好好 豉椒炒蜆 ~ 原本叫豉椒炒小蟶子的,可惜這晚已經沽清了所以點了炒蜆,炒蜆香辣惹味一樣咁新鮮 彩蛋百花卷 ~ 每次必叫ga,一片酸薑加一嚿皮蛋再加蝦膠,一啖咬落去溶合ga味道好正 蒜香骨 ~ 整得夠味道亦夠乾生,但咬落一啲都唔un依然好軟熟,廚師功力真係好得 豉汁蒸倉魚 ~ 新鮮好味道 :) 沙薑雞腳 ~ 今次ga沙薑雞腳唔夠入味 :(生磨杏汁~ 我好鍾意杏仁味道所以每次必叫 …查看更多

這天約了好耐無見ga A小姐,平時各有各忙這天難得可以傾吓計,所以揀了紅螞蟻因為坐出面無咁嘈可以靜靜哋傾吓計嘛 :)我點了 ~ 腐竹鮮冬菇、髮絲麵、椰香海鮮辣湯 + 凍檸茶髮絲麵好多地方都無ga,所以我例牌點呢款麵 :)而椰香海鮮辣湯係呢度ga招牌湯每次必點不作他選 這裡沖ga凍檸茶不論味道同色澤都唔錯A小姐每次必叫ga A小姐點了 ~ 炸大腸、米粉、椰香海鮮辣湯 + 凍檸茶呢度ga炸大腸好好味就算無泰式辣醬都一樣咁好味,但記得叫服務員碟另上wor,唔係ga話會放埋落碗麵度,到時就無咁脆啦 另外加錢點了迷仔脆炸多士迷仔脆炸多士返而麻麻哋,係好脆......但食完之口滿口油呢 :(…查看更多

早2日見到盈豐有間甜品店開咗,諗住遲點同友人一齊試食ga,那知今晚我已心血來潮嚟個甜品做晚餐了 合桃湯丸(5粒) $14 ~ 薑湯夠熱湯丸皮做得好煙un,合桃餡唔覺肥膩但合桃味道唔凸出,要讚ga係薑湯飲完之滿口辛辣甜香 自家制豆腐花伴芝麻糊 $20 ~ 自家制豆腐花又滑又熱令人想食多口,芝麻糊甜度口感適中 :) 薑汁蛋白燉鮮奶(熱) $18 ~ 呢款甜品口感好好,可惜薑味蓋過了其他味道,令我食不出蛋白也食不出鮮奶味道 我相信店主係有心做甜品之人,因為在場所見老闆好顧及客人的意見,而且開一間店舖真的不容易,出品亦會有些是特別好有些是平實的,若然肯虛心討教改進的話,我相信已經是成功的一步,期待下次再來的時候這店出品會更上一層樓 :)…查看更多

最初係俾呢度ga裝修吸引,後來係俾呢度ga食物吸引了,而且這裡的服務很好出菜速度亦很快 :)至愛常餐的組合 ~ 因為可以一次過食到呢到ga招牌美食,最啱餵食ga我 鮮油脆豬 ~ 熱辣辣脆卜卜超正 蕃茄薯仔牛腩大抗通 ~ 足料好味道 :)凍咖啡 ~ 必飲凍咖啡又香又滑 …查看更多

昨晚同好友即興想BBQ,不作他想都係嚟鴻興紅番區燒烤場,由屯門市中心坐的士嚟唔使$30 入場費$98/位包1枝水一罐滊水任燒5小時,食物看似選擇不多實情是老闆娘貴精不貴多,因為肉類是老闆娘自家醃製的,味道啱啱好唔會太咸亦無人造色表,真係食得放心而且食物分類乾淨企理 推介 ~ 金沙骨、雞翼、紅腸、魷魚 必食推介 ~ 老闆娘自家製ga蒜茸醬,搽咗嚟整蒜茸麵包真係一流 ( 值得再讚ga係食物新鮮好味之外,地方亦乾淨服務都好好 :)…查看更多

今日天氣極度良好藍天白雲又唔太熱同焗,於是同好友一家去了舊咖啡灣游水,忘了買沙灘席走了去附近士多買,然後便走到這間BBQ店了,這店地方很大又乾淨,燒烤食物全放在雪櫃內,給我們的感覺是ga衛生又乾淨,問了價錢店內的後生仔話今日假期$88,我同友人都認為價錢合理,游完水便到這裡BBQ了 店內後生仔做事極爽快又認真,值得一讚 老闆娘亦勁友善,傾談吓老闆娘有問我們食物質素如何,我同友人異口同聲話好好味,老闆娘就好開心同我哋講,佢話佢頂咗手無幾耐,而店內ga燒烤食品也是佢本人親手醃裝ga,連蒜茸包醬都係自家製,今時今日仲有呢個心真係難得,無怪乎我同友人都覺得食物唔會得個咸字啦 咁ga價錢有咁ga服務同食物質素,我同友人一致認為值得再嚟 :)…查看更多

我哋一行4人為靚女F慶祝生日,選這裡吃飯因為地方大出品唔錯 招牌鮮茄焗豬扒飯 ~ 必試推介 白汁蜆肉焗意粉 ~ 必試推介 紅米滑雞飯 ~ 健康版海南雞飯,醬汁出色 :)即磨熱咖啡 ~ 香濃幼滑 這店焗飯或焗意粉不論賣相同味道都一流,唯份量比較多,若果2個女仔的話,建議叫一個焗ga午餐一個沙律餐一齊食 :)…查看更多

朋友帶我到此晚飯,沿途已坐滿客人,目睹客人多數叫海鮮,我們便跟著叫吧 豉椒炒蟶子 - 蟶子新鮮清甜豉汁惹味,必食推介 金沙蝦 - 蝦夠新鮮金沙份量啱啱好,必食推介 椒鹽九肚魚 - 脆漿薄而惹味,必食推介 什錦滷水變了 石頭窩芥蘭 - 芥蘭勁淋窩底那些還黃色的 我相信每間店都有自己招牌菜,而這店的招牌相信是"海鮮"及"惹味"煮法吧!!!起碼我們叫這三碟海鮮也鮮甜惹味 :)…查看更多

這店裝修時已經期待,因為裝修簡潔光猛,給人衛生乾淨的感覺 :)昨天偕友人一起試食,等了約10分鐘才有位,新開張大久便客似雲來,看樣子出品應該不錯吧 新店來說並不混亂,送餐時間尚算快速,蒸的點心若等10分鐘便有得吃了,服務也不錯會再來呢 :)個人推介 - 至尊鮑魚燒賣、鳳爪排骨飯…查看更多

已不是第一次來御泰坊,喜歡這裡出品穏定有質素,而且坐得極舒適 :)怎知今次叫我有小許失望,雞翼扎肉檬粉扎肉質素差,湯也不夠熱 :(而且服務員比以往懶散,睇到當睇唔到服務態度同以前差得遠呢 …查看更多

二百幾蚊一個套餐,陶源嚟講算低食而且出品一俗個人最欣賞係例湯,用料豐富ga清甜又好味鮑魚燒賣一樣美味鮑汁什錦荷葉飯用料足唔錯返而叉燒腸就麻麻哋,因為唔夠熱影響口感 …查看更多

幫公司去灣仔拎嘢!!!梗係要去潮苑食碗四寶河+炸魚皮+玻璃樽可樂啦 ^ __ ^可惜ga係.....辣椒油無以前咁香咁辣四寶河+炸魚皮水準依舊一樣咁好味…查看更多

這裡坐位寬闊坐得舒適,而且服務仲好好tim,食物水準唔差下次會再嚟 :)優惠套餐可隨意配搭,感覺選擇頗多 優惠套餐 - 素食鮮茄湯底米線+小食併盤(雞絲粉皮+炸蒜香骨+上湯雲吞)+熱玄米茶…查看更多

媽咪指明要食大同伍仁果子月,上個星期日即刻去買,昨日終於試咗啦!!!大同月餅果然好味,雖然係舊式餅家,但出品一點也不油膩而且甜度適中,舊式店來說真是難得 :)4個月餅買了$238.7,比平時雖然貴很多,個人認為一年一次,係物有所值ga 伍仁果子月 - 口感非常好帶點橙皮香味,感覺無咁油膩 蛋黃蓮蓉月 - 蛋黃雖然無起油,但我們志不在此所以只買了單黃帶起少少味,精粹在於這間出品ga蓮蓉,又香又軟又滑仲唔甜tim無得頂ar …查看更多