KarenLeung3995的个人专页

想去點一龍好耐，終於決心經OpenRice 訂位，訂位果然好，去到已有位，而且兩位仲比張大卡位坐，坐得舒服！Oder咗無糖可樂，竟然係一大杯😍！呢到啲掛爈义燒包比一般义燒包細但超好味，蜜汁叉燒好新鮮！翡翠海蝦腸粉，海蝦新鮮皮薄饀靚😋! 灼時菜嘅菜芯好嫰👍🏻👍🏻👍🏻！呢到嘅紅棗北菇蒸雞飯，一放係枱上已香味四溢，紅棗好香好味，紅棗皮竟然不硬，雞好滑嫩又大件，超好味！我哋叫咗兩個甜品，但一早已上枱，下次應叫後上，紅棗杞子桂花小魚兒，其實係桂花糕，但好有心思，整到小魚形狀, 好精緻！生磨芝麻小卷，令人回味，不太甜好好味！其實食店地方不算大，未到食飯時間已坐滿了人，所以訂位係最好，免了輪候時間，亦可以舒舒服服享受美食！…查看更多

王家沙加咗花樣年華四個字，睇落好似貴氣咗，未裝修之前食物普普通通，裝修之後食物品質好咗，但價錢亦都貴咗，裝修得環境幾靚，但可惜啲枱都比較Close! 湯麵水準唔錯，最喜歡食呢度嘅雪菜肉絲湯麵，同埋炸豬扒湯麵，比未裝修之前大碗咗仲好入味，啲炸豬扒仲好淋好好味！但呢度嘅話梅骨，味道就好啦，好有話梅嘅酸酸甜甜味，但係可惜炸到好硬，亦都好少肉得啲骨！饅頭唔錯有煉奶送上！但呢度啲蔬菜得好少選擇，就算餐牌有，但係Order嘅時候又話無，只係有覓菜，太少蔬菜選擇唔點啦！呢度啲凍羅漢果茶，非常之難飲，好似藥水咁嘅味，唔知點解佢仲可以整出嚟賣🙄！餐牌有竹蔗水，仲有龍眼紀子蜜，但叫嚫都話無嘅，只係得好少選擇，汽水就有，啲凍菊花茶完全無菊花味，只係淡淡一杯水！希望餐廳有所改善啦，否則客人就會越來越少㗎啦！…查看更多

經OpenRice上網訂位有8折，原來唔係全單8折，只係A-La-Carte有8折，其他套餐同brunch都無折，但都算有得平！餐廳坐位不多，好細間餐廳，但佈置到好似隻船，碗碟圖案都幾得意！全部職員都係菲律賓人，包括廚師都係菲律賓人，所以以英文為主！星期日假期但客人不多，可能因為係樓上鋪！我哋叫咗一個Lobster Pasta 🍝, 啲汁好好味，但啲龍蝦整得好韌，口感好硬，賣相一啲都唔似龍蝦只係似蝦球！另外叫咗一個 Set Brunch, 有Eggs Benedict, 半生熟雞蛋，味道唔錯，Set Brunch 有甜品 La Plougestel 同埋凍檸檬茶！甜品La Plougestel 好好味，雪糕係紅莓雪糕略帶酸味，如果用其他雪糕會好味啲，可惜冇得選擇！…查看更多

新開張的食肆，地方不算大，主打係食川菜，上海菜同粵菜，午市飲茶點心選擇好少，坐位唔算多，最好預先訂位！用正自己招牌做名嘅蝦餃，金公館鮮蝦餃皇，以為一定有特色同好味，但原來完全令人失望，可能因為啲蝦唔夠新鮮所以落咗好多蒜蓉去遮蓋啲蝦味，味道極奇怪亦好腥，招牌貨一啲都唔好食！懷舊馬拉糕，味道OK但外貌冇乜特色，可能真係好懷舊，唔會好似其他酒樓啲馬拉糕整圓形或者加咗杏仁片係馬拉糕上面！最喜歡就係南瓜肉絲炆米線，原個南瓜蒸熟後再將米線炆好放入去，外觀非常可愛，但因為要蒸熟個南瓜所以等左成半個幾鐘頭先有得食，但味道好好唔錯，只嫌炆米線時落咗太多油！另外鳳爪排骨飯，木桶載著上，有特色夠新意，味道很好！甜品茘枝桂花糕，有荔枝味好好食，但可惜唔係正方形一大件，而係切到好細三個形，份量又少咗！…查看更多

經Open Rice入功德林網頁購買咗上海素食午宴二人套餐卷，原價$396 現售$198, 網上訂購非常方便！好喜歡呢度啲紫菜花生好好味，呢個素食套餐每樣食物份量不算多，但都好飽肚！點心兩款：蒸素餃兩件，煎鍋貼兩件，素餃好清淡，鍋貼唔肥膩，兩様都好味！前菜係上海烤夫拼雞絲粉皮，有花生醬，綠豆同埋少少生菜伴碟，唔錯！主菜有三款，有宮保雞丁，因為我哋唔食辣，所以要求唔要辣改醬爆雞丁，餐廳冇問題，醬爆雞丁一啲都唔辣非常好味，主菜仲有杞子上湯時菜，杞子都多但菜就比較少，如果份量多少少就好啦！最後的主菜係鹹菜肉飯，好清淡好好味！最後甜品係薑茶湯圓每位兩粒，好重薑味非常辣😖，因為太辣所以叫咗可樂飲! 總括嚟講呢個套餐非常抵食同好食，大家有興趣嘅就經Open Rice定講啦！…查看更多

怡東酒店自助餐都算Ok, 但食過好多次A-La-Carte質素好差！雖然每隔一段時間就有新季節性嘅食物推出，今期推出黑松露餐，幾款選擇但我對黑松露冇乜興趣，所以冇揀到! 但其他嘅A-La-Carte就成日都無變，而且唔好食！食過鱈魚，啲汁就過甜，牛腩就好韌，啲汁都係個甜，普通一杯凍檸檬茶都係唔好飲，完全冇茶味，茶餐廳都好飲過佢，西柚汁就苦到死，Pizza又太多芝士，乾炒牛河就一啲火氣都無，Burger啲薯條就好似火柴咁乾, 啲醬又唔好食，星洲炒米裏面啲叉燒就好似一條條絲咁，一塊叉燒都無，啲辣椒醬就炒到一嚿嚿，好難食，海南雞飯啲雞完全冇味，唔新鮮只靠自己點醬汁，啲雞又少，個賣相又唔大體，一個碟仔加幾條菜上👎🏻！每次坐低都唔會主動比水啲客人，要求吓仲要等好耐先有，飮完又唔會再加，牙籤又係叫先攞嚟，員工服務態度極差，一啲都唔似酒店服務！…查看更多

羅麥記一間幾多特色食物嘅餐廳，以前係康怡廣場有分店，但食物好差，現已結束營業！所以一直對呢間餐廳無乜好感，但今次試試，竟然無失望！午市有套餐，有湯有飲品，加20幾元有碟油菜，但碟菜心好硬，份量仲得好少！例湯係木瓜湯，味道都算Ok! 套餐揀了咸蛋蒸肉餅飯，大大隻咸蛋，肉餅都好大碟，唔會好䶢，味道適中！杯凍檸茶好有茶記feel，茶味香濃！套餐就好快到，但三文治就要等比較耐，可能唔係套餐，要另外整，所以等得耐，呢度好奇怪三文治竟然冇得烘底，我叫了餐肉火腿三文治，餐肉同火腿都輕輕煎過，味道很好，唔會係啲好鹹嘅餐肉！餐廳店員好有禮貌，但可惜如果要杯水都要叫先比，環境都算乾淨。我見到一個人嚟午餐嘅客人都唔需要搭枱，一人一張細枱，服務都好好！…查看更多

我哋一個月都有去一兩次西苑食晚飯，啲男經理同部長及待應永遠都係黑口黑面，成日企係熟客張枱傾計，其他唔係熟客就唔理！落單嘅女待應，兩個人食就比四人份量嘅例湯，價錢多咗幾十元，但兩個人確實飲唔晒，每人三碗仲有剩，如果兩個人去，大家落單時一定要講明二人份量嘅例湯，否則落錯Order! 個湯煲邊爛晒都繼續用，好危險！例湯係鱆魚蓮藕湯，好咸好似有落味精！另外南瓜炒黑毛豬，啲油好多，又肥又肥膩，又重味精，完全失晒水準！蒜蓉炒通菜就比較好，酒樓嚟講算大碟，通菜都新鮮，嫰口唔老！最後有糖水送，有紅豆沙同綠豆沙比我哋揀，我哋揀咗一個紅豆沙一個綠豆沙，個黑口黑面嘅女職員落單嘅時候又聽唔清楚，比咗兩碗綠豆沙，然後就掛住走去啲熟客嗰度傾計，成間酒樓啲職員都係咁樣，仲有呀每次飲完湯都係要我哋自己動手去添湯，其他酒樓點會咁樣㗎，呢間酒樓如果再繼續用呢班員工簡直趕客，希望佢哋有所改善！…查看更多

銅鑼灣希慎廣場滿記又有新主題甜品，今次有可愛嘅Hello Kitty做主角，喜歡Hello Kitty嘅朋友一定唔會錯過！一上到希慎廣場三樓就見到滿記裝修得好靚，有好多Hello Kitty, 門口工作人員會比Menu同聲明每人最低消費要$125元，同埋用餐時間限75分鐘，無問題就可以入去！一入去當然週圍拍照，所有枱同櫈及餐具都印有Hello Kitty！上次也做過Little Twin Star 主題甜品，但上次味道就不太好，有些失望！但今次Hello Kitty甜品就好味好多，賣相都好靚好吸引！我哋order左Hello Kitty香蕉船，有三球雪糕分别係士多啤梨，雲呢拿同芒果，味道唔錯好好！另外叫咗Hello Kitty小巴脆多士，裏面全部都係碎嘅烚蛋，烘得唔會太燶，仲有奇異果同棉花糖伴碟！飲品叫咗雪糕椰汁紅豆冰，紅豆唔算多但味道都唔錯！今次啲食物一啲都冇失望，門口仲有好多紀念品可以買！…查看更多

太古城華昌裝修得唔錯，食物質素比以前進步，餐廳待應好友善！如果晚上6:00幾去食晚餐，仲有大張卡位坐，不用搭枱！今日叫咗义燒油雞肶飯，同油雞飯，菜心，凍檸茶！呢到啲义燒真係好好味，又腍身又唔燶，油雞肶，啖啖肉非常正！油雞飯啲油鷄份量都好多！菜心好軟熟，夠嫰！凍檸茶茶味香濃，好好飲！食物比以前好，真係有進步！👍🏻👍🏻👍🏻👍🏻👍🏻…查看更多

朗豪坊食肆多但太多人，見到八月軒便想飲茶，下午一點半不需等位也有位，我哋兩個人叫做咗义燒包，蝦餃，芝麻卷，車仔腸粉，可樂！义燒包算係最好味，但都比較咸，其他點心好差！蝦餃啲蝦好咸，蝦又唔新鮮，芝麻卷太甜，車仔腸粉好難食，醬落咗超多十分咸，腸粉就似一舊粉粘了好多花生醬同甜醬，因為所有醬上枱前都已落定先，唔係客人自己落，但又落得太多，所以咸到入唔到口，令人口渴, 叫咗罐可樂，要$28！雖然天氣好熱，都唔駛比一杯冰，之前因忘記叫不要冰，待應放下一杯冰，我話不需要，但佢好忙咁話擺係到先啦，之後好耐先拎走！酒樓內好熱，冷氣唔夠，熱到流晒汗😓！總括嚟講，太重口味，食完飲咗好多水都口渴，以前晩飯已去過一次，印象中不錯，可惜越做越差，唔會再幫襯！…查看更多

係太古城Treat裏面見到小甜谷媽媽，新開張真有啲驚喜，睇見Menu影得好吸引，價錢平均四十元一碗甜品，比起其他甜品店貴咗啲，不過睇圖賣相不錯，我就叫咗一碗杏仁芝麻糊試試，要自己用電子板Order, 人不多但都要等好耐先到，再等甜品，職員有三個，但都等十幾分鐘先整好甜品，一睇令人失望，明明圖片係有心型，整到一堆唔知乜出嚟，收得呢個價錢就唔好比啲咁嘅甜品人食，味道好淡，無乜芝麻味，杏仁味全無，大失所望！…查看更多

晚餐揀咗康怡廣場嘅Alfafa，最喜歡呢到嘅日式照燒汁雞扒紅米飯，啲汁甜甜哋有少少酒味好香，塊雞扒都算大塊，味道不錯，仲有西蘭花🥦伴碟，如果再多啲紅米更好！另一個係草菇焗雞肉紅米飯，飯較粘，味道都算Ok! 但呢到啲沙律就不太好，太多沙律醬，仲有沙律旁邊啲蒜蓉包好硬好難食，可否改良一吓呢！凍檸茶就夠晒大杯，味道唔錯，加錢亦可以飮其他特色飲品，水果茶都係非常之好飲，亦好有益！晚餐加＄15就會有甜品，甜品大多數都係蛋糕，仲有心太軟連雪糕！呢間餐廳啲蛋糕非常之好味，仲好有心思，每次碟上面都有自製嘅花紋，有時會用朱古力整啲心心，好味又靚！呢度裝修後坐得好舒服，侍應服務也非常之好！Alfafa 係康怡廣場都係一個非常之好嘅用餐嘅地方！…查看更多

昨天入西貢食海鮮，平時十次九次都係幫襯全記，因為好味，其他通記，洪記都試過！今次朋友話想試其他海鮮菜館，一入到西貢就有大大個招牌擺喺入口，金輝海鮮菜館，基本上我唔想試呢間，因為門面睇落去都唔係咁好，有兩個舖位但面積好細，喺門口已經有職員叫我哋入去另一邊坐，話冷氣好大，又話送汽水又話送湯又話送菜，我朋友好想試呢間咁就入去！一坐落鬼死咁熱，又無門又無膠簾，冷氣都走晒！叫咗＄400幾元嘅套餐，好快就上菜啊，都唔知係咪一早煮定，個湯係送嘅，但係好難飲蕃茄薯仔煲蝦，好鬼鹹唔似湯好似水！第一個餸就係西芹炒帶子，啲西芹好硬，硬到咬唔開，帶子細粒都似蝦米，亦都係好硬，成個餸食唔到！龍蝦伊麵，龍蝦冇龍蝦味，好似咬落一舊粉咁，落咗太多芝士！豉油皇蝦，啲蝦完全唔新鮮，只食到好重味精！海蔘冬菇炒菜，海蔘切到一粒粒，一啲都唔似海蔘，應該係啲好平價嘅海蔘，啲北菇好酸，落咗好多油全部反晒光！另外一碟炒白菜，啲白菜有漂白水味，成碟無食！佢之前話送汽水，問佢嘅時候又話無得送要比錢，我哋叫咗一支，之後計數嘅時候又唔收汽水錢，佢明明話一人送一支，但結果無！呢間酒家好難食，以後唔會再嚟，不知所謂嘅菜館！…查看更多

MX啲早餐炒麵真係好少會炒得好食，一時好多油又多韮菜，今日呢個炒麵好差超咸，就知好重手落咗好老抽！而家已唔落韮菜，只有洋蔥同埋葱！食完咁咸嘅炒麵好口喝，希望啲廚師唔好再咁求求其其，馬馬虎虎煑啲嘢出嚟比客人食！👎🏻👎🏻👎🏻👎🏻👎🏻…查看更多