八月花 (朗豪坊)

营业中

休息中

朗豪坊食肆多但太多人，見到八月軒便想飲茶，下午一點半不需等位也有位，我哋兩個人叫做咗义燒包，蝦餃，芝麻卷，車仔腸粉，可樂！义燒包算係最好味，但都比較咸，其他點心好差！蝦餃啲蝦好咸，蝦又唔新鮮，芝麻卷太甜，車仔腸粉好難食，醬落咗超多十分咸，腸粉就似一舊粉粘了好多花生醬同甜醬，因為所有醬上枱前都已落定先，唔係客人自己落，但又落得太多，所以咸到入唔到口，令人口渴, 叫咗罐可樂，要$28！雖然天氣好熱，都唔駛比一杯冰，之前因忘記叫不要冰，待應放下一杯冰，我話不需要，但佢好忙咁話擺係到先啦，之後好耐先拎走！酒樓內好熱，冷氣唔夠，熱到流晒汗😓！總括嚟講，太重口味，食完飲咗好多水都口渴，以前晩飯已去過一次，印象中不錯，可惜越做越差，唔會再幫襯！