咖啡後座的个人专页

去將軍澳探朋友，順便在將軍澳食晚餐，見到韓式店新麻蒲，就入嚟試吓啦，侍應會問你食烤肉還是點餐，前幾日先食完烤肉，所以就咁點餐食算啦。依間餐廳座位好闊落，卡位好舒服，一般的韓式餐點都有，我叫咗最鍾意食嘅韓式石頭鍋牛肉拌飯牛肉唔算多，但係顏色七彩，一上枱就要快啲撈勻，如果唔係好快癡底，熱辣辣，飯都算鬆軟，略嫌個醬汁唔夠辣。再試下呢個韓式海鮮薄餅，材料都幾豐富，鮮蝦好大隻，好多大蔥，個醬汁幾惹味，酸酸辣辣。仲有依個芝士年糕撈拉麵，韓式拉麵，煙煙銀銀，芝士不夠多，但係芝士味好香好濃，口感好豐富。雖然冇嗌炸雞，但係都要做返是啤酒，真係好嘆。這間的口味很正宗，在韓國的分店也是no1 ，都值得一試…查看更多

天氣涼左少少，又係時候想打邊爐啦，今日同朋友去尖沙咀行街，就順便黎食依度嘅雞煲火鍋，因為食咗幾次，對依度的手打墨魚丸念念不忘😂我們6點就入座啦，時間尚早，都已經有兩台客人食緊，一坐低就點左重慶辣雞煲，中辣。食得辣的可以試吓大辣，依度的重慶辣味道不錯，隻雞好入味，打邊爐的時候加幾次水都唔會話變到好淡。兩個人食半隻雞，其實唔夠喉，所以在點了一份安格斯肥牛，牛肉食水好鮮紅，價錢二百幾，所以質素都有返咁上下。到我最鍾意食的手打四寶丸，全人手打的蝦丸，牛丸，墨魚丸，黑墨丸。夾起的時間軟綿綿的，放落湯煮好時變到好爽口彈牙，自己最鐘意黑墨丸，食落好甘香的墨魚味。依間火鍋店鋪面唔算大，但係裝修幾大方簡潔，好啱三五知己吹水食飯，食物質素都比較高，價錢中等啦，但係都值得再去…查看更多

很多次經過朗豪城的I cremeria，今日終於見到冇人等位，不用排隊，第一時間就同閨蜜來個少女心💓下午茶。最鍾意依度嘅環境好開陽，全部白色雲石枱，非常適合打給影相💓我是抹茶控，所以完全不用想，就這個吧🤤Japanese Matcha Roll Tea Set $128日本宇治抹茶海綿卷輕食好精緻，完全符合晒我港女打卡要求，托盤都有花紋，好高級☺️Tea set包括有自選雪糕及飲品，抹茶海綿卷、紅豆、 白玉丸子、蜜餞栗子🌰雖然百幾蚊，但是都覺得超值。我叫咗抺茶雪糕🍦味道口感好濃郁，同埋好滑，抺茶味重，會有少少甘味🤤而丸子煙煙韌韌，綠茶配紅豆不嬲都係絕配 一啖綠茶一啖紅豆蛋糕一樣出色，抺茶卷不會太甜，軟綿綿的口感，不錯👍飲品點了意義泡沫咖啡，香濃的咖啡面層有細滑的泡沫，咖啡口感醇香。食了甜品真的會比較開心，滿滿的幸福感💓…查看更多

收工和同事搵個地方想舒舒服服放鬆下，上網搵到這間唔錯，又有live band ，又歐美風，一於黎試下。裝修好型格，座位好鬆動，近窗邊卡位可以飽覽旺角街景。以扒餐為主，2人餐大概$698起。由於不是太餓，所以散叫了。傳統凱撒沙律份量適中，加$50可有煙三文魚或者火腿，我們沒有加。另外主菜加$50有餐湯有蒜味包有甜品 湯和蒜蓉包會一早上台，而甜品，侍應會得你食完，主動幫你上台，好細心。餐湯非常Creamy，口感好濃郁，蒜蓉包係做到外脆內軟，好香的牛油蒜蓉味。挪威三文魚柳煎得唔錯，不會太乾身，魚片勁脆，魚肉連牛油果檸檬醬，令到魚肉勁鮮甜。碳燒美國安格斯西冷牛扒有12oz,手掌甘大，見到牛排燒到網紋狀，碟邊有燒汁可以點，還有粗鹽，牛排重牛味，唔會太韌，不錯👍另外happy happy Stella Artois啤酒買一送一，正啊，當然要飲返杯。最後上甜品啦，奶凍，擺盤都好有心思。總結呢間餐廳真係唔錯，食材高質，價錢中等，侍應有服務，最重要環境好正，可以好relax。…查看更多

終於都可以食泰國菜啦，去完曼谷旅行一直心思思，剛好今天尖沙咀行街見到新泰東南亞餐廳，門口接待員係泰國人，就衝左入去。間餐會的裝潢完全是泰國風，侍應又係泰國人，真係完全好似返咗曼谷咁樣。睇吓有咩食先，餐牌圖片好吸引，價位中等，不算太貴，見到隔離枱菜式份量都大。先叫左泰式肉碎生菜包，肉碎酸酸辣辣非常開胃，而且上碟嘅生菜好新鮮，加埋一齊就一個一個咁食個唔停。生菜包嘅份量都好足大約有10塊生菜左右，鍾意食生菜包嘅朋友仔可以試吓!冬陰公雞煲，湯底辣味唔係好重，但係成碗湯就非常香，飲落口感同埋層次都非常豐富。而佢與別不同地方就係比坊間嘅冬陰公甜少少，因為用了鮮雞熬製，更加可以能夠帶出到雞肉鮮甜味。食泰國菜又點少得，熱辣辣上枱，條魚真係好大條，兩個人差點吃不完，魚肉好鮮甜，配埋香料甜酸醬一流👍最後加多個馬拉盞炒通菜，好友鑊氣，食得出一粒粒蝦米，好多料，夠曬味。食泰菜都要嘆番杯啤酒成餐飯勁滿足，一大杯ashahi 啤酒好似$68，係貴左少少，但是環境服務食物質素搭夠👍整體來講食物的質素非常之唔錯，中等價位，食物質素有保證，兩個人加埋都係食咗6百左右，可以講係CP值極高，推介鍾意食泰國菜嘅朋友仔去試吓！…查看更多

今日早早收工，和朋友約左銅鑼灣食放題啊我的首選是呢間，早場真係好抵食。極尚本身場地好大，卡位好舒服，自助區有兩邊，一邊有熱食，頭盤，沙律，生果，甜品🍮另一邊有雪糕機，飲品。入座時，每台派一張檯號，上面有QR code，用wechat 掃一掃就可以點菜啦😂😂好似大陸甘先進，其實係好事，因為真係好快，唔使劃完要等人收，再等員工慢慢入機，仲會有時入漏。而家真係唔會漏單，員工又唔使甘多野做，又快又方便。講返野食啦，自助區熱食有好多，刺身鍋物燒烤就要落單。次次都食，呢間燒雞翼真係好食，皮脆肉嫩焗蠔，蠔都幾大隻，沒有雪藏味燒鰻魚都必食👍又厚又肥壽司卷物，魚子脆卜卜，用料都高質燒鯖魚👍火喉剛剛好雞燉湯，見到人地叫我地又叫，有4，5件冬菇，好足料燒翠玉瓜，爽脆，次次都食天婦羅🍤，日本蕃薯仔好好食，炸蝦，炸南瓜甜品必食，我一人食甘多，雖未到酒店水準，但真係唔差，牛奶布甸好滑，重奶味，不太甜，不錯。下次食放題都會選極尚，抵食👍…查看更多

難得一家人食飯，我專登揀了一間特色的台灣菜，上網見到評價不錯。啱晒我們啦，鍾意食點心有得食小菜又得。依間餐廳樓底較高，大概有10幾張枱，坐得比較舒適，枱面有點心紙，一坐低我們就揀了幾樣點心，叫了幾樣小菜，等食。大概10分鐘左右，即叫即蒸的點心就上台了。燒賣好大粒，每粒燒賣都有兩隻大蝦，燒賣裏面全是瘦肉，沒有多餘的肥膏，好有懷舊燒賣的味道。叉燒腸粉，皮薄餡靚，煙煙韌韌，實屬一流的布拉腸。必點小籠包，大隻又多汁，皮薄但不易穿， 沾少少醋，味道更加吊出來。雜菌餃子，這款點心有驚喜，菌味非常香，食落甘香可口，媽媽最like。小菜點了我們最愛的台式滷肉，每一舊都是五花腩，入口即溶，滷水汁做得非常好，煲底是豆腐，豆腐索晒 滷肉汁，好惹味。送飯一流。台式三拼，餐牌有五款小食可以選擇做四拼或者三拼，有鹽水雞，鹽水鴨，鹹蛋點，豬大腸，鴨舌。鹽水雞肉好滑，配料蒜蓉醬，好食，豬大腸爽口彈牙👍另外還點了兩個菜，干扁四季豆和炒A菜，台灣都比較流行食炒A菜，簡單蒜蓉炒已經很出色，干扁四季豆有鑊氣👍之後點了滷肉飯和台式擔擔面，一定要食點澱粉質落肚才覺得滿足。這間台式酒樓等於我來講非常新鮮，因為第一次一邊食點心，一邊食台灣菜，很滿足。…查看更多

台灣菜是百食不厭的，今日晚餐同朋友黎位於女人街這間古早味台灣菜，食咗幾次，水準都不錯👍紅燒牛腩牛筋面紅燒牛肉麵吃台灣菜怎能少? 牛肉滷得非常入味，咬口淋而鬆化，沒有半點痴牙，牛筋位置已經滷至半溶的狀態，火喉控制得洽到好處👍我幾鍾意這裏麵條的口感，偏有彈性，這裏的湯底藥材味偏重，味道不太濃，食完不會口渴。台式滷肉飯台式滷肉飯，沒有想到如此足料，滷肉鋪滿整個飯面，下層的白飯沾滿滷肉汁，送飯絕對一流，這裡的滷品做得十分出色，豬肉半瘦半肥，再吸收滷煮的香料和醬汁，令人不自覺地一口一口去完成整碗飯。蚵仔酥 $48椒鹽炸蚵仔，椒鹽袐方做得幾好 ，很香口，蚵仔都新鮮，如果盡量可以再多啲嘅話就好啦。還點了一個滷水三拼，滷水雞翼，滷水豬大腸，滷水豬肚，滷水雞翼非常入味，雞翼肉質嫩滑，豬大腸都唔錯，豬大腸洗得好乾淨，入口非常甘香，滷水豬肚煙煙韌韌，如果送酒食真係一流‼️五味雞，第一次食五味雞，原來有五種唔同的醬汁點白切雞。一疊大概有四份一隻雞，雞髀位非常多肉，雞肉嫩滑，五款醬都各有特色，除了有一般的蒜蓉，甜醬，還有Wasabi味，沙茶味，辣味，幾特別的。…查看更多

今日一早book定位去食吉壽日本放題，講起食放題就開心，真係勁多嘢食，而且好鍾意依間餐廳坐得好舒服，座位好闊落，我們5:45就到達，食早一轉，價錢平啲。但真的要提早book位，這裏人氣鼎盛， 5:45那一轉也是滿座的。一坐低就急不及待劃紙仔，又有壽司啦刺身啦熱食啦，真係睇到眼都花晒。肥牛鍋，兩個人份量剛剛好，牛肉新鮮壽吉燒汁好好味刺身三文魚帶子都好新鮮，啖啖肉，可惜兩個人叫唔到多還有我最鍾意食嘅天婦羅蝦，蝦肉爽口燒雞翼都好正，雞翼好嫩滑燒鰻魚有驚喜，成條鰻魚燒到好香，啖啖肉咖喱蟹，估唔到有成隻蟹鉗咁多，蟹肉新鮮的，唔會霉。仲有炒雜菜，次次都要食烤蝦卷，壽司絕對拍得上日本餐廳，是高質的還叫了很多，沒有影出來，還有一大半的餐廳位置作自助區，過百款嘢飲，甜品啦，沙律吧，還有碗仔翅，咁嘅價錢，真係平靚正之選👍…查看更多

平時經開APM附近都有留意過這間餐廳，今天終於和朋友觀塘開飯，就來試一試這間餐廳吧，見到網上評價不錯👍我們七點鐘就到了，餐廳幾乎滿座，侍應安排入座，餐廳佈置非常韓風，播放着流行韓國音樂，感覺不錯。睇吓有咩食先，餐牌選擇非常多樣化，由於有選擇困難症，和朋友選了弘大二人精選套餐， $398 ，好似好豐富。等了不久，前菜上來了。三色前菜，有海帶絲，蘿蔔絲和泡菜，令一款是醬油蝦配糖心蛋，手握紫菜飯，原來他是生蝦，醬油生蝦，蝦肉鮮甜，新鮮。沙律三選一，我們選了脆米豬手沙律，沙律份量大，豬手溫溫的，食落咸味適中。之後上菜的是鍋物，我們選了弘大奶奶雞鍋。這款雞鍋有驚喜，韓國粉絲香甜入味，雞肉主要是雞髀位，又五六件，大大件啖啖肉，建議要煮耐小小，因為雞肉啱啱熟，好爽滑。炸雞半份，我們選了芝味炸雞。炸雞是這裏的招牌菜，水準有返咁上下，芝味炸雞上面洒了芝士粉和車打芝士醬，芝士味濃，雞肉也保持多汁。嫩滑。半份的份量有四件，每人兩件，剛剛好。主食部份五選一，我們揀了拉絲芝士BB豬肋骨伴泡菜炒飯。芝士可以拉起，有驚喜，香濃的芝士包住香濃的豬肋骨，一啖芝士一啖飯，口感豐富。食完幾款主食已經很飽，差點忘記了還有甜品。我們揀了炸雪糕拼牛乳奶凍。有驚喜，炸雪糕裏面是雲呢拿味，外面香脆的麵包皮外脆內凍，口感非常吸引， 3.6牛乳奶凍，牛奶味香濃，非常香滑，我最愛☺️還有兩樣飲品可選，這餐飯真的不錯， 加埋一$440 ，兩個人，食物種類非常豐富，而且質量不差，非常抵食👍好岩同朋友聚會😁…查看更多

近排lunch都去食川菜😂呢間川味港又幾岩我口味，Lunch 有客飯，價錢抵之餘，老闆娘仲好好服務。呢度晚市做私房菜，心思思今日搵朋友黎試下。私房菜要預早訂位，等餐廳準備好食材，同朋友準時7點到，好期待這一餐晚飯。私房菜來說，這間的價錢不貴，最緊要好食。好快就上第一道菜，口水雞見到都流口水，因為太肚餓，辣油好香，混合芝麻花生🥜，香而不辣，雞肉份量多，嫩滑，冷盤首選。接著是剁椒蒸魚 ，整條魚上檯，好吸引，剁碎的辣椒鋪滿魚身，好辣的人必試，川菜出名味濃油辣，配埋魚肉鮮甜，好正。接著上菜，老甘媽炒豬潤，豬潤非常爽口，新鮮，份量多，好夠鑊氣，炒到豬潤入曬味。再黎麻辣炒什菜，這道菜算清清地，落單時，大廚會問食辣的程度，可隨意加減。…查看更多

今日難得同朋友相聚，一於食韓燒，我帶朋友黎呢間熨斗達人，之前食過不錯，剛剛6點晚飯時間，不用排隊。今次專程食烤肉，滿足朋友是食肉獸，烤肉套餐有2個，一個是五花腩磚，真是整件磚頭大的五花腩肉，另一個是M5肉眼牛排🥩，好似靚牛比較吸引，點了個牛套餐，$580。侍應送上前菜，有泡菜，青瓜，芽菜，生菜，都是無限添加的。有原塊m5肉眼牛排，牛肋骨，五花腩，雪花牛，豬皮。肉眼牛排是原塊連包裝上台👍肉質鮮紅，新鮮。侍應會主動幫手烤肉，所以可以坐定定等食，呢度抽風設備好好，不會有油煙味。侍應很熟練地將五花腩平鋪在鐵板上，然後用熨斗把用壓着，鎖住水份。然後將整五花腩剪成一件件，排列好，好香的燒肉味，出曬黎，真係好正。咬落去有點香脆的表皮，加小小肥肉甘香，豬肉好嫩口，好滑，真係必點👍點小小燒汁已經好好食。燒牛肋骨，原條牛肋骨要剪開一小件，侍應見我們剪到太大件，幫我們剪細，易熟易食，好新鮮，嫩滑。到M5肉眼，侍應會問你幾成熟，朋友不食生，所以要全熟，看著牛排🥩慢慢變熟，牛油烤到滋滋聲，勁香牛味，包住生菜加埋泡菜一口食落去都好正。而家餐廳有優惠，like Facebook 可以送梳打，原價要40幾一杯，因為同朋友不太好梳打所以沒有點，但見其他食客一人一杯整餐飯的水準都不錯，食材夠新鮮，貴小小食好小小，下次會再黎。…查看更多

今天終於有時間同朋友光臨鐵人旨花，睇返網上的食評，這間鐵人旨花非常吸引，而且一食要食兩至3小時，真係細心嘆一餐飯。和朋友一早book定枱，鐵人旨花的中文意思是鐵板燒和壽司刺身，所以他的餐牌也分為鐵板燒和廚師發板的刺身壽司，我們選擇了刺身，因為實在太愛日本刺身料理。這裏的裝修充滿日本風格，店員和主廚師傅的服務態度亦都令人眼前一亮👍第一道前菜是安康魚肝，蟹肉啫哩，水母刺身，賣相非常吸引，味道由淡到濃，這才是真正享受食材。之後到龍蝦刺身，好期待啊，一大隻生猛的龍蝦放到你面前，真係第一次。之後就睇師傅表演，睇著師傅三兩下手勢，就把龍蝦拆殻起肉，然後擺盤。勁新鮮，就如日本食的一樣，好有水準，又爽又鮮甜的龍蝦肉，很難忘。食完龍蝦，店員收起，很快就到下一樣，北寄貝刺身，池魚刺身，我最愛的北寄貝刺身，這裡是一大塊，成個放入口，口感好正👍到燒物，熱食，南極犬牙，即銀雪魚，但不同品種，入口那油脂是即時融化，太美味，真想食多幾塊。熱食之後到壽司了-白蝦壽司 ，每一條一隻蝦 ，呢度有十幾隻蝦-深海池魚壽司 ，上面是酸汁啫哩 ，玫瑰花辦-火灸青魚壽司，燒到油脂浸出-帆立貝壽司 ，上面是手指青檸，口感 一粒粒青檸-油厚魚邊壽司，最肥美的部分，灸燒完入口融化了，只剩下油脂和飯團，太正了-大拖羅 ，吞拿魚最肥壽司海膽伴飯啊，一口食曬，份量剛剛好剛剛的龍蝦頭用黎煮湯，食完生冷野飲一碗熱湯，中和一下，新鮮就已足夠最後還有甜品，真係大滿足真是很難忘的一餐，雖然不可以日日食，但是有節日要慶祝真係會再黎，這質素真係冇得頂。…查看更多

那天同朋友食飯，朋友帶左我黎食呢間印度菜，整個餐廳環境都很像cafe ，很文青，只是食客多數印度人，才會感覺自己置身印度餐廳。地點很好找，一出電梯就到了當日平日8:00左右，都滿座，人氣不錯，所以我朋友找的餐廳一般都不會伏。安排坐4人台，台面很闊，座位舒服，完全沒有壓迫感，台面有一大一細礦泉水，要收費的，我們開了支細的礦泉水，最後收費$15。就像一般外國餐廳，外國人食飯都會叫支礦泉水。覺得餐牌設計很吸引，我們睇的是中文menu,菜式會標明用什麼材料，照顧到不同文化的客人。Paneer tikka $95中文是印度黏土烤特色奶酪串2種口味烤綠色辣醬和紅色辣醬，2種口味分別不大，印度有獨特自制的香料，我同朋友都覺得不辣，奶酪是印度芝士，長方形像豆腐一樣，口感比豆腐硬一點，味道是淡淡水牛芝士味，奶味不重，所以食落去不會膩，淡淡烤過的表皮，軟綿綿的口感，值得一試。Paneer tikka lababdar $85Masal cheese naan $40這個是奶酪蕃茄瑪薩拉和芝士薄餅蕃茄瑪薩拉里有奶酪粒，不太會叫，同奶酪串相撞了，但是這個蕃茄瑪薩拉很好吃，香濃的奶味，淡芝士，加上大量配料，就甘食都不會太咸，配薄餅就一流，剛剛烤起的薄餅還燙手，里面有融左的芝士，煙韌的口感，不錯成塊浸落醬汁的薄餅朋友叫了杯檸檬梳打$35，有咸，甜，混合，3種口味選擇，朋友點了咸的，就是咸檸檬青檸。另外員工很友善，整體感覺都很新鮮，值得一試。…查看更多

天氣開始轉涼，食慾又回來了，心思思又想食放題，收工去觀塘會朋友，最好就當然係選擇這間，連平日都爆滿，想食之前一定要早啲預訂。這間放題完全是可以再encore，食咗幾次，各樣野都保持水準。而且價錢適中，所以間唔中我都會來放肆吓，食到攬住個肚走。一入門口就已經有個自助區域，有沙律，甜品，前菜，同埋勁多飲品任君選擇。我都比較喜歡食熱盤的，剛剛見到職員把一大盤的四季豆放下來，我即刻攞，肉碎炒四季豆，味道真係唔差，完全可以配白飯食。上面是鼓椒炒蜆，好有鑊氣，但略嫌大蜆有小小沙。食放題一開始當然是要叫刺身，感覺一開始就回本了，厚切三文魚夠肥美，吞拿魚鮮甜，牡丹蝦都夠新鮮。串燒我們點了很多，但掛住食來不及影相，鹽燒大蝦，蝦肉是爽的，簡單好味。依款燒鰻魚很夠味，肥美的鰻魚，一口食晒，香味在口腔裏徘徊。這款是有少少辣炒雜菜，出奇的好味，有驚喜，我們連續點了兩份。牛肉鍋有時必點的，兩人份量非常知足，牛肉在熱湯下慢慢浸熟，嫩口，美國肥牛。燒靖魚又是每次必點，這裏不會因為是放題，而用質素差的食材，這裏的燒魚特別好味，還有燒比目魚，非常香滑多汁。好滿足的晚餐，$248可以食兩小時，時間其實非常充足，值得再來。…查看更多