lithium1019的个人专页

份量細，味唔好食，鳳里肌肉益益地，三色椒好生，好似就咁切完放上碟咁。套餐加18蚊貢丸得兩粒。珍珠奶茶少甜變咗凍水。鹽酥雞稍為正常少少。唔係好飽，不過唔敢再叫其他野食。…查看更多

係openrice見到呢間💥架勢廚房💥選擇好多，價錢又唔貴，即管試試😋有韓式，日式，台式，泰式，川菜，當然唔少得港式。入到去第一個感覺，環境好闊落，啲枱唔會放到密密麻麻👍👍雖然今次係買外賣，但下次有機會都會黎堂食。職員服務態度好好，埋去落單細心介紹午市套餐（我本來想散叫）。佢係類似快餐店形式，先去收銀落單，再等出餐。我最後叫咗3個Lunch Set同埋4款小食😊😊1）去骨海南雞飯 $48 🐔🐔🐔啲雞好滑，油飯好香，而且啲雞份量都唔少午市套餐仲包一罐汽水🥤🥤48蚊真係好抵🤑🤑2） 日式生薑豚肉配溫泉玉子丼 $48 🐷🐷🥚隻溫泉蛋熟度整得剛剛好，撈飯一流🤤🤤啲五花腩肉都肥瘦適中，又唔會鞋豬肉最怕有啲整到好鞋口3個主食中，我最鐘意呢一個，因為佢啲配料撈埋一齊真係好好送飯，好開胃👍👍由其佢真係食到有薑味3） 台式滷味拼盤套餐 $53 🐂🐷🥚（牛肚，豬耳，五花腩，蜂巢豆腐，溏心蛋）53蚊真係無諗過佢啲料會有咁多😆滷得好入味，啲牛肚唔會好難咬，溏心蛋亦都做到應有嘅熟度個黃好靚，不過掛住食唔記得影相☺️☺️啲酸菜同樣好開胃🤰🤰4）韓式泡菜煎餅 $36呢個因為佢入面都幾多原片泡菜，所以都辣唔會淨係食到得啲粉佢仲有個韓式煙肉薯仔煎餅，好似幾特別下次要試😋😋5） 甜甜辣辣年糕杯 $28呢個絕對岩哂喜歡食辣嘅人士，因為都幾辣下😂😂份量又係好多，唔應該叫年糕杯，應該叫年糕碗🤣🤣有信心快啲挑戰下，爆汗之選🥵🥵🥵6）炸地瓜丸 $246粒大大粒，有別於放題地瓜丸size，佢再大粒啲🔍🔍佢冇平時放題食嗰隻地瓜丸咁甜，地瓜味同質感都重返少少🤏🤏外賣攞返屋企都要20分鐘路程， 返到去仲好脆口🥰🥰7） 惹味塔香鹽酥雞 $28鹽酥雞啲鹽酥味好香口🤤🤤唔會炸到啲雞好鞋，仲好juicy炸粉薄，唔會好厚淨係食到炸粉雞大小適中，太大粒容易炸到鞋，太細粒又好似無嘜肉嘅口感，呢個岩岩好👍總括黎講，一班人傾唔掂食咩菜嘅時候，可以黎呢間餐廳試下，因為佢真係好多選擇，黎到總有野岩你🤟🤟價錢又實惠，質素又唔錯👏👏個肚唔爭氣，試唔到多啲野下次除咗要試韓式煙肉薯仔煎餅，仲要試美祿恐龍多士同埋佢啲甜品…查看更多

態度超級惡劣！！！叫咗呢個8人餐平心而論，除咗伊麵其他餸是無咩大問題。 唯獨呢個伊麵，我叫嘅係8人餐，請問呢到幾人份量？得一主隻麵，兩個人食都唔夠啦。而且我食過好多圍餐，無一間圍餐伊麵會有菜，呢到擺明係唔夠麵搵啲菜塞滿隻碟！份量少到咁離譜點可能唔嘈佢！全場無嘜幾個侍應，得一個女經理長期係到，另外有幾個男經理成日唔知走咗去邊，見過露一兩次面，咁唯有搵個個女經理，呢個女經理開頭落單已經唔係好彩人，態度十分惡劣！首先係我地食哂其他餸， 碟伊麵好耐都未嚟，咁就搵呢條女經理問下啦，係到自言自語話廚房冧曬檔。之後黎到碟野少到離譜，搵返佢黎問，竟然話：係咁架啦，廚房係咁出，無話包你8個人架喎。真好笑，唔包我8個人咁你叫咩8人餐？想搵其他經理講，但全場真係得佢一個露面，佢每經過一次我就嘈佢一次，每次都係一副懶理嘅樣，仲話想食多啲咪叫多碟。又話你只係俾咗1388，即係咁嘅份量係好應該。如果你做唔起呢個價嘅，唔該你唔好咁set，set咗唔該你俾返應有嘅野客人！等咗好耐終於有個男經理出現，態度都唔係好，不過就肯補返少少麵黎， 放低個麵嘅時候仲補多句：啲蝦先係主角嘛，麵只係配菜🙄如果你真係唔夠麵可以出聲，唔係是但搵啲菜塞滿隻碟，同返你講仲要一副理所當然嘅樣，當然，你菜單無寫明幾多克麵，但你自己問良心呢到係幾人份量啦！小心呢間X店，餐單寫咗嘅餸，佢俾一舊你都係叫俾咗，你無途徑可以告佢貨不對版！女經理的態度十分惡劣！！！！！另外仲有一個肥大男經理間唔中行過連口罩都唔戴！…查看更多

一大早滿懷希望黎排隊等開門，等咗一個鐘終於開門，開12點遲咗好似5分鐘左右先開門，不過唔緊要，重點係食物嘛！雪糕辣拉麵，$98，誤聽友人話雪糕溶咗個湯唔會好辣，點知辣到飛起，雪糕溶咗同未溶我都只係食到辣味，亦無其他人講話雪糕溶咗有種特別味道。雪糕未溶前咬咗啖，其實支雪糕幾好味，反而放咗落拉麵溶哂我覺得有啲可惜。另外本來以為雪糕係一支，點知係得半支😅 另外令我好困惑嘅係網上話呢支係花生味雪糕定湯底有花生味，我一啲花生味都冇食到 ，總之就係得個辣字。個麵質唔錯，叉燒亦都幾肥美，睇你鐘唔鐘意食肥，佢塊叉燒有一層都幾肥下，我個人黎講幾鐘意佢塊叉燒，燒得幾惹味。雞軟骨捧，$28，無咩特別，比較鐘意食一粒粒嘅雞軟骨。煎餃，$28，呢個煎餃反而煎得幾出色，入面嘅料就無咩特別，一般餃子，但煎得幾好。炸雞，$32，本身無叫，見其他人叫望落幾靚仔，又叫黎試下，因為費事下次試要再排隊🤣 食落有啲失望，炸雞粉好厚，炸皮偏硬，唔係脆口，雞肉唔算滑，不過32蚊可以試一次嘅，一次好了。總括黎講，唔洗排隊都可以再食，要排咁耐就不了，因為真係無咩特別。…查看更多

$25一個粢飯，一啲都唔平，睇返之前啲相好似$22-$23，加價都加得幾狼。 即管睇下食物質素對唔對得住個價錢先！首先去到間鋪十分混亂，門口一堆人，唔知邊到係隊尾。排到去同阿姐落單，落完無收我錢就走咗去。跟住繼續門口等，無耐其他人係到嘈唔知點排隊，唔知點落單，又無人招呼，等咗陣終於有個阿姐得閒幫佢地寫單，佢地叫完野食係即刻俾埋錢，我就問阿姐點解我叫完野食未收我錢，因為我驚其實我張單無落到，阿姐就話落咗單就等等啦... 咁就照等啦，最尾都成功攞到食物然後俾錢，安排極無系統同混亂，人手非常不足。好， 講番食物質素， 個粢飯係好大舊，但大部份都係糯米，料都有，但一般，油炸鬼有啲硬。糯米真是太多了，根本成舊野就係食糯米。食過上環一間粢飯，同樣好飽肚，佢糯米多得黎料都好多，所以每啖咬落去都有米同料，而且包得好實。而呢間係大部份時間都係到食糯米，包得又唔算實，總括黎講，食物質素對唔得住個價錢，試一次就好了😅…查看更多

19-10-2021 慶祝小妹生日，揀咗我鐘意食嘅中東菜餐廳。上網睇話chefs menu抵食啲，又可以試多啲野，所以就叫咗chefs menu，410一位，唔洗加一。準時晚上六時安排入座，餐廳只有安心出行。入座安排坐bar枱，因為我唔鐘意坐高椅，所以問佢可唔可以轉返矮枱，不過佢都建議坐bar枱，因為可以望到廚師整野食，又可以直接同廚師溝通，後尾坐落發覺佢嘅建議係無錯嘅。bar枱視覺🥸🥸第一道菜先黎中東包配乳酪醬，中東包有蒜蓉係面，但我認為唔夠柔軟，比平時食開嘅乾。乳酪粉紅色我唔太鐘意😅😅不過食落無異味嘅，正常乳酪味。第二道菜係茄子，有啲開心果粒，口感豐富，配埋則邊啲醬幾好食，其實第一口食，因為食唔慣啲香料味覺得有啲奇怪，不過食食下又幾好味。第三道菜蒜蓉大蝦，蝦大大隻，肉質結實得黎又爽口，配埋蒜醬汁真係好正，佢個汁整得好出色👍👍第四道菜係西蘭花配芫茜乳酪醬，再加啲炸過嘅菜類似紫菜。 我本身唔食芫荽，但係呢個醬又整到好夾個西蘭花。其實佢啲食材唔算特別，但個廚師就可以整到啲好特別嘅味出黎！第五道菜係羊架，底下有乳酪，其實我見佢好多菜式都會加一pat乳酪係底，我地後尾已經食到好濟，太多乳酪😂😂 呢個羊架熟度剛好， 肉質林，帶有少少蘇味。我諗係我食過整得最好嘅羊架！第六道菜係甜品，唔記得佢講過個名，不過又係好好食，凍燉羊奶feel。 上面有玫瑰花瓣同埋甜脆脆😋😋 一試難忘chefs meun大概係咁，差在唔包飲品，我男朋友叫咗酒，我就無叫飲品。但唔知係咪店員知我生日，送咗杯白酒俾我試，仲送多咗個甜品插住蠟燭，唱住生日歌捧出黎，都幾開心，全部店員都好nice😊😊呢個甜品又係好正，材料又係普普通通，食落就非常之夾，有燒過嘅棉花糖，乳酪， 配士多啤梨同西瓜，出黎味道好fresh。真係好開心呢間餐廳令我試咗咁多新奇同特別嘅味道，雖然價錢唔平，但特別日子試下都ok。同埋我覺得下次可以試返散叫，計過下，都唔覺chefs menu會抵啲。…查看更多

同行9個大人，2個小朋友一早打電話去同職員講，打針人數唔夠，要分6個5個坐，無問題。我話openrice最多揀8人，點book位，職員叫我分兩個人book，另外再幫我mark低兩張訂枱係同一批人。已係電話再三確認，係咪兩張痴埋，因為啲野食要分黎食，傳來傳去，電話中職員都話會mark低。點知10月16日晚上7點去到，完全無留位俾我地，係咁逼我地坐啲隔好遠嘅枱。我問等兩張6人痴埋枱要幾耐，肥女人職員話有排，又話你唔坐就算，後面大把客等緊，態度十分惡劣。(我地坐低無耐已經有兩張6人枱痴埋！！)最後逼咗我地坐8人圓枱，中間有隔板，再額外加張老遠4人枱。即係4個，4個，3個咁坐。是最基本的B類坐法！咁我洗咩揀你間餐廳，揀你就係因為人多，見你係C類先揀你，諗住可以分兩張6個，5個坐。最後都係4，4，3咁坐！職員態度又差，唔明點解book咗位都無位坐。係有人等緊位，但唔該唔好一副唔休做嘅樣，ok?除咗職員服務態度十分惡劣，啲野食都好難食，未食過咁咸嘅擔擔麵！價錢又唔係平，真係不可一不可再！…查看更多

第二次黎呢間餐廳啦，上次食dinner，今次試下lunch叫咗兩個餐，咖哩牛配naan（$57），土耳其烤羊肉捲（$63）先來餐湯，好重胡椒味的白湯，我覺得有啲辣，飲咗半碗俾咗男朋友飲😅咖哩牛啲牛腩好林好入味，咖哩唔辣的，塊naan超大塊，但我食過其他印度餐廳，覺得呢塊naan稍嫌薄咗啲，欠缺口感面積係大，只係中間欠缺層次配埋薯條同沙律菜，份量非常足夠土耳其烤羊肉捲，入面超多肉同配料，羊有啲紅紅地，所以好滑，羊騷味都好正，入面有薄荷醬。呢個捲下次會再叫，對比咖哩牛，我更加鐘意呢個捲，真係好好味👍👍Paratha 印度脆餅 $18上次食評已經講過呢個餅好好食，好食過其他印度餐廳，比起naan，呢個更出色其中一杯餐飲加$18轉咗香蕉棗沙冰，但其實杯野一啲都唔似沙冰😅好足料，成杯都係香蕉味嘅甜，無假甜味。原價$35，lunch加$18就試到，值得一試👍👍下次再試其他食物😋😋…查看更多

突然想食中東菜，但中東菜係香港不嬲都唔平上openrice搵下，就搵到呢間，book位仲有7折餐廳類似係小閣樓，座位唔算多，不過都坐得舒服Hummus wx3 Fala $90 包一塊中東包個包新鮮整起熱辣辣，好好食兜醬好大兜，之後再加多塊包都點唔哂啲醬，額外加一塊包$25醬唔算重味，食過其他中東餐廳，會有多啲款嘅醬選擇，呢到好似得呢款？🤔個3粒炸物，入面包住啲蔬菜，幾好味的Arais $98餡係羊肉，有兩個醬俾你點，其中一個有啲羊奶味，另一個就唔知咩醬，不過夾埋一齊食幾配，羊蘇味正🥰🥰 外皮脆口而不膩👍👍Small Borekas $15/pcs呢個好似叉燒酥嘅物體，有芝士味同薯仔味，薯仔味幾得意，芝士味就太漏，外皮同叉燒酥一樣，不過整體黎講唔太推介呢樣食物，唔算特別好味。飲品叫咗薄荷茶同black coffee 兩樣都係$15，好抵薄荷茶中和返食物嘅油膩感，飲完呢壺再叫多壺，最後發覺係免費添飲（其實係加熱水），張單只係計咗一壺錢。black coffee好有印度風味店主上菜收碟好有禮貌，會用雙手。7折後，埋單$273兩個人，食到飽飽😋😋…查看更多

石鍋米線未試過，一於黎試下！一心諗住試九宮格石鍋米線，點知荷葉飯仲出色😋😋1) 瑤柱蒜蓉海鮮荷葉飯 $65米溝咗冬菇粒同蝦米，好香，落少少豉油吊味仲好食😋😋其他料有扇貝，蟹柳，魷魚圈，鯛魚片，蝦，橙色個堆唔知咩黎，爽口的幾好味。扇貝差啲，個肉離壳，唔知新唔新鮮或者乾唔乾淨🤔 最好味係鯛魚片，爽口嘅魚肉，連本身唔食魚嘅男朋友都鐘意😊😊下次試下其他款嘅荷葉飯先，飯底唔差，配其他料應該都ok嘅，唯一係飯量比較少。2）九宮格石鍋米線 $85有幾款湯底可以揀，我揀咗肉骨茶，幾濃幾好味，車仔面有肉骨茶湯底揀真係好正👍👍食嘅次序先落蔥同芽菜，跟住落料同湯，蓋一分鐘，再落麵，再等30秒左右就可以食啦。你可以自己郁手，職員亦都可以幫你整，特燈黎試更係自己郁手玩下啦！不過金魚記憶，職員講完步驟轉頭已經唔記得，落咗肉炒咗陣都未落湯，啲肉就痴住咗個石鍋😆😆 男朋友呢個時候先話落肉時就要落埋湯啦（講咁多，又唔幫手🤧🤧）呢款石鍋米線岩哂食肉獸，多肉到落咗去之後，都唔知邊款打邊款，不過好滿足，因為本身好鐘意食肉☺☺ 如果本身食車仔麵鐘意食平價料嘅你，都係叫返散叫車仔麵算啦，叫九宮格就可能無咁抵！值得一提嘅係，九宮格嘅材料係放咗係一個大雪櫃，有個阿姐負責個個位。基本上啲料係係雪櫃出出入入，衛生程度好似有啲一般，由其是肉類，咁熱天氣，咁樣出出入入雪櫃，唔知會唔會好易變壞。由於九宮格米線長期都有人叫，個雪櫃都可以算係長期打開。3）蝦膠釀豆卜 $25炸到好脆好好味， 似腐皮卷嗰層皮。呢個真心正👍👍要食最好book定位，我係星期日食lunch，食到1點半左右已經full咗。下次再試其他湯底同其他款嘅荷葉飯😋😋…查看更多

短期內食咗兩餐意粉屋，一向有做開意粉屋會員，今年會員係加咗價。以往500蚊做會員 ，送返700蚊coupon，今年480蚊續會，只係送返500蚊coupon。不過堂食食物質素一向唔差，雅蘭分店職員態度好好，新世紀分店就差啲。呢個牛好鐘意食，叫過好幾次，3成熟鐵板上，熟度剛好😋😋 薯條轉咗扭紋薯條，好食咗，以前係直身個啲薯條。中秋佳節，唔想食咁貴又唔想出去同人逼，就試下order意粉屋嘅party menu，非常抵食。4大兜加一個pizza, 只需$888，pizza唔記得影，同堂食個個一樣，有8件。全部野份量都好多，絕對足夠8人食用。食物pick得非常好，穩陣又保溫👍👍食物質素都好好！叫套餐加158有豬手，埋單過1000，再送150蚊coupon，真係好抵！…查看更多

叫咗A+B+C個set，上網睇$108，去到加咗價$118（另加一）。食物叫對得起個價錢😋。刺身幾新鮮，帶子刺身最好味又鮮甜。玉子壽司唔係平時啲玉子，玉子入面有再加少少料。炸雞好滑，好好食，炸蠔都唔錯👍👍 職員態度都好好😊😊 一間值得支持下的小店😇先來麵豉湯同沙律菜南蠻炸雞同炸蠔，份量比想像中多， 炸雞好食到想食完再叫，不過食完已經好飽😝Set1: A3+B2+C1Set2: A1+B2+C3最後黎埋少少甜品，完滿結束🥰🥰…查看更多

一星期前先寫完一篇好評，因為一個四眼後生女職員，今日要黎寫一篇差評！今次無叫麵，叫咗兩個荷葉飯。因為上次有提及荷葉飯較出色，但可惜今次嘅荷葉飯有啲失望。荷葉飯入面有冬菇粒，蝦米混入，上次叫海鮮荷葉飯，食落好香口，中間亦好多料。今次荷葉飯中間少料咗，無咗個種香，唔知係咪海鮮焗出黎先有個種香味。肉餅同平時個啲包點先生無咩分別。另外叫咗檸檬炸雞，雞比較鞋身，一般般，不過$15係咁上下。重點來了，叫了三串串燒，落單時已多次重覆不要辣，因為我知串燒好鐘意落辣粉，啲辣粉會好辣，而我本身係唔食辣。我話唔要辣嘅時候，個職員仲有俾反應我。點知串燒黎到充滿辣粉，首先黎咗兩串，牛同豬大腸，黎到見到咁多辣粉，即刻叫返落單個職員過黎，問佢呢碟野係咪辣，我食唔到辣，佢竟然答我其實都唔係話咁辣。大佬，一係辣一係唔辣，點樣都唔係咁辣？唔食辣嘅人係一點辣都唔會食到，更何況串燒充滿辣粉？！我無語，當日黎m都無心情同佢嘈！期間水吧一個肥女人聽到，應該係老闆娘，話如果唔辣單會打出黎，我睇返張單真係無打，即係落單個職員問題。老闆娘話唔緊要，可以換返俾我地，但有問題個職員只係攞咗串豬大腸去換，留下辣牛串燒🥲🥲 好彩我男朋友食到少少辣，但佢都食到飲咗好多水，我就掂都無掂過。隔咗陣黎埋第3串羊肉串燒。妖！又係充滿辣粉嘅！係咪玩野？已經多次講唔要辣，點解未黎個串，之後黎到都係辣？！我地已經無再出聲，因為飲食業都唔敢講太多，轉頭係廚房加料就得不償失。最後男朋友默默咁食哂，辛苦哂了😔😔呢串係之後換過唔辣嘅豬大腸，有豬腥味，中間過多肥膏，同埋唔知點解起哂泡咁。其實間鋪其他人無嘜野，係呢個職員真係好有問題，仲同個唔食辣嘅人講都唔係好辣姐😪😪 短期內不會再光顧。…查看更多

Book咗星期日晚7點半兩位，7點左右去到啲位都未full哂。限聚令下，座位安排超逼，兩張二人枱之間嘅位，真係肥少少都過唔到。未食野已經扣哂分，啲位真係好唔掂！張枱細到，逼你唔好叫咁多野食🙂🙂由於價錢唔算平，所以都唔係叫咗好多野。1）南越蟹肉醬配脆球餅 $68上網見到相，覺得幾有趣，睇相又好似都大碟咁。原來現實都幾mini，啲醬少到每個餅都裝唔滿一半。味道算可以嘅。＜空心的球＞🥲🥲2) SHAKESHAKE雞軟骨 $52黎到有個袋俾你SHAKESHAKE， 裏面應該有啲香茅的東西，但其實食落唔多覺，同平時啲炸雞軟骨無咩分別，分別在價錢貴好多🙂🙂3）烤蔞葉春雞配青蘋果條 $88雞算整得滑，我食到雞辣，但我男朋友話唔辣。呢味菜係餐牌無辣椒公仔，唔食辣嘅朋友就留意啦！ 青蘋果條上面加一堆豆瓣醬，有食評話好夾，我認為一啲都唔夾，有興趣自己去試下，祝君好運🤫🤫4) 南越蛋咖啡 $35又係出面少見嘅東西，所以特燈叫黎試下。 噱頭嘢，試一次就好。就是咖啡一杯，基本蛋還蛋，咖啡還咖啡，又唔會話加咗蛋好飲好多。但面頭燒過個層蛋塊皮就唔錯。5）越南手工啤酒-MARLOWS MELLOW $48不是我飲，不評價。整體黎講，環境好逼，價錢偏貴，食物份量偏少，成餐食完好似只係食咗個tea咁，但埋單$320.1。 如果啲位舒服啲，可能個價錢會俾得開心啲。但可惜，絕對不會有下次！…查看更多

係openrice見到呢到有特色印度薄餅，特意前來一試，果然無失望！點餐後，先上每人一件蒜蓉多士，好脆口👍👍叫了4樣野1）大Leffe $45好大杯，飲完好滿足！餐牌有寫water要錢，但其實問佢攞係唔洗錢，可能要錢嘅係 bottle water。2）四季薄餅 $112薄餅料有酸乳酪，薯仔，少少甜酸醬，雞肉，香料菜。餅底好脆口，平時某大牌子pizza餅底放耐咗會好硬，呢個唔會，依然脆口。啲料好開胃，唔會食一兩件就好濟。係比較特別嘅pizza，出面少啲食到。值得推薦😋😋3）墨魚汁意粉 $115意粉比較散，唔知點解唔係完整一條條長嘅意粉，不過味道都ok，好似有落少少辣椒油。開邊蝦，幾有心思。同樣幾開胃 ，唔會因為意粉汁而感覺濟。4）印度麵包 $18見唔係好貴，又好奇咩係印度麵包，所以就叫咗。口感有啲似Naan，有跟一兜咖哩汁，但塊餅本身都有啲牛油味甜甜地，所以唔洗點汁都好好味。我自己本身都好鐘意食Naan，所以呢個餅我好鐘意🤤🤤坐咗個半鐘，雖然位有少少full，但職員都無話趕你走。埋單個時仲好好傾，問我啲野好唔好食，下次會唔會再見到你，好攪笑😝😝店員話黎緊會轉新餐牌，會有新薄餅，咖哩口味😆😆 到時再黎試下！…查看更多