TomYumKung的个人专页

我地order咗鮑魚生蠔和牛火鍋（1人份），亦order咗店長推介嘅厚切牛舌，大蔥豬肝串，鹽燒鰻魚，汁燒免治雞肉棒。餐廳食燒牛舌中伏機率好大，今次爽嫩無渣，過關⭕️大蔥豬肝串，豬肝新鮮爽脆，醬汁味道不錯😋鹽燒鰻魚，皮脆肉嫩，烹調時間剛剛好👍🏻汁燒免治雞肉棒，擺盤不錯，眼球食先🤩一人份嘅火鍋搭配其他燒串，可滿足二人享用。先品嘗魚湯配以蔬菜嘅鮮甜，然後品嘗海鮮及3款和牛，各食材都正常發揮，尾聲可以用湯底煮粥or烏冬。等緊雪糕之際，店長竟然送上生日甜品拼盤，仲話玫瑰花隱藏小秘密🤫多謝店長。…查看更多

Yeah~新出晚市套餐，有二十多款選擇，有麵有飯，仲有我鐘意嘅菜飯😍晚飯50、60蚊左右好扺食。試新野～菜飯系列，酸菜炒牛肉+外婆紅燒肉，菜飯/白飯自由選擇。兩道餸菜式都係白飯剋星，真係好野味好好餸飯。牛肉嫩滑，酸菜爽口，甜酸咸道適中。外婆紅燒肉，懂得欣賞肥豬肉的人有福了，油脂味香，入口溶化，間肥間瘦，配上梅菜+醬油香濃，配飯一流。追加咗籠小籠包，個個都好飽滿多汁，皮薄而且適當韌度，夾起唔穿，讚！每次無令我失望。…查看更多

返工腦力用盡，夜晚兩個人食飯，兩個都唔想用腦，食二人餐啦！有湯，小籠包，前菜，主菜，時菜，白飯，甜品。我地揀咗小籠包，雞絲粉皮，酸菜魚，蒜蓉炒菜心苗，桂花糕，落單時係到猶疑揀酸辣湯or宋嫂魚羹，我哋各有喜好，一個唔食酸，一個唔食芹，經理姐姐見我地咁障礙，好好人提議每樣一碗，平時要選同一款，今次俾個特別安排，好窩心。首先，黎個熱辣辣嘅湯，兩款口味濃稠度適中，味度剛好，而且好多材料。雞絲粉皮正常發揮。小籠包個樣一般，不過好多湯汁，真係唔好單憑外表。酸菜魚份量十足，好多魚又好多薯粉，好好味，追住黎食，食完一啖又一啖。蒜蓉炒菜心苗，當季菜，好甜好嫩。望住聖誕樹食飯，有feel。兩個人都好飽好滿足，好彩Hold住兩個白飯唔好上，飽到兩個白飯都食唔落。…查看更多

住新都城嘅朋友成日話上海小籠皇嘅小籠包好正好好食，今日終於可以試下啦～我鍾意食包點，揀咗小籠包，蒸銀絲卷，黑胡椒大餅，紅燒獅子頭，加$30叫咗碟蒜蓉炒油麥菜，好抵喎！一開蓋見到小籠包超興奮，熱辣辣嘅小籠包頂部有個窿可以啜湯汁，好正宗嘅做法，好少店舖做到，夾起無穿皮又多肉汁，正正正👍🏻朋友果然無介紹錯😋銀絲卷，包裡真係一絲絲結合而成，質地柔軟又唔黏牙。黑胡椒大餅，外表滿滿芝麻而且金黃色，又靚又香，火喉剛剛好！紅燒獅子頭，圓碌碌好大粒，味道濃厚，配飯配銀絲卷一流。蒜蓉炒油麥菜好夠鑊氣，蒜香翠綠爽脆，$30食到碟咁有質素嘅油麥菜，抵到喊！係茶餐廳炒碟菜都要$70啦～朋友果然無介紹錯，價錢親民又好食，性價比高，難怪佢成日唔買餸煮飯，輕輕鬆鬆落黎小籠皇開餐啦！下次要再黎試下酸辣湯，上海粗炒，上海炒年糕，回鍋肉。。。仲有好多野想試😬仲要encore 小籠包😍…查看更多

係波鞋街買完鞋，好掛住川辣皇嘅酸菜魚，當然要去食啦！行入舖頭坐低望下餐牌唔同咗，連舖名都唔同，多咗好多上海菜式，正正正！可以同啲唔食辣嘅朋友黎啦～熟面口嘅店員姐姐上前招呼，改鋪名為咗提供更多口味嘅食物俾客人選擇，上海菜聯乘川菜，有辣有唔辣。需然鋪名改咗，但製作團隊無變，川辣皇受歡迎的菜式依然有售：干鍋，酸菜魚，水煮魚，麻辣魚皮等等。仲有午市套餐，下午茶餐，睌市套餐，全日套餐。咁多選擇，真係好多野都想試想食，點咗最愛嘅酸菜魚，酸辣湯麵，鹹肉津白，冰鎮話梅骨，韮王炒鱔糊，當然唔少得我最愛嘅津露烏龍茶啦～花雕醉雞嫩滑，酒味適中，唔會苦。酸菜魚味道依舊好味，魚又滑，份量十足。酸辣湯麵好多配料，酸辣比例剛剛好，若然味道再濃啲更合我口味。鹹肉津白清淡又帶點鹹香，不錯。冰鎮話梅骨酸酸甜甜好醒胃，食完一件接一件。韮王炒鱔糊夠鑊氣，韮王脆口唔老。嘩～真係好飽飽，離開前見到上海排骨麵做緊優惠價，超抵食，下次再黎試。…查看更多

天時暑熱，係波鞋街行咗一輪好肚餓，揾啲惹味開胃菜醫肚，見到“川辣皇”海鮮干鍋幾吸引，入去試下先！店員好好，見我地滿頭大汗俾個風口位我地坐。又熱又渴，叫杯野飲舒服下先...“好X大杯凍檸茶”，有幾X大杯呀？上枱時真係嘩咗聲，真係好X大杯凍檸茶，成個花盆咁大，解渴！開心！真爽！我地叫咗涼拌鯛魚皮，酸菜魚，炒土豆絲。海鮮干鍋店員話要預訂，下次再黎試。涼拌鯛魚皮鯛魚皮微辣爽口好開胃，青瓜清爽清爽，一啖接一啖停唔到口。酸菜魚魚好大片好滑，食完一片又一片，薯粉硬度剛剛好。好味！每道菜份量十足，我地三個人飽到唔識郁，下次真係要試下海鮮干鍋。…查看更多

Happy Friday難得舊同事特登走黎同我食lunch，當然要揀間好坐傾到計嘅餐廳食好西啦!我揀咗西班牙有骨豬扒飯，朋友揀咗温泉蛋卡邦尼意粉。嘩~好大份呀! 豬扒煎得剛剛好，洋蔥汁唔咸喎，讚! 去餐廳食扒飯我大多都會選擇分開上，有時啲汁咸到嗌救命!今次我地掛住傾計唔記得咗，好彩味道剛剛好。隻温泉蛋好靚呀～白裡透紅，而且好重蛋味。我試咗啖朋友嘅卡邦尼都好好食呀～香濃厚厚嘅汁包住條意粉，正!我地兩個黑啡精，好滿意哩杯夠曬香濃，絕不是啡水!題外話，見到啲食評人話成日追單漏單，我黎過幾次都無咁嘅情況喎!咁嘅環境質素，抵食呀～係apm邊食到咁嘅質素呀!…查看更多

即叫即整，外賣包裝精緻，食物水準色香味樣樣都好好! 若然跟餐有啤酒揀咁就誇啦啦!雜菇漢堡好香，連包皮都好好食，烘底脆脆地，正!黑松露薯條超香，香到唔使望都知整好!…查看更多

星期日係kcc好多食肆都無開，有開嘅又無人食，諗住夏麵館係穩陣之選，點知都係伏伏地啲餐具好拿渣，個杯裝茶落去啲油浮面㗎!油到洗幾次先用得😠都唔知有無洗碗㗎!果壺茶都唔知係咪上手飲完拎黎㗎!?裝咗兩杯茶就已經無水lu~酸辣湯麵，好少湯，而且個湯落咗好多粟粉好杰身，仲要有一舊舊鼻涕嘅粉糰係到囉!回鍋肉粗炒，無辣味，而且啲麵條碎濕濕咁，啲青椒就好似食緊煎釀三寶咁大舊😌荃灣果間好好多～無論食物質素同衞生都好好多囉!…查看更多

上次食完飯，經理哥哥俾咗幾張9折卡我地一班同事，趁到期前緊係要嚟食多次啦～上次晚餐食咗個燒豬肋骨，紫色黃色綠色花花世界超吸晴😍真係超靚，靚到唔捨得食。果然係法國菜~啲配菜都靚成咁...想點呀!!唔只好睇仲要好食，豬肋骨一定唔係煮完再燒果種，食落好多肉汁。今次lunch上黎食，餐牌好多野揀喎(有選擇障礙tim...食乜好呢!?) 原來哩到有Lunch set同Tea set㗎!下次要嚟tea一tea食蘑菇釀雞翼先😬 沙律跟湯，賣相唔錯，沙律酸酸甜甜好開胃呀!三文魚花花茄蓉長通粉，好多新鮮茄蓉呀😍正!最後當然係歎返杯即磨咖啡啦～真係好香濃!…查看更多

同朋友係附近搵食，見到附近間間都排長龍，唯獨哩間無人排但全店座滿人，咁咪入去試下囉。店員安排我地坐舖頭較入位置搭枱，見到有2個店員係舖面搓粉搓皮包餃子。我地order左拌青瓜，酸辣湯鮮肉西洋菜餃，鮮肉韮菜煎餃，落單店員溫馨提示煎餃要等20分鍾（話太多order師傅整吳切）。煎餃要等20分鍾，邊食邊等，OK啦～ 點知order杯水都要等，話煲緊水，水未滾 (滴汗)。等...等...等～20分鐘...30分鐘，一樣野都未有得食。店內既客人個個都催單，坐我地對面既客叫左酸梅湯，無叫煎餃都要等。等左45分鐘我地終於有野食啦～拌青瓜 (心諗拌青瓜都已經整好等上碟架啦～要去農場擇咩！？) 煎餃，酸辣湯餃都陸逐上枱。我地慶幸吳使係門外等完30分鐘再要入舖等1個鐘先有得食。講返D野食...拌青瓜 35拌青瓜食落爽脆，不過醬汁同青瓜分離。鮮肉韮菜煎餃 (10隻）52煎餃皮薄香脆，韮菜味吳濃，不過油膩，食2隻已滯。豆瓣醬麻麻地～酸辣湯鮮肉西洋菜餃 (10隻）52 + 19 (轉酸辣湯底）同平時上海酸辣湯好唔同，唔酸唔辣，麵鼓味好重，以為自己飲緊麵豉湯。西洋菜有啲苦澀味。價格偏貴，食物一般，出菜效率有待改進。吳使等都可以黎食下，要排隊等成個鐘先有得食，吳值得囉！…查看更多

我地本身被燒鵝同炸蝦餅吸引而黎的....點知見到人地食緊羊腩煲，好好味咁....點好呢~2個人叫曬三樣又食吳曬!!冬天都係要補一補，揀左羊腩煲同炸蝦餅，羊腩煲仲有生菜跟tim~用火爐興住食既羊腩煲，味道剛剛好，吳太咸，吳太蘇，羊腩吳鞋吳UN，亦吳會膩到滯住食兩舊就停手。除左羊腩仲有枝竹，蘿蔔，馬蹄，花生...若然跟多D生菜就好啦～蝦餅出場啦～好香呀！金黃色既蝦餅表面係薄薄既吉列炸粉，爽口彈牙，一D都吳會死實實。蝦餅入面仲有D細細粒既墨魚碎架～好鮮味一D都吳油，食完一件即刻想多件呀！…查看更多

放工同D朋友係西約打完波，梗係要一齊去醫下肚吹下水啦～行入麗城薈搵食，見到人地食緊小籠包我地就被吸左入去啦～坐低諗緊食咩既時候，侍應拎左碟前菜黎，一D都吳Hea既前菜呀！食上海菜當然要食小籠包，酸辣湯同排骨拉麵啦，仲有叫左碟時令菜式蒜蓉炒豆苗，脆皮素鵝同埋豆沙鍋餅。前菜脆皮素鵝  50外層好香脆，裡面包住好多香菇，材料十足，要讚既係吳會食到成口油。個個都係湯包黎架～夾起，成個小籠包有一半係湯黎架 ～皮薄小籠包  34小籠包真係無得輸呀！一上枱，我地雙眼發光…一個一個湯包咁~食小籠包最緊要皮薄鮮味多汁，夾起吳爛吳漏汁。哩到D小籠包既包頂有個窿可以啜緊D湯先，吳使一咬就漏晒出黎... Sai曬！小籠皇既小籠包真係讚！讚！讚！All PASS酸辣湯  28酸辣湯有好多料...荀絲，木耳絲，豆腐絲，肉絲，酸辣適中吳搶喉，不過朋友應為吳夠辣(佢係愛辣之人黎架～)。蒜蓉炒豆苗  68翠綠既豆苗一D都吳老亦無過火，果然係時令菜呀～排骨拉麵  56厚切排骨，吳鞋吳UN有肉汁，食落有少少咖哩香味喎，不過個麵淋左D囉。豆沙鍋餅  48完美既結束，豆沙又香又軟滑，最緊要係吳太甜亦吳會油淋淋。總括黎講：本人覺得哩間上海菜館好食過集團經營既上海菜。服務吳錯，吳使叫都有侍應黎加茶加水，上菜好快，碟頭吳細，價錢合理。炸物吳油膩，小籠包無得輸。 我地會再黎幫襯，繼續支持小店。走時見到門口貼住午餐／下午茶餐餐牌，原來下午茶餐星期一至日及假期都有架…正呀～下次打完波又可以黎再食過啦！…查看更多