川辣皇 (已結業)

天時暑熱，係波鞋街行咗一輪好肚餓，揾啲惹味開胃菜醫肚，見到“川辣皇”海鮮干鍋幾吸引，入去試下先！店員好好，見我地滿頭大汗俾個風口位我地坐。又熱又渴，叫杯野飲舒服下先...“好X大杯凍檸茶”，有幾X大杯呀？上枱時真係嘩咗聲，真係好X大杯凍檸茶，成個花盆咁大，解渴！開心！真爽！我地叫咗涼拌鯛魚皮，酸菜魚，炒土豆絲。海鮮干鍋店員話要預訂，下次再黎試。涼拌鯛魚皮鯛魚皮微辣爽口好開胃，青瓜清爽清爽，一啖接一啖停唔到口。酸菜魚魚好大片好滑，食完一片又一片，薯粉硬度剛剛好。好味！每道菜份量十足，我地三個人飽到唔識郁，下次真係要試下海鮮干鍋。