lungwhy的个人专页

今日為咗慶祝朋友生日，朋友揀咗呢間餐廳間餐廳位於一樓，有分戶外同埋室內坐位，我哋就坐咗户外，裝修真係幾靚，唯一嘅缺點係得兩部風扇有啲熱😂😂嘢食選擇都好多！基本上都好好食🤤首先前菜嗌咗魷魚鬚同埋一個豬頸肉，豬頸肉食得太快唔記得影相🤣🤣魷魚鬚好酥脆，調味都好惹味，可能有少少鹹但我覺得好好食！炭燒豬頸肉真係好好好好好食，我覺得係必嗌！因為食落去外皮少少脆入面真係好柔嫩，而且真係有炭燒味，大大份，呢個價錢來講都ok！主菜嗌左呢個金麵，都唔錯嘅，黃咖喱入面有蛋麵同雞髀，上面有啲脆嘅一條條野，同啲面一齊食，正！ 另外仲嗌左呢個紅咖喱，我覺得比起個金麵，呢個紅咖喱更加出色！ 味道超級好食，都幾大份，又有好多舊魚😝😝 連埋個餅又煎得好脆，少少焦黃色，熱辣辣，點啲咖哩食超正！嘢飲方面我覺得都唔錯，外觀好適合打卡，選擇都好多，有有酒嘅有冇酒嘅~ 聽講佢哋個cocktail menu 時不時都會轉🤣我嗌左呢個up to you，入面好似有vodka, lime, passion fruit之類，甜甜地唔會太重酒味，好易入口！話晒我哋都係慶生，買咗個蛋糕去切，要加切餅費$150，都唔平，不過服務好好，用咗支好似煙花咁嘅蠟燭🤣🤣同埋送咗birthday shot~ 員工都好有心😝😝我覺得食物真係好食，氣氛都好好，應該會再去❤️…查看更多

今日同朋友黎左食晚飯，店內嘅裝潢簡潔明亮，座位都好鬆動，唔算多人，唔會好嘈。可能係因為舖頭唔係好近地鐵站嗰邊，所以都係做街坊客生意，都見到幾多人叫外賣返上樓，如果住附近偶爾同屋企人落嚟食餐好既都幾好！就算由地鐵站行過去都只係五分鐘路程~呢度食物選擇好多，我同我朋友都係選擇困難症所以睇咗好耐😂最後揀咗呢幾樣:本幫燻魚 $72 侍應介紹我哋嗌呢樣，我以前未食過，原來係酸酸甜甜咁，好開胃，朋友覺得最好食係呢樣🤣 不過魚骨都幾幼細，食嗰陣要小心。招牌小籠包 $46 一籠有四隻，每一隻夾起無互相黐住，而且皮簿多汁，呢個價錢來講真係幾唔錯，必嗌！😋山東手撕雞 $92半隻雞既肉質都算滑同嫩，而且唔乾，啲汁鹹鹹地幾好味。朋友減緊肥，豐富蛋白質，個雞都唔肥，正！ ！🤣四川擔擔麵 $58 少少辣，濃既花生味，都幾惹味！少少美中不足係麵條有啲軟，同埋比較短有啲難夾😖高力豆沙 $48 香港地好似越嚟越少有呢道菜，一直好想食呢個，所以見到就即刻嗌左！好好食，熱辣辣，大大件，口感正，而且唔會超甜，食完唔會好guilty🤣🤣總括而言，食物抵食，員工友善。(不過朋友出到嚟嘅時候發現咗幾噠蚊咬🥲)…查看更多

今日因為朋友邀請黎到呢間台灣菜，都真係會多人排隊，所以我提早咗大約六點幾七點到就唔使等。我同朋友就嗌左兩個細嘅滷肉飯、一份鹽酥雞同埋一個蛋餅，其實同另一間出名嘅台灣菜真係有得比，呢間價錢相宜，味道都好正宗！我嗌左蜂蜜檸檬，朋友就嗌咗鳳梨紅茶味道都係同普遍台灣菜一樣，嗌咗套餐就加$10就有一杯嘢飲，超抵！蛋餅又平又大大嚿，同朋友兩個人分啱啱好！我哋嗌左海苔肉鬆起司蛋餅，口感煙韌，又足料，真係好好食！滷肉飯味道好正宗，都多肥肉，我個人就唔係好鍾意肥肉，但都好味嘅！最後鹽酥雞真係好大份，味道都啱啱好！…查看更多