九份飽 (蜆殼街)

今日因為朋友邀請黎到呢間台灣菜，都真係會多人排隊，所以我提早咗大約六點幾七點到就唔使等。

我同朋友就嗌左兩個細嘅滷肉飯、一份鹽酥雞同埋一個蛋餅，其實同另一間出名嘅台灣菜真係有得比，呢間價錢相宜，味道都好正宗！

我嗌左蜂蜜檸檬，朋友就嗌咗鳳梨紅茶
味道都係同普遍台灣菜一樣，嗌咗套餐就加$10就有一杯嘢飲，超抵！

蛋餅又平又大大嚿，同朋友兩個人分啱啱好！我哋嗌左海苔肉鬆起司蛋餅，口感煙韌，又足料，真係好好食！

懷舊魯肉飯

滷肉飯味道好正宗，都多肥肉，我個人就唔係好鍾意肥肉，但都好味嘅！

鹽酥雞

最後鹽酥雞真係好大份，味道都啱啱好！