prettynam的个人专页

最近去銅鑼灣試咗間新開嘅中菜餐廳—綠菜，主打茶葉入饌嘅菜式，成個用餐體驗幾特別。首先茶揀左龍井綠茶，清香爽口，茶味唔會太重，正好解渴同開胃。之後上嘅係龍井烤雞，雞肉夠嫩滑，龍井茶嘅香氣滲透得好自然，帶少少回甘，好有層次感。粉絲裹蝦真係出乎意料，外層炸得夠脆，裡面嘅蝦夠鮮甜，再加埋粉絲，口感豐富。麵餅醬香五花肉係嗰啲可以一塊接一塊食嘅菜，五花肉肥瘦剛好，脆卜卜，醬汁唔會太鹹，夾埋麵餅一齊食，啖啖滿足。江南茄子煲都好好食，茄子煮到淋身，仲吸咗好多汁，食落香甜可口，完全唔會覺得膩。最後嘅茶香奶凍係一個好完美嘅收尾，口感滑溜，帶住淡淡嘅茶香，食完唔會覺得太甜或太膩，算係一個好清新嘅甜品。成體驗唔錯，對於鍾意中菜但又想試新口味嘅朋友，呢度可以嚟試下！…查看更多

**食評：Sun Haru**今日喺旺角女人街行街，行到攰攰哋，就見到間細細間嘅Sun Haru，睇落幾舒服，索性入去食返餐飽。揀咗個2-3人套餐，啱啱好夠我哋幾個人分嚟試。首先上嚟嘅係蜂蜜芥末無骨炸雞，呢個真係好正！雞肉炸得脆卜卜，外面包住一層甜甜嘅蜂蜜芥末醬，味道又香又惹味，完全冇油膩感，食到最後一嚿都唔覺膩。跟住就係牛肉炒粉絲，粉絲煮得啱啱好，唔會太爛，牛肉仲好juicy，帶住少少甜甜嘅醬汁，食完真係有啲回味。每一口都充滿香氣，簡直係唔捨得停口。韓式飯卷亦都唔錯，飯粒粒分明，裡面嘅材料都好新鮮，咬落去有口感。呢個係份量啱啱好，當前菜或者小食都得。最後嘅蜜桃沙冰同芒果沙冰真係正到無得彈，夏天嚟杯凍冰冰嘅沙冰，清爽又解渴，果味夠濃郁，好有果肉嘅感覺，唔會太甜，飲完有種特別清新嘅感覺。總括嚟講，Sun Haru係一間真心值得推介嘅小店，唔單止環境舒適，食物質素亦非常有水準。下次嚟旺角，呢度一定係我哋必到嘅地方之一！…查看更多

今日同朋友嚟到呢一間大圍田心村非常有人情味嘅餐廳，叫做尋味。我同朋友不嬲都係川味菜嘅愛好者。我哋一嚟就點咗一道酸菜烤清江魚。呢一味酸菜魚做到外脆內軟，魚肉滑嫩。酸菜嘅酸味滲透入魚肉，凸顯出魚肉嘅鮮味。而且仲要大大份、啖啖肉，性價比十分之高。本身酸菜魚已經非常豐富，但我哋都加咗鴨血作為助料。呢碟鴨血入口即化吸收晒湯底，精華豐富咗呢碟酸菜魚嘅層次，而且發現加埋烏冬都好好味，彈牙。我同朋友每人都嗌咗一杯嘢飲。我自己嗌咗蜜桃益力多。蜜桃嘅甜味加埋益力多嘅酸味，飲落口甜而不膩。而我朋友嗌咗杯紅石榴檸檬茶。無論係石榴定係檸檬茶都係酸中帶甜，加上茶底嘅微微甘苦，真係十分開胃！…查看更多

今日同男朋友喺旺角行完街之後，去咗間越南fusion餐廳食飯。餐廳地方好大，裝修又幾靚，仲有隻熊啤啤擺喺度影相。當時人都幾多，大家食飯時間記得提早book位。兩個人都肚餓，嗌咗好多嘢食一齊share：**越南紙薄餅** 呢個薄餅真係食落去好清新，皮好薄又脆，裏面仲夾住啲新鮮蔬菜同肉片，咬落去真係夠哂滋味。再配埋個酸酸甜甜嘅醬，簡直係perfect。**炸素食春卷** 春卷外脆內軟，咬開嘅時候都覺得好爽口，完全唔覺得油膩。蘸埋個醬後更加冧，嗰啲蔬菜香同微甜酸味嘅醬汁，真係忍唔住再食多啖。**惹火上身鹹檸豬頸肉** （店員會即刻點火）豬頸肉食落去外脆內嫩，咬落去仲有啲鹹香味，帶少少檸檬嘅清新味。當店員一點火，個香氣真係四處飄，好想即刻夾啖嚟試。點火真係好吸引，味道又真係加強咗。**越式發酵茶葉沙律** 呢道沙律好得意，有啲茶葉微微苦同酸，再配啲爽口嘅蔬菜，一食落去就覺得好特別，好新鮮，連我都覺得幾正。**越式咖喱牛肋條配斑斕椰香飯** 呢個咖喱牛肋條真係好入味，牛肉炆到好淋，食落口即刻化開咁。嗰啲咖喱真係夠香，同牛肉真係夾到冇得輸，再加埋斑斕飯嘅椰香味，食到停唔到口。**NVN咖喱骨** （上面有棉花糖，淋咖啡上去）呢道菜真係估唔到，咖喱骨食落嫩嫩地，但又夠晒濃味。上面仲有棉花糖，一淋上熱咖啡就即刻融化，嗰陣咖啡香同咖喱辛辣味一齊爆開，真係幾好玩。**斑斕龍眼茶** 呢款茶飲落去好清新，斑斕同龍眼嘅味道配埋一齊真係好夾。飲完覺得好舒服，甜得嚟又唔會膩，解膩嘅首選。**斑斕奶蓋咖啡啤酒** 呢杯飲品真係有意思，將咖啡、啤酒同斑斕味一齊攞出嚟。奶蓋飲落去好滑，加上咖啡同啤酒嘅味道，真係夠特別，層次分明，真係飲得幾滿足。…查看更多

今日同朋友到牛頭角餐廳食晚飯，揀咗個498嘅二人餐，而家仲有八八折，這次的餐點令讓人非常滿足。我地叫左韓式醬燒豬肋骨： 肉質非常嫩滑, 醬汁酸甜又有少少微辣, 啖啖肉,配上薯菜 ,好味。跟住係喇沙海鮮忌廉汁燴讚岐烏冬 ：呢一道菜最出色就係醬汁， 海鮮新鮮再加埋彈牙嘅讚岐烏冬，每一啖都胃口大開。小食拼盤就包含脆香雞翼，薯角，同埋炸洋蔥圈。 每樣小食都炸得甘香酥， 配上醬汁，每一啖都係好正。最後我哋嗌咗朱古力Tiramisu 同埋流心乳酪芝士蛋糕 。流心乳酪芝士蛋糕香甜酥脆嘅蛋糕包含住熱辣辣香濃嘅乳酪芝士，雖然好邪惡 但令我食到停唔到。跟住係朱古力Tiramisu，看似簡單嘅甜品但就好廚師嘅功力 食落甜而不膩，口感鬆軟。整體嚟講呢間餐廳嘅食物都好出色。…查看更多

📍沙田位於沙田新城市廣場的探魚餐廳，憑藉地道的烤魚料理由深圳開到香港。一直都好想試，終於有機會，品嚐了幾道經典菜式。首先介紹的是**豪吉®️藤椒油鮮青椒爽麻味烤魚**。這道菜以其獨特的藤椒油為特色，濃郁的麻辣味在入口瞬間爆發，搭配新鮮青椒的爽脆，讓人一試難忘。魚肉鮮嫩多汁，充分吸收了藤椒油的香氣和青椒的辣意，麻中帶辣，辣中帶香，層次分明，堪稱一絕。接下來是**嘭嘭小酥肉**。這道菜以外酥裡嫩的口感取勝，每一口都充滿驚喜。酥脆的外皮與多汁的肉質形成強烈的對比，咀嚼起來滿足感十足。最後品嚐了**爆漿鴛鴦糍粑**。這道甜品以其內餡爆漿的驚喜效果而著稱，外層糯米糍粑彈牙，內裡的餡料則香甜軟糯，讓人忍不住一口接一口。此外，餐廳還提供任加的冰粉，讓人感到非常貼心。冰粉的配料豐富，有山楂、椰汁、紅糖水和桃膠，清涼解暑，特別適合在品嚐了麻辣烤魚後食用，起到了很好的解辣作用。探魚絕對是喜愛川菜和烤魚的饕客們不可錯過的美食地點。…查看更多

今日同屋企人喺銅鑼灣行街，晚餐揀咗食中菜，係爸爸最愛嘅片皮鴨，預祝父親節。餐廳係利舞臺嘅古琴雅苑，依家有父親節優惠，叫套餐會有紅酒送，我哋四位都有花雕醉雞送，真係好驚喜。餐廳地方闊落，我哋可以坐卡座，卡座坐得舒服。茶我哋揀咗玫瑰荔枝，真係好香飲到淡淡荔枝味，簡直媲美無糖嘅台式飲品。我哋叫咗唔同嘅嘢食，最緊要爸爸開心：烤北京填鴨這道烤北京填鴨外皮金黃酥脆，肉質鮮嫩多汁。每一口都能感受到鴨肉的香氣，搭配薄餅、蔥絲和甜麵醬，風味豐富且層次分明。風味松子魚風味松子魚的魚肉滑嫩，外皮酥脆，醬汁甜甜酸酸，松子的香氣和魚肉的融合，味道鮮美揚州水晶肉水晶肉外觀晶瑩剔透，肉質軟嫩，口感爽滑上海粗炒麵上海粗炒麵口感彈牙且有嚼勁。搭配鮮嫩的肉片和爽脆的蔬菜，每一口都能感受到食材的鮮美和醬汁的濃郁，鹹香適中。元貝扒時蔬元貝扒時蔬中的元貝鮮甜可口，搭配脆嫩的菜芯，好清爽。清淡的調味突顯了食材本身的鮮美，是一道健康又美味的佳餚。瑤柱蛋白炒飯瑤柱蛋白炒飯色澤金黃，米飯粒粒分明，口感鬆軟。瑤柱的鮮香與蛋白的嫩滑，每一口都充滿了鮮美的海味和蛋香。花雕醉雞花雕醉雞使用花雕酒醃製，雞肉鮮嫩多汁，酒香濃郁而不濃烈。入口即化的雞肉與淡淡的酒香交織，口感獨特且回味悠長。…查看更多

今日同朋友去旺角行街，肚餓就去左食我最愛既小籠包。呢間樂天皇朝係雅蘭中心，地點方便，餐廳大，座位闊落，坐得舒服。我地叫左幾款食物share:八色小籠包: 係呢度既招牌，望落靚又多味道，女仔最愛總共有8個味，要由淡味食到濃味原味:係最傳統的味道,包裹著鮮美的肉餡,口感軟嫩不軟爛糟溜絲瓜:加入了糟製的絲瓜,帶來清新口感鵝肝:餡分外滑嫩,口感高級優雅黑松露:松露香味濃鬱入味,搭配小籠包好高級起司:香氣瀰漫,口感Q彈可口蟹粉:香氣濃鬱,增強小籠包鮮味蒜香:清新的蒜香調味,口感更勝一籌川味:放川菜調味料,好惹味李白醉雞:雞肉嫩白香,入口即化,肉質細嫩度高,汁水充足，料酒好香。楊州炒飯:飯粒軟硬適中,乾身粒粒分明，翠綠多汁。雞蛋香脆可口,炒出獨特口感。…查看更多

今日收工之後和朋友去咗新蒲崗呢間好出名嘅陳儀興玫瑰餐廳食飯。呢度唔止有火鍋、雞煲食，仲有一啲大排檔菜式應有盡有。魔鬼牛雜雞煲半隻BB辣首先，我哋試咗佢嘅新品，牛雜雞煲，份量好足料有好多唔同款嘅牛雜，牛蒡，牛肚，牛腸等。全部都好新鮮乾淨，雞肉嫩滑，BB辣唔會好辣，但係好惹味，帶有微微的甜味。係一個好出色嘅雞煲。食完雞煲之後，呢個牛雜雞煲可以免費升級加芫荽湯底打邊爐。芫荽愛好者真係必試，湯底清爽但係好濃芫荽味，食完濃味嘅雞煲用嚟清新下就一流。我哋叫咗幾款火鍋料：鮮牛肉份量幾多，好大片，食落口嫩滑亦都有牛味炸魚皮酥脆可口，散發出淡淡的海味蝦肉卷好彈牙，則好鮮，口感豐富芝士墨魚丸芝士微微流心，香濃的芝士與墨魚的結合，獨特的口味令我驚艷脆鯇魚片外脆內嫩，帶著淡淡的魚香，同樣好新鮮整體嚟講所有菜式都好好食，價錢又唔貴，下次會帶埋屋企人試下…查看更多

今日早收工，所以去咗搵喺觀塘做嘢嘅朋友食飯。天氣凍冰冰，想食啲暖笠笠嘅嘢，朋友帶咗我嚟呢一間米走雞食雞煲。餐廳好大地方，好闊落，我哋兩個人坐卡位。一開始服務員會比我哋自己任揀醬料，有蔥，蒜，小米椒，麻醬等等。我哋揀咗一個雞煲同埋一啲火鍋料打邊爐。火焰麻辣雞煲（小）因為我哋兩個都唔食得好辣，所以只係叫咗BB辣。首先雞煲會放喺爐上面，滾左店員就會落醬汁同埋幫手炒，之後好快食得。雖然係細份，但係都有好多件雞。每件雞都啖啖肉好滑，BB辣唔係好辣，但係好惹味，配菜嘅洋蔥滾耐咗好索汁。食完雞煲可以揀加清湯或者辣湯打邊爐，兩種食法：哈哈蝦中寶叫咗半份，但都幾多，每件蝦滑入面都有鮮蝦，仲有脆卜卜蟹籽，食落有口感，仲好新鮮鮮製韭菜餃餃子皮好薄，入面有好多韭菜，好濃郁，愛韭菜的必食澳洲和牛M8 肩胛肉眼片牛肉屬於薄切，分量唔少，食落好軟，一啲都唔會韌，仲好重牛味好好食 豆苗豆苗新鮮夠脆…查看更多

開始放聖誕假，同男朋友去九龍灣IKEA買嘢，買下裝飾。行到夜晚想食燒肉，就去咗MegaBox嘅炑八。餐廳環境好大，我哋坐一個卡位，好闊落好舒服。而家餐廳同魷魚遊戲聯乘推出咗一個套餐，非常吸引，用魷魚遊戲做主題，好得意。套餐有齊牛肉、豬肉、雞肉，仲有魚肉同埋魷魚，真係應有盡有，滿足晒我所有渴望。新鮮魷魚店員會過嚟幫手燒，好快就熟，魷魚好新鮮，有淡淡海水鹹味，好彈牙，但一啲都唔會韌。深海鱈魚肉第一次韓燒嘅時候燒魚肉，出奇地魚肉燒完仲好嫩好多汁，係一個全新體驗韓式香腸細細條有啲似BBQ時候嘅脆皮腸安格斯外群肉呢個牛肉嚟到賣相好靚，果然燒出嚟好重牛味好濃郁。和牛牛肋條果然名不虛傳，和牛超軟腍又多汁，好容易咬。梨汁雞肉梨汁雞肉調味比較清淡，但係燒耐啲燒到雞皮脆卜卜，就做到外脆內軟月見牛腹肉呢一個係大片牛肉，雪花好靚，會配埋可以生食嘅日本雞蛋，好有壽喜燒風味醬油五花肉呢個豬肉超大驚喜，肥瘦啱啱好，同埋佢嘅調味我好鍾意，係蜜糖味，甜得來又嫩紅燈沙冰，綠燈沙冰兩杯沙冰都係紅綠兩隻顏色相間，沙冰打得好綿，中間仲會有一啲好似長條朱古力軟糖咁樣嘅配料，好新奇得意Front Man 椪糖曲奇雪糕就好似魷魚遊戲劇集入邊一樣，曲奇上面都有一個圖案，我哋自己可以邊食邊玩，雪糕奶味重好味！除咗套餐有嘅嘢，爐邊仲有免費任加嘅泡菜蛋同埋芝士，配埋燒肉一齊食好邪惡好好食。而且仲有多款前菜同埋沙律，解油膩一流除咗食得好之外，餐廳仲提供好多魷魚遊戲嘅周邊產品，可以購買包括記事簿Pat等等，而食滿$500亦都會有月曆贈送…查看更多

平時喺荃灣返工都會食個早餐，今次同事帶咗我去試龍鳳食堂嘅早餐。餐廳夠闊落乾淨，光猛坐得幾舒服。早餐好多選擇我樣樣都想試今日就揀咗個同事推介嘅超值抵食早餐，叫咗個$29火腿麵+雙蛋+油方包，仲有嘢飲。蕃茄愛好者嘅我加咗$3轉羅宋湯。早餐嚟到賣相豐富，好開胃，羅宋湯超濃足料，食到有好多蕃茄同埋雜菜，完全感覺到羅宋湯應該煲過夜，好入味，蕃茄味超重，但又唔會好重味精，飲完唔會口乾。面佢煮得韌到啱啱好，唔會太硬好掛湯。煎雙蛋係我嘅至愛，煎得好好，流心得來蛋味好濃。同樣要讚一讚佢嘅凍奶茶，雖然凍上，但仍然飲得出茶味同埋好滑。食個咁好嘅早餐真係有個Good morning☺️…查看更多

今日放假，帶屋企人去尖沙咀挽，順便食烤鴨，一直bookmark左好耐，終於試到。我們叫了一些分享；北京烤鴨(半隻)熱辣辣香軟的momo皮，包著皮脆肉嫩的鴨件，再加上店家特製的鴨醬、葱、青瓜、哈密瓜等,無論味道定口感都令你難以抗拒。 風味松子魚賣相very IG able, 而且開胃美味。魚香脆可口, 酸酸甜甜, 送飯一流。 花雕醉雞一上台就聞到香濃酒味,食落都仲feel到酒香滲入嫩滑的雞肉,稱得上色香味俱全。 南翔小籠包小籠包熱辣辣, 皮薄餡靚又juicy。 瑤柱蛋白炒飯炒飯炒到粒粒分明, 足料熱辣辣得黎又夠鑊氣。 金腿濃湯津白每一條菜都好多汁且鮮嫩入味,加上金華火腿調味就更加出色。…查看更多

今日同男朋友去觀塘行街，經過見到呢一間裝修得好精緻嘅Cafe，所以入去試吓。餐廳地方好闊落，幾有氣氛，而我哋被安排咗一個梳化位，好舒服。餐牌好多樣，有前菜，意大利飯，意粉，漢堡包，牛扒等等，應有盡有。如果星期一至五嚟仲會送飲品。Grilled US Baby Back Ribs豬肋骨賣相好靚，都幾大份，仲會有埋番薯薯條。首先豬肋骨味道係有BBQ醬，酸酸地而又有少少辣味，好惹味，好容易切，好嫩多汁。番薯薯條炸到好酥脆，入面食到甜甜嘅番薯蓉，配埋特製嘅沙律醬好好食。South Africa Abalone Orzi Pasta 呢一個米型麵好特別，之前都未食過。佢嘅質感介乎於意粉同飯中間，煙靭得來係好軟綿，而呢呢個麵入面有好濃嘅鹹蛋黃味，仲有炸得好脆嘅菇同埋杏仁，好有口感，鮑魚好新鮮彈牙，係好惹味嘅一個主菜。Hunt signature tiramisu 另外當然唔少得要試佢招牌嘅Tiramisu，賣相果然超級靚，食落咖啡味濃，奶油好軟好滑，又唔會太甜，係好出色嘅甜品。…查看更多

最近呢一個禮拜，突然氣溫急降，好大風又凍，諗起食羊腩煲就一流，所以帶咗爸爸去食呢一間玫瑰餐廳，之前食過佢嘅雞煲真係好出色。餐廳喺新蒲崗，好近巴士站已餐廳地方都幾大，兩個人可以坐卡位幾舒服。我哋兩個人叫咗一個羊腩煲，仲叫咗啲火鍋料嚟打邊爐。羊腩煲好快就上枱，會用電磁爐煲熱住，份量大，羊腩件件啖啖肉，入面仲有枝竹，筍，冬菇等等，好豐富。羊腩煮得好腍，老人家都食到。調味唔會好鹹好惹味，而且暖笠笠冬天食真係好正。枝竹，筍呢啲索晒羊腩汁真係一流。而且羊腩煲本身就會跟一個生菜俾我哋好抵食。食完羊腩煲當然就係加湯打邊爐，我哋叫咗響鈴，響鈴炸得好酥脆，唔似街外嗰啲，感覺到係自家製即炸。落湯掛晒汁好好味。另外仲叫咗手切牛肉，牛肉嚟到好大碟，但其實只需要$68，所以真係好抵，牛肉好新鮮好滑。我哋仲叫咗墨魚條，墨魚條入邊真係食到粒粒墨魚，而且好彈牙。最後最後當然要叫過一丁，唔好浪費咗個湯底佢啦。另外呢度嘅飲品都好抵，我哋叫咗一杯鹹檸七，嚟到好大杯，解渴一流整體嚟講呢間餐廳主打街坊路線，價錢平民但係質素高，所以都好滿座，大家不妨一試…查看更多