IAMHEYO's Profile

今日經朋友介紹 嚟到hama sushi, 壽司有好多種類揀, 大部分都係12至17蚊， 其中三文魚腩兩食都係12蚊， 玉子蛋又夠大塊， 鴨肉蕎麥麵個湯夠香 芝士年糕咬落去一下爆漿， 中拖羅魚蓉2件都係$17, 而且好嘅地方飯唔會太多， 刺身夠厚， 豉油仲有五隻款式可以揀， 我揀咗隻濃厚少少嘅 ，之後抹茶wasabi任用任飲， 有一個鐘頭用餐時間， 埋單都只係$77蚊，真心抵， 值得推介， 不過可能比較多人，要等位或者早啲book定，下次會再去…Read More

去咗荃灣一間食燒牛嘅地方， 叫咗一個燒牛肉野菜鍋定食， 叫咗一個燒牛脷套餐， 再加一支澳洲青檸梳打， 首先用牛脂膏 搽塊板， 再放上牛脷慢慢燒， 牛脷唔韌， 都幾爽口， 又有牛味， 而且仲要有好多塊， 抵食 燒牛肉野菜鍋叫咗定食 有蘿蔔湯 明太子味素飯送埋 同埋溏心蛋， 蘿蔔湯好清甜， 蘿蔔香味好重 冇渣，飲落好舒服， 溏心蛋做得唔錯， 糖心裏面冇腥味， 熟到啱啱好， 味素加明太子撈飯一流，正 重點推介牛肉， 佢應該係用咗牛， 估唔到煮得咁好非常淋， 牛筋同牛肉分佈均勻， 而且裏面肉汁豐富， 所以唔會令牛肉乾柴， 最重要係咬落去唔會黐牙， 因為大家都知道如果嗰嚿牛唔夠新鮮或者係隔夜， 你咬落去就會食到黐牙， 而係呢個絕對唔會，有水準， 仲有要介紹嘅係佢個 窩底嘅牛骨湯， 牛味好重 而且唔會油膩 應該冇落味精， 可以飲多幾啖， 食飽飽之後最後飲埋個澳洲青檸梳打， 個青檸 酸味十足， 一來配埋梳打一齊飲好夾， 二來可以解咗牛嘅油膩， 一個咁靚嘅牛， 一碗咁靚嘅湯， 重要價錢唔太貴。 人一世物一世， 點解唔去試一試呢 …Read More

10月1號去咗太古敏華冰室， 因為當日有七折， 首先叫咗一個常餐 有叉燒通粉炒蛋火腿多士 跟住再嗌咗一個榨菜肉絲意配兩隻雞翼 最後嗌咗一個西多士， 常餐叉燒通粉，叉燒都算多， 通粉口感都算彈再配埋一個香滑炒蛋+香煎火腿， 都尚算滿足， 榨菜肉絲意配料都多， 個湯做得唔錯 沙薑雞髀夠大隻配埋個蔥油一齊食， 用嚟送飯都唔錯， 最後西多士， 上面有一塊心型牛油，都幾有誠意， 西多士入面仲有花生醬， 加埋煉奶或者蜜糖一齊食，都可以， 每人再配埋 一杯餐飲，飽而且全單仲有七折，可以一戰…Read More

嚟到中環 一間食烤卷嘅地方， 因為地方細小所以 堂食需要企到食， 真心烤卷做得真係唔錯， 當日叫咗一個香嫩雞肉烤卷， 滋味牛肉烤卷， 滋味牛肉飯， 烤卷個皮鬆軟， 裏面有青瓜， 紅蘿蔔洋蔥 再加埋秘製醬汁， 再配埋 嫩滑嘅雞肉/牛肉一齊食口感非常好， 你食完一啖你會想繼續再食， 因為佢唔會太油膩， 而且醬汁特別， 配料又多之後叫左個牛肉飯share一齊食， 裏面個油飯做得唔錯， 再配埋秘製醬汁再加啲牛肉，一齊食 口感亦很豐富，之後再飲埋一杯醒神嘅咖啡， 簡直係精神呀~ 我會推薦大家去試一試， 因為喺香港都少有， 所以我畀五星星佢…Read More

去到大埔 隨便揀一間， 阿三大排檔， 我叫咗一個南瓜雞煲， 蒜蓉炒白菜仔， 同埋一個小炒王， 兩個都炒得好有鑊氣， 小炒王配料多，有韭菜花， 腰果， 蝦米， 蝦乾， 青椒，黃椒， 見佢咁好味，即時叫啤酒， 小炒王配醇滑嘉士伯， 真係冇得輸， 跟住個南瓜雞煲， 出面都比較少有，南瓜煲溶咗， 好似鹹蛋黃咁鋪咗喺面頭， 再加埋爽滑嘅雞件一齊食， 正呀， 而且個汁仲好好餸飯， 之後再食一個蒜蓉即炒白菜仔，白菜仔揀啲最細條畀你夠嫩， 配埋蒜蓉 一齊食增加香氣咁難得去到大埔， 又食到咁好嘅嘢 我一定會畀五星星佢…Read More

當日嚟到旺角老三火鍋雞煲海鮮放題， 可以時宵夜時段去，比較抵食， 雞煲同火鍋都係任食， 先嚟一個半隻小辣雞煲， 雞份量比較多， 而且醃得入味， 唔會畀曬啲雞頭雞尾你， 同埋冇乜雪味， 再加埋 紫洋蔥 西芹 芫茜， 增加雞煲香味， 你唔夠食可以再加雞， 食到滿足之後就開始可以揀湯底， 佢係會換另外一個 打邊爐嘅煲畀你(好有誠意)， 我地揀咗蕃茄湯， 湯都有幾多配料有蕃茄，有粟米，有金菇， 有薯仔，有菠蘿， 跟住之後就開始海鮮 打邊爐， 今次有蝦同鮑魚， 蝦同鮑魚仲未死，仲郁緊，好新鮮， 蝦嘅蝦膏可以啜(正)， 之後再落豬肉同牛肉， 牛肉係安格斯牛， 豬肉係伊比利亞豬， 淥曬之後再飲啖湯， 鮮甜，可口， 之後仲有好多打邊爐配料畀你揀， 例如 蔬菜籃， 丸 類， 芋絲，牛柏葉，烏冬，出前一丁 白飯…………之後仲有雪糕宵夜時段九點半開始可以食到十二點， 放題有咁多嘢食又雞又海鮮又豬又牛， 再加埋啲配料 你一定飽同滿足，我畀五星星佢…Read More

嚟到尖沙咀一間環境不錯的泰國餐廳， 兩個人去叫咗個冬陰功海鮮湯， 泰式燒牛肉沙律 ，青咖喱雞加薄餅， 豬肉生菜包， 芒果糯米飯甜筒， 一杯特色whisky， 冬陰功海鮮湯 配料足夠， 有蝦， 蘑菇車厘茄， 燒牛肉沙律， 牛肉燒到半生熟， 好淋，唔會起筋，再配埋甜甜酸酸嘅沙律， 好味， 青咖哩 個奶油味好香， 好creamy， 再埋少少辣嘅咖喱， 再用薄餅夾住雞同咖哩一齊食，真係唔錯豬肉生菜包，豬肉醃得好入味， 而且其他配料好足夠例如有洋蔥(唔腥), 車厘茄， 九層塔，青瓜， 包埋 炒好嘅豬肉粒生菜一齊食， 簡直絕配， 之後再嘆返個芒果糯米飯甜筒， 飲埋杯 特色雜果whisky真係好滿足…Read More

黎到鰂魚涌一間叫和牛88的食店， 經店員介紹後 叫咗個燒肉套餐， 而家做緊第二位半價優惠， 首先有個前菜薯仔沙律， 薯仔打得夠creamy， 加咗煙肉粒喺裏面， 配埋旁邊嘅溏心蛋(有誠意), 之後係 薄燒和牛壽司， 佢即時用火槍喺你面前整， 熟度可以你自己揀， 我覺得五成啱啱好， 啲牛嘅油香出曬嚟， 入口都半即溶， 配埋壽司飯， 真心好食， 之後就開始上燒肉拼盤， 有日本產和牛，雞肉，豬肉 。 先燒和牛， 色澤非常靚， 牛脂分佈得非常均勻， 入口半即溶狀態， 而且份量非常多，只能夠講好味， 之後燒埋雞肉同豬肉和蔬菜，已經好full, 所以叫咗烏龍茶消滯， 之後食埋個甜品， 榛子牛奶果凍， 非常滿足， 埋單都係五百幾蚊， 非常抵食， 所以我畀五星星佢…Read More

夜晚自己一個人食，所以去咗南記， 去到 一定要食佢個辣豬肉同埋招牌春卷， 如果係下午茶就一定叫招牌河， 所以當晚叫咗個b餐 (招牌滋選小鍋套餐) 裏面有 辣豬肉， 招牌春卷，魚片，冬菇和米線， 想健康啲所以叫咗蕃茄湯底， 再加咗碟腩汁生菜， 再加埋杯凍奶茶。 首先辣豬肉口感好正， 豬肉爽口，再加少少辣味 招牌春捲 冇腥味， 魚肉夠彈， 而且每條質量一樣， 相信有好多人 食兩條都唔夠要再另外加， 而蕃茄湯 一定要加佢個辣椒醬再加辣椒油，比例一比一，增加風味， 最後食埋冬菇同埋炸魚片， 健康啲食多個生菜， 因為都係加五蚊 ， 又大碟， 如果覺得太辣嘅可以飲凍奶茶 解辣， 非常滿足， 飽肚我畀五星星佢…Read More

今日嚟到北角去咗正九清湯腩.冰室， 叫咗一個全家福 裏面有崩沙腩，坑腩， 金錢肚，牛筋，蘿蔔。而崩沙腩同坑腩兩種唔同食法， 崩沙腩牛味重啲，肉質比較淋，坑腩比較爽滑，唔會起潺， 所以如果大家有機會去一定要試曬兩種牛， 兩個脂肪同肉嘅比例都好均勻， 而且份量非常足夠， 食完已經好滿足。 之後再推介佢哋嘅菜肉雲吞， 皮薄餡靚， 裏面配料非常多， 一食就知係人手自己包， 又可以做到個皮咁薄，又可以做到裏面咁多餡， 真係唔容易(有誠意),當然食咗咁多肉梗係要整返個腩汁生菜， 睇到已經翠綠， 新鮮 最尾飲埋杯熱奶茶醒一醒神， 又係一日good day所以我決定畀五星星佢…Read More

今日嚟到銅鑼灣近 世貿一間糖水舖冰舍， 叫左三樣嘢， 雙皮奶加腰果露， 泰式芒果糯米刨冰杯， 茉莉麻薯奶茶 首先個雙皮奶本身好滑， 加埋腰果露， 口感層次提升咗， 所以我覺得叫雙拼都係抵啲， 試曬兩樣， 兩種滿足。 跟住泰式芒果糯米刨冰杯， 面頭似食緊芒果糯米飯， 中間有啲似楊枝甘露， 底部似芒果布甸， 一杯嘢有三種口感，抵飲， 仲要個芒果糯米飯做得好好， 同個椰汁配搭好夾， 嘢飲方面叫咗茉莉麻薯奶茶， 叫咗微甜已經好夠， 因為本身麻薯都有甜味， 而且好煙韌， 奶茶茶味濃鬱， 再加埋上面個奶蓋，正絕對值得大家去試…Read More

今日嚟到銅鑼灣天后中間的一間串燒舖頭肥後屋， 首先嗌咗個前菜日本凍蕃茄， 蕃茄夠甜，微酸， 係一個很好的開胃菜， 串燒方面， 叫咗黃芥末五花腩， 安格斯牛肉眼，牛舌， 墮落午餐肉， 鹽燒雞翼， 全部都係即刻燒，新鮮，老闆話想睇一間串燒好唔好食就一定要試下個鹽燒雞翼就知道 ， 佢講得非常冇錯，個雞翼非常出色， 皮脆肉嫩， 裏面爆汁， 其他肉類串燒都回味無窮好正。 重點推介， 佢個海鮮貴妃蚌， 肉質爽口， 冇腥味， 再飲埋佢啖湯， 鮮甜可口， 真係要一試，冇得輸 海鮮未必即日有， 有好多時海鮮都要預訂， 請留意， 之後再推介係牛油香蔥飯， 啲牛油溶咗落啲飯度再加埋香蔥， 好味， 食到一半可以配埋墮落午餐肉一齊食口感更加好。 仲有一樣都令到好驚喜， 佢個士多啤梨梳打， 我叫嗰陣問佢會唔會有藥水味， 佢話一定冇， 點知出嚟效果真係唔錯， 反而有新鮮士多啤梨嘅味道， 所以如果係勇者都可以試一試，唔伏。 仲有一樣都真心推介， 就係七里香， 開頭我以為係雞皮， 燒得好香 ，好滑。 點知唔記得咗原來自己係叫咗雞屁股， 不過真心好食。 佢所有嘢都做得好好， 我畀五星星佢，…Read More

係，你冇睇錯又係我嘅至愛 打邊爐， 今次去咗尖沙咀the one呷哺呷哺，佢係一人一鍋，我 叫咗個金湯酸菜鍋， 然後旁邊個黑松露湯底(抵呀):) 肉類方面揀咗伊比利亞梅花肉， 豬肉未夠濃 夠滑， 唔會鞋颯颯， 跟住再叫咗一個海鮮拼盤， 佢有蜆肉，有蝦，有魚， 有扇貝，有墨魚， 所有嘢都好新鮮,正, 海鮮配金湯酸菜真係唔錯， 帶出鮮味， 之後個蔬菜籃係套餐， 裏面有娃娃菜，生菜，金菇，冬菇，蜂巢豆腐， 兩粒貢丸 福袋， 蕃茄， 蛋餃， 粟米~ 之後出面仲可以放題拎其他嘢， 王子麵 烏冬………… 所以一餐裏面真係好多嘢食，唔會唔飽， 絕對係抵食之選， 所以我畀五星星佢]]…Read More

今日去咗西環最尾個站堅尼地城， 一間 24小時營業嘅茶居， 去到首先開咗壼香片茶， 跟住洗一洗啲茶杯同筷子碗仔先(小心d滾茶)， 因為去到都差唔多夜晚九點， 唔想食飯，所以全部叫點心， 叫咗山竹牛肉球， 鮮蝦腐皮卷， 蜜味叉燒腸， 潮州粉果 同埋黃金糕 首先重點推介山竹牛球，夠大粒， 裏面冇筋反而有汁，肉質唔會太黑， 裏面配料充足， 係本人食過最好的山竹牛球， 之後鮮蝦腐皮卷，每一嚿裏面都有蝦， 腐皮炸得夠脆， 叉燒腸蒸得夠熱， 個腸粉皮好滑， 叉燒配料又夠多， 三條都好大條，正呀， 潮州粉果 皮薄，裏面餡料超多， 有花生，馬蹄，蝦米， 蔥花……而且每粒個份量都好多， 唔會偷工減料最後甜點環節黃金糕， 好香，咬落好煙韌， 質感有少少似白糖糕， 食埋呢個甜品畫上一個完美嘅句號。 我比五…Read More

今日嚟到北角永勝冰室， 叫咗兩份下午茶， 一個擔擔雲吞拉麵 配熱奶茶， 一個豉油皇雞髀配熱奶茶， 擔擔雲吞拉麵有落花生醬， 再加埋椒油嘅香味， 聞到已經好想食， 而且辣味足夠， 拉麵有夠爽滑， 配埋四大粒菜肉雲吞，滿足之後重點推介豉油皇雞髀， 唔係出面果d已經整好曬,擺到乾柴 佢係即時生鹵，講明要等20分鐘(有誠意) 正所謂慢工出細貨， 要食好嘢就要等多陣。等咗一陣終於有得食， 一切開啲肉汁爆曬出嚟， 佢啲火喉煮得好好， 啱啱好熟， 所以肉質非常嫩滑，個雞皮加埋啲豉油絕配 之後再嘆返個熱奶茶， 非常滿足， 推薦大家去一試…Read More