老三火鍋雞煲海鮮放題

营业中

休息中

當日嚟到旺角老三火鍋雞煲海鮮放題， 可以時宵夜時段去，比較抵食， 雞煲同火鍋都係任食， 先嚟一個半隻小辣雞煲， 雞份量比較多， 而且醃得入味， 唔會畀曬啲雞頭雞尾你， 同埋冇乜雪味， 再加埋 紫洋蔥 西芹 芫茜， 增加雞煲香味， 你唔夠食可以再加雞， 食到滿足之後就開始可以揀湯底， 佢係會換另外一個 打邊爐嘅煲畀你(好有誠意)， 我地揀咗蕃茄湯， 湯都有幾多配料有蕃茄，有粟米，有金菇， 有薯仔，有菠蘿， 跟住之後就開始海鮮 打邊爐， 今次有蝦同鮑魚， 蝦同鮑魚仲未死，仲郁緊，好新鮮， 蝦嘅蝦膏可以啜(正)， 之後再落豬肉同牛肉， 牛肉係安格斯牛， 豬肉係伊比利亞豬， 淥曬之後再飲啖湯， 鮮甜，可口， 之後仲有好多打邊爐配料畀你揀， 例如 蔬菜籃， 丸 類， 芋絲，牛柏葉，烏冬，出前一丁 白飯…………之後仲有雪糕宵夜時段九點半開始可以食到十二點， 放題有咁多嘢食又雞又海鮮又豬又牛， 再加埋啲配料 你一定飽同滿足，我畀五星星佢