blackcollar_love4b的个人专页

今日約咗一位住元朗嘅朋友食飯，佢就帶咗過嚟呢一間西餐廳。間餐廳細細，但係有嘅款式選擇都好多。我哋要咗個西班牙粟飼豬安架配薯菜，牛油果蟹肉忌廉意粉，仲陪咗餐湯同埋沙律。個忌廉湯好有驚喜，味道同出邊嘅忌廉湯比較唔同，呢度嘅忌廉味比較重之餘，啲湯嘢係手打嘅。個豬安呢啲肉都幾林，唔會有浸豬臭味。至於個牛油果蟹肉忌廉意粉，個忌廉汁好濃，個汁係廚師秘製手打嘅，所以都食得出同出邊唔一樣。飲品方面叫咗一杯凍朱古力，有一杯紫色夢幻特調飲品。環境方面雖然坐得唔算好舒服，但係職員態度都幾好，服務搭救。…查看更多

朋友話yoho mall新開咗泰國餐廳，約咗我今晚去試吓，去到見到環境都幾大，樓底幾高，所以有好多燈飾，睇落都幾high class我哋叫咗炸蝦餅，牛肉泰式沙律，仲有青檸梳打，椰汁雞湯，同埋一個泰式炒麵。其中牛肉泰式沙律好好味，下次一定會再叫。湯嘅料都好足，分量好夠，兩個人都有好多碗。蝦餅好大舊，點啲甜酸醬食，好開胃。每樣嘅水準都唔錯，亦都符合商場嘅價位，而且個環境好適合飲嘢談心。現時都見唔少情侶食。…查看更多

今日喺朗屏站附近做嘢，做完之後見到呢度有一間食點心嘅餐廳，環境幾乾淨企理，所以就試吓啦。呢度好傳統嘅點心又有，特色嘅點心又有。試咗個流心西多士，流心出嚟嘅係奶皇，超多醬，一般食點心或者茶樓嘅地方唔會試到。另外在食咗個雪山包，呢個外脆內軟，好值得一試。仲叫咗蝦餃燒賣，呢度嘅set蝦餃燒賣可以兩粒咁叫，啱晒啲想食唔同款嘅人，而且呢段嘅蝦餃燒賣特別大粒。聽店員講呢度嘅竹筒飯亦都係特色之一，我哋就叫咗個排骨竹筒飯。我想講呢個嘅鼓油調教得幾好食，撈起食食特別好食。仲有個鴛鴦鮮蝦網米腸，軟綿綿嘅腸粉皮再加上脆脆地嘅入面，呢個組合新鮮得來又好食。仲有呢個不過不失嘅鳳爪。總括嚟講值得再試嘅餐廳。…查看更多

對於個個月都要食韓國嘢嘅我來講，呢間烤肉店都係我經常尼，所以今日又尼左。今日同朋友主要都係想食燒肉，所以即刻叫咗牛肉嘅護心肉同埋牛肉嘅喜來烤肉，其實實質係邊個部位我都唔係好清楚，但見佢有推介嘅星星，所以就試咗。肉肉份量亦都好多，唔使驚得兩嚿，食完到喉唔到肺另外再叫咗韓式海鮮蝦餅同埋蟹子飯團，飯團係比一兜飯，連埋膠手套自己動手整嘅。另外每次我食烤肉都特別鍾意食側邊嘅路邊蛋，真係勁正。食完一定夠晒飽。另外一坐低其實佢已經俾咗勁多韓式小拌菜，泡菜係比較偏辣嘅，但係青瓜我就覺得好好味，成碟清晒。環境方面呢度都有啲佈置，裝修都好似韓國嘅烤肉店咁，所以都會有風味。…查看更多

喜愛食牛嘅我哋，一直都好想試吓呢一間屋企，今日見唔係好多人就入去食啦。呢度係用一個自動販賣機好似日本咁，落單嘅。今日試咗牛柳同埋牛肩頸肉，價錢亦都唔貴，除咗牛肉之外，亦都包白飯湯同埋沙律，呢一啲都係任食嘅。第一次食石板牛，覺得幾好玩又有得玩又有得食。同埋牛嘅幾成熟都可以自己控制。維京方面退月台之間都唔算坐得好近都可以接受嘅。至於飲食嘅沙律同埋湯，湯覺得偏鹹咗啲，至於沙律沙律菜亦都好新鮮而且又唔同嘅醬汁可以揀，我就揀咗胡麻醬。…查看更多

今日嚟到YOHO MALL行街，呢個商場普遍都係啲偏貴價嘅食肆，想平平哋就去咗個類似food Court嘅地方。呢度好多嘢都係自助嘅，同埋呢度嘅好處係你同朋友可以食唔同嘅餐廳都得，好似我咁我呢啲麻甩佬就梗係想食茶記嘅類型啦，就叫咗個滑蛋豬扒飯配咖喱汁，然後飲凍檸茶。至於我嘅朋友佢就話想食韓國嘢，就叫咗School food，要做一個卡邦尼年糕，配魚糕串炸餃子，飲青檸7喜。座位方面都分隔得幾開嘅，亦都有正常分隔版。衛生情況唔錯。呢度仲有好多唔同嘅餐廳，下次可以試埋其他款。…查看更多

今日去咗天水圍探朋友，睇吓朋友個初生BB，好可愛，探完之後都費事阻住人哋啦，就睇吓附近有咩食啦。見到呢間評價幾高嘅糖水舖，又喺附近，就同老婆一齊行過去，其實佢嘅位置就係天水圍西鐵站樓下，雖然佢好似喺村入邊咁，但其實係天水圍站大概三四分鐘嘅路程已經行到，所以實質其實都好方便，如果揸車人士嘅話更加方便添，側邊有啲路可以泊車。其實我今日都冇乜食過嘢，所以都有啲肚餓，除咗糖水之外，我第一時間先嗌咗一個腸粉魚蛋燒賣，老婆話想試吓啲雞翼尖，所以我叫咗一份雞翼尖。啲魚蛋同燒賣可以揀咖喱汁，我哋亦都加咗咖喱汁，都辣辣地嘅。然後腸粉d醬勁多，所以都好好味。之後每人叫咗一杯飲品，因為啲雞翼尖都辣辣地嘅，老婆就要左芒果汁，我就要左荔枝梳打。本身我好怕個荔枝梳打會好甜，但係原來佢係糖水分開上嘅，自己可以調校自己喜歡嘅甜度，呢個好值得一讚。之後見到隔離枱食個窩夫同埋心太軟都好似好吸引，真係好少糖水舖有咁多款式嘅嘢食食，基本上你諗得出嘅甜品都有，所以我哋要嗌左一份窩夫同埋心太軟。窩夫係包埋一球雪糕嘅，然後窩夫入邊有麻薯，成個組合超級夾。只要個心太軟可以再熱多少少，咁佢個流心會再突出一啲。點知我老婆仲話未夠飽，想試埋佢個桃膠燉蛋白椰皇，啲女人一見到桃膠就着迷，深信有美顏嘅功效，所以算啦俾佢叫尼試下。睇落都好多桃膠。整體來講好似話係冇一款甜品係唔好食嘅，所以呢度都幾高質，唔怕食到中伏嘅甜品，而且甜度亦都好適中唔會太甜。環境亦都乾淨舒服。…查看更多

今日喺佐敦呢邊收工，朋友過收工過嚟搵埋我一齊食飯，點知佢行到你已經成身汗，所以我哋就係近地，渡船街附近食飯就算。坐低呢間餐廳之後，環境都幾舒服，適合可以慢慢坐傾吓計嘅地方。我同朋友每人一人叫咗一個餐，我就叫咗咖喱雞飯，個咖喱雞飯都有驚喜，啲雞係好似啲鮮雞件斬件嘅雞咁，同平日食嘅咖喱雞唔同。入面仲有啲薯仔啊洋蔥，超好送飯，如果碗飯可以再大碗就好啦，份量大啲撈汁更加一流。仲有跟咗個老火湯，湯都好足料而且冇味精。最後值得一提嘅係呢度嘅侍應好好笑容，服務態度亦都幾好。…查看更多

最近睇太多韓劇，所以好想好似韓劇咁食啲韓國烤肉。朋友就帶咗我嚟呢度食烤肉啊，佢話味道都好正宗嘅。但係烤肉我都係好怕直到食個新好大浸味，但係呢度好大嘅賣點係佢嘅抽氣系統做得好好。我食完之後我啲衫同我啲袋都完全冇味。講吓我食咗咩先，我哋乜菜都未點嘅時候，佢已經拎咗啲前菜嚟俾我哋，入邊有啲泡菜，有啲青瓜，仲有啲生菜等等。跟住我哋就諗住叫一份牛肉，叫一份豬，豬就要左滬深肉，聽聞係好出名嘅。跟住再嗌左個石頭鍋飯，韓國菜式裏邊來講，我就最鍾意食石頭鍋飯，我呢啲大男人就啱晒又飽又好味。啲肉嘅質素都好高質，燒完之後，夾埋生菜嚟食，簡直一流又唔會好油膩。如果再配埋啤酒就一流，但係因為我今日揸咗車所以我都係飲可樂。…查看更多

近掛肺炎都好址少出街食野，今晚要出去油麻地買野就同老婆順便食埋番屋企！呢間火鍋店你油麻地地鐵間離，旺中帶靜！入到鋪頭老板安排位置比我地，入到鋪頭立即比滾水我地再清潔餐具，伙計仲帶KF-94口罩，有料！我地叫左幾樣野食，重點！！！1: 牛，必叫。本地牛，有牛味同夠厚有咬口。2: 墨魚滑。小心芝士爆出黎，我一咬就噴到我老婆塊面！3: 湯底：我地叫左花膠鯊魚骨湯底，起碼十舊花膠，呢個湯底唔會搞到煲野好油，要試。伙計待人有禮，好少可成間鋪頭都咁有禮貌，所有野食都好新鮮，去油麻地絕對要試！…查看更多

今日我女朋友話想食啲甜品，但係我又想食鹹點喎。跟住喺YOHO MALL揀嚟揀去，最後就揀咗Green Waffle 呢間餐廳。可以同時間滿足晒男人同女人嘅願望。11:30嚟到仲有早餐食，早餐去到12點。啲早餐都幾抵呀60幾蚊就有一個set。我哋就叫咗個班蘭鮮果窩夫，仲有一個係芝士火腿牛角包配沙律菜，另外在帶咗個鮮果燕麥粥。飲品方面就要左一杯鮮榨嘅奇異果汁，要加$24嘅，大杯嘢飲真係新鮮果汁打成，有好多果肉，所以都值得呢個價錢。另外在要多一杯熱嘅燕麥奶。先講下個窩夫先，呢度嘅窩夫做得唔錯做到外脆內軟，不過就唔係好有班蘭味。另外個牛角包新鮮滾熱辣都幾好食。至於個燕麥粥上面仲有啲亞麻籽同埋水果，好健康嘅配搭。整體來講每一樣嘅早餐味道都唔錯，而且環境坐得好舒服又唔多人，如果想慢慢優休閒嘆個早餐都係個唔錯嘅選擇。…查看更多

早兩日老婆唔知煮咩，兩個人行嚟行去，行到馬田嗰邊見到呢間Cafe好似好有情調，所以試一下（無影餐廳嘅相，男人老狗影黎影去唔好睇）。我哋叫咗個套餐，有前菜有麵包有湯有兩個主食，最值得推介就係個意粉，個汁做得好出色，配埋個海鮮，差啲幫佢隻碟都賴埋。我建議大家不妨一試，雖然小弟影相唔係好靚！…查看更多

唔好意思，實在太肚餓所以有兩幅相冇影到。呢間野喺紅磡有兩間舖，好多人排隊，但係佢喺門口都唔使排好耐就入到去食。叫咗鹽酥雞飯同埋牛肉麵，一個小食拼盤。鹽酥雞飯味道唔錯，可惜份量不太夠，同埋比較油。牛肉麵味道不過不失，略嫌味道不夠，比較淡。不過可能啱啲女士健康食。…查看更多

呢排社會實在太動盪，好多嘢都冇咩心機！今日西鐵開唔到，索性全日唔返工。中午同老婆兩個人去呢間茶室飲茶。鋪頭細細間，但係蒸出來的點心好好食，好夠熱。兩個人食叫咗六樣嘢，加埋茶位百五蚊有找，抵！最值得推介係XO醬炒蘿蔔糕，個面好脆，入面就入口即軟，味道唔會太濃，真係好值得一試！…查看更多

早兩日賭馬贏咗幾千蚊，同班手鐲一齊去開心吓。呢個晚市邊爐都係收緊$138+1星期五六日148+1，抵！配料好齊全，落單之後上菜都好快，自助服務，成班麻甩佬之選！…查看更多