8號茶居 (宏業南街) (已結業)

今日喺朗屏站附近做嘢，做完之後見到呢度有一間食點心嘅餐廳，環境幾乾淨企理，所以就試吓啦。呢度好傳統嘅點心又有，特色嘅點心又有。試咗個流心西多士，流心出嚟嘅係奶皇，超多醬，一般食點心或者茶樓嘅地方唔會試到。另外在食咗個雪山包，呢個外脆內軟，好值得一試。仲叫咗蝦餃燒賣，呢度嘅set蝦餃燒賣可以兩粒咁叫，啱晒啲想食唔同款嘅人，而且呢段嘅蝦餃燒賣特別大粒。聽店員講呢度嘅竹筒飯亦都係特色之一，我哋就叫咗個排骨竹筒飯。我想講呢個嘅鼓油調教得幾好食，撈起食食特別好食。仲有個鴛鴦鮮蝦網米腸，軟綿綿嘅腸粉皮再加上脆脆地嘅入面，呢個組合新鮮得來又好食。仲有呢個不過不失嘅鳳爪。總括嚟講值得再試嘅餐廳。