脂肪達人彭于晏的个人专页

我一直相信緣份，萬事都有上天的安排；又如我在英國遇到了最好的朋友，又如我們相聚尋找了一間非常有意義的餐廳。上星期我們的飯局，他帶我到了一間位於上環的餐廳，踏入門口，只知環境幽雅，深深被那金碧輝煌的吧枱吸引。朋友介紹下方知原來老闆家人曾經在英國中餐館，而那間餐館我和朋友當年亦有光顧，世事就是奇妙！再上網翻查，原來老闆家人退休決定回香港，老闆和朋友想保留這種在英國的中式味道，於是在香港開這間餐廳。餐廳的菜式當然也就是混合了香港和英國的飲食文化。我們點了侍應介紹的菜式：1️⃣香酥鴨薄餅吃法就像片皮鴨，薄薄的餅皮包入鴨絲、青瓜和京蔥，沾上海鮮醬；它的鴨經油炸後更香脆，咬下去卡卡響！2️⃣KFC甜酸辣椰菜花素食人都合適！椰菜花油炸後配上獨家甜酸辣醬汁，口感味道都像咕嚕肉！順帶一提，在英國生活時我最喜歡就是英國的咕嚕肉了！3️⃣炒雜菜不要看這簡單的炒雜菜，一般我們在大排檔吃到的可能是很有鑊氣，這種偏向多茨汁，但也不喊，也就是我們在英國時吃到的味道！這是一種情懷❤️可惜這天下着毛毛細雨，再中有機會好天的時候再來，可以坐在露天空位，偽裝在英國餐廳chill的日子！…查看更多

好鍾意食串燒，但係出邊一般居酒屋單點都比較貴，要食得飽人均起碼$300。朋友之前食過，介紹我哋旺角呢一間日式小店，門面裝修一眼就知道佢係居酒屋，餐廳面積唔大，的確有日本風情。食物選擇類型多，串燒，和牛，鍋物，涼拌小食等應有盡有。我最喜歡清酒生蠔將新鮮生蠔浸在酒中數秒，鮮味中夾雜酒香，互相輝影。生蠔新鮮大隻，絕對不是劣質貨。蜆湯是另外一樣我喜歡的大蜆鮮味肉厚，蜆湯鮮甜。燒茄子🍆簡單又滋味淋上日式燒汁，絕對是平民美食😆石燒牛在我們面前即燒，香氣迫人，肉質juicy，價錢合理這絕對是一間平民價錢性價比高的居酒屋🏮雖然價錢不貴，但食材絕對不用劣質，員工態度有善，回頭光顧率高👍…查看更多

亞洲菜裏面，最喜歡一定是台式料理，個人比較喜歡濃郁口味，更喜歡打邊爐，除了香港外，第二個選擇一定是台灣菜。曾經有一段時間，香港開遍了不同的台式火鍋，幾年之後，熱潮也許過了，但對台式火鍋的喜愛程度依然不減。茶茶位於旺角的中心地帶，在現今情況下，還是喜歡找一些較為舒適的餐廳，環境光亮衛生絕對重要。平日晚上時分，餐廳也坐上了八成食客左右，每枱食客最少也點上一個一人火鍋，餐廳充斥著香氣。我們點了招牌臭臭鍋，食材主要以內臟及鴨血為主，微辣的湯底叫人興奮😛紅燒牛肉麵亦是我喜愛的食物之一濃濃的湯底配上軟淋的牛肉，彈口的麵條滋味言不可語。看見隔離食客點上不同小食，多款飯類價錢親民，香氣十足😍輕輕鬆鬆談上一個晚上，食物上菜速度快，溫度夠熱，員工親民體貼，推介給各位即與好友相聚的您。😂 …查看更多

典型香港人，一年四季都喜歡打邊爐。雖然我不是牛魔王，所以知道這間酒樓有點心加火鍋放題，立即心心眼😍超級喜歡吃點心的我，每逢假日定會和家人到酒樓飲茶，現在難得晚市有得吃點心的機會，一定不會錯過。一坐下，我們便填上點心紙，點了數款點心。已經非常肚餓，到外面提取了一些涼菜小食，數款小食都有驚喜，包括拍青瓜，腎片，入味之餘相對不油膩。點心很快就送到，上枱時熱乎乎，還在出煙，蝦餃看落大粒，雖然皮不算薄，但餡料充足，鮮蝦非常彈牙；小籠包多汁惹味，皮薄餡靚，裏面的豬肉肥瘦均勻👍火鍋湯底隨即送上在等候騰滾的時候，我們到外面取了些蔬菜和丸類；肥牛肉類為了確保新鮮， 客人需要在點心紙上落單，為你送上。肥牛的新鮮度確實有驚喜！顏色鮮豔，厚薄適中， 滾七至八秒即可食用🐂菜餃亦都鮮味十足，沒有半點雪藏味。蔬菜款式選擇多，一般的娃娃菜、小棠菜，亦不會因為放雪櫃過耐而變得枯黃。以這個人均$150的價錢來說，火鍋點心放題，加上任飲汽水果汁，絕對超值😎…查看更多

西環都有唔少餐廳可以選擇，閒日夜晚就約好朋友去食居酒屋，香港食燒物都相對貴，太吉都算係性價比高。燒螢光魷魚乾-魷魚乾配啤酒係一流，我同朋友都少飲啤酒，淨係食魷魚乾都好夠味，脆口配沙律醬都好夾。牛肋肉-肉汁一咬落去就爆出黎，一串有四舊，同朋友分，每人都食到兩舊。自家製免治肉棒-店員大推，自家製限量供應，限量就一定要試，果然沒有失望，真係好好味，配埋個醬，係絕配，同朋友每人一條。雞翼-本身諗係雞中翼可以分，原來係全翼，要再加多一隻雞翼，朋友先試到啦。外皮好脆，燒到岩岩好，肉汁咬落去彈哂出黎。煙肉荔枝卷-有驚喜，煙肉本身油膩配上埋荔枝既清新爽口鮮甜，又好配，岩岩好中和左個油膩味。推介要試。露荀-本身唔太喜歡露荀，燒左既露荀，口感軟身，又無露荀既清澀味。豚肉卷飯團-豚肉包住飯，飯入面有肉碎肉鬆，並唔係單一係飯，睇得出有心思在飯團入面。燒菠蘿-最中意燒物，燒熱左既外層，鎖緊左菠蘿汁，咬落去啲汁爆出黎啦！中野紀洲柚子梅酒加梳打原來呢款梅酒淨係得太吉先有，獨家代理入口清新，淡淡梅酒香，配上梳打，夏天飲有氣既飲品係令人滿足。…查看更多

心情唔太樂觀嘅一日，被人邀請叫咗佢個朋友推薦嘅餐廳，本住一試無妨嘅心態，點知中大伏😭. 打開個🍔飽，甩晒皮都心知不妙，原隻大啡菇鮮蝦漢堡，確實有齊漢堡包，大啡菇同埋鮮蝦；前者乾到冇汁，🦐後者冇調味，衰過白烚；中間啲青瓜洋蔥3cm厚切，保證大家balance diet；薯條唔比茄汁，稔到寧願生咬薯仔。. 我只係食咗自己個Burger set，另外兩個餐就不予置評，但個咖哩烏冬一打開，陣味真係holy shit。. 睇其他食評知道，呢間可能只係好睇岩打卡嘅餐廳，可能堂食又會好食，但如果handle唔到delivery，就無謂做衰自己個名。連鎖快餐店都會好食過佢嘅burger，要我食第2次，真係不了😢.#放大個飽比您睇清楚 #有圖有真相 #藝術餐廳只限堂食打卡 #打完卡可以走 #可以不試…查看更多

因為胃口唔大，所以對於半自助餐情有獨鍾❤️鍾意有得按住自己喜歡嘅食物去攞之餘，亦都有一款高質嘅主菜。.之前一路都食開一間連鎖集團嘅半自助餐餐廳，最近發現到銅鑼灣呢間樓上高質景觀酒吧餐廳下晝都開始提供半自助午餐，價錢唔貴，勝在景觀更加開揚。今日呢一試確實有驚喜，未食主菜先品嚐沙律吧嘅各款水果同埋點心，排列整齊亦都覺得衛生嘅感覺。沙律吧嘅生果睇落新鮮, 另外仲有啲意式巴馬火腿，乾火腿，煙燻火腿... 款式選擇不算少👍點心方面，蝦餃燒賣看似中式嘅點心，廚師亦都將佢嘅外型包裝得好fusion，味道當然亦都更上一層樓。蝦餃稱得上真正皮薄餡靚，入面嘅鮮蝦爽口彈牙！燒賣亦都冇咗出面酒樓嗰種肥豬肉嘅肥膩感。 🍽️主菜方面分別點左✔️香蒜高登魚同埋✔️蜆肉意粉。個人特別喜歡前者，香煎嘅魚柳配上軟綿嘅薯蓉，偏向西式中間有帶點中式嘅fusion，調味啱啱好，將味淡嘅魚柳變成香口嘅味道，卻唔會話過於濃烈，後者嘅意粉並唔係普通平民茶記嘅蜆肉炒意粉咁簡單意粉嘅口感，爽口唔會煮得過淋，醬汁唔會遮蓋到蜆肉本身嘅鮮甜味美。午餐人均唔使2️⃣0️⃣0️⃣蚊對住個咁嘅環境，仲可以坐上一段時間，冇驅趕壓力，實在難得，誠心推介，絕對係午餐gathering嘅好地方🎉…查看更多

一行四人到尖沙咀烏蠅館食烤魚，唔洗山長水遠返大陸食喇🤗 一坐低店員就走過嚟介紹佢哋嘅菜式， 服務好好。由於朋友唔食得辣，所以叫咗蒜蓉烤魚，而魚呢我哋就揀咗多肉又少骨嘅三刀魚。條魚一黎到未放上個爐上面時已經好香，超勁蒜蓉味，店員仲教我地食咗啲魚先，食到咁上下就可以叫佢地加湯打邊爐，咁就食到濃郁嘅蒜蓉烤魚，又可以用啲精華黎打邊爐喇。魚肉同蒜蓉非常夾，而且魚肉都算多，又滑，好食，是日嘅配菜，有羅白，雲耳同埋萵荀，啲菜索哂啲精華，真係好食到不得了。食到咁上下我地就叫店員幫我地加湯，我地叫左最索味嘅豆卜，四川寬粉，同埋食唔夠喉要叫一份嘅娃娃菜呢幾樣野真係食烤魚必定要叫嘅野食。仲有唔係周圍都食到嘅黃喉，店員仲教我地烚十幾秒就食得，連唔食內臟嘅朋友都覺得好食，好爽口。另外仲叫咗午餐肉烏蠅館好有誠意，午餐肉係煎到好靚先上，唔係就咁切完就比你。我哋仲叫再個豬肉片，掛住食唔記得影相😂野飲方面我就叫咗洛神花蜜唔會太甜好清新，本身我哋仲想食埋冰粉，聽朋友講呢度個冰粉超好食，可惜當日無貨， 唯有下次再嚟食啦。 整體嚟講非常好食，值得一去！…查看更多

香港係一個租金高昂嘅地方，有時夜晚想約朋友傾計食飯，諗嚟諗去都諗唔到有邊間餐廳可以坐得耐，啲嘢食又好食。偶然發現之下，知道呢間係西營盤嘅西班牙餐廳，有同事喺嗰度做過包場活動，影咗啲相見到室內裝修非常之繽紛興奮，食物價錢都合理，所以呢日難得放假，就帶埋屋企人過嚟食午餐。一推門入去氣氛相當好大，部分都係外籍人士，連員工普遍都係。西班牙食物出名款式多，但係份量少，又叫做tapas，如果你胃口細細，但係有心思思，西班牙食物絕對係你不二之選😇我哋又真係好鍾意每樣試少少，所以先叫咗個拼盤有西班牙火腿，芝士，橄欖，油漬蕃茄，法包幾款食物，令到成個拼盤變得相當豐富。無可否認西班牙食物就偏向油，但係橄欖油嘅橄欖味提升咗食物味道嘅豐富度。成個拼盤我最欣賞佢嘅芝士，唔騷之餘仲好香好濃。另外一樣我哋全家都一致好鍾意嘅係番茄肉丸估計肉丸係主要用上咗牛肉，唔會食到有牛筋同埋騷味，感覺亦都唔會好油膩，可能係牛比豬瘦一啲。番茄醬包圍肉丸，鮮甜濃郁，不過少食多滋味，一人一粒就已經好滿足。全餐飯都令我停好開心，除咗因為服務好，氣氛好，食物亦都超出驚喜。…查看更多

因為工作嘅關係，已經好耐冇約屋企人出街食晚餐，難得呢個週末真係可以放低工作，就帶咗屋企人嚟到東涌呢個新商場。佢哋不嬲鍾意食中菜，所以就揀咗呢間門面幾光鮮嘅新派中餐館。參考選擇非常多，每樣嘢都感覺有少少fusion。前菜冷盤話梅山藥。山藥嘅白色配上西瓜嘅紅色， 感覺望落相當舒服，清甜嘅西瓜 ，為呢個前菜增加咗亮點。黑毛豬揚州炒飯炒飯炒得夠乾身，唔覺得油膩，味道適中唔會太鹹，黑毛豬肉味極香濃，飯配有蝦仁，爽口而且夠大粒！花雕瓦罉豉油雞雞肉嫩滑，淡淡嘅花雕味唔會好難入口，加上配菜有蒜頭同蔥頭，提升咗整碟豉油雞嘅天然味道。…查看更多

開始踏入秋季，又係瘋狂打邊爐嘅季節，雖然有時仲會有成30度，但係呢個打邊爐喺香港人嘅文化，相信亦都唔會有人覺得奇怪。以前食牛就淨係會得或牛肉或者肥牛，而家越食越刁鑽，有唔少火鍋店都推出牛肉拼盤，由唔同嘅牛部位組合，當然除咗相機食先，味道亦都不俗。呢一日就同牛魔王男朋友嚟咗呢間新開嘅火鍋店佢嘅牛肉拼盤都有幾款可以選擇，肥瘦均勻，肉質鮮嫩，另外可以加錢點任配任飲任食嘅配菜，例如丸，菜等等。鍾意食牛嘅朋友一定會鍾意呢間嘅湯底，其中潮汕牛骨湯非常驚喜，唔好睇佢顏色淡，但係味道超濃，濃之餘因為加左粟米，所以都有清甜感覺。…查看更多

南昌開咗個新商場，趁放假又落雨，所以係最好嘅假日好地方。商場都有好幾間食肆，花多眼亂，今日同家人嚟行街，所以揀咗中菜，和平飯店個名聽落都幾上海feel， 個門口又幾特別。糖醋魚塊，係我鍾意食嘅中菜菜色之一，鍾意酸酸甜甜嘅味道，加上自己鍾意食魚。呢到個魚去炸到脆卜卜，淋上汁都仲依然feel到香口。十穀薏米水飽肚之餘亦解熱氣，淡淡地嘅味道中和咗炸物食物嘅油膩。喜歡湯丸，煙韌嘅外皮，鍾意呢種口感，皮唔太厚，浸係甜度適中嘅糖水中，為呢一餐畫上完美句號。…查看更多

幾年前食火鍋，大家嘅選擇可能仲圍繞住旺角區一啲任飲任食嘅餐廳，未必十分重視佢個環境同質素，而係著重佢嘅性價比。今時今日，我同朋友都會選擇佢嘅質素，而價錢係次要嘅考慮。尖沙咀呢間醉胡爐，環境算係型格浪漫暗黑嘅裝修，天花掛上大型球體裝飾，餐廳中央仲有個調酒區真係唔講都唔相信係一間火鍋專門店。食物嘅選擇多，除咗一般火鍋配料，仲有供應串燒同埋刺身小食。湯底方面，除咗傳統嘅湯底例如皮蛋芫茜湯，亦都有一啲好創新特別嘅養生湯底，例如：冬瓜花膠雞湯或者火焰龍蝦湯，人少嘅時候，建議係一個湯底再加多兩至三份單點小食，已經好足夠，因為養生湯底入面嘅配料亦都比較多，用足料嘅雞同花膠去煲製而成，有誠意。如果你鍾意食牛而追求高質，呢度有唔同牛嘅部位最基本嘅肥牛，至比較高級嘅安格斯牛都應有盡有。如果你唔太大食想試多幾款，呢度小食嘅份量，每一份都適中，價錢亦都合理，例如黑松露水餃，半份只有四隻，唔會好飽，唔夠嘅叫一份亦可。平時打邊爐通常都會點粟米落去滾，滾到最後粟米會吸曬所有精華，相當滋味。今次我哋嗌咗串燒嘅燒粟米咬落亦很清甜，而且都有一種燒出嚟嘅香味。如果一大班朋友打邊爐又想飲酒，呢度亦都供應有啲特別嘅酒類飲品，邊個話打邊爐一定只可以飲啤酒，創新嘅配搭，滿足到唔同人嘅需求。…查看更多

簡單未必係一件壞事 有時過於複化反而會破壞咗事情本身嘅意義。現今社會越嚟越多fusion菜，既有中西fusion，亦有西日fusion。 個人唔係唔欣賞fusion菜，但係對於傳統嘅國家菜式或者小食亦都帶有一種莫名其妙嘅喜歡。. 📍英國馬莎喺香港都有一段時間，眾所周知佢除咗買衫，仲有食物，不過佢喺香港有cafe又唔係大家都知 ，分別喺太古城同埋朗豪坊。 呢日喺旺角行街因為落大雨，所以入咗朗豪坊地庫，見到馬莎嘅食品部，門外就設有佢哋嘅cafe。菜式保留傳統英文風味，由輕食，到比較heavy嘅主食都一應俱全。今日落嚟避雨又未食飯，見客人嘅菜式睇落都真係幾吸引✨所以決定同朋友喺度解決我哋嘅午餐。. 🇬🇧英式烘餅配果jam及牛油好多時係佢哋食品部有售賣嘅食物，喺佢哋嘅cafe都會食到，就好似呢個烘餅，佢係馬莎cafe新登場嘅食物， 睇落有啲似英式muffin同埋熱香餅之間，從來未食過呢款咁特別嘅烘焙類食物，口感咬落有啲煙韌，有啲麥香，烘餅本身唔會太甜，適合配上任何可以搽麵包嘅果醬、花生醬、蜜糖🥞佢好容易吸取其他醬汁嘅味道，令到成件事互相輝映，相得益彰。. 另外一樣店員介紹我哋嘅係地中海拼盤呢個絕對係肉食者嘅大愛，拼盤入面有幾款🥓肉類，如巴馬火腿，意大利肉腸，另外仲有意式芝士、橄欖、阿支竹、蕃茄乾、鷹嘴豆泥同埋中東麵包。呢個拼盤款式好多，每一樣食物對香港人嚟講都比較陌生，或者成日會喺食品超市見到佢有得賣，但係又唔敢買返屋企，因為未試過，所以覺得好好嘅係可以喺cafe 試完每一款再將自己喜歡嘅係食物超市買走。 講返呢個拼盤，我最愛佢黑橄欖味濃， 芝士味微淡，鷹嘴豆泥充滿豆香， 佢嘅中東麵包，烘焗後呈上，亦都唔會乾巴巴👍. 同行朋友本身唔係肉食獸，所以佢另外都叫咗一個藜麥沙律配大蝦。開頭以為會係凍冰冰，但係藜麥經過翻熱，所以送上嘅時候都係微暖，感覺即刻好窩心🤤 份量絕對唔少，加上藜麥唔係飽肚，所以呢個雖然係沙律，但係如果一個人食都真係足夠😂. 叫咗兩杯分別係熱朱古力同埋熱mocha前者濃郁香滑，後者豆香溢出。. 📍馬莎cafe有一樣嘢好，就係唔限時唔會畀人趕😂半自助式嘅服務，出去畀錢買嘢食之後，店員就會為我哋送上食物，如果想約朋友喺旺角搵一個冇人趕嘅地方，馬莎絕對係一個好選擇✨…查看更多

🍅蕃茄喺種平民食材，但係點樣要將番茄煮得淋漓盡致係一個難題。平時喺屋企食開番茄炒蛋，出街食開番茄湯通，高級少少會食番茄水牛芝士沙律，佢嘅變化真係可以好多。荃灣呢一間樓下冰室，據聞佢嘅蕃茄湯通同埋滷水雞係非常出色，一向都唔抗拒茶記食物，甚至有少少麻甩，對於愈拿渣嘅食物就越喜歡。今日就過嚟尋味😎蕃茄湯通有跟餐，可以加錢加配雞翼等等嘅小食。湯底濃得黎帶啲甜，並唔係全天然嘅蕃茄酸甜味，相信加咗茄汁同茄膏去煮，非常濃郁，份量亦都十足。揀咗三個餸，估唔到叉燒肥瘦適中，軟淋香濃。最創意嘅一個點就係佢加入咗滑蛋，估唔到滑蛋同蕃茄滑嘟嘟嘅嘢放埋一齊，提升咗味覺嘅層次享受✨叫咗一份鹵水雞翼三隻雞全翼，相比起只有雞中翼個更加喜歡雞全翼，因為佢包埋雞鎚嘅部分，入味之餘仲好大隻，鹵水汁唔會太鹹。雜果沙律係我朋友介紹過一上桌，嘩一聲，份量相當唔細😋最怕勁多沙律醬，而呢個沙律嘅食材平衡得好balance👍估唔到一間茶記姐姐嘅服務亦都相當優質，笑面迎人而唔係黑口黑面，上菜速度快，餐廳內部裝修有特色，價錢仲要唔貴，性價比相當高😎…查看更多