Kwab Kwan的個人專頁

深水埗鬧市中有間泰北美食，聽落幾特別，望入去佈置幾有特色。下午茶時間試下menu嘅粉麵。之後叫左野先知其實可以叫menu之外嘅野，例如食返海南雞果類。不過唔緊要啦。泰北魚湯麵配料幾豐富。泰式魚蛋好彈牙，質感一流。豬紅正常，唔會腍到一夾就散。鳳爪軟硬適中。秘製鹹肉好似港式燒肉，肉都唔少，連皮上，真係好似燒肉。米線幾軟滑。調味方面，湯底都幾辛辣，老闆已話特別調冇咁辣。真係落左好多蔥、蒜、椒，湯汁幾香濃。可惜唔食得辣嘅人唔多啱食，整體味道濃。泰北家鄉湯粉絲餸都係差唔多，除左多左半隻蛋，蛋都好食。麵底叫左粉絲，好滑，質感好好。惟味道太鹹，有d失手。老闆都好好，主動問我地意見，並即同廚房商量點改確保調味質素。湯汁相比泰北魚湯麵較為失色，香味唔多明顯。椰青椰青非常清甜，絕佳。青檸梳打味道唔會太甜，青檸味都ok。餐廳環境方面佈置都幾靚。可惜二人枱好細，真係非常非常逼，擺野食都冇咩位。餐牌：…查看更多

食肆細細間，但冇所謂，最緊要用料得！而且成晚職員好好禮貌，又成日幫手加水，即使多客都服務好好，抵讚。刺身無論係蝦、三文魚、帶子或北寄貝都好鮮甜。花之戀壽司三文魚味道唔錯，好多蟹籽。初初有d驚好多沙律醬，但食落卻唔係死甜，反而比出面食嘅多左d酸味，竟然仲開胃。炸蝦天婦羅上碟時新鮮炸起，摸落好熱。不過我擺左一陣先食又好快唔夠熱添。值得一讚係炸得好好外層夠脆且唔油膩。蝦肉好嫩滑亦有蝦味，可見用料同烹調技巧都上盛。炒雜菜好多木魚絲，仲有好多冬菇，真落足料。部份菜炒得硬左少少，整體都好食。落左少少楜椒，惹味得黎唔會太鹹。蜆肉湯蜆肉湯味道不過不失，唔會太鹹。可惜係隻蜆味道明顯唔新鮮。生薑豚肉飯料好足，飯又多肉又多冬菇亦多，而最多嘅係薑...本人唔鍾意薑，平時食會夾走大塊薑。然而今次餐廳係將d薑磨得好碎，故此完全避唔到。不過如果鍾意食薑的話，咁樣整真係好好，睇到餐廳好有心。二人餐，係唔使加一服務費！…查看更多

店舖唔算大間，見食飯時間人客數量相比同一條街其他食肆少，唔使咁逼就試下。1.蕃薯苗鮮肉餃拼韭黃蝦仁餃餃子可雙拼，每樣5隻。蕃薯苗菜味算香濃，且食落多汁唔會好乾，抵讚。餃皮厚薄都唔錯。蝦仁有大大粒，但糊椒粉味略重。韭黃味也香濃，但就唔多均勻，部份餃韭黃好少。2.菜芯苗菜芯苗揀左上湯。茶芯苗好嫩，完全唔會有渣。上湯就少少鹹。3.涼拌海蜇海蜇質感ok, 用蒜蓉拌蒜蓉味重，加上有青瓜絲。不過整體比較酸，蒜蓉味亦加添辣感，較重味。4.山東手撕雞（細）雞撕出一絲絲，唔會韌 ，質感滿意。雞肉亦帶點雞皮更滑更可口。可惜覺得比較鹹。5.冰糖雪耳木瓜燉桃膠用料非常多。除左雪耳、木瓜、桃膠仲有百合等。桃膠唔會煲到溶晒，所以整體唔會太漿，幾好。可惜的是味道幾淡，冰糖味好少唔甜，香味亦唔多覺有，係靠木瓜少少嘅甜味撐起。…查看更多

食肆隱身工廈，然而卻係漸漸全場爆滿，可見絕對唔野少 1.香草烤雞+薯蓉烤雞非常嫩滑，質感鮮嫩，烤得非常好。雞味則一般，醃得入味，惟偏鹹。柚子醬係精華，香甜而不膩，係亮點。薯蓉嫩滑，牛油味適中，好易入口。整體唔錯，份量就略嫌比預期中細少少。個甘荀湯就麻麻地。2.黑毛豬意粉黑毛豬煎得不錯，肉質直頭可以爽脆來形容，好好食唔會過火。豬味就唔多夠香。意粉稍偏硬，但香草同牛油味恰到好處。蕃茄仔配菜都好新鮮可口。3.蕃茄香辣海鮮意粉意粉都算辛辣，整體惹味，蝦青口魷魚等材料也幾新鮮，份量都唔少。不過真係唔食得辣就未必考慮叫。4.芝士蛋糕由於叫套餐所以仲有芝士蛋糕。原味正常，芝士味唔算太濃，所以食落唔會太肥膩。綠茶味也不錯，惟雪得太硬。柚子味則好清新好好食。套餐跟茶。檸茶好淡冇咩甜味。檸檬用料都ok唔會澀。服務員幾好，成日幫忙斟水。整體食物唔錯，惟空氣較焗。餐牌：…查看更多

去餐廳食野除左食佢嘅味道，亦係食一份感情。媽好耐之前黎過，隔左咁耐，風味依舊。老闆並介紹好多菜式都係冇落味精！1.擔擔麵擔擔麵有d花生，肉碎，蔥碎，上枱由你自己攪拌勻。老闆話蔥碎都係人手切，見大細勻稱，呢粉心機值得欣賞。湯汁味道帶辣，但把麵混和各種配料中和味道也易入口。惟麵質實在太腍。份量亦比預期少。2.鮮肉韭菜餸餃子上碟時睇落餃皮較腍，食落厚薄又都ok軟硬也適中。韭菜味也濃。惟覺得韭菜稍偏硬，肉碎比例量較少，故味道較偏重韭菜味而少肉。調味濃淡適中，老闆指完全唔落味精，我食完亦覺得一d都唔會口乾。3.京式燻素鵝此菜式係凍食。外皮充滿燻煮的香味！老闆指是用茶頁燻製。內裡塞了滿滿的紅蘿蔔粒及沙葛粒，爽脆口感一流，食落亦涼快消暑。4.豆漿老闆指是用人手磨豆。飲落也比外間的豆漿稍微多一點豆味。老闆見我地飲完仲免費斟多一杯比我地添。…查看更多

一向都覺得euro go go係連鎖式快餐店，叫做高級d。想食平野又不失尷尬，就試下成十年都未食過嘅餐廳。1.肉醬薯蓉薯蓉算軟滑，肉醬汁也有足夠酸味，令到食落口唔會太飽滯，肉醬幾惹味。2.白汁香腸蘑菇意粉味道適中，意粉質感軟硬都唔錯，易入口。白汁都唔會太漿。3.煙肉焗忌廉西蘭花煙肉鹹香，西蘭花同忌廉汁都係麻麻地焗得唔混和。西蘭花明顯較硬。4.香蒜芝士藍青口青口好細隻，不過味道又卻唔錯，仲勁多焗過嘅芝士，好啱口味。5.凍蜜桃茶甜甜地，少少茶味，又幾解熱解渴。當日咁啱想食濃味少少，所以幾啱胃口呢。價錢算抵啦。不過真係冇人手得好緊要，我比錢買野過程個店員又要去顧其他客人問野同排隊，都真係令我勁無奈。…查看更多

食海鮮又唔想咁貴，200蚊一位可以食到咩？答案係8份海鮮+6份高質打邊爐靚料+特鮮甜靚粥！！1.肉蟹蟹膏超爆多，蟹大隻好多肉，蟹鉗淡淡肉蟹腳每隻都可以食到肉。肉質非常鮮嫩，煮11分鐘到火候恰到好處，好鮮！蟹膏煲左落湯鍋入面香味撲鼻，一絕2.蠔蠔係細細仔，煮完又唔會點縮水。份量好多，好滿意。味道亦算鮮，口感唔錯。3.象拔蚌象拔蚌好大隻，肉質有嚼勁，可能煮耐左d。不過味道唔鮮，且有d沙囊要清走。4.活魚唔多識係咩魚，都幾嫩滑，魚味就只係普通。份量都唔少，四大件。5.帶子帶子煮得太耐好韌，而本身鮮味真係唔得，係全晚最失望。其餘仲有2份蜆及1份花甲冇影相，蜆都鮮味，花甲就一般。食完海鮮仲可揀六種食物。所有食物都好新鮮。而且真係鮮甜到難以形容相信係因為煲湯已經匯聚左海鮮嘅精華。無論冬菇，娃娃菜，肥牛，花膠都非常鮮味，加上超甜粟，正到暈。最後落埋d配料做粥底煲埋食，又夠飽，又好食。當日仲咁好彩可以安排到我地兩人坐4人枱，好爽…查看更多

見好似話有七折，入去試下。1.牛舌（前菜）牛舌有少少蘇味，但都算正常。煮得夠腍，質感唔錯，味道尚算可以。2.漁正魚生飯魚生質素係唔錯，都算鮮甜，且仲有比較少食到嘅八瓜魚刺身。只係份量真係好細，魚生每樣雖也有約3塊但每塊都真係好細。3.五目炒雜菜雜菜唔算炒得熱，味道ok不過不失。份量都係好細。4.梅子茶漬飯茶漬飯同梅子出奇地夾，梅酸味好清新，同紫菜加湯飯一起吃好易入口，大大碗都好快食晒，味道唔錯。惟茶味比較淡。服務員都成日幫忙添茶水。…查看更多

點心可以有幾好食？呢間即叫即整，落足料，我服！1.花膠蟲草花粟子燉土雞湯個湯有咩料，睇標題就知，唔使多講。個湯名有嘅，都真係有，冇呃你。蟲草花超多，土雞雞肉超級出奇地香！見落左好多杞子，紅棗，令湯香濃得黎又清甜。真係貨真價實超足料，湯又勁熱。不過略嫌甜左d2.蟹籽燒賣皇燒賣好大粒，大過酒樓食。每粒打得肉質夠結實，好飽滿，口感味道一流！3.鮮蝦菜苗餃菜苗塞得好滿，好有菜味又唔會有渣，蝦大大隻又爽口。皮唔算薄，但我鍾意:)味道一樣好好。4.瑤柱蝦米煎腸粉落左好多蔥同蝦米，加上真係即叫即煎，食落口仲係好熱，更加香口。不過就唔多覺有瑤柱。同埋本身腸粉完全冇味，係要點甜醬。5.增城蔗糖馬蹄糕出面食馬蹄糕邊可能見到咁大粒馬蹄，唔使講，足料程度何等佛心。蔗糖味香糖，食完之前幾款鹹點食返甜野令口味恢復清新，好正。普洱好好飲，好消滯。茶錢只係$4/位，仲唔使加一服務費，真夠良心吧！雖然位置較細唔會坐得好舒服，但勝價比高呢！…查看更多

疫情下都勁多人，惟有買外賣。就睇下有幾好食。1.黑豚肩燒丼其實冇咩概念豚肩係點。食落口塊肉超大塊，有4大塊！肉質非常好，因為切得厚薄適中，肉味既香又唔會太韌。而重點係果種燒烤而成嘅味道非常出，肉烤完更香，相輔相成，絕配。配上燒汁相當惹味。燒得恰到好處又唔會燒焦。濃味配白飯簡單好食。2.雜錦刺身丼刺身肥美，每件都大塊，並且厚切。蝦尤其鮮甜。蛋出奇好食，蛋香濃。刺身整體質素也不錯。芥末唔會太刺鼻，幾好。地上最強燒丼...又真係幾強…查看更多

以前食過西環分店，今次黎北角試下。1.帶子魚生飯定食帶子魚生飯魚生都比足料，種類多，都算新鮮。三文魚都厚且鮮美。帶子尤其鮮甜北寄貝就比較薄切。魚生飯嘅飯幾高質，溫度暖暖的餘溫，亦帶微甜味，質感軟熟帶黏，好易入口。前菜有沙律，亦有一小塊魚肉，近魚鰭位置的魚肉嫩滑，甜甜地也開胃。麵豉湯則比較濃，個人較喜歡清淡。2.韓式豚肉煮豆腐定食鍋物味道偏甜，甜中帶辣，幾惹味。豆腐非常滑係一流。鍋物有菜，粉絲同冬菇等材料，整體味道也ok。不過豚肉份量比較少。店員服務都幾好，好有禮物，上菜時亦會提醒小心。惟由於店舖較細，座位就唔多夠闊落，且今次要坐bar枱。店家都貼心，有掛勾可掛袋。如唔坐bar枱，兩人就要去四人座搭枱了。…查看更多

漢堡包我一向麻麻地，原因係以往食開平價嘅漢包，而往往都係冇牛味，或者乾過肉干。好食通常都好貴。今次黎my burger推翻我對漢堡包嘅一切認知。1.大啡菇芝士牛肉漢堡相片影得唔好，實物比相片震撼幾倍。如餐牌一樣，有牛肉，啡菇，洋蔥，芝士，蕃茄，沙律菜。個包大到個口咬唔到隻大啡菇菇味勁香濃又大隻，勁爆多汁！牛肉幾厚，有黑椒好惹味，牛味亦幾好，重點又係爆汁！沙律菜切到一絲絲，質感更爽脆有層次咁多樣配料超夾，惹味得黎少少酸好開胃。成個包勁熱，d汁又多又熱真係前所未有，拿上手好夠晒熱，即整即上枱超好食。個包好軟熟，唔會死實實。咁嘅價錢超抵，可媲美出面成百蚊嘅漢堡。2.經典牛肉漢堡配料同剛才啡菇牛堡差唔多，除左係冇左啡蘑，變左酸瓜。酸瓜令味道更開胃！勝價比一樣高！可以加$20叫左薯條同熱檸茶。薯條細細兜但都脆，檸檬亦都新鮮，茶包就用普通茶包但都唔錯。食物冇得彈，惟座位較逼，更多人係買外賣…查看更多

好耐冇食過鐵牛，好食嘅當然要回味一下，之前食飯，今次試下食麵。紅燒牛筋腩麵牛筋同牛腩份量唔少，且均勻有筋有腩。牛筋煮得淋，唔會硬實實，不過反而過淋左d。牛腩肉質也算ok，有幾塊，其中兩塊煮得軟硬適中恰到好處， 當中有一塊更帶有少少筋膜質感更好。惟另一塊有點韌。湯底只算是普普通通。麵質也算軟硬適中。2.鮮蕃茄大塊牛肉麵都有大塊蕃茄，湯汁偏甜。麵質軟滑。牛肉都係大大塊，煮得幾淋質感唔錯算好食。份量來說也真不少。3.熱珍珠奶茶珍珠奶茶也算香滑。上茶時是給一包白砂糖你自己加，同想像中珍珠奶茶調好晒有d唔同一。不過跟麵價都要加$18就有d貴。根本唔算係有set lunch。餐牌：…查看更多

見呢間店舖出名食龍蝦湯、泡飯，一係唔叫，一叫當然食豪d!叫d龍蝦食下，都係唔使一百蚊！初初都擔心便野冇好，但食過就知物超所值。1.殿 海鮮龍蝦湯泡飯唔使多講，亮點當然係隻龍蝦。龍蝦係半隻，肉卻係唔少。龍蝦身肉好有質感，唔會煮到好淋，有嚼勁非常啱我。味道鮮美，完全估唔到。龍蝦鉗亦唔細，味道同樣鮮美！除左龍蝦，主要有蜆、青口及帶子。無論邊種海產每隻都絕對唔細隻，有咁上下份量。個碗睇落唔算超大，但青口有四五隻，蜆更加多達約二十隻！食到口都攰。這幾款海鮮唔算得上好鮮美，味道不過不失。而份量多到咁已經無需挑剔最正係仲有 好多菜，夠健康。湯底方面調得都算好，尚算鮮味。只係$98.2.蟲草花螺頭雞湯底 鮮牛肉湯飯 配白菜這款只賣$48！！餸非常足料，有蟲草花、雞件、好多菜同牛肉。仲有少量螺頭。雞件好滑抵讚。牛肉則有部份好食有部份好淋醃得過龍及偏鹹。菜幾爽脆。總知又係超多料食到攰然而湯底方面略偏鹹。唔使加一，員工又有禮貌,滿足了。餐牌門面…查看更多

情人節食二人餐，價錢實惠得黎味道上盛，極級享受何奇難得！餐牌：1.小食拼盤一口芝士：芝士味非常香濃，炸粉唔會太厚明太子雞翼：香辣惹味，可惜我麻麻地辣。幸可以點糖漿吃，也好食。炸豬軟骨餃子：豬軟骨細細粒夾雜豬肉，口感極爽金粟紫薯餅：炸得適中，甜而不膩，極好食。2.特選三色刺身三種刺身都幾新鮮！雖然幾厚切，但出奇地一點也不膩。配檸檬汁好清新開胃3.龍蝦忌廉湯都足料，有蝦肉。然後比較鹹，變左唔多食到鮮味。4.初見石燒香草吉列牛、板燒安格斯雪花牛肉真係不得了，賣相已經超級正！香草吉列牛切得好薄，所以質感一d都唔韌。包上綠色外層嘅吉列香草簡直係爽脆！放石板上燒好快就熟。不過吉列牛的牛味比較普通。然後到食安格斯牛，極度驚喜！牛味超級香濃，正到爆！！雪花紋都唔錯，一點也不韌。配上少量鹽一起食味道更昇華。係近年食過味道最出眾嘅牛肉，估唔到係呢間小店食到。板燒更特地提供少量肥膏先出油，燒肉時唔會咁黏底，感覺更高檔。可惜嘅係配菜金菇好難燒，一係燒唔熟一係燒干，唔多適合燒。個餐仲有一杯飲品同布甸，真係抵食。$400兩個人唔使加一，真係勝價比冇得輸。服務之佳亦令人驚訝。明顯見職員係按我地食野嘅速度上菜，唔係一次過上晒菜式！環境：其他餐牌：…查看更多