1.蕃薯苗鮮肉餃拼韭黃蝦仁餃
餃子可雙拼，每樣5隻。
蕃薯苗菜味算香濃，且食落多汁唔會好乾，抵讚。餃皮厚薄都唔錯。
蝦仁有大大粒，但糊椒粉味略重。韭黃味也香濃，但就唔多均勻，部份餃韭黃好少。
2.菜芯苗
菜芯苗揀左上湯。茶芯苗好嫩，完全唔會有渣。上湯就少少鹹。
3.涼拌海蜇
海蜇質感ok, 用蒜蓉拌蒜蓉味重，加上有青瓜絲。不過整體比較酸，蒜蓉味亦加添辣感，較重味。
4.山東手撕雞（細）
雞撕出一絲絲，唔會韌 ，質感滿意。雞肉亦帶點雞皮更滑更可口。可惜覺得比較鹹。
5.冰糖雪耳木瓜燉桃膠
用料非常多。除左雪耳、木瓜、桃膠仲有百合等。桃膠唔會煲到溶晒，所以整體唔會太漿，幾好。可惜的是味道幾淡，冰糖味好少唔甜，香味亦唔多覺有，係靠木瓜少少嘅甜味撐起。
