Stlovemy's Profile

見到新開，網上評價唔錯就黎試下😃閒日夜晚唔太多人，又唔會趕你走，食物質素唔錯，好岩想靜靜地傾下計嘅朋友我同朋友叫左set dinner for 2, $588 兩位唔算貴有兩個starter 兩個main 同一個甜品Starter : French onion soup 洋蔥湯 ⬇️超濃味仲要有芝士同法包喺入面食完好滿足🥰Whitebait Tempura 炸銀魚 ⬇️手指size 一條條，無骨炸得幾脆無唔會油淋淋，份量ok 唔會得幾條Main:Galette la Chèvre Saumon 煙三文魚可麗餅⬇️個餡有：煙三文魚+蛋+菠菜Beef Bourguignon 法式紅酒燉牛肉⬇️個薯蓉好滑又好香奶味😆 加埋個牛肉一齊食好滿足Dessert:Crepe La Liegeoise 朱古力雪糕可麗餅⬇️食完再加甜品就完滿個朱古力蛋糕唔係好甜個種，都幾香朱古力味，夾埋d cream 就岩岩好，但就唔係話好滑好滑…Read More

同朋友食生日飯，見到新開omakase 就去試下地處灣仔，本身以為港島區嘅會好貴，無諗過價錢都ok wo!我食左好似廿幾款野，但OpenRice 最多upload 12 張相，所以我盡post la😂第一樣要介紹嘅就係呢款生蠔，真係好大隻，大到係一隻會填滿左成個口，同埋非常之鮮美，個少少嘅醬油提味，簡直係神來之筆👍🏻呢個響螺好爽口，再配合少少青檸皮，好fresh以下呢兩款師傅話係用備長炭，網燒左層皮。備長碳燃燒時極少煙，所以舖面空氣清新，佢地原來晚晚都會用備長碳燒嫁！除左好似一般咁用醬油，呢款用左一片昆布放喺魚身上面，除左好味之外，同時加添左咬口大大啖松葉蟹羔放喺蟹肉面，再加左紫蘇花，令濃滑嘅蟹羔食起上黎無咁膩之餘，仲好靚添有咩開心得過食蟹唔洗自己剝殼，仲要大大啖😉鮮北寄貝壽司跟住黎到omakase 實有嘅菜式，拖羅同埋海膽，海膽下面其實有件炸帶子，不過我無影到出黎，個口感係 酥+滑+凍+ 脆， 係令人滿足嘅感覺😋呢個係法國魚子醬，而下面個層係鮟鱇魚肝醬，每咬一口都有魚子醬喺口腔內爆開，再溝埋鮟鱇魚肝嘅creamy, 原來都幾夾嫁喎！食到咁上下，通常都會熱湯飲，呢個極多蔥嘅湯真係好香，為食完咁多生冷野，帶來一個溫暖嘅wrap-up最後當然唔少得甜品啦，係噴左日本威士忌嘅密瓜，再加師傅手造嘅豆腐，同白肉粟米，呢個甜品真係岩晒香港人嘅口味，唔會太甜，主要係清甜餐飯食物令人滿意，完全對得起佢個價錢，同時間係真心食得好飽🤣 另外值得一讚嘅係師傅好有趣，食飯時唔會因為師傅太嚴肅而覺得好尷尬，總體黎講係一個好味又愉快嘅一晚💪🏻⬇️ 我有比錢食飯嫁，唔係宣傳黎🤣…Read More

因為有timesqaure d 消費劵，見呢間野新開就去試下，雖然門口掛左好多白色嘅豬豬燈籠，但太想食牛嘅關係，無試到豚肉嘅菜式～我地叫左一個宮崎和牛飯 同 「特選」宮崎和牛飯⬇️宮崎和牛飯加左隻溫泉蛋⬇️「特選」宮崎和牛飯，加左$15要個沙律同麵豉湯，個麵豉湯好鹹😵兩個飯最大嘅分別係d 牛肉嘅大小同埋油花特選個款肉明顯大片d 同油花多d，正所謂無比較無傷害，仲要特選個款只貴$20，所以唔洗諗，大家可以直接揀特選😂總體黎講食物係ok 的，係上菜時間太耐，等左成30分鐘先有野食，不過店員見我地好耐無野食有主動幫我地催廚房嘅…Read More

朋友生日飯，聽講呢間片皮鴨好出名，大家專登入新界食，點知好失望😞鴨同主食都好普通，反而甜品ok，怪唔之得openrice熱門食物嗰度有咁多係甜品。我哋叫咗一隻鴨（一食）、鮮紫穌蒜醋帶子牛油果、厚街臘味煎魚餅、客家娘酒煮鮮雞、焗黑芝麻湯圓酥皮批同埋腐乳芝士蛋糕。首先講吓隻片皮鴨，整體來講係冇乜鴨味、亦冇乜油香，層皮仲要烤到燶燶地😵一食就分開咗鴨胸肉、皮連肉同埋淨係皮三碟分開上。個鴨胸肉好乾、淨係皮個碟又燒到有啲燶、即使皮連肉個碟中間有層脂肪喺到，都係乜味😒只可以話得個賣相係ok 😓都會有個廚師喺你面前片肉嘅⋯⋯烤鴨一食$628佢個前菜鮮紫蘇蒜醋帶子牛油果$198，有驚喜，感覺好清爽，估唔到牛油果同醋係會夾得埋。客家娘酒煮鮮雞$268酒煮雞，有啲藥材味，雞肉有點鞋厚街臘味煎魚餅 $238口感似泰式魚餅，不過加左臘味同無咁油係少少彈牙唔會好粉，味道ok全晚最好食就係佢嘅甜品😂焗黑芝麻湯圓酥皮$65 真心好味👍🏻，佢個酥皮好鬆化，亦好香牛油味，再加一個軟糯嘅流心芝麻湯圓喺中間，脆脆地同煙煙靭靭嘅組合，令人好滿足腐乳芝士蛋糕 $65口感似New York cheesecake，食落個味都似，係食食下會慢慢有陣腐乳味飄出黎，唔會好濃烈，係淡淡的，陣味都夾到，味道ok 👌🏻講完食物，講下服務同環境。服務黎講係唔錯的，員工會細心講解點樣食用隻鴨啦，又會成日幫忙添茶。但張台唔知點解總係黏黏地😓…Read More

我同朋友一人叫左一個藥膳醉雞鍋，無加飯/麵，即係得雞肉同埋雞湯，以女仔嘅食量黎講好夠飽！個雞湯好清，同埋唔會好油，飲落去有好出嘅當歸同埋川芎味，一鍋湯入面有7-8舊雞嫁，d 雞又唔會話煲到霉左好鞋咁，好足料好好味😋奉勸唔飲得酒嘅朋友食呢個雞鍋前諗清楚，因為食完個人成身熱晒，我朋友食到醉左，塊面紅晒仲wing wing地😂 但真係堅正，冬天想補一補/ 女士想驅寒都正呀除左呢個醉雞鍋，舖頭仲有醉雞單點，亦可配飯。另外都有粉麵。…Read More

好鍾意食burger , 見到呢間舖頭話全球排21位，即刻去試試我叫左一個 classic cheddar burger，舊肉有140g 仲要係aged，鍾意食牛嘅我見到即刻雙眼發光因為唔係好餓所以無嗌薯條，女仔淨係食一個包都應該夠飽。舊肉係medium, 咬落去有汁流出黎，係幾juicy ge! 但我覺得肉味就唔夠濃，同個面有少少乾。包係鬆軟嘅，亦唔會好似Shake shack 舊包咁又油又壓到扁晒。呢個包要$135 仲要無跟飲品同薯條嫁，就真係唔係好抵呢個價😅 我寧願食Shake shack。Btw, 舖頭係open kitchen, 入完去由頭到腳都係油煙味😅…Read More

環境、食物、包裝、陳設都好靚，但份量唔多，味道正常。服務好好，店員親切。為慶祝同事生日，揀左呢間靚靚餐廳同佢食生日飯。由於疫症，所以即係舖頭細細都係坐唔滿嘅。我地叫左兩個蘑菇risotto 同一個carbonara 同埋一個 Blue Earl Grey Cake. 舖頭唔多客，但上菜時間都幾耐，1:10pm入座，到1:40pm先上菜😅 仲要食物黎到唔係好熱，只可以話係暖暖地。呢個risotto 好足料，上面舖滿蘑菇👍🏻 佢唔係好奶好creamy 個種，上面加左d 黑醋調味呢個carbonara 我無食，但同事話係一個正常嘅carbonara，而我嘅comment 係好細份😂因為唔夠時間所打包左呢到個signature cake - Blue Earl Grey 番公司食。上面嘅藍色cream 好滑好有奶味，而下面嘅earl grey 味蛋糕好鬆軟，茶味濃郁，兩著混埋就岩岩好，唔會覺得d cream 好heavy，值得一讚嘅係個蛋糕唔會好甜👍🏻 好味呀❤️（不過個蛋糕要$72 一件）總結，呢間餐廳所有野都好靚，而且係做得好全面，例如：餐紙有印花、外賣盒好靚、外賣盒個貼紙都有設計過，等等。如果黎打卡確係一流！熱食則屬正常，蛋糕值得一讚👍🏻…Read More

我真係好鍾意食雞翼😍有日玩玩下Instagram pop up 左佢個廣告出黎，我即刻雙眼發光，叫朋友同我去試！去到發現好似係新開張，舖面唔算好大，有8-10張台咁，牆身仲好抵死咁寫住「一齊叫雞」😂一行4人，兩男兩女，我地叫左4款雞翼（每款6隻）同三個side。店員話咖啡味同新加坡辣蟹味都係呢間先有，於是我地就叫左呢兩隻味，再叫埋加洲風味同埋黑芝麻海鮮味。呢個新加坡辣蟹味唔會好辣，少少辣好惹味，加埋炸蒜、蔥，食落有炒炒避風塘feel，不過就唔係炸雞翼咁。店主話靈感係來自睇Netflix 有個講亞洲海鮮嘅飲食節目喎，係新口味。跟住就係咖啡味，聽到呢個味時覺得幾特別，所以就叫黎試下。放心唔係苦亦唔係甜，有層皮有少少咖啡味，亦有少少辣味，係一個我無食過嘅味道，都幾特別。加州風味就係好典型會食到嘅蒜蓉香草芝士雞翼，呢個組合真係無得輸👍🏻👍🏻聞到已經流晒口水😍最後介紹嘅係黑芝麻蜂蜜海鮮味，係甜甜地嘅海鮮醬味，加左黑芝麻就香d，味道有d中式。我地叫左d菜，呢個炒西蘭花要$75，我覺得有d貴，因為得幾條。但上網睇下發現呢個係芥蘭同西蘭花嘅混種，係貴過平時係街市買嘅西蘭花好多，同埋係一條條而唔係一束束。雞翼同薯條係絕配，所以就點左個松露醬薯條，松露味都幾出，而薯條亦都係幼身嘅，都唔錯。總括黎講雞翼係幾唔錯的，入味而且賣相好，唔會有焦亦都唔乾，見到成台舖滿雞翼真係幾開心😃side dish 就正正常常咁啦。我見網上外賣平台 有得嗌外賣，好似只cover 港島某d區，下次開party 可以嗌一堆番屋企食😚埋單$584，呢個份量兩個男士表示唔飽，可能我哋要再嗌多d。…Read More

屋企人唔想晚煮飯，於是我地就去買外賣啦，見到新餐廳就即刻入去試，舖面細細有十幾個位可以堂食，但我地都係買外賣番去。佢似係中式嘅快餐，套餐款式唔多，但仲有啲單點嘅餸，不過我哋冇叫。我見到係湘菜（湖南）多，仲見到店內貼左米之蓮平民美食榜上有名「書湘門第」嘅餐牌，一問之下原來係同一個老闆！我哋叫咗三個套餐，仲送三罐嘢飲，每個餐都係用一個膠兜裝住，下邊仲有一兜飯。三個餸入邊我最鍾意就係呢個宮保雞丁，味道唔會好辣，帶有一啲麻香，而且肉質唔會老，用嚟撈飯一流👍🏻呢個紅燒薯仔排骨，味道唔錯，唔知係唔係因為用機器炒嘅緣故，薯仔同排骨都好細粒，不過排骨煮得好林，一咬就已經骨肉分離。呢個豆角炒牛柳就正正常常啦，牛肉肉質唔會咬極唔開，屋企老人家都食到。佢嘅餸菜都係偏濃味，整體來講都算唔錯，不過不失咁。三個人食三餸啱啱好，新開張有平$5優惠，三個餸連飯連飲品$155，食茶餐廳都要啦，可以一試👍🏻…Read More

真係好失望，滿心歡喜同姐妹黎食生日飯，但食物質素麻麻，連服務都麻麻-_-同出面食餐百幾二百蚊嘅無咩分別我係星期一去食晚餐嘅，一行3人首先講食物我地嗌左生蠔6隻$240，即$40隻講真隔離oyster station 食$39隻南非生蠔仲好味過佢，完全唔值呢個價我地嗌左個龍蝦mac and cheese $295，差唔多三百蚊一碟嘅mac and cheese，佢竟然係唔熱，室溫再暖少少咁。呢碟野成$295咁應該要有多d 龍蝦肉同埋個通粉要有龍蝦味囉，唔係要勁貴咩波士頓龍蝦，但求其都要有埋龍蝦個身d 肉掛，同埋個size 係一人幾啖......安格斯rib eye $395，蔡瀾都講過煎一塊靚嘅牛扒，秘訣就係要買一塊靚嘅牛扒。好明顯塊牛扒就唔靚，肉味唔濃郁，雖然肥瘦適中，我只可以講好普通。同埋呢間餐廳冇提供專門切肉嘅刀，淨係比把普通嘅餐刀我，切到我手都軟埋。好啦全晚最好味嘅係薯條$85，份量係好多嘅，唔係得面個層，熱辣辣好香脆，黎呢間餐廳嗌薯條食好喇。講完食物講服務，首先有部分員工是黑口黑面的，而且員工係好似不停催你咁，我地其中一個朋友遲到，但個餐包一早黎左，有個侍應竟然三番四次嚟我哋面前，斟水同埋再推一推碟包埋我哋面前，感覺好似逼我地食咁。另外，唔知佢哋係咪冇咩客，係咁搵嘢做，所以不停黎收走我地食嘅野，有兩次都係未食完佢諗住收走，大佬其實我叫得嗰幾碟嘢食，張枱都夠位放，佢唔使不停過嚟要收走我哋啲食物，真係好騷擾囉！呢到食晚餐至少每人都要$400埋單，我唔expect係咁嘅服務質素總之餐飯食到我哋一肚氣，食咗一個鐘都冇就走左，怪唔得得個小貓三四隻，冇咩客人。裝修方面，我覺得影相係靚過現實，只不過係有盞吊燈上邊插左一堆鋪滿塵嘅假花。如果唔係夜蒲時段好多人喺度飲酒，靠淨係賣食物佢應該一早執咗笠。…Read More

新年前食個團年lunch，一直想試呢間法國野，平時lunch 都好full，好彩訂到位！位於海邊，有無敵大海景（如果你坐樓下個層）Lunch set送烤熱左嘅法包，外皮脆，裡面軟，唔會好硬，牛油一搽上去就溶化晒。Starter 我揀左餐湯，係粟米湯，可惜唔記得影相，金黃色嘅湯有非常濃郁嘅粟米味，味道一流，不過唔夠滑，有少少顆粒狀。我其他同事揀左 baby squid, 好香好惹味，有陣蒜再加少少蝦醬嘅味，好似中菜d 炒魷魚咁，好味而且數量唔少每人有6-7隻嫁！Main我揀左daily special - pork chop!非常之juicy，同埋好夠厚（估計約2cm 厚），size 係大過一隻CD 少少，只有側邊有少少肥肉。切每一刀都有肉汁滲出黎，肉係岩岩好熟，真係好好味！咁厚但都唔會煮到老晒仲要有咁多肉汁，我一定會再encore! 而拌菜就係烚新薯兩粒同一堆蕃茄醬煮嘅菜，正正常常咁！而同事就點左蟹肉意同埋牛扒！蟹肉意上面係溫泉蛋🤤不過我無食呢兩樣野就評論唔到喇！但同事都讚好味👍🏻好味但食物等得有少少耐。…Read More

因為同同事食welcome lunch，所以就發掘下有咩好食！見到呢間野，起初以為會係好貴同埋以為無set lunch，打電話過去問完就WhatsApp 左個lunch Menu 比我👍🏻Starter:呢個係cheese tart，沙律唔係淨係黑醋調味，仲加左d 蒔蘿（Dill) 黎調味，味道好清新呢個係 Prawns Beignet in a Feuille Pastry，即係春卷咁嘅皮包住d 蝦黎炸呢個係要加廿蚊嘅Cod Brandade with Aromatic Herbs，真係一分錢一分貨，呢個最好味！上面係溫泉蛋，下面係層魚蓉，再底下有層多士，層多士吸晒d .味好正！Main: Clams  Mariniere  LinguineCoq au vin : 個汁有酒味，雞脾煮得好淋，下面伴著薯蓉Dessert:個madeleine 細海綿蛋糕仔，係即焗所以要d 時間，好香檸檬味，仲有chocolate mousse 我會再黎食lunch ，應該會再黎試下晚餐！…Read More

堅尼地城食lunch 好選擇👍🏻，呢間餐廳靜靜地，環境幾好，坐得幾舒服！我地每個人都加左$20 飲佢個松露蘑菇湯，都ok 有松露味。我叫左個rib eye steak，都有半吋厚嫁👍🏻佢d 配菜值得一讚，蕃茄好juicy，係會噴汁個種。棵烚西蘭花都有調味，唔係白烚…Read More

住係三聖成廿年，呢條邨除左晚市有海鮮之外，都無咩好食。但三聖出去置樂安定市中心都要搭車，所以好多時都寧願係屋企煮麵食就算 -_- 直至呢間餐廳開左，佢已經成為左我weekend 嘅飯堂！雖然佢比其他餐廳貴少少，但set lunch 送湯送熱飲味道唔差環境新淨。我叫左個翡翠粟米粒炒飯個飯加左菜汁炒，所以係綠色的，上面撒左d 橙色嘅飛魚籽，仲有d黃色嘅粟米粒，賣相唔錯！而且炒飯粒粒分明，一放入口仲有驚喜，原來加左d 脆米落去，個口感係好豐富嘅，因為又有飯嘅軟，脆米嘅脆，粟米同飛魚籽呢d 咬落會噴汁嘅食物，仲有切成菱形嘅翠玉瓜嘅爽口，大廚嘅心思值得一讚 無諗過星期日訓到晏一晏，抱住求其搵野醫肚嘅心情之下可以食到呢個高質嘅炒飯！ …Read More

上網見好出名，竟然開到黎屯門，於是試一試，其實本身都唔打算寫咁多字，但原來要寫夠200個字先至可以劣評！我為咗一定要俾個劣評佢而努力地寫，就係為左話比大家知佢幾咁令我失望😡1）個拉麵係暖，唔係熱 拉麵要熱辣辣是基本常識吧2）d 麵個質地好粉，我點既係適中硬度 令我一度懷疑自己落錯單3）個餃子好油，油過搽左BB油既吳剛師傅 D 油係會滴出黎，我有相為證好失望，仲要收我$88一碗😐諗清楚至好食，$88可以食其他好味既拉麵…Read More