Bistronomique

营业中

休息中

新年前食个团年lunch，一直想试呢间法国野，平时lunch 都好full，好彩订到位！位于海边，有无敌大海景（如果你坐楼下个层）Lunch set送烤热左嘅法包，外皮脆，里面软，唔会好硬，牛油一搽上去就溶化晒。Starter 我拣左餐汤，系粟米汤，可惜唔记得影相，金黄色嘅汤有非常浓郁嘅粟米味，味道一流，不过唔够滑，有少少颗粒状。我其他同事拣左 baby squid, 好香好惹味，有阵蒜再加少少虾酱嘅味，好似中菜d 炒鱿鱼咁，好味而且数量唔少每人有6-7只嫁！Main我拣左daily special - pork chop!非常之juicy，同埋好够厚（估计约2cm 厚），size 系大过一只CD 少少，只有侧边有少少肥肉。切每一刀都有肉汁渗出黎，肉系岩岩好熟，真系好好味！咁厚但都唔会煮到老晒仲要有咁多肉汁，我一定会再encore! 而拌菜就系烚新薯两粒同一堆蕃茄酱煮嘅菜，正正常常咁！而同事就点左蟹肉意同埋牛扒！蟹肉意上面系温泉蛋🤤不过我无食呢两样野就评论唔到喇！但同事都赞好味👍🏻好味但食物等得有少少耐。