summernight09的个人专页

餐廳氣氛優雅舒適，木系文青簡潔裝修好舒服，好適合傾下謁食下飯。 佢加少少價錢就有埋甜品/嘢飲，都係$100鬆啲一個人好抵。日式咖喱蛋包飯配漢堡肉佢日式咖哩可以配唔同肉類同魚，今次配咗漢堡肉，首先佢份量都唔少，漢堡肉食得出係自己整既感覺，肉味充足，蛋都好滑，日式咖哩味溫和，值得推介。南瓜忌廉汁蘆筍長通粉呢個長通粉都唔錯，好有南瓜嘅香味甜甜地幾好食，蘆筍新鮮，呢個啱晒素食嘅朋友呀。蜜桃士多啤梨茶呢個蜜桃士多啤梨茶入邊除咗有個茶包，仲有士多啤梨乾喺入邊，所以果味出眾，好好飲。朱古力朱古力靚靚有拉花，味道就正正常常。法式焦糖奶油布甸奶油布甸好香焦糖嘅味，同埋夠晒滑。黑芝麻意式奶凍嘩，呢個黑麻味好濃郁啊，切開一半仲有漸層嘅效果好靚，鍾意黑芝麻嘅朋友一定唔可以錯過。…查看更多

呢間Cafe location都幾方便，喺香港大學站行5分鐘內就已經去到。餐廳採光度十足，俾人好溫馨舒服嘅感覺。仲要啲嘢食好有驚喜。佢嘢食飲品選擇豐富，全日早餐、意粉、多士、蛋糕等輕食都有。🧡香炒雜菇蘋果扁意粉配發達芝士呢一個係我個人今次最有驚喜嘅一道菜，佢係一款清新口味嘅意粉，酸酸甜甜再加埋脆口嘅Nuts ，佢各方面嘅味道平衡得好好，真係開胃又好食。🧡嫩雞胸佐香料茄子漬呢個雞胸都唔錯，雞胸嫩滑，佢係有啲似地中海菜式嘅味道，配以香料同埋茄子漬，上面仲有石榴同埋Yogurt，呢一個好食之餘，仲係健康人士之選！🧡Hojicha Latte焙葉味好香濃，飲落口好順滑，仲要有靚靚嘅拉花。🧡Yuzu Fizz 呢個柚啡湯力出邊又比較少見，咁樣配搭又幾好飲喎，佢柚子嘅味唔會掩蓋咗咖啡嘅味道，飲落去啱啱好。🧡香梨薑黃吉士蛋糕香梨味道比較多嘅一款蛋糕，薑黃係輕輕吊起嘅味，唔會話好重，佢呢度啲嘢食叫咗咁多款都唔錯，有水準同有心思嘅一間Cafe，值得支持！ …查看更多

朋友帶咗我去佢屋企附近嘅呢間街坊日式餐廳，估唔到又幾有驚喜喎。假日六點左右去到都已經好旺場，基本上都keep住坐滿，外賣單都好多，但上菜速度都keep到正常，勁！赤身三色丼佢入邊有吞拿魚，三文魚，帶子。魚生新鮮同埋都算厚切，三文魚超肥美。壽司醋味嘅飯好好食，味道適中。仲配上三文魚麵豉湯，入面都好多料。春田便當個人超級推介叫便當，佢價錢由八十幾到一百頭左右，一個便當已經有幾款送，有啲仲有刺身同埋壽司。 呢個春田便當有蒲燒鰻魚1客，照燒脆骨雞肉丸子1串，刺身三種（三文魚2件，帶子2件，有頭甜蝦1隻），咖喱飯，味付螺肉。佢便當嘅份量都好多，便當配嘅刺身都唔少㗎，刺身仲要好新鮮，男仔呢個便當都一定食得飽。佢個咖喱飯都好好食，日式甜咖喱帶少少辣度，鰻魚都唔Hea，好送飯。…查看更多

呢間餃子店喺全港好多都有分店之前食過唔錯，今次去到中環都見到佢。餐廳環境乾淨企理每張枱都配備左唔同嘅醬料同埋醃蘿蔔等等配料。醃蘿蔔新鮮好好食。至尊松茸豬肉餃（中碗）松茸餃嘅菇香味好濃郁，入邊係滿滿嘅豬肉餡料，粒粒餃子都好飽滿。佢呢一款餃子會配上咗狀元九鼎湯，飲得出佢冇落味精，豆香味濃郁。香煎軟心芝士餃 (大）呢款新式少少佢入邊會有芝士，超級邪惡。入邊除咗肉同芝士外仲會配搭埋粟米平衡返。餃子煎得啱啱好，外面脆脆地幾香口。黃金原味皮蛋淡淡嘅皮蛋味，加上香口嘅醬汁，佢唔算話好辣唔食得辣嘅朋友都食到。自家制山楂雪梨水山楂味好開胃，佢一支都幾大支，開胃又健康。蜂蜜檸檬薏米水個人鍾意呢個檸檬薏米水，薏米水去濕，夏天飲又解渴。…查看更多

餐廳係百樂中心，近時代廣場嗰邊，餐廳裝修型格輕鬆，幾有氣氛，幾適合約會同埋朋友聚會。Menu食物同埋飲品嘅種類都好多，有酒精嘅飲品都有好多款。丹麥藍芝士、布里芝士拼盤 佢芝士拼盤有藍芝士、布里芝士、橄欖、無花果、堅果。首先個擺盤好靚，好啱影相打卡。兩款芝士，一款濃的一款就清淡啲。明太子軟殼蟹扁意粉佢嘅軟殼蟹係大大隻，炸粉脆薄，軟殼蟹肉質豐滿，啖啖肉。意粉味味道濃厚， 好creamy ，唔錯，佢嘅份量亦都唔少㗎。油封鴨腿配窩夫、血橙油封鴨腿值得推介，出邊外皮酥脆，裏面肉質嫩滑，配上甜甜地嘅Waffle，好好食，我仲要有無花果同埋石榴做伴碟好靚。紫薯麻糬巴斯克呢個甜品就比較特別，出邊比較少見，淡淡紫薯味嘅巴斯克，味道就正正常常。西村焙茶鮮奶佢既茶味幾香，仲要有心機咁拉花。Sigature Deluxe Chocolate with Oreo milkshake 呢杯milkshake 極邪惡，好濃郁嘅朱古力，佢仲可以揀配Oreo或者士多啤梨。…查看更多

餐廳好近佐敦站，佢裝修都好有韓國特色，乾淨明亮都坐得幾舒服。佢最大賣點就係就算晚市，最平$78就可以食到一人餐仲要已經有炸雞！今次同朋友就叫咗呢個二人套餐B，佢入面已經有炸雞半隻，海鮮煎餅，韓式雜菜炒粉絲同埋飲品。咁多嘢每個人都係一百頭左右。亞之媽炸雞半隻（甜辣）佢半隻雞份量都好多 ，兩個人一定夠食。仲要外脆，裏面肉質嫩滑充滿肉汁。出面嘅甜辣醬，係偏甜嘅，少少辣好好食。唔食得辣嘅朋友都食到啊。海鮮煎餅海鮮煎餅佢入邊滿滿嘅蝦同埋魷魚，煎餅酥香，煎得啱啱好。韓式雜菜炒粉絲（烤牛肉）呢個味道就中規中矩，但係值得讚係佢粉絲好彈牙，同埋份量亦都係好多。二人餐呢個價錢真係超值。雜錦紫菜包飯我哋另加咗個紫菜包飯，紫菜包飯好香麻油味，入面都係滿滿嘅材料，呢個係食韓國菜必食啊。藍莓乳酸梳打 鳳梨青檸梳打跟餐加$8就可以轉做梳打，佢好貼心可以俾你選擇冰量同埋甜度。個人推介鳳梨青檸梳打，佢入邊有鳳梨蓉喺入邊，好清爽。…查看更多

餐廳喺尖沙咀旺區，未到六點都已經好多人。裝修好有四川特色，仲有霓虹燈，都幾有味道。睇返Menu價錢又唔貴喎，一人餐幾十蚊到二人鍋物都係二百幾。香辣豆花肥腸香辣豆花肥腸鍋呢個係一人食嘅份量，佢嘅湯底類似螺絲粉，佢都係有竹筍嘅加上肥腸，所以都幾惹味，佢嘅份量都幾多㗎。米線口感彈牙。鮑魚雞煲小鍋呢個鮑魚雞鍋小窩係細嘅份量，但係都夠兩至三人食，鮑魚size都唔細架。而雞嘅數量都有好多，個湯底係唔辣嘅，所以食唔到辣嘅朋友都可以揀呢個。出邊少見啲加豆花呢一款，但係加落去有幾夾喎，豆花又夠滑同埋好有豆香。另外佢會包主食兩碗同埋汽水/豆漿兩杯。麻辣拌魚皮個人推介呢個前菜，佢係涼拌魚皮伴上大量芫荽同埋洋蔥。酸酸辣辣咁好好食。咸檸七 檸檬可樂鹹檸七佢入邊有成半個鹹檸檬，所以鹹檸檬味超級足。檸檬可樂入邊有三片檸檬左右味道正正常常。…查看更多

越嚟越多公司進駐葵興，所以都多咗好多餐廳選擇。餐廳環境有裝修得幾有feel，型格舒適。Menu上面嘅嘢食選擇都幾多，較有驚喜嘅竟然佢仲有酒精類飲品，見到佢仲有happy hour呢。巴馬火腿車厘茄沙律火腿整得幾有心思會整個花花嘅形狀，沙律菜新鮮，仲有橄欖碎同埋香醋，食落開胃。傳統煙肉野菌卡邦尼意粉卡邦尼意粉味道豐富，Creamy得來唔會太漏，入邊有唔少煙肉菇類配料，意粉軟硬適中，個人推介呢個卡邦尼意粉！SEASON.經典手打（美國）牛肉芝士漢堡配薯條首先值得一讚嘅係佢個burger 包係香甜軟熟，入邊會用牛油煎香佢，再加上配料充足，所以食落好滿足。入邊嘅牛肉食得出係手打嘅，薯條亦都香脆，呢一個都唔錯呢。白酒佢happy hour $48 就有啤酒或者紅白酒，佢今日呢款係dry 偏甜嘅白酒，平易近人，配上意粉食都幾好。…查看更多

最近都有人推介呢一間餐廳，都話威靈頓好抵食，今日就試吓佢。6:00到都已經有唔少人。威靈頓牛柳$98既威靈頓牛，職員會問需要幾成熟，佢係以鐵板形式上碟嘅，所以大家都可以按照喜好嚟決定生熟程度。 佢嘅酥皮唔會話太厚，牛肉質素幾高，肉質軟熟，咁嘅價錢嚟講真係冇得輸。白布烏冬伴咖喱吉列豬扒天氣熱食呢個白布烏冬都唔錯，白布烏冬口感Q彈，真係好好食。佢配上咗咖喱或者麻醬。另外佢嘅吉列豬扒勁大塊，豬扒都充滿肉汁。蒜香牛柳粒叫完主食可以加錢叫小食，呢個蒜香牛肉粒，上面有好多嘅蒜片，所以好香，另外牛肉嘅肉質都係好飽滿，仲要幾有牛肉味。焦糖燉蛋上網見到呢個燉蛋勁吸引，所以嚟到一定要叫嚟試吓。果然呢個燉蛋真係唔錯，匙羹扑落去嗰一下好治癒，燉蛋軟滑夠晒香。 FRUIT PUNCH /YELLOW PINEFRUIT PUNCH 味道就正正常常。YELLOW PINE 係菠蘿沙冰，個人幾推介呢個 ，因為菠蘿味濃郁，仲要沙冰透心涼。…查看更多

呢間貓貓Cafe係銅鑼灣鬧市入邊所以好方便 。座位都算闊落，貓貓都有足夠嘅休息空間。menu 選擇都算多，早餐、意粉、甜品等等都有。貓咪叫醒你全日早餐早餐有香腸、牛角包、煎蛋、煙三文魚等等，每款材料都處理得幾好，最開心嘅係仲有水果沙律，有啲菜食健康啲。大喵雞肉沙津佢呢個雞肉沙律，雞肉份量都唔少，要補充蛋白質又食得健康嘅朋友，可以選擇呢個，味道都唔錯呢！比利時雞蛋仔雞蛋仔口感鬆軟，甜度適中，一啖一粒，食得好方便。Americano 美式咖啡佢嘅Americano味道平均，唔會出現偏苦同偏酸嘅情況。Cappuccino 卡布奇諾Cappuccino有幾有驚喜喎，仲有靚靚嘅拉花，入口順滑。…查看更多

假日去愉景灣行吓放鬆吓都係一個唔錯嘅選擇。呢間餐廳喺沙灘附近，價錢合理。土耳其風情嘅菜式平時都比較少食到，Menu上邊選擇都幾多。HALLOMI SALAD香烤乳酪蔬菜沙律呢款比較特別有香烤乳酪，佢嘅口感就類似豆腐乾，但係多少少咬口，同埋有淡淡芝士嘅味道，鹹鹹地咁個人幾鍾意。配上新鮮嘅沙律菜好開胃又健康。(CHICKEN) SACTAVA土耳其燉雞肉鐵鍋呢個係一人份量，佢份量都幾多下。飯上邊鋪滿雞肉，同埋三色椒，佢用鐵鍋去整，所以啲飯上到枱都好香。LAMB KÖFTE經典烤羊肉配飯佢呢個份量都係好大份，佢嘅烤羊肉係類似我哋平時食嘅漢堡扒咁嘅做法，但係佢係好香羊肉味同埋佢哋嘅香料，好好食。佢啲食物好多都配上咗啲蔬菜，可以解膩，又健康。SIRMA 檸檬味 石榴味佢係有唔同味道嘅有氣礦泉水，餐廳職員好貼心仲俾咗兩個冰杯我哋。…查看更多

餐廳樓面都幾大，座位都唔少，坐得夠舒服。Menu嘢食款式都幾多，台式便當、火鍋，甚至牛扒都有。台式牛扒見到呢個台式牛扒好吸引，今次就試吓佢，竟然有驚喜。首先佢肉質好好，同埋都好有牛味。 佢仲會配上墨魚腸仔，沙律菜，同埋珍珠米飯。所以超級滿足。咁嘅價錢真係性價比高。蔬菜養生鍋套餐佢啲火鍋仔都有幾款湯底可以揀，想清清地嘅叫呢個養生鍋都幾好，味道合適。肉類可以有幾款揀，今次要咗呢個澳洲M7和牛後腿肉眼。佢仲配上一盤蔬菜丸類，另外加錢可以揀滷肉飯，嗰啲滷肉都好多，好入味，呢個都好抵食。珍珠奶茶（凍) 珍珠咖啡（凍）跟餐嘢飲可以加錢升級台式特飲。珍珠奶茶味道茶味夠濃，珍珠軟硬適中，而珍珠咖啡又幾有驚喜，出邊比較少見，咁樣飲又幾夾喎。係收銀俾錢嗰度見到佢嘅雪櫃有賣呢款牛肉，又幾靚喎。…查看更多

餐廳裝修行可愛休閒風格，氣氛輕鬆，星期六日中午會有brunch Menu，款式選擇多價錢亦都相宜。煙德國火腿、熔岩芝士班尼迪蛋、薯餅weekend食brunch 第一下就會諗起食 eggs benedict，首先佢呢度嘢食嘅份量都幾多，eggs benedict 嘅精髓就係流心蛋黃，再加上香脆嘅Bacon，好好食，仲要配上薯餅，份量足夠男仔都夠飽。手切美國板腱牛肉蕃茄湯米通粉、煎蛋、牛角酥想要少少暖嘅食物落肚就試咗呢個蕃茄湯米通。竟然又有啲驚喜喎，首先佢嘅牛肉，有牛味，亦都冇過度鬆肉，食得出係高品質嘅牛肉。米通軟硬適中，放咗一陣都仲有Q彈嘅感覺。另外仲會配上煎蛋牛角酥，一定滿足。是日餐湯/沙律 及 指定特飲 +$35雖然係跟餐嘅餐湯，但係佢嘅蘑菇味道濃郁，份量亦都多。沙律新鮮。Taiwanese Fruit Tea 想飲熱飲又想飲特色嘢飲嘅朋友可以揀呢個台灣水果茶，佢一上到枱就好香水果味。Pineapple hat 個人推介呢杯，佢好有誠意，連飲品上面嘅菠蘿都有焦糖，個菠蘿都可以食埋，佢嘅菠蘿梳打菠蘿味濃郁，酸酸甜甜好啱夏天飲。意大利芝士雞蛋仔配雲呢拿雪糕呢度嘅甜品整得好靚，呢個雞蛋仔雪糕有又唔同層次嘅口感，最上邊有意大利芝士Creamy嘅感覺，下面就係冰涼嘅雲呢拿雪糕，個雞蛋仔又整得幾好，就算食咗個雪糕再食佢都係脆口嘅。…查看更多

放假去愉景灣chill 下，呢間韓式餐廳裝修型格舒適，如果坐窗口位嘅話仲幾好feel。呢間餐廳有驚喜，食物擺碟用心，味道仲要有水準，店員服務好專業。佢呢個二人set可以試唔同嘅嘢，仲可以叫燒五花肉。Grilled Pork Belly 烤豬五花肉韓國燒烤都會諗起烤五花肉，佢嘅五花肉肥瘦厚薄適中，會配上薯仔同埋雞髀菇。佢哋份量都唔少，經過燒烤後係滿滿既肉香， 好好食，烤五花肉會配上生菜、辣椒、蒜頭、芝麻油、豆瓣醬等等嘅配料，大家可以按自己嘅口味去配搭。Korean Tteokbokki (Mild Sauce) 韓式炒年糕(醬油）呢一個炒年糕有驚喜，唔辣嘅朋友可以叫呢個醬油味道嘅炒年糕，佢係甜甜地鹹鹹地咁，炒年糕入面沒有魚糕片香菇等等，年糕好彈牙，呢一個值得推介。Korean Fried Chicken (KFC) 韓式炸雞（甜辣醬）呢一個韓式炸雞都唔錯，每件雞都大大件，佢嘅醬汁會另外上，咁就可以保持到啲大雞都脆卜卜。甜米汁 / 菠蘿蜜桃梳打呢一個甜米汁係比較濃厚， 味道會比平時飲開罐裝嘅豐富。菠蘿蜜桃梳打就正正常常，味道清新。…查看更多

餐廳裝修型格，氣氛輕鬆，Menu上邊意粉、牛扒、burger等等都有，款式都幾多。值得一讚嘅係佢啲飲品類都幾抵。Blueberry Mojito佢喺傳統嘅Mojito檸檬薄荷嘅味道上邊，仲多咗fruity嘅味道，味道會豐富啲。Strawberry Lemonade唔飲得酒嘅朋友呢度都有好多款mocktail。個人本身好鍾意飲Lemonade，酸酸甜甜嘅味道，呢個特別啲仲有士多啤梨，影相又會再靚啲。 Avocado Seafood Louie Salad呢個海鮮沙律好豐富，先要讚吓佢嘅帶子好厚肉，仲要煎得好香，同埋啱啱好唔會太熟。啲蝦都好大隻，佢哋都好新鮮彈牙。佢嘅Portion都幾大㗎，作為前菜三四個人分享都得。Australian Grass Fed Rib Eye Steak10oz Medium呢度嘅牛扒有驚喜，叫咗medium，佢入邊真係好粉嫩嘅肉質，整得啱啱好，無筋位，口感好軟腍。…查看更多