angelapcfok的个人专页

今次試左午餐omakase, 整體用餐體驗愉快。食物質素高，服務友善，環境舒適。有機會會試吓晚餐！食物：食材新鮮，口感佳。印象深刻是櫻花蝦茶碗蒸、蟹、煮八爪魚，大拖羅壽司、海鹽雪糕等。服務：服務水準高。有日本師傅負責lunch omakase, 在香港似乎比較少見。而且每一道菜之後，亦都有日本師傅的助手抹碟，跟足日本傳統要求。 環境：壽司吧枱大約坐八人。不算擠迫。沒有誇張的裝修，但感覺舒適。管理：餐廳管理方面亦都很好。事先沒有要求客戶提供Deposit。有問題職員亦樂意解答。由入座到離開餐廳都有禮貌招呼。價錢：omakase 午餐$1900左右再加一。價錢唔算平，不過相比起香港其他同類餐廳，呢間餐廳亦提供咗比其他餐廳好的價值和體驗。總結：整體用餐體驗很好，值得推薦！…查看更多

平時都有去開呢間Cafe，覺得唔太擠迫幾舒適。不過食物質素就唔係太consistent, 例如All-day-breakfast 有時好食，有時又唔係太新鮮. 服務亦都係一時一樣，有啲員工幾Nice，有時有啲員工又木口木面。 所以去嘅時候都不能期望太高。 不過食物嘅份量同埋咖啡嘅味道就唔錯。最近佢哋改咗個Menu，以往食開嘅雞翼冇咗。竟然變咗另一款雞翼。見到碟雞翼我都嚇咗一跳，因為佢嘅賣相真係十分之似我係超級市場買嚟自己炸嘅氣炸鍋雞翼。六七十蚊食自己可以喺屋企整到嘅氣炸鍋雞翼，我個人就覺得唔係太化算。性價比真係唔高。…查看更多

今次試咗商務午餐，每位未加一未計茶錢，係大約$300。性價比算高，餐廳安排咗一間非常舒適嘅房間，環境寧靜。而且職員態度友善，亦都願意幫客人拍照。食物：賣相不錯，食物選擇亦多。前菜和湯味道佳，足料。主菜選擇亦多，而且味道不錯，但部分主菜偏鹹。環境：房間寬敞寧靜，很適合公司或家庭團聚。由於事前沒有要求，所以餐廳安排令人驚喜。服務：職員態度友善，亦願意幫客人拍照。上菜速度亦算快。整體用餐經驗很滿意。推薦！…查看更多

今次食咗lunch 再追少加蠔和海膽，好美味，超滿足！好似去咗日本一樣！食物： 材料靚，不油膩，粉亦不厚。每一款都令人回味。 之後加咗生蠔和海膽。生蠔超級大隻。 生蠔和海膽炸完亦不乾身，鮮味保留。師傅：技術好，有禮貌，有笑容。午餐都係日本師傅。師傅嘗試用間單英文解釋菜式。 服務：有禮貌的服務。每一道菜都會講解食法。亦都很細心留意客人是否需要加茶。 客人有問題亦樂意解答。環境：優質環境，優雅日式裝潢。配上輕柔嘅音樂，感覺舒服自然。整體清潔衛生。雖然附近嘅客人都在不斷傾偈，但未至於感覺騷擾。訂金：需在inline綁定訂金800多元。費用： 連埋追加最後$1600。感覺性價比高。物有所值。整體感覺，賓至如歸，美味滿足，值得推薦！…查看更多

今次食咗午餐，食物質素一般，服務也一般刺身／壽司： 材料一般，不算高質，亦都唔覺得很新鮮。 壽司有很多Wasabi，遮蓋咗魚嘅味道。沒有一道特別驚喜。師傅：很少和客人交流。遞上壽司和食物嘅時候亦都冇乜解釋。感覺不是很細心。 有一台顧客要求走Wasabi，師傅竟然忘記咗。服務員：嘗試講解食物。可惜說話不太清晰，不是聽得很清楚。會參與隔籬枱嘅顧客嘅談話並說笑。 顧客出入都有禮貌招呼。環境：座位舒適闊落。亦都幾乾淨。加上柔和嘅音樂。本來營造嘅環境應該幾清靜。可惜遇遇着一些客大聲談話，令到餐廳不太寧靜，感覺不太舒服。價錢：埋單要$1500。呢個價錢喺其他地方應該食到更好質素同服務。午餐嚟講都算幾貴。按金：另外餐廳會收取$800 Credit卡按金。…查看更多

試左兩次，食物水準麻麻地， 偏貴。 第一次可能太晏先去，好多嘢都賣晒。叫咗一個croissant 加自家製特色吉士。不過賣相同味道都好普通。 之後第二次，叫咗一個Carbonara, 但真係幾失望， 好似烚熟咗幾嚿意大利雲吞上面耍啲芝士碎，完全冇Carbonara嘅感覺，好乾，其實份量唔算多，但好勉強先至食完。兩次都有叫咖啡，啲咖啡都係好一般。間餐廳嘅好處係環境比較寧靜，又唔係好迫人，裝修都幾靚。 Cafe嚟講，有好多更好嘅選擇。…查看更多

員工服務態度非常惡劣。非常貴的cafe但服務差過茶餐廳。首先入去落order個女侍應已經冇乜招呼，一副愛理不理的樣子。到送餐的時間，男侍應把餐粗魯地摔在枱的一邊。問他為什麼這麼冇禮貌，他也只敷衍解釋然後拂袖而去。態度之惡劣，真係令人大開眼界。冇乜必要都唔好來貼錢買難受。食物：Asparagus 煮到又黑又縮氺👎🏻咖啡：一般，冇乜特別環境：人多嘈吵價錢：性價比低。午餐要200元，但份量少。連鎻cafe之中，Starbucks 同 pacific coffee都好過呢間。…查看更多

裝修：超級靚！好似去咗日本！環境：很乾淨舒服！空間寬躺。食材：出色！明顯有細心挑選。味道：一流！全部都好好味。師傅：專業！亦照顧客人需要。師傅仔細清晰介紹食材，客人如想打咭，亦主動協助。氣氛：師傅會同每一個客人傾偈，氣氛很好！今次選了午餐Omakase- ($980)。整體customer journey 出色。全程都令人十分滿意。氣氛和食材都好過一些排幾個月先有得吃的中環omakase，亦好過五星酒店內的omakase體驗。希望之後再有機會光臨。值得推薦。…查看更多

環境：被安排在餐廳內細房counter的一角，面對廚房出入口和擺放用後餐具的枱，甚為自閉。基本上距離師傅甚遠，看不到師傅刀工和手勢，相也影不到。食材：食材ok。一般香港吃omakase都有，深海池魚，馬糞海膽，赤身等等。鮮味一般，始終在香港很難要求如在日本一樣。菜式：點了一份Hana。有三個前菜，十件sushi加湯和甜品。雖然很多人讚哪腐皮雪糕，但就不太啱我口味。十分大份和甜，我覺得作為omakase的甜品是太多了。服務：counter外侍應很努力提供協助。counter內服務一般，sushi碟上常常留著豉油（要求高的餐廳應該不會吧🤔）。師傅亦和客人沒什麼交流。其他：餐廳在地下，電訊信號很弱。總結：一般的omakase，在香港還有其他更多選擇。在我的omakase經驗中，這是很沉悶的體驗。book位時若預留較好的位置，可能體驗會不一樣。…查看更多

平日去開附近另一間連鎖cafe，覺得質素越來越唔理想，就轉下呢一間cafe。餐廳設計尚算舒適，可惜人多了一點，吵了一些。不過食物貿素就很好，試過pork burger 同Avacado bunch，覺得兩款的用料都很新鮮，應該有用心設計過餐牌和揀選食材。Pork burger都幾好味同驚喜。平時burger 多是用牛或雞做餡，難得有一款是用豬的，對於唔食牛的人就多了一個選擇。食物的味道偏淡，不過是感覺健康個種，食完返而冇咁怕太咸會水腫。至於coffee就很滑，味道不錯。…查看更多

疫情關係試左幾次外賣，有星州炒米，薑蔥豬扒，叉燒雙蛋飯，熱奶茶等。覺得都幾大份同足料。幾款之中，星州炒米幾好食，豬扒飯就好大件又厚。美中不足是叉燒雙蛋飯的叉燒唔似燒臘飯店個D咁肥美，佢似日本叉燒湯麵個D叉燒，比較瘦、薄同乾身。奶茶一般，不過都幾大杯。如果D飯盒加返條菜就更好了。另外，外賣等待時間要預20-30分鐘。可能用App order左先去拎會好D。比較跑馬地附近幾間茶餐廳，呢間算係唔錯。雖然冇試堂食，地方望落去都幾大同乾淨，下次可以試堂食。…查看更多

同朋友慶祝生日，朋友想去呢一間，所以就去試了。入到餐廳環境都唔錯，不過有啲嘈吵。之後見到個Menu，價錢都唔平，朋友話怕食唔飽，所以就叫咗個6 course嘅Dinner。啲份量真係少得好驚人，唔值呢個價錢（兩個人共$1600仲要只係飲水,冇叫其他野飲)。男仔就真係預咗要老麥打底了。侍應態度都幾好，會好似米芝蓮餐廳咁每一道菜同你介紹。不過其實可以唔需要呢啲服務，因為間餐廳其實都幾普通，俾返一般Service就可以了。…查看更多