bobo022628的個人專頁

真係估唔到旺角都有咁高質嘅甜品店！早幾日同老公食完午餐，想食吓甜品，行到豉油街，見到間紅色小店，非常搶眼！原來呢度專賣奶昔同窩夫，見佢哋啲嘢都幾特別，咁就決定試吓啦！一試就好有驚喜！👍🏻我地叫左🧇泰國TP金枕頭榴槤窩夫同🧇抹茶卡士達窩夫，兩款各有特色！榴槤窩夫夠特別，榴槤果肉好新鮮，香味濃郁！抹茶cream好滑，配上紅豆蓉，完全係最佳配搭！份量好多好足料！窩夫好香蛋味，好軟熟，用叉輕輕都已經可以切開！另外，我哋仲叫咗🥤意大利咖啡奶昔同🥤甜蜜18度蜜瓜奶昔，奶昔非常細滑！意大利咖啡味好香，咖啡迷真係唔好錯過！甜蜜18度蜜瓜奶昔嘅蜜瓜好新鮮，好甜！而且滿滿嘅果肉，增加口感，飲落好天然，仲非常juicy！加上新鮮牛奶，解渴之餘，仲好清新！我最欣賞係佢地真係即叫即整，地方仲好乾淨，可以望到佢哋整嘅過程，非常衞生！👍🏻如果行開旺角，想品嚐高質甜品店 ，呢間真係不二之選！…查看更多

見阿仔開始返半日，喺荃灣愉景新城book個親子烘焙班比阿仔體驗下！我特別揀咗整pizza🍕 ，一嚟阿仔好鍾意食pizza，二嚟亦都比較容易整！去到見到啲地方都好清潔，好整齊！導師亦都要求我哋要先洗手，做好清潔就可以整喇！導師好細心教小朋友搓麵團，之後就小朋友自己落手搓！整好個餅底之後，就慢慢舖上自己鍾意嘅食物！好快就完成喇！完成好嘅Pizza就可以放入焗爐，因為焗嘅時間都要等，所以我哋就去咗隔離食一個下午茶！叫咗個棉花糖窩夫，有棉花糖同士多啤梨，窩夫底做得好軟熟，好好味，小朋友好鍾意！食完就啱啱好，Pizza可以出爐啦！仲有個好靚嘅盒俾你帶返屋企慢慢享用添！價錢亦都唔貴，有得玩又有得食，小朋友好開心吖！❤️…查看更多

上網見到荃灣愉景新城有親子烘焙，有兒童遊戲室，仲可以食埋嘢！阿仔開始返半日，咁就book閒日下午去玩下，學下整個pizza，有得玩又有得食，小朋友一定好開心❤️去到見到仲有個媽咪同小女孩做緊macaron，咁我地就喺門口望緊啲甜品小食，阿仔已經話好想食棉花糖窩夫！店員好細心，佢話整完pizza會有少少時間要等佢焗嘅～到時就可以去食個下午茶再等出爐！傾左一陣佢見有位就安排我地入去整pizza喇！入到去見到啲嘢好整齊同好乾淨，導師亦第一時間要求我地清潔好雙手先開始！導師都好細心教小朋友搓個麵團，整好個餅底之後就開始鋪自己鍾意食嘅食物上去，過程中阿仔學識咗珍惜食物，佢話原來整一個食物都唔容易！導師話pizza比其他甜品容易整，所以好快我地就整好喇！之後就可以去隔離等焗好個pizza，我地因為仲未肚餓，所以只係叫左個棉花糖窩夫！小朋友仲可以去遊戲室玩住等添！❤️我仲發現到佢地有個「小Baby粥糊餐」，呢個我真係覺得好細心，完全係照顧埋比較細小嘅小朋友，媽咪唔需要自己預備就可以出門！牆上面嘅卡通仲好可愛，好吸引！❤️🍽️ 棉花糖窩夫好好食！因為阿仔有兩聲咳，所以我唔俾棉花糖同cream佢，但淨係個窩夫餅底都好夠甜，仲好軟熟添，唔會焗到太硬，啱晒小朋友食！👍🏻👍🏻👍🏻食完就啱啱好，pizza出爐，阿仔好有滿足感❤️佢地仲用個好可愛嘅盒裝住比你拎返屋企享用添！呢度真係可以滿足晒小朋友嘅願望吖！👍🏻👍🏻👍🏻…查看更多

處於工廈嘅純白cafe，一個好舒服，好寧靜嘅環境！牆上面掛左啲畫，好有文藝氣息！空間感好足夠，而且仲有房，可以做workshop或者一班人傾下project！食物方面都好有驚喜，仲大大份添！🍽️牛肉煙肉漢堡（芥末蛋黃醬）配薯條牛肉好大塊但好juicy，煙肉脆脆地但唔會硬，好易咬開，個包好軟熟！加左啲芥末，口感更豐富！薯條辣辣地，好惹味！🍽️溫泉蛋卡邦尼意大利粉好大碟，而且味道剛剛好，每條意粉都掛上醬汁！而且佢地唔係用煙肉片，係煙肉粒，好有咬口！🍹 話梅檸檬冷萃咖啡呢個真係好特別，亦都非常有驚喜！話梅同檸檬嘅酸甜味令咖啡更容易入口，而且飲完之後有回甘！口感層次多，亦都非常清新！👍🏻👍🏻☕️ 黑芝麻拿鐵拉花好靚，打卡必點！黑芝麻好香，飲落唔甜，飲完底部滿滿芝麻粒，足料👍🏻好健康！靜靜地喺呢度食個午餐，純白真係令人好放鬆，可以比自己一個空間抖下氣，真係一個好地方！❤️…查看更多

呢幾日不停落雨，連校運會都取消埋😮‍💨見阿仔咁失落，咁就搵間親子餐廳比佢放下電，又可以食餐飽！我地揀咗觀塘鴻圖道嘅「炑八」，平日人唔算多，我地為左玩得舒服啲，所以book咗4點！地方好大，啲玩具都好多種類，我地仲見到職員清潔緊啲玩具👍🏻食物方面都好多選擇，小朋友可以揀兒童餐，大人就燒下肉食，咁就滿足晒大人同小朋友喇❤️🍽️ 繽紛兔仔造型飯團有飯有肉有蛋有菜，仲有士多啤梨！賣相仲好吸引添！小朋友一定鍾意，而且營養均衡！🍽️ 春天協奏曲全日早餐我地搶住食個紫薯條😂好香紫薯味！仲有個炸魚柳，外脆內滑，大大塊又好食😋個芝士粟米火腿三文治都好特別，上面加左少少果醬，食落有甜有咸，配搭得好好！🍽️ 王者牛肋骨🌟🌟🌟（必選）好大份😍店員會幫手燒，燒到剛剛好，外層微焦，裡面充滿好香嘅肉汁！店員知道小朋友食，仲剪細粒啲，真係好細心❤️🍽️雪花厚切五肉又係勁大份，呢個加埋韓式醬同蒜頭，用生菜包住食，成個感覺係唔會油膩，口感仲好豐富，令人食完好想再食！☕️ 韻律朱古力狂想曲好靚吖😍塊曲奇都好好食😋🍹 花漾音符焦糖鮮奶特飲又係打卡必點！靚到唔捨得飲！😍我覺得唔算好甜，但有微微嘅蕉糖香👍🏻🍰 旋律甜品饗宴店員拎出嚟果陣，阿仔好興奮，因為個底係個旋轉木馬，仲有音樂！上面嘅甜品都有5款，好精緻！另外，仲有湯同前菜，韓燒旁邊嘅芝士粟米同泡菜蛋，好豐富，真係食到好滿足！我最欣賞係店員服務態度好好，有傾有講，好有互動！燒王者牛肋骨同雪花厚切五肉都好專業！呢度真係好啱落雨天同夏天嚟玩，大人食下燒肉傾下計，小朋友又可以喺安全嘅遊戲室放下電，一舉兩得！👍🏻👍🏻👍🏻👍🏻👍🏻…查看更多

最近比我知道咗九龍灣德福廣場嘅「豚丼のぶたはげ BUTAHAGE」推出全新「帶廣名物辣味炙燒芝士稀有豚丼」 ，對於一個又鍾意食肉，又係芝士控嘅阿媽，趁復活節假期帶埋阿仔同婆婆去嘆下先！真係要讚下個環境，非常舒服，好大空間感！我地去到，佢哋剛剛開門，未有太多人，但半個鐘後已經坐滿晒人，但感覺都好舒服，唔會好嘈同迫！🍽️ 帶廣名物辣味炙燒芝士稀有豚丼我係慕名而來，當然要試佢地以得奬「帶廣名物稀有豚肉丼」，再加上炙燒三重芝士同特制辣醬嘅「帶廣名物辣味炙燒芝士稀有豚丼」！即叫即燒嘅豚肉眼，鮮甜多汁，油脂平均，所以容易咬開！香濃嘅半溶拉絲芝士，再配上特制辣醬同秘製燒烤醬，做出香、辣、濃、甜嘅四重味蕾享受！* 由即日起至 5 月 28 日九龍灣德福廣場分店限定供應，要食就快手喇*🍽️炙燒海鮮丼海鮮好大隻同新鮮，有三文魚，帶子同大蝦！鮮味十足！套餐仲有個茶碗蒸，呢個阿仔同婆婆都好鍾意食！仲有杯果茶，淡淡嘅果香，食完飯飲真係適合不過！🍽️兒童定食小朋友必選，而且有三個選擇，飯、烏冬同包，任君選擇！依家好多餐廳都有兒童餐，但做到咁多選擇同埋咁全面，真係值得一讚！份量剛剛好，而且甜品係一杯日式藍莓布丁，包裝好可愛！小朋友一定喜歡！🥰🥰🍽️單品天婦羅 - 紫菜同茄子天婦羅嘅粉漿好薄，但食落好香脆！應該係炸時已經有加醬油，所以帶點味道，而唔會太濃！本來唔太鍾意天婦羅嘅我，都覺得唔錯！總結，真係好值得一試，亦都係值得推介同再食嘅日本餐廳！…查看更多

我上網見君蘭係銅鑼灣開咗一間好特別嘅麵包店，我身為一個麵包超人，當然唔會放過！去到見到啲麵包真係好靚好精緻，好似啲精品咁放喺度！而且係每日由師傅新鮮焗製，100% MADE IN HONG KONG添！嘩！咁吸引！真係忍唔住出手買返幾個同阿仔分享！🌟阿仔特別推介：法式芒果布甸包有啲糖霜喺麵包上面，食落甜甜地又夠鬆軟，好好味，布甸好滑，芒果又唔會酸！🥐小牛角系列我揀咗開心果，提拉米蘇，香濃咖啡，玫瑰伯爵茶！牛角包好脆，每個口味嘅cream都好滑好香濃，特別係玫瑰伯爵茶嘅玫瑰味，陣陣花香，加上伯爵菜，甜而不膩！🍞菠蘿包我揀咗麻糬芝麻菠蘿包同真。菠蘿包麻糬芝麻菠蘿包有好香濃嘅芝麻味，入面仲有黑芝麻忌廉添！麻糬煙煙韌韌，但唔黏口，夠晒口感！真。菠蘿包真係有菠蘿架😂菠蘿仲好juicy❤️🍞火腿芝士酸種三文治個包好鬆軟，配上無得輸嘅火腿加芝士，早餐食呢個，夠飽肚又好食！佢地仲有好多包都好想試，真係好吸引！下次去銅鑼灣，真係要試埋其他先😋😋😋…查看更多

生阿仔之前食過Dazzling Cafe，突然諗起，原來仲喺The One，咁耐無食，梗係要去打下卡！上到L3，遠遠已經見到超級少女心嘅粉紅色，真係好吸晴！𥚃面空間感好足夠，裝修好靚，喺鬧市入面 chill下，hea下，真係一個唔錯嘅選擇！我同老公都好肚餓，所以都叫得好瘋狂😂🍽️和風B B Q豬排三文治豬扒炸得剛剛好，外脆內軟，豬扒鬆軟易咬, 仲好juicy！外層麵包都輕輕烘過，鍾意食香口嘢嘅一定要叫！旁邊配有薯條同小小火箭菜同車厘茄，薯條每條都脆卜卜，火箭菜同車厘茄都好新鮮！🍽️拿破崙大蝦意大利麵微辣，但食唔到辣嘅我都食到！因為有少少，好少嘅辣，令到成個意大利麵都好惹味！啲大蝦仲好多添，超足料！😍😍😍🍹 海鹽焦糖 & 極品可可冰沙佢哋嘅特色飲品有好多選擇，但佢地嘅冰沙系列，真係打卡必點！一上枱，我已經忍唔住嘩左一聲，靚到唔捨得飲❤️🧇草莓繽紛冰淇淋鬆餅有3個醬比你自由配搭，每一啖都可以自選一個新鮮味道！草莓好甜！再配上一個草莓雪糕！用呢個甜品做結尾，真係可以喺今餐飯劃上一個完美句號！😍無論環境同食物，都令我感到好滿足！👍🏻…查看更多

其實我真係好鍾意食kimbap ，每次行街見到都會想食！早幾日送完阿仔返學，想行下屯門，即刻叫埋老公一齊行！行到12:30，開始肚餓，見到好多韓國菜，但就比收銀枱放滿kimbap 嘅K chef Story吸引咗！我梗係黎兩條kimbap先👇🏻🍽️芝士紫菜飯卷🍽️微辣烤豬肉紫菜飯卷佢哋嘅kimbap 做得好足料，飯唔多，而且切得剛剛好可以一口食晒！芝士好香，味道夠出；微辣烤豬肉唔太辣，但非常惹味！老公揀咗👇🏻🍽️烤牛肉蓋飯套餐套餐好多嘢食，又大份，最重要係味道好好，我都忍唔住偷食咗幾啖！我同老公食完，一致決定今晚食炸雞😂當然唔少得要揀阿仔嘅最愛 — 蛋同芝士🍽️原味炸雞 （無骨） -外賣佢哋嘅炸雞味道好多選擇，不過阿仔都食 ，所以今次揀原味！呢個炸雞同出面果啲唔同，脆得嚟但保留到雞嘅鮮嫩同肉汁，所以食落感覺唔會非常熱氣！下次一定要試埋其他味！🍽️芝士雞蛋卷 -外賣呢個係必試推介！🌟🌟🌟🌟🌟成個雞蛋卷好厚實，但食落好軟，蛋味好香，再加咗芝士同茄汁，成個配搭真係無得輸！👍🏻👍🏻真心要試！總結：食物同環境我比滿分！🌟🌟🌟🌟🌟但仲有一樣嘢，真係要讚！係佢哋對待外賣都好認真，金色袋加黑金色盒，成件事好奢華，而且包裝得好好，好乾淨！…查看更多

最近見到好多朋友去K11打卡，仲話未食過法式可頌夾心球，真係唔好話自己係甜品控！講到咁，真係要試吓先！遠遠都已經見到非常搶眼嘅粉紅色，牆上掛著充滿電影院風格嘅海報及餐牌，非常適合影相打卡！裝修已經夠特別，佢哋嘅香港首創「甜點藝術品」法式可頌夾心球仲吸晴！分別有6個口味：🌟伯爵茶馬德蓮蛋糕配芒果牛角波🌟朱古力榛子脆脆醬牛角波🌟卡邦尼配煙肉牛角波 🌟蝦醬馬德蓮蛋糕配肉鬆牛角波 🌟日本綠茶馬德蓮蛋糕配十勝紅豆粒牛角波🌟紅𢇁絨馬德蓮蛋糕配杏仁牛角波依家仲有推廣，買三送一，所以我揀左👇🏻🍽️朱古力榛子脆脆醬牛角波香濃嘅朱古力榛子脆脆配上鬆脆嘅可頌酥皮包，食完滿滿幸福感！🍽️卡邦尼配煙肉牛角波 呢個係我極力推介！本來對鹹甜點唔太有好感，結果係最驚喜亦係我最喜歡口味！好香洋蔥味，口感非常豐富，必定要試之選！🍽️日本綠茶馬德蓮蛋糕配十勝紅豆粒牛角波綠茶加紅豆一直都係最佳拍檔！呢個綠茶味唔會好濃，配上十勝紅豆粒，食完唔會好膩！🍽️紅𢇁絨馬德蓮蛋糕配杏仁牛角波口感絲絨般輕盈又滑順，帶有微微的酸味和甜品，非常特別！喺拎返屋企嘅時候，沿途已經好吸引人望住，因為包裝真係好高貴，非常適合做散水餅、節日送禮或者同摯友親朋一齊high tea 嘅首選！…查看更多

佐敦真係好多嘢食，但如果食越式牛肉粉我會介紹火五，呢度啲牛肉粉湯底濃郁，唔落任何調味都好好食，不過我鍾意有少少辣，所以加咗幾粒辣椒😍🌟推介🌟🍽️火五火車頭牛肉湯粉 $78呢個入面乜都有：生牛肉、熟牛肉、和牛牛丸同扎肉！首先牛肉煮得剛剛好，夠冧好易咬！和牛牛丸好juicy，仲好彈牙！扎肉切得薄，所以都滲入咗湯嘅味道！個人建議食河粉，因為好滑，又有咬口，而且每條河粉都帶上濃郁湯底，令到你食唔停口！🍽️原隻大蝦長春卷（3件）$39我欣賞長春卷唔會炸到過份地脆，剛剛好，每一啖都會食到蝦肉，配上生菜，沾上自製越式甜酸汁！酸酸甜甜，生菜嘅清新，食完唔會感覺好熱氣，令到食完都仲想再食！👍🏻飲品我推介「西洋菜蜜」 $14呢個天氣飲杯西洋菜蜜，喉嚨舒服晒！…查看更多

最近見好多人去葵廣食芝士拉絲餅，咁多人去打卡，我梗係都要試吓啦！原來老闆係韓國人😀雖然溝通上有好少嘅困難，但老闆keep住好好笑容，服務一流👍🏻店入面只有一款味道，就係芝士味！（芝士控一定要嚟試下）即叫即整，成大舊芝士😍睇住佢整已經流晒口水！咬第一啖已經拉出芝士絲，好香蛋餅，仲非常軟熟，加上咸咸嘅芝士，令到口感非常豐富😋一路食一路拉芝士絲，好玩得嚟又好好食，食完心情都好啲～而且店內有位置可以企喺度慢慢食，又有好可愛嘅影相位！呢個真心推介，下次要帶埋芝士控嘅阿仔嚟再食一次😍…查看更多

近年身邊多咗朋友食素，一個星期揀一日食素，身體都會好啲！但對於食肉獸嘅我嚟講，真係有啲難度🥹今日跟朋友去到荃灣荃新天地食素，佢話呢度唔同其他素食店，我一定鍾意咁話！去到見到好多公仔，粉色感覺好可愛、好開心，空間感足夠，坐落都好舒服！午市餐單都好多選擇，仲有特色飲品同甜品！朋友話佢地個湯同包都要試吓，因為餐廳係無五辛（蔥、蒜、韭、蕎及洋蔥），所以食完個腸胃都唔會唔舒服！👍🏻🍽️泰式炒粉絲 配 香脆腐皮卷個粉絲炒得好夠味，好好食！香脆腐皮卷整到剛剛好，脆得嚟唔熱氣！🍽️泰式鳳梨炒飯 配 沙嗲串燒同泰式炒粉絲一樣，好惹味，微辣但配上切得細細粒嘅鳳梨，味道剛剛好，每一口都有辣味有鮮味，口感非常豐富！沙嗲串燒好好食，真係有一刻以為自己食緊肉！🧋香芋黑糖珍珠香芋好香，唔會太甜，食完沙嗲串燒，解辣一流！🍰榛子海鹽焦糖乳酪蛋糕海鹽焦糖真係無得輸，乳酪蛋糕好細滑，值得一試！👍🏻👍🏻👍🏻🍰椰香紫薯千層班戟啖啖椰香加香濃紫薯味，因為係千層班戟，所以食落唔會好重負擔，朋友係非甜品控，都話好食！臨走見到門口好多小玩意，店員話12歲以下可以免費扭蛋一次！小朋友一定好鍾意，下次可以帶埋阿仔嚟食❤️呢度真係好啱想試素食又係食肉獸嘅我，仲有甜品滿足埋第二個胃！嘢食好食，店內空間足夠舒服，仲可以比小朋友扭蛋拎小禮物，所以親子都嚟食都非常適合👍🏻👍🏻👍🏻…查看更多

成日聽人講香港工業中心附近好多好嘢食，咁啱出開去，兜個圈望下，點知見到有Kimbap😍😍其實韓國菜，除咗食炸雞，kimbap都係我必食嘅！呢度淨係做外賣嘅，咁啱未食午餐，忍唔住衝咗入去，決定買埋今晚同阿仔嘅晚餐！👏🏻👏🏻🍽️芝士牛肉紫菜卷滿滿嘅芝士同餡，勁足料，相反飯少啲👍🏻👍🏻👍🏻而且包得好實，唔會一夾就散！黃蘿蔔同青瓜解膩，食完唔會飽飽滯滯👍🏻👍🏻🍽️芝士豬肉紫菜卷🌶️呢個係辣嘅，非常惹味！黃蘿蔔同青瓜嘅爽脆，令到除左辣，口感亦非常豐富😌😌🍽️牛肉便當個便當除咗飯多，連牛肉都多😍好抵食👍🏻牛肉配上椰菜，仲有個年糕同黃蘿蔔添架！🍹提子汁 & 香蕉奶韓國🇰🇷牌子😍西瓜仔好鍾意呢隻香蕉奶，買埋返去，超開心！韓國店來講，味道同價錢我都好滿意！而我最欣賞係佢哋嘅外賣好乾淨整齊👍🏻…查看更多

原來鬆弛熊已經陪咗我哋20年喇，富山麵家趁住佢20歲生日，整咗個crossover！咁特別，卡通迷嘅阿仔又點會錯過❤️❤️❤️其實行入銅鑼灣希雲街，遠遠已經見到好吸精嘅粉紅色，仲有鬆弛熊喺門口吸引你行入去喇😍入到去，充滿咗鬆弛熊😂，連紙杯，筷子套都有鬆弛熊添架～阿仔仲興奮到不停叫我影相😂嚟到當然試吓鬆弛熊限定menu～🍜特製牛奶拉麵 $98香濃嘅牛奶味，配上沖繩豬軟骨，日式叉燒及新鮮魚片，整體係好夾，拉麵煮到剛剛好，有咬口又唔會太硬！豬軟骨同叉燒煮到好入味，入口即融👍🏻👍🏻👍🏻🍜特製沾麵 $108阿仔未食過沾麵，所以比佢試吓😌佢揀咗味噌湯，湯底香濃惹味，食到好開胃👍🏻👍🏻👍🏻🍢炸雞拼章魚燒 $68呢個阿仔見到最興奮，因為中間有塊曲奇餅，加上炸雞同章魚燒都係阿仔最愛❤️章魚燒皮簿，一咬已經咬到章魚喇😋😋😋炸雞配上士多啤梨醬，好特別，仲好好食！🍹特製百香果梳打 $39🍹特製士多啤梨梳打 $39百香果清甜帶點酸，超開胃仲好解渴😋😋士多啤梨個味道會再濃啲，好香嘅士多啤梨，溝埋梳打剛剛好👍🏻👍🏻👍🏻兩款都有鬆弛熊嘅棉花糖，可以放上杯飲品上面，或者拎返屋企慢慢嘆😂阿仔堅持要拎走，都明白吖，咁靚，真係唔捨得食😌😌😌😌食完嘢，仲可以shopping添😍富山麵家 X 鬆弛熊 限定商品🛍️精美拉麵碗 $150可摺式購物袋 $78如果兩樣都好想要，當然揀「珍藏餐具套裝」，雖然價錢都係$228，不過就送埋不銹鋼筷子添吖！…查看更多