11號巴士的个人专页

點解哥咁愛叔叔？因為佢喺西菁街比較靜嘅位置，靚中帶旺，每次踩單車之前就可以過嚟食餐飽，食完先至再出發。泰式牛肉船麵例牌泰式船麵，食極都唔會厭。秘製嘅船麵濃湯，加上泰式香料，又香又開胃。面方面雖然可以自由揀，但個都係比較鍾情於金邊粉，因為呢隻麵同個湯底最夾！泰式椰子雞湯麵個湯椰子味好重，真係有少少想連湯都飲埋相對上面來講個味會冇咁濃今次特登叫咗蛋麵，想試吓佢口感點樣感覺都係金邊粉夾啲泰式凍奶茶呢度冷熱同價，當然要叫返個凍奶茶消暑最鐘意飲佢個種香甜嘅味道…查看更多

觀塘雖然個個返工都會想問候母親，但呢區嘅好西餐廳數目又的確係最多。今次呢間Bella Shine都算係其中一個飯堂餐前蒜蓉包同餐湯餐湯今期係青豆湯，青豆味都真係幾勁，算係幾新嘅嘗試，睇吓大家有幾接受青豆啦竹炭照燒汁牛肉漢堡，真係好Juicy，入邊仲有塊燒菠蘿，酸酸甜甜好醒胃。啲汁多到流出來咁滯啦！另外嗰個係黃金南瓜汁蟹肉菠菜苗長通粉，鹹蛋黃過未好出，呢個組合係幾得意，如果份量多少少就更好甜品今次係Brownies同埋泡芙，如果遲少少嚟就可以試到藍莓芝士蛋糕。包年原本諗住佢會再重手少少，不過中間口感反而似返蛋糕多個朱古力brownies今期Menu…查看更多

呢間日本野野食好食，環境又靚，搞到哥成日食完又想食。上次冇食到石板燒肉，今次一於食番先！加左廿幾蚊做套餐，可以揀沙律，餐湯，嘢飲，四選三我同朋友就揀咗串燒同忌廉湯，不過不失，作為前菜一流英式紅酒肉碎汁燒豬肋骨蛋包飯諗都冇諗過佢哋會將咁西式嘅紅酒汁煮法融入日式蛋包飯度，雖然呢個唔係傳統嘅日式和風煮法，西式紅酒汁加上蛋包飯又有另一番風味蛋包飯隻蛋依然做得好滑好出色，米飯用上珍珠米，加上紅酒汁依然令人胃口大開聖安娜安格斯封門柳定食石板燒最大好處就係幾多成熟，完全由自己決定。即使放咗好耐，發現肉質過生，都可以用石板溫熱煮返適當嘅生熟度，無需麻煩到廚房幫忙再次烹煮。安格斯牛柳又大又厚身，燒到medium左右，完全保留到佢原本嘅肉質口感鮮橙柳丁梳打，鮮芒果肉梳打兩款都係非常清爽嘅飲品，飲完成個人都好refresh 不過有樣嘢怪怪地，唔知做乜個店員好趕住收我地d 碟，明明都唔係好多人，有咩咁趕呢？不過overall 都係開心同好食既😌…查看更多

見番個好耐冇見但有keep contact 既朋友，講左好多佢既事蹟，感覺就是世界巨變，一路睇住menu 一路聽佢講睇住個Menu都覺得自己好似去咗綠洲咁Signature 招牌 每次見到都好有印象青咖喱雞肉表面放滿好多好多蔬菜，差d 以為佢出錯左素菜，整開哂d veggie 就會見得番d雞肉。青咖喱好refreshing，咁多隻咖喱來講相對地淡，但入口後會有一陣辛辣味衝擊喉嚨，非常有驚喜，飯都立即食多兩碗黃油飯叫得咖喱又點少得黃油飯？呢碗黃油飯就架勢喇，裝滿不特止，仲要有個大山丘，一碗兩個人食都仲得你睇吓個大山丘，同個碗啱啱好做到個倒影泰式炒椰菜苗椰菜苗呢間野，好食就好好食，唔好食就會比想像中更難食。還好個菜都幾軟身唔太硬，可惜少咗啲泰式香料味。加返少少咖喱汁食就一流泰式沙嗲串燒呢間嘅串燒主要得雞同豬，哥比較鍾意雞個口感，加埋沙嗲汁就一流。豬就比較厚肉，冇咁嫩滑成晚一路同朋友吹水嘅同事，聽到背景好大聲嘅機器聲，原來係因為全場都叫Smoothie，部攪拌機好嘈，特別係open kitchen，成個場都好應聲，搞到有少少扣咗印象分椰汁開心果沙冰嘈足成晚，全場就係為咗呢杯飲品，開心果味冇想像中咁濃，不過椰汁味好出，好冰涼好啱而家飲頂端仲要送咗粒開心果，不過個唔小心跌咗，Sad🥲芒果糯米飯冇諗過連糯米飯都好大舊，仲要綠綠的，遠睇有少少似舊糭，食落幾清香，不過作為甜品真係有少少飽肚，撈番少少椰汁食都唔錯環境來講依家都算唔錯，嘢食都唔算差，不過環境真係太嘈了，搞到坐對面嘅friend都唔係好聽到佢講咩。今晚都聽咗好多Juicy story，不過Juicy story is never easy，希望做完佢Tree Hole 感覺會好D la😌…查看更多

哥平時食親d野基本上唔好太差就得， 中中挺挺都冇所謂。諗住去到間鋪冇乜人，方便快捷，但今次真係食到我成肚火！完全唔明點解間餐廳有兩個女人係度勁大聲講野，嘈到一個點！算，諗住拿拿聲食完個飯走人算了。點知個店員講譚仔話既？！落完單等食，想問個店員攞杯水，店員A話冇，唔緊要，點知店員B補左句 “靚仔想飲野叫杯$13 凍檸茶丫！” 但佢完全唔係好語氣個種，係想話我冇幫襯咁款攞完個拉麵番位食，拉麵係鹼水麵，個湯仲有個陣味係度！其他野都還好，最大問題係個隻溏心蛋！竟然係變壞左既！到底知唔知一隻溏心蛋對於一個拉麵有幾重要？竟然送我一隻臭蛋！差極都要有個譜吧！影左兩張相做證去開海之戀既自己衡量係咪要入去幫襯…查看更多

第一下見到，以為呢間係中國野，成間都紅紅的，點知原來係印度朋友開既雙層芝士牛肉漢堡Double cheese 真係好痴線，一路食一路有流質既芝士係burger 中間游走，真係好好食！加埋牛肉鮮嫩，仲要有煎過，咬落好juicy! 包裝紙要好有心機地用左隔油物料，所以d 醬汁唔會滲出嚟行運熱狗套餐加十蚊就有，都幾抵玩。連條腸都係煎完先俾你，唔會得個熟字咁簡單。佢地d 芝士真係放咩野食都咁夾，仲幫個熱狗加左分！熱狗用料又非常豐富，絕對抵食。雪好哂d汽水俾你攞…查看更多

天水圍已經食到好似冇乜好食, 屏欣呢邊竟然又開左間新既日式丼飯店，希望佢唔會令我失望喇。佢地全天候都有丼飯套餐，唔會驚佢夜晚加價食貴左。套餐加少少錢就可以有小食，唐揚炸雞肉質嫩滑，吉列海老鮮嫩爽口，外層輕輕咁炸過，脆口得黎又唔會太油膩，完全係炸物中既代表作。鰻魚份量算係中規中矩，都叫有D厚度。加埋特有既鰻魚醬汁，令人一試難忘。唔好睇個鰻魚飯好細個，個飯其實好大碗，大食既朋友食完都話飽!呢個豪華牛肉丼實係牛控至愛! 牛肉多得黎又唔會有太多脂肪，肉同油脂既比例啱啱好。再加上有適量既牛丼醬汁，食飯唔會乾淨淨。再配合套餐附送既溫泉蛋，令整體既味道更為豐富。另外仲有個味憎湯同沙律，60蚊左右就可以享受咁多好野，絕對係誠意中足。最後飲番支波子汽水gur 一 gur 佢，成身悶熱既感覺立即一掃而空。…查看更多

近日天氣漸漸回暖，想食比較清爽的野食，就和朋友揀了豐勝手丼。第一件事，先在店外消一消毒先。這店主打丼飯，平常有十五種丼飯選擇。另外，還有刺身、壽司和其他日式料理。最重要的，就是有多種日本酒。如果想在堂食飲酒，就要等疫情過去，才能解禁。和朋友點了一人一個丼飯，分別是8號和9號。上菜速度都算快，十分鐘已經上晒兩個丼飯了。8號雲丹卜口丼碎蔥吞拿魚腩+原板韓國海膽相比一般刺身，海膽新鮮與否更容易令人發現。新鮮海膽不會有異味，而且全都是固態。這個海膽絕對經得起考驗，令我對這店的刺身都十分放心。而碎蔥吞拿魚腩的油脂感十足，令魚蓉食起來很有滿足感。9號北海蟹丼松葉蟹肉+ 松葉蟹腳+ 松葉蟹鉗+ 松葉蟹羔+蟹籽蟹羔一般在未經烹煮過程之前都會帶有大量腥味，但豐勝手丼就做非常新鮮，沒有腥味。店內設有加飯服務，胃口大的朋友不怕飯少。…查看更多

想為好朋友搵間有格調嘅餐廳慶祝生日，聽人介紹呢間水産唔錯，於是就book左呢度。＊一上嚟就知無揀錯食店，門口好靚，日式風格。＊店舖整潔，店員仲細心地拎左椅套畀我哋個袋擋油煙。＊非常時期，店員都有為我地量體溫先。＊磯野龍蝦海鮮盛合店員先畀我哋望一望海鮮，睇到每件色澤都好靚，我哋都好安心，之後店員就會拎去作不同嘅處理，好期待啊！每款海鮮都會有不同嘅烹調方法。＊赤蝦刺身鮮甜無比，肉質嫩滑，味道清新，作為第一道菜實在適合不過。＊清酒活帆立貝濱燒香噴噴嘅帆立貝，帶有清酒揮後的甜味，每個部位每啖都食到帆立貝嘅鮮甜。＊牛油活帆立貝濱燒另一個帆立貝嘅煮法，其實除咗牛油仲加左黑松露，牛油嘅鹹香再加上黑松露嘅香氣，惹味到不得了，食到停唔到口！＊鮮魷魚濱燒魷魚燒得好完美，每一舊都岩岩好，無出現「香口膠」或咬唔斷嘅情況，魷魚質感不會太韌，口感爽彈。＊蟶子濱燒沒有多餘的調味，最考驗食物原本的質素，而呢個蟶子原汁原味已經令人食指大動。＊濱燒蚌仔蚌仔肉質鮮甜，嫩滑及非常之彈牙，濱燒真係好考驗食材本身質素，好味！＊龍蝦濱燒好食到不得了！燒得香香的，增強龍蝦的鮮味，龍蝦肉唔老，爽口之餘，更是香口無比。＊蜂蜜柚子梳打幾好味，正常水平啦~~…查看更多

武漢肺炎大流行，都好少出去街，難得出開CWB就搵間餐廳同fd 飲翻幾杯食個飯。依間餐廳之前返工都試過午市，味道份量都唔錯，難得有機會梗係試埋個晚市啦。一上到去見到門口已經有提供消毒酒精，食都食得安心d啦。坐低左先發現原來餐廳主打係牛內臟串燒同酒，唔係唔試下啊？有好多好特別，從來未試過既牛內臟串燒，同埋一d 特色牛肉串燒。每樣都試下。首先就係個馬蹄燒牛肉。馬蹄煲湯就食得多，比牛包住燒就真係第一次食。第一次食係有新鮮感，馬蹄既水份可以減輕牛肉既油膩，但係又唔會完全沖走曬d 牛味，夾的幾好。之後就食左個牛沙瓜，牛草肚，同埋牛小腸。 牛沙瓜比較少見，本身都唔知係咩黎，食落好特別，有d 煙un，但係又好霖，一d 都唔會好老好乾，之後上網睇番原來係牛既其中一個胃。咁牛草肚就係平時食開既金錢肚，但係依個金錢肚串燒幾特別，首先佢夠霖，唔會咬極都咬唔斷，重點係個汁，甜甜辣辣，又同個牛草肚既夾，值得一試。牛小腸就有d 遜色，味道就一般般，可能我覺得太油，不過如果外皮可以燒得再脆d 就更加好。咁之後都試左牛心，牛舌根，牛肋條。平時自己都既鍾意試豬心，雞心，牛心就第一次試。靜係用黑椒，鹽已經好夠味，咬落既爽口。牛舌根就真係幾特別，平時燒牛舌，好多地方都燒到好un，好難咬，但係一個牛舌根好軟，都咬落去都唔會完全好乾，都有好多油。之後仲試左個橫隔膜set，職員都好好，好詳細咁介紹每個串係咩調味（黑燒，蜂蜜，wasabi，蒜蔥）由左至右，口味越黎越重，黑燒無咩特別。而其他3種感覺幾特別。估唔到蜂蜜同燒牛都幾夾。而我最鍾意係wasabi，食落另你唔會覺得好多油，食落好juicy，蒜蔥都好正，不過個人覺得有蒜蔥既有少少搶左牛味。講得居酒屋，黎到都要飲翻幾杯，係飲食串燒幾時候，我地叫做個燒酌黎試下，一共有4杯（米，麥，蕃薯，本格）職員都介紹本格係配合翻季節既酒，我飲既時候係紫蘇葉。而味道既輕重由紫蘇葉最輕，米，麥，蕃薯最重。咁我自己就揀左紫蘇葉，味道真係好清，唔似平時飲既燒酒清酒，佢會有一陣薄荷味道，甜度唔會話突出，比較清新既一杯酒。之後我揀左米酒，咁米酒比紫蘇葉會甜d，酒味開始更加濃。後勁唔係好勁，都係比較容易入口，之後麥同蕃薯我就無試啦。酒都係淺賞，足夠就好。…查看更多

見到呢間餐廳其實好surprise，第一佢係係街市對開既地區，第二佢係好fusion 既泰國菜，所以其實好有沙漠綠洲既感覺。筆者就因為呢2個原因俾佢吸引左入去食番餐。田園感好重既餐廳餐牌餐具，都係簡潔得黎唔普通泰式豬手飯豬手肉質好淋，但鹵水味又好重，應該都花左一段時間去浸先做到呢個效果。因為泰式既關係，仲落左好多香料，米飯亦揀過比較細粒既種類，感覺好特別。海南雞飯口感同預期一樣咁嫩滑，仲有泰式醬汁同黑豉油俾大家揀。泰式奶茶同泰式青檸茶奶茶會甜d 同果香味出d青檸茶會酸d視乎各人既愛好選擇…連杯墊都靚過人，有少少唔捨得用Logo 都整得好靚…查看更多

下午係MK 同friend 行完街買野之後想搵間冇咁多人既餐廳chill 下，好彩俾我搵到呢間cafe。香港生活咁急，真係要過黎give it a pause。我諗店主都係想大家過黎同自己既忙碌生活黎個pause，休息一下再繼續。入面環境都幾靚，幾有格調。Pumpkin Crabmeat Risotto因為有南瓜混入個risotto 度，所以個飯好橙。蟹肉可能因為比較碎，唔係好感受到，南瓜反而就好出，仲有少少香草味。芝士撈勻後效果都唔錯，cheesy 但唔肥膩。好多芝士放左係面呀！！Avocado Chicken Risotto牛油果同雞肉都好清新健康，味道冇南瓜個個飯咁濃味。加多少少檸檬汁，酸酸地味道幾特別。水牛雞翼個醬幾濃，仲有少少辣味，好過癮Black Sesame Latte黑芝麻latte 筆者真係第一次試，不過作為黑芝麻fans 既我覺得個配搭都係唔錯既，店員仲好有心機咁整左隻unicorn 拉花，厲害。Purple Potato Latte咩都紫薯其實筆者唔太like，不過佢做出黎個味又唔算好濃，比例剛剛好，所以都唔差。只係個色澤太淺色，所以拉花都睇得唔太清楚。…查看更多

好難得個女仔frd 話想食法國野，咁就豪番次咁大把喇。環境黎講又真係幾chill，又有陽光照入餐廳，感覺好光猛醒神叫到成枱都係，哈哈跟餐沙律同餐湯Parma Ham Galette個口感似係法式蛋餅咁，加上parma ham，半熟蛋同些許蔬菜，感覺好fresh 好豐富Ribeye Steak with fries(Medium)筆者好怕食得太生，最多只敢叫Medium，個口感都好juicy。肉眼扒質感亦比較厚身，有種好實在既感覺。煎三文魚扒淨係個賣相都加爆哂分Strawberry Banana SmoothieCoconut mango passion fruit smoothieSmoothie 口感就好似飲緊沙冰咁，但口感會幼滑好多，Strawberry個杯會酸少少，Coconut mango 就會清新d，兩杯都係唔錯既選擇埋單個一刻表示荷包有d 痛，但環境同服務都好好，仲要冇咩人去，好正既體驗👍🏻…查看更多

Happy hour 未食野，但又想同個frd 飲下野，能夠滿足哥既，應該就只有呢間餐廳。滑蛋吉列豬扒飯豬扒炸得幾脆，滑蛋又落左好多材料，好快就填飽左哥個肚炸到金黃色咁，幾脆口Tea set 送沙律，3條吉列蝦係另外叫既，口感好crispy 肉質好鮮嫩富士山頂汽水感覺比較清爽，有種令人精神為之一振既冰涼感覺。加上倒樽既做法，哥完全唔駛拎起個樽就可以飲完成樽汽水，正！信州蘋果汽水充滿日本蘋果既味道，甜得黎又唔會過哂龍，加上汽水既梳打氣，配合得啱啱好。最後送上飲料菜單俾各位識飲之人參考一下…查看更多

大胃口嘅我，想食日本野，於是叫咗個一人前套餐！岩燒黑毛豚肉整好左勁大塊岩板任我燒，塊塊豚肉都燒到金黃色先食(當然都要睇下各位食家既技術喇)豚肉應該係腩肉位黎，所以都幾Juicy仲會有碗海苔珍珠米，不過d 飯有點怪怪的。茶碗蒸前菜仲有個茶碗蒸，不過味道比一般既會濃少少，能否接受就要視乎個人口味了。跟餐仲有三文魚，甜蝦同帶子，一次過滿足哂食客對日本菜既需要土佐木魚豆腐外面鬆脆內裡軟滑，加上醬油浸泡，味道好出色跟餐既啫喱但最唔理解就係點解店員們成日係度傾計，舉左手好耐都冇人理，明明就冇乜野趕緊…查看更多