Bon10011001的个人专页

今日聽朋友介紹去到位於尖沙咀嘅彌敦左岸食西餐，去到門口見到做緊promo，做緊98蚊3小時任飲紅白香檳，已經吸引到我直上坐低，每樣有幾個牌子可以揀，唔係淨系得一款，飲幾杯都值回票價。今次叫咗個2人set，包咗沙律、小食、意粉同埋一個main course，都係$598好抵1.凱撒沙律配parma ham沙律菜非常爽脆新鮮，麵包糠非常脆口，而且沙律汁都做得非常有味道，加上parma ham嘅鹹香，令成個味道昇華咗2.三重芝士焗薯蓉薯蓉做到非常creamy，味道亦非常平衡，外面嘅芝士燒到焦香，芝士味濃而不漏，配埋薯蓉，簡直一流3.香辣伏特加醬大水管粉配流心布袋芝士大水管粉煮嘅時間啱啱好冇過火，唔會過淋或過硬。而醬汁加上伏特加調劑，食落去香辣帶有少少酒味，非常惹味。布袋芝士質地軟綿，食落香滑，配埋香辣嘅伏特加醬汁成件事好特別4. 烤脆皮三黃雞（半雞）半隻三皇雞喺你面前，淋上烈酒點火，烈酒同香料嘅味道混埋， 由火焰帶出，未食都已經流晒口水。雞皮夠曬脆口，而且肉質鮮嫩多汁，一啲都唔會嚡口，唔使另點醬汁都夠曬味道整體黎講，餐廳食物質素高，而且價錢唔係貴，岩晒三五知己一齊黎happy hour飲飽食醉…查看更多

依排天口開始熱啦，襯未熱晒就緊係去打邊爐啦，不過依家都發覺散叫又貴到食，任食又限時限刻，仲要未必靚料，所以上網搵左好多，比我搵到依間味火鍋，300幾蚊就可以無限任食，真係抵到爛，冇理由唔試下！依到最特別嘅地方係有頭盤、火鍋拼盆，然後就緊係湯底同任叫火鍋材料啦！佢開頭會有3款小食，中華沙律、雞軟骨同海折，雖然只係小食，但雞軟骨熱辣辣又炸得香脆，又真係食唔停！頭盤就5揀1，龍蝦、焗蠔、佛跳牆、雞煲同酸菜魚，我地揀左佛跳牆，味道好鮮甜，入面有瑤柱、瘦肉、花膠同鮑魚仔等，我又冇諗過又足料又夠味，做餐前湯都真係唔錯。湯底有有10款揀有辣有唔辣，我地揀左麻辣同牛肝菌，麻辣味道好夠麻唔太過，而辣味唔會太搶，好惹味，而牛肝菌湯底足料，而又清甜，未食都差d飲晒個湯底火鍋拼盤有海鮮盤同安格斯牛盤！開頭以為係2揀1，點知原來係2樣都有，好豐富！海鮮夠晒新鮮，因為海鮮都係時令， 所以每次都有機會唔同！樣樣海鮮都好鮮甜，最岩我依d海鮮怪！而我最鍾意佢d蝦夠晒大隻，肉質實肉夠彈牙，而且蝦味濃！而牛盤d牛好鮮嫰，有牛小排、牛肩胛同牛板腱，全部都肉味夠濃，個湯底清清地，烚一烚，牛味好突出，唔點醬都好夠味，同d潮汕牛有得比。而自選火鍋料都有21款左右比大家揀，而當然最吸引我就緊係佢啤酒飲任啦，真係抵到爛整體黎緊，餐廳食物質素高 ，價錢對得住食物質素，真係勁滿足…查看更多

去完馬來西亞之後一直都好鍾意嗰度嘅食物。 於是我朋友帶我去呢間舖頭食啲馬來野。 佢話好食，所以一於黎食下 我哋2個人叫左5樣野食1.芽菜雞雞嘅肉質嫩滑，而且啖啖肉又有鮮美。芽菜爽脆，吸收咗雞嘅味，之後帶有一絲清甜，非常好食2.肉骨茶（細滲）藥材味道溫和，唔會太濃烈，肉味足夠，湯底清而不膩。雖然係細滲，但用料充足，如果配埋白飯就緊加正。3.仁噹牛肉配手抓餅牛肉煮至入味，仁噹醬料香辣惹味，牛肉吸晒醬汁，辣味同鮮味結合。手抓餅外酥內軟，包住牛肉一齊食，層次分明，好有馬拉風味。4.魷魚爽口彈牙，青椒醬帶有微微甜味。兩者放埋一齊出奇地夾5.香辣炒米粉配咖哩雞米粉炒得乾身夠鑊氣，香辣味道唔會搶走米粉本身香味。咖哩雞濃郁香滑，雞肉入味，配米粉一齊食，一啖咖喱一啖粉粉，真係好惹味整體黎講，餐廳食物質素高，味道都幾地道，而且價錢親民，好值得再返轉頭食…查看更多

今日行過尖沙咀，發現開左間新拉面店「味吉長龍」，依間拉面店都有d來頭，原來係石亭同沃川兩間尖沙咀居酒屋的新號分店，兩間居酒屋都係尖沙咀開左廿幾年，可以係尖沙咀冇人唔識，而依間分店就係主打拉面，以清湯路線為主 ,同其他拉面鋪唔同，係香港市面上無咩人做，理念係想「簡單直接」唔想玩花臣同沃川同石亭個風格一樣，真係值得一試1. 白松露慢煮叉燒清湯拉麵（醬油湯底）一上枱已經聞到陣陣白松露嘅香味，真係不得了！湯底係用清湯，但加入醬油做成，味道鹹香帶甜，啱啱好襯托出白松露嘅獨特風味。叉燒用慢煮嘅方法處理，入口即溶，肥瘦均勻，充滿油香。拉麵嘅麵條彈牙爽口，每一啖都充滿清湯醬油同埋白松露嘅香味！2. 辛辣香肉慢煮叉燒清湯拉麵（海鹽）鍾意食辣嘅朋友一定要試呢碗！湯底嘅辣味非常過癮，唔係死辣嗰種，而係帶有香氣嘅辣，令人越食越開胃。叉燒嘅做法同上面嗰碗一樣，都係慢煮，但係呢碗嘅叉燒就多咗一份辛辣嘅味道。海鹽嘅加入令到湯底嘅味道更加豐富，鹹味可以平衡返辣味，令到成碗麵嘅味道更加平衡。拉麵嘅麵條都係一樣咁彈牙爽口，每一啖都充滿辛辣、叉燒同埋海鹽嘅香味，真係令人食到停唔到口！3. 名古屋雞翼雞翼炸得非常香脆，外皮金黃色，咬落去卜卜脆，但係裡面嘅肉質依然保持嫩滑多汁。4. 韭菜豚肉餃子呢度嘅韭菜豚肉餃子皮薄餡靚，一咬落去就爆汁！韭菜嘅香味非常濃郁，同豚肉嘅鮮味完美結合，令人食到停唔到口。餃子嘅皮薄而有彈性，唔會太厚或者太薄，啱啱好可以包住啲餡料。最正嘅係，餃子嘅底部煎得金黃色，令到成隻餃子嘅口感更加豐富。整體黎講餐廳食物質素高，而且午餐時間價錢好抵，食滿$78就有印花儲，儲夠足夠印花仲可以換拉面或小食，真係抵到爛…查看更多

今日去咗灣仔廈門街嘅日本料理。依間餐廳真係可以叫做係親民又隱世呀！餐廳晏晝主打丼飯，而夜晚就有其他特色嘅日本料理食。呢度嘅刺身真係好新鮮，真係不時不食啊，佢會推介一啲新鮮嘅食材，俾我哋去揀。我哋5個人叫咗八至九樣嘢食都已經覺得好飽好滿足1.牛他他平時食開嘅牛他他都係切開一條條，然後撈埋一齊食， 而依個牛他他，係成塊去切出嚟食真係好好食，脂肪分佈平均，所以食落唔會覺得太油膩，而又覺得好有油香，肉質都好鮮嫩，食落唔會有筋！就咁見到個樣都已經可以流曬口水喇2.蜜柑鯛餐廳啱啱翻咗新鮮嘅魚生，推介蜜柑鯛，顧名思義魚肉有蜜柑嘅味道，因為依隻魚係蜜柑大，所以會有蜜柑嘅味道。魚肉非常之鮮嫩實肉，食落好有咬感，但又冇筋而又有一絲絲嘅蜜柑，味道真係好特別。 咩都唔點就咁食都已經覺得好好食。 如果點埋佢附送嘅醬汁一齊食， 哇，真係覺得好正啊！佢個醬汁係經特別調製過，令食物嘅味道更加提升咗。3. 令和之怪物講起食日本蠔，就梗係唔少得令和之怪物啦，真係好大隻呀。平時食蠔都好怕食到咁大隻。 因為通常都冇乜味道，亦都唔係話好creamy。但呢個蠔真係好肥美，好有味道淨係加少少檸檬汁就已經令佢個味道就更加昇華，好鬼好食，好鬼滿足4.沙甸魚壽司廚師是日推介沙丁魚壽司，對於我嚟講沙甸魚壽司好似好奇怪咁樣，但食落又真係幾好食，魚肉夠曬。 嫩滑食落唔會有平時食沙甸魚罐頭嘅味道，而且最重要係佢啲壽司飯真係好好食，好多貴價日本餐廳做嘅壽司飯都唔好食，而呢度嘅壽司飯又真係估唔到做得好好，因為飯粒軟硬度適中，調味做得好，令飯唔會搶咗魚生嘅味道或者個飯冇味。 而且握製時處理得好，所以壽司飯夾起唔容易散。 但係擺落口真係易散開，非常正5.串燒我哋嗌咗啲串燒 佢推介都雞嘅內臟，佢依度啲內臟處理得好。 所以唔會有雪味，亦都將內臟嘅獨有味道減到最低，所以燒出嚟味道容易入口，好岩好怕食內臟味道嘅朋友仔試下6.魚湯我本身個人係非常之怕飲魚湯因為覺得腥。 但係呢度嘅魚湯我都飲得到， 魚湯味道夠曬清香又飲到魚嘅味道，但又唔會覺得腥，食完飯刺身後飲返一碗熱辣辣嘅魚湯，真係好舒服7.刺生丼飯依度本身主打當飯，就梗係要試吓啦 海鮮丼飯上面嘅海鮮樣樣都非常之新鮮，海膽非常鮮甜。，而蝦食落亦都爽口彈牙非常之正，其他嘅魚肉刺身都好新鮮。 帶子亦都非常爽口。 加少少豉油撈埋啲飯一齊食。 哇，真係好正啊整體嚟講，餐廳食物質素非常之高，而且價錢易亦都非常之抵。如果依一餐喺出邊日本餐廳食應該都要幾千蚊落樓， 但係呢度只不過係千零蚊非常之抵食。呢度又平又好食，真係好啱一班好鍾意食日本料理嘅朋友仔嚟食返餐…查看更多

今日行開玩角，比我發現一間價錢親民嘅西餐，咁就緊係要食下啦，我地叫左2個main、1個小食同飲品1. 蕃茄忌廉牛肉大通粉：呢個蕃茄忌廉牛肉大通粉，勁香濃郁！牛肉嘅鮮味同忌廉嘅滑順口感，配上蕃茄嘅酸甜，食晒成碟都唔覺得膩，正呀2. 威靈頓牛柳：先唔講佢味道，唔駛100蚊就有得食就已經覺得好正！外層酥皮夠晒酥脆，牛肉就夠晒鮮嫰又夠牛味！牛肉連酥皮一齊食口感豐富3. 香辣魷魚：唔會話好辣，但辣得黎好惹味，作為開胃菜就非常之夾4. sky blue (BLUE CURACAO, GRAPEFRUIT SMOOTHIE)：呢杯sky blue，清新怡人！BLUE CURACAO同GRAPEFRUIT嘅組合，酸甜各半，飲落好解油膩5. YELLOW PINE (PINEAPPLE SMOOTHIE)：PINEAPPLE做成嘅smoothie，酸酸甜甜，飲落好清夾，好岩夏天飲整體黎講，餐廳食物質素高，而且價錢又親民 可以一試再試…查看更多

今次去到位於尖沙咀上樓嘅西餐，依到裝修氣氛幾好，而且仲係半開放嘅廚房，可以一邊睇住廚師煮野一邊食飯，別有風味。我地叫左3樣野食1.牛肉他他配法式千層薯牛肉他他的肉質十分幼滑，入口即溶，帶有牛鮮味。醬汁嘅味道減底左牛肉嘅油膩感。千層薯外層香脆，內層柔軟，好有層次感，非常好食2.煙燻香脆乳豬伴焦糖菠蘿配古斯米沙律乳豬皮脆肉嫩，經煙燻後令豬皮帶有香味，令成件事好有味道。肉質非常細膩，入口唔覺油膩，配上焦糖菠蘿，甜而不膩。古斯米沙律好特別，入面有d中東小米乾果類，混埋黎食，好好味3.香煎帶子青口三文魚籽香草忌廉汁扁意粉充滿了地中海味道。帶子外層煎到香口，入面嫩滑，口感豐富；青口大隻又鮮味，而三文魚籽令成個粉帶來一種微妙的鹹香味，而且意粉時間煮得岩岩好，成件事真係好完美整體黎講，餐廳食物質素高，而且好有情調，好岩情侶拍拖book黎食…查看更多

話說我朋友知道我鍾意飲酒又鍾意食泰菜，所以話要帶我去尖沙咀一間餐廳食泰菜，依到裝飾好靚，又有房又有舞台仔可以有live show可以睇。今次2個人叫左3樣野食1. 泰式串燒（豬、牛、雞）： 呢款泰式串燒真係好鬼惹味！豬肉嫰滑，牛肉鮮嫩多汁唔韌，雞肉香而滑，而且夠晒大舊，食落真係好滿足！沙爹汁味道岩岩好，唔會話太多而搶左肉晒味2. 馬拉盞炒椰菜苗： 馬拉盞真係炒乜都咁正，椰菜蕃炒嘅時間岩岩好，唔會過淋，食到菜嘅爽口，而馬拉盞都冇過份搶走椰菜苗嘅味道3. 泰式豬手： 豬手係全隻，所以份量十足，豬皮煮到夠晒淋，食到豬皮嘅膠質，而且夠晒入味，好正，豬手肉一d都唔鞋夠，味道好好，唔駛額外再點汁，如果點埋佢本身d泰式醬汁又會係另一番風味整體黎講，餐廳食物質素高，份量又對得住個價錢，真係好滿足，而且氣氛都非常好，好岩三五知己黎飲酒食下野…查看更多

今日唔知點解好想食烤日，所以朋友介紹左我去旺角食貓抓烤肉，話又平又多野食。依到以貓貓做主題裝修嘅烤肉店，佢依到真係好平好抵食，今次叫左個2人set多野到差d食唔晒，而且好好食萌貓貓主題烤肉二人餐(全明星·M9和牛版)1.m9和牛和牛有幾款，每款都夠晒大塊又夠牛味，脂肪分佈好，燒落牛香十足，食落好嫁滑2.藤椒雞(辣) 雞肉鮮嫰，食落唔鞋口，用藤椒做醃漬，食落麻麻辣辣好鬼惹味3.秘制日本勝拾豬五花五花脂肪夠，燒起上黎夠晒香，食落啖啖肉4.咔吧雞脆骨脆骨分量都幾多，第一次食燒，食落香口又好咬口，送酒一流5.野生海捕虎蝦虎蝦新鮮大隻，肉質鮮味食落非常彈牙，而且又有d膏，正6.酸辣木耳拍青瓜作為餐前小食真係唔錯，青瓜爽口而且加上酸酸辣辣嘅汁，食完夠晒開胃 7.炸薯餅燒得香脆，入面軟棉，又夠晒大份8.比利時小麥白啤1升啤酒麥味香濃，酒精濃度唔算太高，一路食住烤肉一路飲，非常夾，又解到烤肉油膩9.紅豆豆腐花、貓抓焦糖布丁兩個甜品作為餐後甜品真唔錯，唔會太甜，而且都好清新好解油膩感整體黎講，餐廳食物質素好，坐得舒服又平又抵，可以一食再食…查看更多

今日難得去中環就緊係要去蘭桂芳啦，今次去到芝加哥串燒酒場happyhours ，我地叫左7樣野食同2杯cocktail 1. 極品即開生蠔： 生蠔隻隻都咁肥美，食落好creamy又帶有淡淡海水味，一啖一隻真係好滿足2. 極品紅東星斑柳： 肉質鮮嫩爽滑，啖啖肉，燒嘅方法，令魚肉加上了焦香3. 招牌無骨白鱔串： 燒燒得岩岩好，肉質鮮嫩多汁，又夠多肉，食多幾舊都唔怕膩4. 新疆手抓羊扒： 手抓羊扒烤得香嫩多汁，肉質鮮美，帶有淡淡的羊肉香氣，又唔會話覺得騷，正5. 雞皮餃子： 外皮酥脆，內餡鮮嫩多汁，送酒一樓6. 炭燒牛板腱： 牛板腱炭燒得恰到好處，肉質鮮嫩多汁，搭配上炭燒的香氣，成個味道昇華左7. 極品即燒乳豬： 肉質鮮嫩，肉與膏嘅比較岩岩好，所以食落唔會話膩，作為開胃菜食，一流8. cocktail依到嘅cocktail 係一個唔錯嘅選擇，平時好怕d沖出黎係藥水味，但依到唔會，而且酒味做得平衡，非常出色整體黎講，餐廳食物質素高，野好食又服務好，好岩放工黎happyhour 放鬆一下…查看更多

今次黎到一間位於尖沙咀嘅餐廳「三鬚料理」，特色地方係以章魚、墨魚、魷魚為題嘅funsion菜，我地一行二人叫左幾樣野食。1.懷舊電院院烤魷魚將土魷去烤，烤嘅做法令土魷嘅味道更加特出，另外，附上芥辣豉油，點埋黎食又係另有一番風味2.老火忌廉湯依個湯好特別，由中式嘅粉葛蓮藕章魚湯，煮成西式忌廉湯，飲落口感順滑，西湯感覺而又保留到粉葛蓮藕章魚湯本身味道，非常好飲，值得一試3.深海沙律入面有打蘋果、蜜桃、藍芝士同吹筒仔，最後加上少少墨汁做點綴，沙律食落好清新，生果酸甜，同芝士、吹筒仔味道非常之夾，沙律菜的好新鮮，正4.櫻花蝦蝦子xo醬鮮蝦意大利粉意粉炒得非常乾身，唔會濕淋淋，配埋蝦花蝦同xo醬味道，好惹味，而且蝦數量都算多，又爽口彈牙5.燒澳洲和牛扒伴阿根廷青醬牛肉大約5-7成，保留到牛肉嘅嫰滑，牛味都濃郁，加埋個阿根廷青醬一齊食，令個味道更加提昇6.不是章魚丸同名一樣，佢唔係章魚丸係用炸麻煩湯丸上面淋上日式章魚燒牆、沙律醬加上木魚碎做成嘅甜品，食落口感特別，外脆入面又軟棉而且芝麻加上醬汁，成個味道都變到好有層次整體黎講，食物質素高，而且又坐得舒服，好岩三五知己一齊黎食番餐…查看更多

好耐冇去諾士佛臺啦，今次去到寢宮飲野同食野！依到裝飾好靚，而食物同飲品都幾多選擇今次叫左西班牙海鮮併盤、牛舌同德國炸豬手，而飲品叫左cucumber Sakura 同 Xi shi1.西班牙海鮮併盤入面有翡翠螺、煙三文魚多士、魚籽多士及鯷魚多士，翡翠螺食落新鮮爽口，帶有微微嘅海水味，而三款多士食物都係味道又淡到濃，安排得好好，而最特別係鯷魚多士，鯷魚嘅咸香加上多士嘅香脆，真係好惹味2.牛舌牛舌係厚切嘅，食落夠晒有口感，而食肉質夠晒嫰滑，牛舌經過香煎後，令牛舌充滿油香，正呀3.德國炸豬手豬手肉厚又夠晒大隻，炸嘅時間岩岩好唔會過火，所以豬皮炸得香脆，而入面又保留到汁水，而且又唔會話太油膩，送酒一流4.cucumber Sakura依杯酒入面用左清酒、櫻花酒、蘋果汁、黃瓜糖漿、新鮮黃瓜，每種材料都非常之夾，飲落好香甜清爽，好岩女士飲用5.xi shi依款酒而四大美人西施而命名，用左龍舌蘭酒、新鮮百香果、檸檬汁和綠茶同綠茶調配，綠茶茶香同檸檬汁中和左龍舌蘭酒嘅特別味道，而百香果果香將成杯酒嘅酒香昇華晒整體黎講，餐廳質素非常之高，而且又坐得舒服又有氣氛，好岩三五知己或者同伴侶黎…查看更多

好耐都冇過港島區食飯，今次去到船街一間西餐廳食飯，依到係主打fusion 菜嘅，今次我地一行二人叫左3樣野食1.流心水牛芝士沙律上枱一舊圓形嘅水牛芝士真係好得意，配有炸嘅羽衣甘藍同洋蔥絲，撈埋一齊食！水牛芝士嘅軟綿加埋炸脆嘅羽衣甘藍，口感好豐富，而且芝士嘅鹹香同洋蔥味道好夾，食落真係夠晒開胃2.麻辣墨魚汁銀雪魚依個夠晒特別，銀雪魚通常煎香就點少少醬食，但落左麻辣後成個味道提昇左，麻辣解左煎銀雪魚嘅油膩感，令魚肉帶有麻香，食落感覺好非常夾，而且魚肉鮮嫰結實，食落啖啖肉感，非常滿足3.特色卡邦尼意粉一般卡邦尼都係落煙肉，但依到轉左用金華火腿同臘腸去煮，食落西式得黎又有強烈中式風格，臘肉、火腿嘅咸香同卡邦尼意粉非常之夾，而且味道岩岩好，食落唔會話覺得好重味道，但又由為個咸香味道，所以又越食越惹味，正整體黎講餐廳食物質素高，而且坐得舒服，好岩傾計拍拖黎食飯…查看更多

天氣又開始凍啦，依d時候就緊係打邊爐啦，行過尖沙咀見到有間新開嘅火鍋餐廳禾璽牛肉海鮮火鍋，新野就緊係要食下啦！佢依到除左散叫之外，仲有2人、4人同6人set,今次叫左個2人set,入面包括招牌牛骨清湯底、新鮮吊龍一份、招牌脆皮雞一碟、新鮮雞雜 一碟、牛肉丸一份、油條一份、高山筍心一份、蔬菜拼盤一 份、飲品兩杯。野食都幾多，所以我就講d重點野食啦1.吊龍吊龍依家野唔係間間餐廳有得食嫁。手切出黎，刀功都好好，所以唔會太薄又唔會太厚，所以淥大約十幾秒就食得。吊龍肉質鮮嫰，牛味都好夠，而且唔會韌，打邊爐就岩晒2.脆皮雞切得都幼細，所以又係淥幾淥就食得，肉質唔鞋口，而雞皮食落又真係脆口嫁wow，好特別，而且唔會話好肥，所以食落唔會成口油3.新鮮雞雜雞雜處理得非常乾淨，聞唔到有內臟嘅異味，食落都爽口，最估唔到係有雞子同提燈，好岩食內臟嘅人整體黎講，餐廳食物質素高，而且價錢唔算貴，有set有散叫豐儉由人。…查看更多

自從由馬拉返黎後，都幾掛住個邊d野食味道，所以今日就搵下有咩馬拉餐廳好食啦，今次去到位於旺角 618 嘅蘇馬蘇馬，聽聞佢係正宗味道，咁就要食下啦。1.馬拉沙嗲串燒/3串串燒分別叫左豬、牛同雞，佢係正宗燒出黎，而唔係坊間咁炸完再燒，所以食落唔會太肥膩，而且一d都唔會乾，肉質非常嫰滑，沙嗲醬入面有好幼細嘅花生碎，食落好惹味，串燒點埋佢個沙嗲黎食，真係好有馬來西亞風味2.馬拉燒蝦(半打)燒蝦係幫你去埋殼先上枱，依個非常好！蝦肉食落爽口，而且味道足夠，食完真係想食多幾隻3.椰汁班蘭冰椰汁味濃，但又有班蘭嘅香味，飲落唔會太甜，好好飲，食完濃味食物飲返啖真係好夠膩4.檸檬薏米水飲落清新，唔會太甜，感覺飲馬拉當地飲嘅味道一樣，正整體黎講餐廳食物質素高，有地道風味，好岩鍾意食馬拉野嘅朋友仔…查看更多