hungryallthetime_的个人专页

主食：瘋狂碗雜麵呢款係乾撈麵，配菜有肉醬、豆泥同埋蔥花！如果想食肉嘅朋友可以好似我哋咁加$20加一份大排😋本身見到有一大pat豆泥都好驚同個麵唔夾，點知食落出奇地好味，令到成個層次更加豐富🤭面底食辣亦都唔會話非常之乾身，夠晒味，個人覺得比湯麵更加好食👍🏻主食：瘋狂牛肉麵呢一款就係湯麵，可以揀紅湯或者白湯，辣度方面就冇得揀。本身都驚食落會太辣或者太油，好彩都唔係太辣，而且少少麻麻哋咁非常之開胃！😛牛肉方面都非常足料，食落似係平時食台灣牛肉麵嗰啲牛肉，唔會話好鞋而且都有牛味🤩小食：棒棒雞我哋加咗$32將份小食轉做棒棒雞。份量比想像中細，但係雞肉全部都係去骨，食落非常之方便😂而且個紅油好夠香同惹味！如果份量多返小小就perfect!…查看更多

今次同朋友離開荃灣區，諗唔到有咩好食，行行吓見到呢間都幾多街坊排緊隊嘅日式料理舖就決定試吓佢😂日式叉燒豚骨湯拉麵 $68由於我哋兩個人都唔係好肚餓，所以就決定叫一個拉麵同一份吉列牛share食。拉麵嘅配料除咗日式叉燒愛仲有紫菜、糖心蛋同埋筍！湯底嘅豬骨味非常之濃郁，飲完都唔會話好口渴😯 拉麵嘅軟硬度都適中！整體來講不過不失，冇咩大驚喜不過呢個價錢來講都算合格嘅🤩初見香草吉列牛 $128我哋見每一台都有嗌呢個吉列牛，應該係餐廳嘅招牌菜，咁就梗係要試吓😆吉列牛附送白飯同埋半隻糖心蛋！吉列牛係即叫即整，再放上爐到自己燒！整體都唔錯，唯一略嫌就係外層嘅炸皮食落唔脆🥲不過牛肉非常之有肉味而且唔會好鞋口！…查看更多

呢間位於佐敦嘅串燒店主打港式地道串燒，啱晒同朋友一齊食住野啤返杯傾吓計🤩秘製麻辣海鮮粉絲 $58餐廳門口有個牌推介呢個主食，咁啱我同朋友都鍾意食辣野就一於試吓！配菜可以揀三樣，今次揀咗珍寶蟹柳、花甲同埋海蝦🤩花甲有成二十幾隻，每一隻食落都好鮮甜冇沙，蟹柳亦都非常之大條！呢度個秘製麻辣辣得好過癮，夠晒麻，啱晒鍾意食辣嘅朋友👍🏻新鮮鮑魚（兩隻） $58鮑魚一份有兩隻，兩隻都係大大隻，肉質非常鮮嫩，燒完都唔會話乾爭爭！加埋啲蒜蓉一齊食令到整體嘅層次更加好味😉蒜蓉燒帶殼青口（六隻） $88青口味道都幾鮮甜，而且每一隻都脹卜卜非常肥美😂燒過嘅青口面頭再加上蒜蓉同埋青蔥令到整體識落更加惹味！原條茄子$28強烈推介呢度嘅茄子！呢度嘅茄子性價比極高，食落好香蒜味，茄子仲可以一絲絲咁拉出嚟食😍雞腎$12 /五花腩$12雞腎同埋五花腩都非常抵食，一串$12有成4/5舊！串燒面頭沈上咗孜然粉，食落非常地道風味，而且食完都唔會好口渴添！👍🏻…查看更多

今次同朋友出開銅鑼灣，見到呢間大獲好評嘅台灣過江龍牛肉麵唔使排隊就緊係要試吓係咪真係咁好食🤩麻辣嫩五花牛肉麵呢度嘅麵底可以揀手工麵/細麵，而牛肉就全部都選用美國牛肉！今次我地就揀咗細麵，非常之掛湯🤪 湯底方面menu寫咗過係用牛骨熬煮數小時而成，飲落牛味真係好濃郁，而且食完個麵都唔會口渴，證明唔多味精😍 牛肉就不過不失，唔會話食落鞋口！蒜香手撕雞乾拌麵呢個拌麵非常之有驚喜🤩手撕雞份量非常多，幼麵撈埋香蒜同花生一齊食非常惹味👍🏻 仲有一隻溏心蛋，完全係水準之上，值得一試！紅油抄手呢個抄手都係另一個驚喜之作！醬料唔會話得個油字，食落非常惹味！抄手皮薄餡多，每一隻都有粒大大嘅蝦仁😎 面頭嘅芽菜亦都令到口感更加豐富，索埋啲紅油一齊食非常之正！珍珠奶茶；香芋珍珠奶茶茶味非常出而且唔會死甜，珍珠嘅軟硬度亦都適中，口感唔錯！朋友叫嘅香芋珍珠奶茶亦都香芋味非常香濃，岩哂中意食香芋嘅朋友😀…查看更多

呢間由尖沙咀新搬往銅鑼灣嘅樓上Cafe一直都大獲好評！今次見佢事業期間有八折就決定同朋友嚟試吓☺️ 呢度嘅環境非常舒適闊落，啱晒同朋友一齊食下飯吹吓水🤩 呢度嘅食物種類多而且配搭方面亦都五花八門，每一樣都令人好想試吓!氈酒烤焗大澳黃花魚子 $78第一次見到有餐廳有黃花魚子，一直以來都未食過就諗住試吓究竟係咩嚟😂 How焗過嘅魚子味道非常濃郁，質地有啲似魚乾，食落比較硬身。面頭嘅開心果碎令到食落個層次更加豐富，甘香可口😀沙律菜亦都可以減低飽滯感，值得一試！大澳虎蝦乾配北海道帆立貝龍蝦汁意大利飯 $168呢個意大利飯獲得我同朋友嘅一致讚好！意大利飯食落非常creamy，口感方面亦都較為軟稔！帆立貝都有六大粒，食落都非常鮮甜，唔會話有一陣急凍味👍🏻虎蝦乾方面就比較硬身，食落令到成個意大利飯更加有口感🤩霹靂霹靂烤法國春雞 $188聽到個名就覺得呢份主菜非常之有架世🤣 菜式上碟時亦都非常適合同朋友share！首先肉質方面非常之嫩滑，而且肉汁亦都可以鎖住，加埋面頭嘅自家製醬料，酸酸辣辣咁非常之開胃🙂 配菜方面亦都有蕃茄仔、粟米仔、椰菜頭、火箭菜同埋菠蘿！士多啤梨啤梨鮮打紅茶；加勒比微風飲品方面我哋就分別揀咗低糖鮮打水果茶同埋健康花茶！水果茶只係有凍飲選擇，每一杯都係用新鮮水果即打而成，低糖版本飲落更加健康，水果嘅鮮甜味非常出完全唔係死甜👍🏻朋友就叫咗健康花茶，一上枱見到咁大壺我哋都嚇一嚇，每一種花茶都有唔同嘅功效，啱晒想健康養生嘅朋友😎…查看更多

之前已經同朋友嚟呢間餐廳食過一次，今次出開葵芳就決定帶daddy嚟試吓🤪 今次就叫咗A+B套餐再送一份小食!主菜：匈牙利鵝肝意大利飯 +$28見到佢呢個意大利飯寫住廚師推介，而我哋兩個都好鍾意食鵝肝就決定試吓！意大利飯非常之Creamy而且呢度嘅意大利飯口感比較粒粒分明唔會淋到一pat嘢咁，啱哂我嘅口味😍鵝肝嘅油脂融入左去意大利飯度，食落更加惹味！連平時食嘢非常之嘴刁嘅老竇都話呢個意大利飯好好食👍🏻主菜：安格斯肉眼扒(8oz)配薯菜上次嚟食過特級牛柳幾好食，今次就決定試吓安格斯肉眼扒！我哋叫咗medium，但係出到嚟就變咗大約七成熟，對於我來講就有少少過熟，不過都未至於鞋口，而且塊扒唔使點汁都非常之有肉味，加返哂分🤪另外底下仲有一大堆薯菜：有瓜、椒、同薯仔，食完可以減低飽滯感🤣小食：白酒煮青口小食方面就揀咗白酒煮青口，青口有五至六隻，每隻都大大隻，唔會話食落有海草👍🏻要讚一讚呢個執嘅調味非常之出色，白酒嘅味令到更加開胃，食落嘅口感層次亦都更加豐富，而且個汁唔係好漏，好食☺️飲品：熱焦糖咖啡/野莓乳酪沙冰套餐價錢已經包左咖啡或茶，如果想升級去特飲就可以每杯加$12！今次我哋就加咗錢升級左去飲沙冰同埋焦糖咖啡！焦糖咖啡口感順滑而且焦糖亦都唔會過甜，個拉花亦都幾靚添🤣而乳酪沙冰就係非常之推介，飲落嘅味道唔會好假，而且酸酸甜甜咁非常之開胃😊…查看更多

今次嚟到呢間位於灣仔新開嘅台灣牛肉麵，餐廳座位闊落坐落唔會迫，而且充滿台灣風味，午市套餐有涼拌小食、主菜同埋嘢飲，埋單都唔使$80 ，喺灣仔區來講可以話係抵食🤩招牌紅燒牛腱心牛肉麵（半筋半肉）$76話明係招牌牛肉麵就梗係要試一試佢啦！面底方面有兩款面揀：關廟麵/刀削麵😙關廟麵就比較幼身，而刀削麵就識落比較有口感！今次我哋就叫咗兩碗唔同麵底，我自己就比較喜歡刀削麵🤣 湯底方面味道非常濃郁，而且識落唔重味精味，飲晒成碗湯都完全唔口渴😍 牛肉方面顧名思義就係一半牛筋同埋一半肉，夾夾埋埋有成六大嚿，第一次食牛肉麵多到食唔晒啲牛肉😵‍💫特濃鮮茄牛腱心牛肉麵（半筋半肉）$76朋友唔食辣於是令一碗就試吓佢嘅蕃茄湯底！蕃茄湯底非常濃郁鮮甜，加埋酸菜一齊食令到個味道更加有層次！湯底唔係就咁用茄膏整成，真係落咗新鮮蕃茄，令到湯底更加鮮甜，啱晒鍾意食蕃茄湯底嘅朋友🤩口水單骨雞翼 $28食完牛肉麵如果唔夠喉仲可以用優惠價加小食！我哋今次就試咗口水單骨雞翼，口水醬非常之惹味而且雞翼係醉雞翼嚟，強烈推介大家一試！單骨雞翼令到食落更加方便👍🏻-飲品：金鳳梨綠茶/鮮橙紅茶台灣嘅鳳梨當做咁就梗係要試吓呢度嘅鳳梨茶啦！鳳梨未非常之出而且唔會過甜，茶底無論係紅茶同埋綠茶都非常出色😍 而且另一個加分為就係呢度係用紙飲管，更加環保而且質量亦都非常好唔會用到溶溶爛爛飲唔到嘢👍🏻…查看更多

朋友新居入夥，咁啱嚟開呢頭見到food court入面都有好多餐廳，就決定試吓呢間台式咖啡店😎首先咖啡方面就係簡單嘅三種選擇：黑、白、同埋啡，分別係Americano, Latte同Dirty🤪咖啡嘅選擇唔算多，啱哂選擇困難症嘅朋友🤣 今次就試咗佢杯dirty，在外賣一杯black coffee被朋友試吓🤩 呢度嘅奶淨係提供whole milk，冇其他選擇！Dirty都做到分層而且咖啡豆偏fruity，飲落口都算甘香順滑🙃飲完杯啡有少少唔夠喉有啲肚餓，就叫多左一份滷肉飯（小）同埋一份紅豆豆花嚟試吓！沾肉肥瘦參半，而且醬汁都充足，呢個價錢$20嚟講都算有驚喜！豆腐花就冇咩特別，豆腐都算滑而且紅豆唔多渣，但係出水就比較勁，呢個豆花就食落冇咩驚喜😮‍💨…查看更多

自從Gram係香港開咗分店之後一直都好想試吓呢間日本人氣過江龍pancake店，今日同朋友去開尖沙咀行街終於有機會試吓佢喇😋我哋平日嘅下晝嚟到唔使排隊就已經可以直接入座，樓面侍應非常之有禮貌值得一讚👍🏻除咗pancake之外呢度仲有set lunch叫價錢喺尖沙咀嚟講都絕對唔算貴！不過一場嚟到就梗係要試吓佢最出名嘅pancake啦🤩雜果朱古力班戟 $108呢款pancake唔係好似疏乎厘嗰種厚身空氣咁嘅pancake，質地有少少似熱香餅但係充滿蛋香🤩水果嘅份量非常之多，分別有士多啤梨、香橙、奇異果同埋藍莓！朱古力醬唔會過甜，而且呢度嘅忌廉入口即溶非常香滑，識落亦都唔會膩👍🏻焦糖香蕉班戟 $98Pancake一樣都係食落濕潤鬆軟，而且每一啖都有牛油香！加埋焦糖醬同埋果仁食落別有一番風味，令我都有啲掛住之前喺日本心齋橋食嘅pancake🤣值得一讚嘅係香蕉caramalized得好好，口感脆卜卜😋…查看更多

近排朋友生日，於是就揀咗呢間位於尖沙咀嘅日本餐廳嚟慶祝🎉餐廳有兩層，環境都算寬闊，我哋今次就揀咗坐喺吧枱，啱晒兩個人傾吓計咁🤪前菜方面叫咗一份鯛魚沙律，鯛魚切成薄片，夾埋沙律菜同埋沙律醋嚟食非常開胃爽口！面頭仲鋪滿左一層蟹籽，令到識落嘅口感更加豐富🤩 食完呢個刺身沙律有啲唔係好夠喉於是壽司師傅就推介我地叫埋左口魚刺身！同樣都係薄切，一份有10塊，刺身面頭仲有一層酸酸甜甜嘅啫喱，夾埋一齊食非常之有驚喜，真係冇介紹錯😍壽司方面今次就淨係試咗帶子同埋拖羅，兩者食落都非常之新鮮！帶子都算大粒，識落好鮮甜完全唔腥，而且面頭仲有啲檸檬屑令到成個味道更加豐富🤩拖羅方面色澤都算靚，但係呢個價錢來講本身expect會厚切啲同埋魚脂比例唔係太夠多，不過整體來講都算好食👍🏻小食方面今次就淨係試咗天婦羅同埋串燒！天婦羅盛盒非常豐盛，有兩隻大海蝦之外仲有粟米、茄子、秋葵、冬菇同埋魚柳添😆查粉完全唔會過厚，而且新鮮炸起食落熱辣辣💯全消方面本身淨係叫咗黑豚五花腩同埋厚切牛舌，食完覺得太好食於是決定叫多一串雞肉大蔥嚟試吓👍🏻值得一讚嘅係呢度嘅牛舌真係我人生食過最好食嘅牛舌top3，夠晒厚切識落非常之有口感而且調味方面亦都非常之夠，加埋啲蔥花一齊食超級惹味😍最後呢餐生日飯就以主食送松子仁鰻魚炒飯嚟畫上句號！炒飯份量非常足料大份，我哋最後都因為太飽所以食淨左¼碟！值得一讚嘅係呢度嘅鰻魚炒飯加咗松子仁，非常特別令到每一啖都增加左口感，而且炒飯粒粒分明😋總括嚟講今餐生日飯同朋友都食得非常之滿意，環境非常舒服而且食物整體質素都高，下次如果離開尖沙咀想食日本料理都一定會返嚟encore🤩…查看更多

餐廳嘅位置非常寬敞，枱同枱之間有足夠嘅距離完全唔會話坐得迫，而且裝修都比較新派整體環境非常舒適！侍應嘅服務態度都好好上菜速度非常之快而且亦都會主動收碗碟👍🏻今次就試咗佢哋嘅堂主套餐，7:30前埋單每人只係$248就可以任食40幾款火鍋配料！今次我哋就揀咗花膠美人鍋，一上枱已經俾佢嘅龍頭鍋surprise到，好有氣勢🤣 花膠同埋紅棗都完全唔吝嗇，湯底都好鮮甜，絕對有驚喜🤩餐廳用QR code落單，而丸類同埋蔬菜就係自己出去拎嘅！首先肉類方面有美國SRF和牛、牛肩胛、紐西蘭羊肉、雞肉、同埋黑豚肉😋和牛方面脂肪比例適中，唔會話成塊都係肥膏，而且最欣賞嘅就係每一塊嘅厚度都適中，識落好有口感仲充滿牛味👍🏻海鮮方面就有蜆肉、海蝦、廣島蠔同埋甸鯇魚片😍海鮮大致上都有鮮味，而且今次嘅蜆肉完全冇沙值得一讚😋另外丸類同埋蔬菜都係有保鮮紙包裝或者用食物盒封存，符合衛生標準！丸類嘅選擇都幾多！大力推薦要order手打墨魚丸，食落非常之彈牙而且真係粒粒都食到墨魚肉，我自己一個都encore食咗成10粒🤪除咗基本嘅火鍋配料外，呢度仲有唔同嘅熟食小菜選擇，例如鹽酥雞、涼拌雲耳、雞腳同埋泡椒雞翼尖等，最啱攞嚟過吓口癮😍 最後一個賣點就係呢度有自家製嘅竹蔗茅根，清甜解渴最啱一路打邊爐一路飲！…查看更多

之前同朋友星期六日嚟食過一次，無論嘢食同環境都非常有驚喜！今次就嚟試吓佢嘅weekday lunch menu😀午市餐牌價錢已經包左餐湯、主菜同埋飲品，仲可以以優惠價錢加配小食添! 呢個價錢喺銅鑼灣來講可以話係好抵，食物份量非常之大，食完可以捧住嗰肚走🤣菠菜蟹肉松露野菌燉飯 $88一上枱已經俾佢嘅份量嚇咗一嚇，超大pat黑松露完全唔孤寒😍Risotto嘅質地偏軟淋身，非常索汁同埋基本上每一啖都食到菇/蟹肉！但係就完全食唔出有菠菜🤣 整體嚟講可以話係平靚正，食完一半都開始飽飽地!賭你運氣...命運披薩 $98話明係Little Vegas咁就緊係要賭下運氣！呢個pizza係廚師發板，夠哂神秘感😶今次我地呢個pizza餡料就有野菌、洋蔥同埋腸仔片! 批底比較薄脆再加上千島醬非常之惹味！雖然pizza非常多芝士，但係食落竟然完全唔膩，啱晒我呢啲唔鍾意食厚批嘅人👍🏻炸魷魚圈 $28 ； 柚子雞翼 $42炸魷魚圈一客有四舊，每一舊嘅炸皮都非常之薄唔會話食落一口粉👍🏻唯一一點就係略嫌食落魷魚圈唔夠爽，不過呢個價錢來講過下口癮都幾ok嘅🤣 另外朋友鍾意食雞翼就叫多咗一份柚子雞翼。雞翼方面就唔係炸嘅，似係煎焗完再喺面頭淋上柚子醬！雞翼每一隻都大大隻在沾滿甜甜酸酸嘅柚子醬，食落非常之開胃🤩…查看更多

一直都聽朋友推介呢間位於銅鑼灣嘅omakase，原來餐廳大有來頭連續幾年獲得左米之蓮推介，今日難得經開呢頭就決定試下！Deluxe Chirashi $370今次就試咗佢哋嘅特上魚生飯，價錢已經包埋前菜、湯、主食同埋甜品！加埋一都係$400都可以話係非常之抵食🤑 前菜方面有茶碗蒸、帶子裙邊、同埋胡麻醬沙律😋首先個茶碗蒸可以話係非常之高質，啲蛋非常之滑同埋有蛋香，中間仲會有蝦仁同埋菇，食完一碗仲想encore添🤣 帶子裙邊亦都有四五條，而且口感非常之爽口！最後沙律方面除咗沙律菜仲有青瓜同埋櫻桃蕃茄，加埋啲胡麻醬一齊食非常開胃👍🏻而主菜方面一上枱真係嚇咗一嚇，完全冇諗過三百幾蚊會有咁多刺身仲要塊塊都係厚切添😱除咗牡丹蝦、海膽、三文魚籽外，仲有由左至右起中拖羅、劍魚腩、赤身、銀雪魚同埋金目鯛！值得一提嘅係平時好少會食到銀雪魚刺身，今次一試果然非常之有驚喜😍 拖羅嘅魚油脂亦都恰到好處，食落非常之甘香！鍾意食海膽嘅朋友就啱晒啦，呢度嘅海膽份量絕對唔孤寒，而且識落完全冇腥味，掂啊👍🏻食完主菜就嚟到麵豉湯。呢度嘅湯絕對唔係平時飲開嗰啲麵豉湯，湯底非常之足料又兩隻大大隻嘅蜆肉，令到成個湯嘅味道更加鮮甜，提升左一個層次！而且蜆肉亦都非常之新鮮，再加埋啲海帶，令到碗湯畫龍點睛左🤩最後嚟到甜品嘅環節，可以揀咖啡或者甜品！咁難得嚟到日本餐廳就梗係要試吓佢嘅甜品啦，今日嘅甜品就係朱古力蛋捲😍見到呢隻咁靚嘅櫻花碟真係有啲去咗日本旅行嘅感覺，朱古力嘅味道非常之突出但係又唔會話過甜或者識落好膩，分量細細舊咁啱晒做飯後甜品又唔會食到過飽，為呢餐日本菜畫上左一個完美嘅句號☺️…查看更多

南豐紗廠一向都出名多文青打卡精品咖啡店，今次一場嚟到就決定試吓呢間人氣大熱coffee shop🔥話明係精品咖啡店咁就梗係要試吓佢哋嘅咖啡啦！朋友揀咗熱嘅mocha，而我就叫咗杯Ice Drip SOE🤩 再叫咗兩份嘢食同朋友一路傾下計，chill足一嗰下晝😍Hot Cafe Mocha $40; Ice Drip SOE $60朋友揀咗熱mocha! 一上台我地兩個一齊wow咗聲 個拉花真係好靚😍 我自己唔中意朱古力所以就冇試飲，但係朋友話呢到嘅mocha唔會過甜cover咗咖啡嘅甘香! Ice Drip SOE用嘅係Ethiopia豆，口感順滑又唔會酸澀，入口非常清新😃安格斯平鐵牛扒佐黑椒汁配薯條 $188估唔到coffee shop都竟然有flat iron食仲要係prime級🤩 牛扒呈粉嫩色非常有牛味仲要完全唔韌！牛扒仲要上枱已經切開咗方便同朋友share食😙牛油果西班牙火腿芝士牛肉漢堡配薯條 $118朋友好想食burger，佢一見到呢個burger組合就話好特別，第二度好少有要試下佢🤣 burger有滿滿嘅牛油果醬，生熟到恰到好處啱啱好中和番芝士同埋漢堡嘅油膩感😍加埋脆卜卜嘅羽衣甘藍令到burger嘅口感更有層次👍🏻…查看更多

登打士街廣場一向都出名多樓上Cafe，今次嚟到呢間部屋咖啡室唔單止嘢食好食，仲有得同朋友坐低一齊玩下board game添🤩店舖座位唔算多，我哋嗰晚去到都已經滿晒座，都幾多人嚟呢度同朋友一齊玩下board game見到呢度有啲combo套餐都幾抵食，今次同朋友就揀咗二人餐！$318有齊一個10”pizza、主食、一份小食同兩杯嘢飲🤩呢度最特別係要自己喺塊白板度寫低嘢食，咁就唔驚會落錯單👍🏻炸蟹餅小食方面就係已經fix咁嘅蟹餅，一盒有六粒同朋友share食啱啱好！蟹餅炸到金黃色，食落唔會有浸油益味😍 朋友試咗啦一粒就已經即刻講話真係有蟹味唔係粉架🤣蟹餅質地都比較彈牙，點買甜酸醬食非常之惹味😋香辣虎蝦海鮮意粉主食方面我哋就揀咗呢個海鮮意粉。雖然話係香辣但係其實食落一啲都唔難😂海鮮份量就非常之足料，除咗有兩隻青口同埋一隻大虎蝦之外仲有蜆肉同埋魷魚粒！意粉唔會話過淋，加埋啲蕃茄醬食落好開胃完全唔膩😋西西里pizza (10吋)Pizza係茄醬底，配料方面就有辣肉腸、肉粒、蘑菇同埋火箭菜！呢度嘅Pizza落足芝士做到拉絲嘅效果，岩哂我呢啲芝士控😍批底方面我都非常之欣賞，食落好鬆軟唔會話好厚，就連平時食pizza要飛邊嘅我都食晒呢個Pizza嘅批邊🤣火箭菜嘅味道亦都可以中和茄醬嘅酸度👍🏻最後食完飯同朋友喺度吹吓水玩左一個鐘波子棋先走!喺旺角來講食個晚飯人頭唔使$200仲有得坐足三個鐘吹水任玩board game可以話係抵啊🤩…查看更多