Andrewaz的个人专页

飲品：罐裝任飲（可樂 芬達 蘆薈綠茶 忌廉 雪花啤）；支裝大啤另外收費。食物：加錢花枝滑，食到有花枝粒，非常彈牙；牛肉豬肉新鮮😍，但要略等解凍，雞件油脂豐厚，象拔蚌爽口沒腥味👍，魷魚鬚是灼過的；菜的份量好充足，南瓜冬瓜切的大小剛好。Menu食物選擇應有盡有，值得一提有鵪鶉蛋提供，還可以加錢order其他食物。服務：店員主動有禮貌；美中不足芝心丸被當成蟹籽丸上錯兩次，店員嘗試拎另一份，可惜依然係芝心丸😂😂結論：平民火鍋美食，價錢合理，適合日常聚腳。…查看更多

今晚約左兩個朋友收工一齊去食燒肉，上到去7點左右仲早，所以唔洗等位就可以坐底。等店員快速講解完收費同點餐方法後，我地首先緊係叫一轉刺身壽司先啦😍刺身都夠凍，甜蝦清甜彈牙，熟北寄貝飽滿厚實，滋味甘甜👍火灸三文魚壽司同蟹子壽司都唔錯，一路燒緊海鮮時都encore左幾次😋😋炸物入口時要小心燙口，真係即炸即上，口感香脆👍👍最驚出面有D炸定放到淋晒，食又唔係，唔食又晒雞肉醃得夠入味，一口牛更加係推薦之選，牛味濃郁，瘋狂encore之選😍👍👍唔知有冇人同我一樣，每次燒肉如果冇左菠蘿硬係覺得好似差D野，建議菠蘿可以放爐邊慢慢燒住先，因為收乾小小水份嘅菠蘿會仲甜😋😋😋食燒肉另一個小tips就係叫兜辣酒煮蜆先，食完蜆肉後，燒肉沾上辣酒汁仲惹味如果想食特別D嘅海鮮仲可以另外加錢叫，不過今次其實已經夠食，我地就冇額外叫🙈海鮮拼盤有燒蠔，貴妃蚌，虎蝦，鮑魚同甲羅燒甲羅燒雖然鮮甜味美，但要留意番燒得越乾會越咸，覺得太咸嘅同白飯一齊食亦有一種滋味燒蠔與甲羅燒一樣，唔建議燒太耐，等蠔水略為收乾就食得，因為燒蠔燒太耐隻蠔會「Pop」一聲爆出嚟，另外蠔水完全收乾鮮味亦會流失不小鮑魚同貴妃蚌都厚實彈牙，鮮甜有咬口，可以encore😍😍👍👍最後仲有movenpick雪糕送番😋…查看更多

其實我好小會比差評，因為可能只係廚師當日一時失手，但以下呢個蒸飯請恕我真係搵唔到任何優點首先飯質過濕偏爛，連中心位置都口感偏爛，猜測應該喺落太多水所致鹹魚竟然偏淡，有一刻我懷疑係咪鹹魚嚟肉餅很重荳蔻粉同花雕酒味，醃料分量拿捏"超級失敗"， 感覺就像從未有入廚經驗的人製作，另外肉餅肉質梅爛。 整個飯就是一個災難現場，不過我唔係一個浪費嘅人，只要係心入面諗住非洲同敘利亞嘅小朋友，係可以堅持食曬嘅.......而跟餐嘅炒雜菜亦喺災區之一，口感味道都唔多講，首先改善衛生情況吧， 隨菜附送一支曱甴腳，感謝我沒有肚痛.....間野喺大食代入面近門口位置，牌匾寫 "港式點心|蒸飯"…查看更多

同朋友喺附近寵物店掃左一大堆零食比佢隻狗狗，見差唔多晚飯時間，就是但搵間坐底啦~其實成張餐牌都冇咩特別想食，就叫個應該唔會難食嘅豬軟骨飯侍應姐姐拎個飯過黎個時我同個friend都"哇"左下：因為個大陽蛋煎得十分出色之餘，擺放嘅位實在太神奇啦🤣，半凝嘅蛋黃啱啱好掛喺飯面側邊，好似蛋黃哥咁勁正🤤🤤，未食已經喺視覺上大大加左分👍👍👍蛋黃汁配白飯本身已經係經典，唔加豉油，轉加豬軟骨醬汁又喺另一種特色！而主角豬軟骨當然都唔差啦，份量十足之餘骨軟又肉鬆，紋得夠火喉又唔會令軟骨過爛，保有微微咬口👍👍…查看更多

小籠包($38)黎到個時熱辣辣幾好，但係一咬落去就知中伏。皮太厚，雖然小籠"包"有個包字，但冇預期會食到傳統意義上嘅包點，另外可能因為皮太厚關係，外皮吸乾內褢肉汁，餡料略乾，味道普普通通，與一般茶餐廳的蒸肉餅相比，我會選擇茶餐廳.....而鮮肉鍋貼($38)亦同上，皮太厚，餡料太乾，唯一值得讚許的地方只有大份了，一隻抵外面兩隻的尺寸。上海粗炒($68)十分油，但這點勉強可以接受，因為上海口味原本就「濃油赤醬」，但為什麼麵條會帶有苦味呢...?是麵質問題還是醬料出錯? 再者，香港租金雖貴，但食品成本用料方面也不用這麼吝嗇吧，一整碟粗炒只找到三數條"纖細肉絲"孜然羊肉配薄餅($68)全晚最正常的一道菜，薄餅皮以蒸籠上，應該是剛蒸好即上的，可惜水汽太多令皮沾在一起。孜然羊肉味道還好，如果再濃味一點就更好。紅棗糕($48)，賣相不俗，大大份熱辣辣，但糕身黏糯，口感不討好，另紅棗味不足，甜度亦不夠，就像一件無糖馬拉糕...以這一餐的價位及質素，我相信同區不乏選擇。…查看更多

什錦天婦羅($108)天婦羅炸醬做得十分薄、脆，重點是不油膩，又脆又香！茄子很出色，輕咬一口，沒有平時的草青味，更可看見一絲絲晶瑩多汁的纖維，整體十分清新。蝦肉爽口，日本青椒仔很香，紅蘿蔔及紫薯不會死硬或過霉，剛好保持有咬口的狀態，細細嘴嚼更可感受食材本身的甜。八爪魚刺身($148)抵食推薦！據師傅所說是即日新鮮到貸的，八爪魚片以金箔點綴，在賣相上已經加了不小分數，八爪魚片入口冰涼，口感有嚼頭，每咬一下都微微地釋出鮮味；而吸盤咬下去則會＂卜卜＂的聲音，是一種有趣的體驗，沾上一點柚子醬油更為獨特，柚子的香為八爪魚片增添一分清新！帶子鵝肝卷(6件)($108)卷物比想像中大，帶子清甜爽口，鵝肝甘口，質地綿潤不柴，配上頂上的海膽，一口一件十分滿足！雞翼串($24)表皮燒得十分酥脆，肉嫩不乾，不論加檸檬汁或是柚子醬油都很開胃，最後重點是單骨啊！單骨啊！單骨啊！重要的要說三次！因為十分適合我這個懶人XD鯛魚湯煮蜆($88)滿滿都是蜆，味道剛剛好，多一分則過咸，小一分則不能特出其濃郁鮮甜，湯質口感較厚身，蜆肉爽甜，能保持不多數剛剛熟不掉殼的最適狀態！燒油甘魚鮫($168)大推！！必叫！！全晚最驚喜的一道菜式，一定要趁熱食，魚皮微酥，魚鮫位置肉質本身嫩滑，油脂經師傅灸燒後滲透魚肉，魚質肥美甘香，沾一點果香十足的柚子醬油更是相得益彰！兩大件超厚身，超滿足！…查看更多

之前聽朋友介紹觀塘嗰邊開咗間新嘅西餐廳，平時收工都冇時間過去食。今晚一於約埋朋友喺apm行完就過去食啦！黑松露野菌忌廉湯未上枱就已經聞到好香嘅鮮忌廉香味，隨意一匙都見到好多野菌，真材實料，絕對冇揸流灘！雖然碗湯size唔細，但太好味嘅關係我哋極速清左另外我哋都叫咗六隻生蠔，聽侍應講今晚嘅生蠔係愛爾蘭嚟，而且佢哋做緊特價10蚊隻，咁就叫半打同朋友share啦！生蠔size唔會太細，每一隻都算飽滿，如果鍾意海水味同少少金屬味嘅朋友，呢款生蠔值得一試，另外對比起普通沾檸檬汁，我會更推薦隔離個醬汁，少少辣味反而更加帶出生蠔本身嘅甜味！多國風味腸其實就係原味、香草同辣味三種，每一條都超多汁，而我最鍾意嘅就係辣味腸，因為肉味最為濃郁之餘又唔會太辣。而伴碟嘅油醋沙律，橄欖油比例較高，油膩感較重，個人都係鍾意黑醋酸、清、爽嘅感覺。大大力推薦呢一個炸魚薯條，真係超超超超好食，仲要非常之抵食，60蚊！勁高質！ 先講炸魚，兩條手掌長嘅炸魚非常鬆脆可口，炸漿薄身，每一啖都索索聲，再加上炸到岩岩好嘅滑捋捋魚柳，勁正！再講薯條，粗身厚切嘅薯條一向都係我至愛，可惜好小餐廳做得好，呢度只有三個字可以形容－冇得輸！大大份充滿口感嘅薯條完全滿足咗我對澱粉質嘅渴求！！大家來到一定要叫！入面仲有兩部飛鏢機同一張桌球枱可以俾食客玩，另外經過甜品櫃見到入面有啲好精緻嘅蛋糕， 下次生日同朋友嚟應該都係唔錯嘅選擇。最後我哋仲叫咗個德國燒豬手配黑椒汁，大大份差唔多兩個拳頭大嘅豬手完全足夠兩個人share。其實我好鍾意食豬手，但又好驚遇到啲外皮又乾又韌十足香口膠嘅口感。呢度雖然外表看來略為乾身，但切落就知外皮卜卜脆，肉汁豐盈嫩滑，配上應該落左唔少功夫先做到肉味香濃嘅黑椒汁，好食到停唔到！怕肥膩嘅人可以加上經典嘅德國酸菜Sauerkraut一齊食，Sauerkraut酸度適中脆口，酸酸的可以令肥膩感大大減低！…查看更多

同朋友係附近體育館打完羽毛球，原本來諗住各自番去嘅，但係見都7點，諗諗下都係係附近食埋先走。行行下就見到呢間達摩拉麵，佢地傳單Ｄ圖望落又幾豐富，而我同佢都鐘意食拉麵，一於入去試下啦！我地入去個時先７點３左右，晚餐黎講早左小小，所以入面唔太多人，而且因為我地都拎得比較多野，都係坐番２人枱好Ｄ。我就叫左個鈴川達摩特上豚骨拉麵，而我朋友就叫松川達摩醬油拉麵。鈴川達摩特上豚骨拉麵 - 一上枱就見到誠意十足嘅完美溏心蛋加上鋪滿半邊碗嘅叉燒😍❤❤❤我覺得一碗拉麵好唔好食，最重要就係　看不見的成本－湯底　如果連客人看不到的地方都用心做得好，其他就更加唔洗講啦！豚骨湯底味道帶有濃香豬骨味，口感較為濃稠，上面更有一層薄薄嘅油份，令味道更醇。　而我朋友叫嘅醬油拉麵入口充滿雞肉的香氣，令人感覺雞骨嘅精華都濃縮晒係呢小小一碗中，加上祡魚、鏗魚及魚干一齊熬煮，整體更加香而不油！溏心蛋蛋白部份完全凝固，蛋黃周圍呈現綿密的膏狀，中心仍然保持住小小流心，係我最鐘意嘅熟度！鹿兒島五花腩製成的叉燒入口鬆化軟淋，肉質嫩滑多汁，油膏部份更入口即溶，十分出色！西班牙黑毛豬上肩則清淡爽口，較為著重食材本身的原味，同叉燒相比又係另一種體驗！其間因為我實在太鐘意隻溏心蛋，順便追加了數款配料。食到中途店內都開始多人起黎，睇黎本區嘅人都識貨。達摩梳打&招財貓梳打 - 兩款嘅味道都類似波子氣水，但招財貓梳打會多左陣花蜜香味，推薦招財貓梳打芝麻雞翼外皮炸至金黃色，翼尖位置鬆脆香口之餘保持肉質嫩滑，時間火候拿捏精準！真係估唔到隨便入一間，竟然搵到真係對拉麵有心有誠意嘅店鋪，值得同朋友encore再encore，大推…查看更多

全牛火鍋，淥牛肉每次所需要時間你知道嗎?上面一張圖就能清楚告訴大家食牛每個部位需要多少時間。牛是每日新鮮運到，由於有些部位來貨少所以會限量供應，喜歡牛心 匙肉和胸口膀。喜歡原汁原味，但原來店主亦提供多款醬汁給客人，而當中有款秘制牛汁是店主自行調配，而沾了這汁亦能提升牛肉的鮮味。這裡環境舒適，當你入座後職員會很親切地為你介紹食物及當天的待別推介一個套餐基本已經可以食齊牛的每部份， 而份量亦佮到好處。而想再加食其他食物，價錢亦不算太貴。…查看更多

之前同FD黎過mini club飲野，感覺不錯。朋友食飯聚會要找敦地方，自然諗起mini club。同朋友坐底見到佢地生蠔做緊promotion，因為我同我朋友都鐘意食生蠔的，又見價錢唔算貴，就叫左精選同海膽生蠔各3隻。好快D生蠔就送到黎，聽waiter講今晚嘅係美國黃寶石生蠔，生蠔size都ok，蠔水足不黏殼，首先試下原味就咁食，入口鮮海水味重，微甜，質地偏爽。另外佢跟上個tomato sauce入面混左黑椒、辣根醬同檸檬汁，配上生蠔一齊食，入口小小辣，微酸，同生蠔陣海水味幾夾，係個唔錯嘅配搭。海膽生蠔則用上紐西蘭海膽蓋面再加上粒粒蟹籽，同行的朋友感覺不錯，我就覺得淨生蠔原汁原味比較好食，各花入各眼啦。之前同朋友黎過，知D度有手工啤飲，緊係要同朋友叫番兩枝試下啦！India Pale Ale據waiter講用上大量嘅啤酒花釀造，聞落充滿類似荔枝的花果香，氣泡充足但泡沫不多，入口麥味香濃，咽喉位會有種獨特的淡淡苦味回甘，就算女生都可以一試！Chimay White比India Pale Ale泡沫更為豐盈，味道更復雜，首先，香氣有一種dry white wine嘅感覺，但更苦澀，十分特別！入口沒有酸味，獨特的苦味係口中融化，是一枝要慢慢細味的酒，推薦喜歡飲黑啤或深度烘焙咖啡的人一嚐。黑松露牛肝菌什菌煲仔意大利飯，一打開就聞到香濃嘅黑松露香氣，咬落飯芯微硬，是正宗的意大利飯，每一啖都充滿蒜香！串燒拼盤－雞肉、豬頸肉、雞軟骨、茘枝腩肉卷、車厘茄腩肉卷、海蝦、雞皮、秋葵師傅把串燒燒香後塗上厚厚的蜜糖蓋面，入口偏甜，配上較苦的手工啤剛好中和，其中豬頸肉及海蝦串最為美味，茘枝腩肉卷十分清新，可惜最為期待的雞皮串塗上蜜糖後變得淋身，但整體食物不錯！…查看更多

螺肉鮮甜彈牙，但由於個人不喜歡酸味的汁，所以就沒有沾汁同食。糖漬黑豆口感柔軟，甜度剛剛好，不會死甜而遮蓋了黑豆味。刺身拼盆賣相不俗，帆立貝令人驚喜，爽口鮮甜。加拿大海膽肥美，沒有苦腥味，味道甘腴，入口即溶。油甘魚魚味甘香，肉質結實。拖羅油分豐富得入口即溶，慢慢細嚼，更能感受到那種肥美的郁香停留口腔之間。由於沙鎚魚魚肉本身很薄而且較多細骨，製作成天婦羅前，師傅需要用骨鉗逐根鉗出處理，是一道花時間花心機的料理。天婦羅蘸漿時做到整體均勻不厚，魚肉保持嫩滑，味道濃厚，而秋葵亦青爽不油。銀鱈魚肉質細嫩，配上塗面帶甜的醬汁，豐盈的味道一下子就佔據整個口腔。一口牛舌燒得十分惹味，口感稍微有點嚼勁，但可以感覺到牛舌的嫩，不會過老過硬，保留著牛舌的鮮美。鮮活的鮑魚由師傅即場處理，切片，在鐵板上兜炒，最後加上黑椒、牛油等調味後隨即上碟，把鮑魚片的鮮美統統都保留了。肉片十分彈牙不沾牙，配上海帶味的醬汁，鮮美十足！新鮮生猛的龍蝦兩食亦是由師傅即場處理，龍蝦頭我們選揀了煮味噌湯；而龍蝦身則經師傅在鐵板上兜炒後以香草牛油作最後調味後便上碟。賣相相當不俗，龍蝦肉厚，非常鮮嫩彈牙並帶有淡淡牛油芳香。味噌湯咸度適宜，可惜龍蝦味道較為不顯。師傅細心地把豬橫隔膜肉燒至6-7成熟後切成四小件上碟，微焦的表面加上呈半溶狀態的脂肪，令人唾涎，入口肉味香濃，一點豬膻味都沒有，肉質彈牙有噍頭，非常出色！可能因為經過了各式濃厚味美的海鮮及燒肉的洗禮，相比之下加拿大海膽炒飯則較為平淡，放面的加拿大海膽依舊出色，可惜炒飯味道略淡。看似平平無奇的青蘋果雪芭據師傅所講，是由日本運送過來的，入口著實令人驚喜，清甜解膩，亦為這晚劃上了完滿的句號。…查看更多

Happy Firday就緊係要準時收工，因為約左班舊同事聚舊，所以特登過左去荃灣個邊搵嘢食。原先諗住去D。PARK睇下有咩食，但係喺行去途中見到有間裝修幾靚嘅上海菜餐廳，就入去試下啦!餐廳係內部設計上都幾有心思，四周用上大量光管，燈光位置同亮度都恰到好處，現場微暗昏黃，令人放鬆；而座位都算寬闊舒適。坐低後侍應拎左四種茶比我地楝，咁我就楝左潽洱，茶葉係獨立包裝，枱面上每人都有一個小茶盅泡茶用，我覺得呢個概念幾好，因為如果用茶樓個種大茶壺，永遠都會因為泡得太耐而超級濃:(，而家我可以控制每一杯泡幾耐，一次一杯啱啱好。另外提提大家小茶盅個蓋好易掉的，大家倒茶時要小心Ｄ。師傅好貼心咁係每一個小籠包底放紅蘿蔔薄片防黏；魔鬼小籠包用墨魚汁整皮，頂頂有塊小海膽，入口有蒜香，豬肉彈牙；而天使小籠包入面包左帶子同豬肉，帶子唔痴牙，豬肉味鮮，如果再多Ｄ湯汁就仲正！迷你胡椒餅炸到表面金黃，咬落帶有陣陣胡椒香，可惜餡料略小，整體不過不失。京式烤羊腩極力推薦！外皮鬆脆，肉質嫩滑，騷味好輕，就算怕騷味嘅人都可以一試！醬燒豬手非常淋身，味道濃郁，配埋表面嘅京蔥一齊食，又係另一種滋味！但記得要趁熱食，凍左味道就差一個層次架啦！嫩雞煨麵用左脂肪較小嘅雞胸煮製，適合口味小油清淡嘅人，煨麵麵質較淋身，係一道容易消化嘅菜式。紅棗糕口感鬆軟，有小小似馬拉糕，值得一讚嘅係糕身一塊紅棗皮都冇，只有面頭幾粒紅棗塊裝飾，所以先做到入口綿滑，完全品嚐到紅棗的甜糯芳香！…查看更多

老闆準備左魚生船做前菜。即切活魚做成刺身，剩低的魚身作擺盤，魚嘴不時開開合合，魚尾仲會輕微擺動，真係超新鮮啊，從切魚到上枱分秒必爭，成功保留左魚嘅鮮味。魚片被切得薄可透光，每片都可以輕易用筷子完整夾住，剩係刀功已經係一重視覺享受。魚片放入口一啲都吾腥，咬起尼無筋又吾痴牙，食哂一整盤都吾覺得膩，反而胃口大開。美中不足嘅係魚片沾上左一啲擺盤檸檬嘅味道，整體尼講呢道前菜非常鮮美，鐘意食刺身嘅一定會滿意。然後就正式食今餐的主角，蒸海鮮～  第一籠食的係蠔同蜆，蠔不過不失，但蜆很鮮甜，所以好快就食曬，差D影唔切相。然後就食下一籠，有扇貝、鮑魚、蝦。我最鍾意食扇貝，時間岩岩好，而且食材新鮮真係唔需要太多花巧野，蒸就最好食，D粉絲索曬扇貝D汁超好食，差D食埋朋友果隻。蝦同鮑魚都好彈牙～岩岩好熟的關係有D難剝殼，員工好親切上前教點樣易D剝，真係好貼心！最後當然要有D飯落肚啦！隻蒸蟹勁多膏，餸糯米飯一流。魚雖然無一開始個刺身咁驚艷，但都幾好食。最後蒸多個菜，員工好貼心問我地的口味要食軟身定硬身。食埋綠茶口味的甜品就完美。整體而言很好吃，我朋友食量比較細，所以如果兩個男仔黎食，可能就要叫多少少野食啦～…查看更多

收工約左個FD一齊食飯，唔知食咩好嘅時候就例牌去新森林啦。因為我地都唔係太肚餓關係，所以只係叫左個新出嘅龍蝦芝士焗飯。佢另外叫左白湯，碗湯黎到望落同平時餐廳飲開嘅唔同，裏面有好多唔知係肉定乾蔥嘅碎碎。問個FD拎左啖黎飲，味道比出面嘅濃郁，但又唔會過咸，可以一試。奶茶紅豆冰 - 夠凍，紅豆好多，差唔多有4成，飲落唔太甜幾好，因為出面圓嘅D紅豆冰成日都甜到膩，甜到成餐飯要分幾廿次飲好耐先飲得晒。呢到就唔會，另一樣我幾鐘意嘅就係紅豆夠淋，但又唔會變到糊仔咁，有小小咬口，應該係自家煲的。 好快我地叫嘅龍蝦飯就黎到喇，賣相好靚仔，成隻龍蝦都比芝士包住，正！龍蝦肉好彈牙，睇外形應該係青龍蝦，龍蝦肉除了口感唔嚡，爽口之外，加上微焦芝士一齊食仲有一種香滑嘅感覺！而飯面嘅＂蟹膏＋芝士＋蟹籽＂亦都不容睇小，蟹膏微微咸香，配上拉絲芝士，成份事真係好邪惡登登~點解會有個漢堡包出現呢，其實係因為一個飯兩個人分真係唔係太夠，都係叩多個小食拼盤~ ~a漢堡包幾迷你，中間塊煙肉超正，個包仲有小小酸瓜平衡番冇咁油膩最後舊紫薯餅好細舊，紫薯味唔出，要認真咁搭先食到陣紫薯味，只係食到出面炸漿陣味個三粒chocolate brownie好好食，有小小粒粒朱古力，陣味似麥提沙，好味…查看更多

因為公司係附近關係，同同事收左工諗住搵地方食野，行行下就見到呢間位置隱蔽嘅食店。間野叫得做靚煲皇，咁我地就緊係試下佢地招牌湯底"靚煲皇"啦，個煲黎到的確幾正咁啵，超多材料，有幾隻大扇貝，好多舊豬軟骨，面頭仲有烤過嘅章魚片提味，誠意十足!等個煲滾起個時，店員特登埋黎幫我地開蓋，信心十足咁推介我地先試試個頭啖湯先，一試之下確實係靚煲皇!鮮甜濃郁，再試埋舊豬軟骨，軟滑，豬肉味濃，好難得真係食到豬有豬味!:)醬油款式唔算太多，但基本嘅蔥蒜辣椒炸蒜之類都有。呢份肥牛一個字形容 - 正!  真係唔洗講太多，食過就知正野，我一個人清左半份XD手打墨魚滑同手打墨魚丸原來係只係形狀唔同，等我地仲叫左兩兜-0-墨魚滑好彈牙，入面有墨魚粒，都幾鮮甜下，只係兩兜一樣就太多，下次要留意番~ ~"香菇豬肉水餃唔好睇佢其貌不揚，一咬落去冬菇味就喺口度爆發，每一啖都充滿冬菇嘅香，豬肉彈牙鮮味。黑豚肉片同牛肉片只係睇油花分佈就知道冇得輸，肉味濃郁，豬肉油花爽口，牛肉不韌有咬口新鮮即炸響鈴超級脆，可惜炸得略為過火，油份較多，要翻焯幾次先減到份油膩感，個人還是比較鐘意一秒響鈴個種外軟內脆口感。雖然係急凍蠔，但因為個鍋夠滾，放落鍋度幾分鐘就食得😍，烚熟後實肉唔縮水👍🏻，冇一般蠔嘅腥味👍🏻埋單每人三百零蚊，對比番食物質素，其實我覺得又唔係貴嘅，起碼佢地對出品都係有要求，唔會HEA比你，下次可以再黎試其他嘢。…查看更多