piggy.foodie.daily的个人专页

喺瑞典文裏面，「Fika」唔單止係喝杯咖啡，更係一種放慢腳步、享受當下嘅生活態度。將軍澳嘅 **Fika 餐廳**，就係一個可以讓你實踐呢份慢活精神嘅空間——環境文青舒服，氣氛自在輕鬆，無論係同朋友傾偈，定係自己一個嚟「Hea」，都可以好好咁享受一頓飯嘅時光。今次試咗幾道頗有驚喜嘅菜式，同大家分享下：炭燒西班牙黑毛豬梅頭烤日本甜薯（招牌菜式）主角係一塊厚切黑毛豬梅頭，炭燒香氣淡淡透出，肉質軟腍得嚟唔失咬口。醬汁帶獨特鹹香，同豬肉好夾。旁邊嘅焗芝士大啡菇亦係亮點，鹹香芝士配上多汁菇身，非常惹味。仲有幾件烤日本甜薯，香甜綿密，成個配搭豐富又滿足。義式生牛肉他他配鵪鶉蛋、多士呢道前菜做得幾精緻，生牛肉他他調味恰到好處，入口清新嫩滑，同配料好夾。原來以鵪鶉蛋蛋黃撈混喺牛肉之中，口感更順滑。配上脆口多士，整體層次分明，係一道清爽又優雅嘅開胃菜。醃豬頰肉蕃茄意大利飯呢個燉飯有驚喜！豬頰肉切成一粒粒，口感有啲似香脆嘅乾麵包粒，帶有焦香同鹹香，同軟綿嘅意大利飯形成有趣對比。飯裏面加入新鮮茄肉，酸酸哋好開胃，整體味道平衡得唔錯。整體感受：Fika 唔單止係店名，更係成間餐廳帶俾人嘅感覺。食物有心思，環境令人放鬆，真係可以慢慢坐、慢慢傾，好好享受一個屬於自己嘅「Fika時刻」。如果你都想喺將軍澳搵個角落喘息一下，呢度會係一個唔錯嘅選擇。…查看更多

呢間小店，絕對係「選擇困難症」嘅考驗！估你唔到個名叫麻辣串串香，但餐牌由日式烏冬掃到去雲南米線，再跳去串燒小食，花多眼亂，但難得每樣都保持高水準，成為街坊至愛既中日餐廳絕對有道理。🍜 主食類：誠意十足-特上虎蝦鍋燒手打烏冬：大大隻虎蝦爽口鮮甜，湯底少少辣又夠熱，手打烏冬煙韌吸湯，一碗超滿足。- 大大碗雲南米線：真係名符其實「大碗」！酸辣湯底醒胃，配料多到尋寶咁😆：牛腩淋滑、豆卜索汁、潮州魚蛋、墨魚丸同魚皮餃樣樣有（走了豬血），豐富到暈。🍢 邪惡小食：款款有驚喜-餃子讓雞翼：雞翼皮燒得香脆，入面釀滿 juicy 餃子餡，口感同味道都滿分，記得襯熱食！-蒜香脆皮豬手粒：第一次見呢樣！雖然叫粒，但實際係大大件😂外皮脆炸得脆脆，肉質鹹香，鍾意香口野嘅人士最岩。-鐵板牛油帶子：鐵板夠哂熱，上枱吱吱聲，牛油香撲鼻，帶子大粒又彈牙，鑊氣十足。-涼拌墨魚頭：冇輪係餐前定餐後食完濃味嘢，呢個爽脆酸辣嘅涼拌菜就啱啱好，又爽又彈牙，正！-蒜香焗金菇：呢個好出色，雖然係一道簡單嘅菜，但真係唔係度度都好食，係呢度到尾，凍左都仍然好食，讚✨！-雞軟骨串：火喉掌握得好好，香脆又冇燒燶，咸咸香香，的確好食！總結： 雖然店細款式多，但真係估你唔到，每樣菜式都感受到用心。價錢親民，分量足，絕對係值得encore嘅街坊寶藏小店！優惠提示：下午茶2:30-5:30時段，凡惠顧雲南米線系列，加兩個餸,送凍飲品一杯! …查看更多

行入呢條街，未入門口已經聽到老闆娘爽朗聲音招呼客人。打理全場嘅，就係呢位一人分飾多角——落單、煮嘢、傳菜、收錢——嘅老闆娘。忙碌之餘，仲會同你吹兩句水，呢份人情味，未食已經暖咗半個胃。小店唔大，但坐滿街坊，就知唔簡單。今次除左皮蛋，其他涼菜都賣哂啦，下次早啲黎！重慶網紅酸辣粉一上枱，香辣味直衝鼻！紅油亮澤，薯粉不是煙韌彈牙，係一咬出斷嘅。酸度醒胃，辣度夠勁之餘唔會嗆喉，食到最尾仲有陣陣麻香，非常正宗。仲有左香港獨家技術:重慶小面以糊辣殼炒辣椒乾，果然係靈魂所在！罐罐三鮮米線呢個係驚喜之作，半罐湯底半罐料,豐富營養，成罐湯都飲哂！特式罐罐湯底米線、自設廠房~特製煙韌米線，用瓦罐上，熱辣辣，湯底鮮甜到不得了。仲係新鮮食材製作：鮮海帶絲同綠豆芽索盡湯汁，鮮豬肝片同眉頭肉片嫩滑唔嚡口，仲有鵪鶉蛋同爽脆青瓜片，口感豐富到爆。米線幼滑，吸咗湯精華，啖啖都係滋味，份量十足。黃金皮蛋皮蛋晶瑩剔透，蛋黃流心，配上酸酸辣辣嘅醬汁，開胃到停唔到口！辣油香同皮蛋嘅獨特風味出奇地夾。冰豆花 食完辣嘢，呢碗冰豆花簡直係救星！豆花滑不溜口，豆味清香，加上冰凍糖水，瞬間降溫，解辣一流。冰粉賣哂，下次早啲黎。自家製酸梅湯唔係開粉沖嗰隻！飲得出係真材實料熬出嚟，酸甜平衡，梅味濃郁，清涼解渴，同重慶菜係絕配。總結：老闆娘笑住話：「聽日要食就早啲嚟啦，下晝打風唔開架！」呢種街坊小店嘅親切感，而家買少見少。食物有風味，人情味更濃，絕對係會令人想「返轉頭」再幫襯嘅地方！溫馨提示：老闆娘一腳踢，可能要當自己屋企一樣「自動波」同埋要耐心等吓，但保證值得！…查看更多

呢間隱世小店真心有heart✨！餃子全部即叫即煮，每隻都大到似元寶咁，皮薄餡多爆汁勁足料，真係誠意之作～ 湯餃（6隻）配花膠淮山豬骨湯 個湯超清甜！無味精感，比足料架！ ▪️粟米香菇鮮肉餃：一啖咬落去已經聞到濃郁香菇味，粟米爽甜▪️紫菜椰菜鮮肉餃：紫菜味出奇地夾，口感豐富 ▪️韭菜鮮肉餃：韭菜新鮮唔臭青，傳統但好食煎餃（9隻）金黃脆底唔油膩▪️酸菜鮮肉餃：酸菜開胃解膩，好有驚喜，咬落索索聲▪️白菜鮮肉餃：經典口味，肉汁鎖得好好 ▪️冬陰功鮮肉餃（必試！）：香辣椰菜+冬陰功味好濃，淡淡甜味好過癮，第一次食呢種配搭竟然超夾，不妨試一下新口味！ 小食 ▪️手拍青瓜（酸辣）：爽脆入味，辣度啱啱好 ▪️皮蛋豆腐：肉鬆鋪滿夠惹味，但醬汁芫荽味幾濃，唔好芫荽嘅人一定要留意甜品 ▪️椰香西米芋圓：椰奶香滑，芋圓煙韌有嚼勁，甜度適中完美收尾！ 總結：呢間餃子質素真心高，冬陰功味創意滿分，湯底同糖水都感受到用心。人均$100就可以食到飽，一定會再回頭試其他口味～🥟💯…查看更多

住咗大西北咁耐，居然而家先發現呢間寶藏大排檔！即叫即炒夠曬鑊氣，味道仲勁過市區名店！招牌咕嚕肉 一上枱就聞到酸甜香！外皮炸得脆卜卜，咬落啖啖肉唔肥膩，酸甜汁掛得勻循，白飯殺手，伴碟嘅菠蘿仲爽甜多汁，可解油膩！豉油王蝦蝦隻隻都大隻又新鮮，豉油香炒到滲入蝦殼，蝦肉爽彈又入味，連蝦殼都脆到可以啜埋，簡直無得頂～椒絲腐乳炒通菜鑊氣十足！通菜翠綠爽脆，鹹香濃郁，仲有椒絲提香，簡單但係炒到超級惹味，正～隱藏喺屯門嘅平民高手，價錢抵食份量足，鑊氣仲勁過唔少酒樓，仲可以向餐廳訂海鮮或者海鮮加工添！以後宵夜又多個選擇，大西北街坊絕對要試！💥🍳…查看更多

前一日係屋企追韓劇，睇睇下好想食炸雞，今晚幫襯左呢間韓式外賣店，落單後等大約10分鐘就拎得，返到屋企又可以邊追劇邊食炸雞啦！揀左2-3人A餐：韓式火腿紫菜飯捲 紫菜包得實淨唔會散，火腿同醃蘿蔔脆脆哋，芝麻香噴噴，令人食唔停口！蘿蔔魚糕湯（胡椒味超濃！）一開蓋就聞到勁香胡椒味！仲有好多魚糕，比足料，飲完冇口渴原味無骨炸雞炸雞外脆內嫩，咬落仲有肉汁爆出嚟，咬落啖啖肉好滋味新鮮辣泡菜 呢個泡菜真係好辣！但酸辣脆口夠哂正宗，雖然辣但有少少停唔到口飲品：韓國青葡萄汁+梨汁追加！甜辣炸雞翼+炸年糕 雞翼甜辣醬掛滿哂，皮脆肉嫩。炸年糕少少脆又煙煙靭靭，推介！整體黎講，味道正宗，辣度過癮，外賣包裝仲好細心，成餐都只係二百幾蚊！…查看更多

前排去完中山返嚟，成日好想再食鹵水鴨，經朋友仔介紹原來近近啲呢一間嘅鹵水鴨都唔錯喎~今日黎到餐廳時間尚早，仲可以嗌午餐添😂一人揀左一個套餐，再叫埋小食。食神叉燒飯（即係叉燒煎蛋飯） 叉燒燒得啱啱好，外皮微脆又帶啲蜜糖甜香，又唔會甜到好漏，肉質軟淋又多汁，再加埋一隻脆邊煎蛋，撈飯食真係一流！秘汁鹵水家鴨飯 鹵水汁濃郁得黎唔會咸，鴨肉入味又唔韌，仲有啲香料味慢慢滲出嚟酒仙醉雞卷 雞卷好嫩滑，每一片仲有杞子點綴，酒香味淡淡飄出，但唔會太濃，食落清爽又開胃，凍食更加正拍蒜青瓜 青瓜爽脆到爆，蒜香味十足，辣辣哋，食完油膩嘢之後清一清個口就最啱，鍾意食辣嘅千祈唔好浪費佢嘅辣汁，配埋醉雞卷簡直係雙重滋味！霸王花紅蘿蔔粟米湯 飲得出冇加味精，霸王花煲到軟淋淋，淡淡清甜味飲落好舒服！整體都幾高質，仲發現唔少街坊幫襯，真係抵食又滿足。…查看更多

同朋友喺呢度食晚飯，叫咗12貫壽司套餐同壽喜燒定食，整體質素唔錯！所有定食都包括前菜沙律、茶碗蒸同麵豉湯。我都幾鍾意佢嘅茶碗蒸，夠熱又鮮甜，仲非常滑溜。我哋揀咗12貫壽司套餐壽司整體新鮮，醋飯做得幾好。特別鍾意：活赤貝&白象拔蚌：爽脆鮮甜 大拖羅&中拖羅：油脂甘香，入口即化 海膽：creamy無腥味 牡丹蝦：超大隻又鮮甜 其他如銀雪魚、左口魚邊等都高質，12貫款式多樣化，大滿足！仲包一碗細盛海膽角切魚生飯海膽鋪滿，魚生足料，加埋啖啖三文魚子，撈飯食好滋味！另一款定食揀咗關東和牛壽喜燒 和牛肉質軟嫩，湯底甜鹹適中，蔬菜豆腐吸晒湯汁，好味！仲試埋和牛漢堡扒，肉汁豐富；鱈魚乾超脆口，價錢抵食，非常推薦！…查看更多

前段時間去過潮汕，不過冇機會食到荔枝蝦球，得知道荃灣呢間「自己人」竟然有呢款點心，立即約埋朋友嚟試下先。一入門口就已經被一幅牆畫吸引住，然後旁邊就可以見到師父們準備點心，半開放式嘅設計，看得見嘅衛生，食客食得安心。金魚戲水兩粒湯蝦餃外表設計成金魚嘅樣子，非常有趣，好似真係喺魚池遊水咁，唔捨得食鮮荔枝球煙韌糯米皮細味有點甜，包裹住蝦粒，外面一粒粒紅色嘅脆脆，口感豐富小小梨子梨子造型嘅鹹水角外皮，入面包裹住牛肉及黑椒內餡，口感煙煙靭靭潮汕滷水炸乳鴿呢款炸乳鴿必選，外皮脆肉質嫩滑，肉汁都鎖住喺入面，十分滋味滷水鵝片這盤滷水鵝片睇起來油亮入味，鵝肉切得厚薄剛好。吃起來肉質軟嫩，帶點嚼勁，滷汁的香味很濃，但不會太鹹，反而有點甘甜 汕頭醬炒牛小排(沙茶醬)牛小排肉質軟嫩，沙茶醬香濃惹味，鑊氣十足。醬汁裹滿每塊牛肉，鹹香中帶微甜，配飯一流黃皮燉鮑魚湯色金黃清亮，鮑魚軟嫩彈牙，黃皮果香清新解膩。燉煮火候恰到好處，湯頭鮮甜，滋補又不油膩咸話梅手打檸檬茶個人比較喜歡呢一款咸話梅手打檸檬茶，話梅鹹香同檸檬茶嘅酸味非常夾清香茉莉手打檸檬茶茉莉花味香濃特出，飲落口感清新，亦係唔錯嘅選擇餐廳環境非常舒適，店員服務亦不錯，啱哂同朋友嚟飲下茶食點心慢慢嘆…查看更多

「癡膠雞」呢個名已經好吸睛，入到店舖仲見張張枱都係度打邊爐？！原來呢度嘅米線係一人一小鍋咁上桌真係夠架勢！招牌花膠雞濃湯米線淡黃色湯底帶點雞油油花，睇見都流口水，飲落超濃郁但完全唔油膩。花膠份量十足，煮到出少少膠質，同雞湯嘅鮮甜完美融合。雞件更唔話得，肉質嫩滑唔柴。米線爽滑有彈性，吸晒花膠雞湯嘅精華，食完成個養顏又滋補。胡椒豬肚雞濃湯米線湯頭真係正！白胡椒嘅辛香好夠味，微微辣勁令人食慾大開。豬肚處理得夠乾淨，同嫩滑雞肉完美搭配。個湯好樓味，飲完完全唔會口渴，最重要由頭食到落尾，個湯仲熱辣辣，每一啖都係享受！而且店舖冷氣十分足夠，飲完咁熱嘅湯都唔好出哂汗，爽！椒鹽粟米 碟椒鹽粟米一上枱已經聞到好香，面頭鋪滿炸蒜，真係好惹味！粟米炸得香脆，椒鹽夠晒鹹香。 麻辣豬耳 麻辣豬耳爽脆彈牙，輕微麻辣味，唔會太嗆喉，好過癮！份量都算十足，口感幾正。唯一唔好處就係好多款式，有選擇困難症都真係唔知點揀，已經mark低下次過嚟要再試埋椰子雞湯😋…查看更多

呢間A LUX隱藏喺鬧市角落，我仲發現OpenRice訂位有7折，非常抵！ ✨環境服務一入去店員就勁熱情介紹餐牌，餐廳裝修靚又舒服，氣氛浪漫到爆，慶生/紀念日首選！ 🍞頭盤驚喜 - 芝士脆脆及麵包拼盤配黑醋橄欖油，脆到嗦嗦聲 - 煙三文魚配SOUR CREAM，經典又開胃 🦞必試主菜 Lobster Bisque, Lobster Ravioli龍蝦湯+小龍蝦雲吞， 超香濃嘅龍蝦味，雲吞煙韌爆鮮味 ALux Beef Tartare, Ran Oh Egg Yolk, Garlic Toast牛肉他他配蘭王蛋黃 ，生牛肉鮮甜，醃製過嘅流心蛋黃撈埋牛肉同沙律菜，非常惹味Orecchiette, Pork Sausage, Tomato Cream Sauce貓耳意粉豬肉腸， 手工粉超彈牙，番茄奶油醬酸甜啱啱好 Spaghetti, 24 Months Parmigiano Reggiano Cheese, Black Truffle黑松露芝士輪意粉，廚師即場用24個月芝士烹調意粉後，再刨黑松露片，太香了！ Homemade Seasonal Fruit Sorbet熱情果芒果雪芭清新醒胃，順便清一清味蕾，再享用之後嘅菜式🥩肉食控最愛 USDA Ribeye, Vegetables. Shallots jusUSDA肉眼扒，外焦內粉嫩，火喉剛剛好，鎖住肉汁French Duck Breast, Beetroot Puree, Caramelised Orange Sauce法式鴨胸， 皮脆肉嫩，配紅菜頭蓉及香橙燒汁醬酸甜解膩 🍨甜品完美收尾 - 芝士拼盤配杏脯合桃酥，淡味濃味都享用得到- 荔枝雪葩配雲尼拿雪糕，西柚蘆薈，冰爽解膩 💡貼士- 週末brunch頭盤&肉眼扒任添！ - 生日/紀念日有玫瑰花瓣佈置，非常有儀式感- 平日有無酒精特色食品&超抵wine pairing 總結：由頭到尾都高質，服務細心，慶祝節日唔使諗第二間！ …查看更多

日本過江龍海鮮丼 一丼兩食超滿足！行完東薈城outlet，緊係要試吓呢間bookmark 左嘅日本過江龍嘅海鮮丼專門店啦！佢哋主打「一丼二食」，店員會好細心教你點食，儀式感十足！  ✨必試「特上海鮮丼」一上枱就震撼！材料堆到成座山咁高，有齊海膽、三文魚籽、象拔蚌、赤蝦、金槍魚蓉、魷魚…仲有增量版鮭魚子，多到瀉！全部切到細細粒，撈埋鼓油同wasabi，一啖食落去，鮮甜、爽脆、creamy一次過爆發，味覺感受忙到不得了！食到剩三分一，就可以叫店員加鰹魚湯變茶漬飯，再加埋柚子皮碎，清新解膩，完全係第二種享受～  🌊「海膽帆立貝鮭魚子丼」平靚正之選！如果想食得精啲，呢碗性價比超高！加拿大海膽鮮味帶creamy，帆立貝甜到漏，仲有爆脆嘅鮭魚子，一粒粒喺口入面「啪啪聲」，撈飯食簡直無得輸！  總括嚟講，材料新鮮、一丼二食獨特風味，食完仲可以繼續shopping，東涌友同遊客都要試吓啦！…查看更多

慶祝之夜的時尚串燒居酒屋體驗朋友知我終於向目標行近一步，特登揀咗尖東H Zentre入面嘅Room3同我慶祝！喺尖東站K出口，過馬路就到～由門口入去已覺得裝修好有格調，坐位闊落，坐得舒適！ 除咗有好多特色cocktail，仲有各式日本嘢食，由前菜、沙律到串燒、主食同甜品樣樣齊。最正係每樣食物同飲品都整得好精緻，同friend傾住偈慢慢食就最啱！ 🍸 必試Cocktail 🍸 ▫️ Emperor 成杯酒放喺個木盒度送上枱，一打開有煙霧仲會發光，真係好似開寶箱咁，飲落甜甜哋又有少少酒香，好有feel～ ▫️ Geisha Story 杯酒個漸變色好似日落咁靚！仲有花花係面裝飾，味道酸酸甜甜好特別。 🍢 串燒同小食 🍢 ▫️ 無花果脆薯蟹子沙律 薯仔絲炸到脆脆哋，加埋清甜無花果同蟹柳，撈埋沙律醬好開胃！ ▫️ 泡菜牛舌 牛舌切到薄薄哋，細細粒，食落好爽口，同泡菜一齊食出奇地夾！ ▫️ 免治雞肉棒配日本蛋雞肉裡面仲有軟骨，咬落有口感，點埋生雞蛋黃更加滑溜～ ▫️ 吉列蠔 炸到金黃色，外脆內嫩，一啖咬落去，好有滿足感。🔥 串燒三寶 🔥 ▪️ 黑豚秋葵串 - 豚肉燒到香噴噴，包住秋葵食冇咁膩 ▪️ 照燒雞腿串 - 雞肉外皮脆，裡面仲好juicy ▪️ 海膽帆立貝 - 兩樣鮮味夾埋，食落好creamy 🍚 主食時間 ▫️ 松葉蟹明太子冷烏冬 勁多松葉蟹肉！明太子醬撈埋煙韌烏冬，清新得嚟又好味～ ▫️ 火炙牛肉溫泉蛋丼 牛肉燒到好香，撈埋流心溫泉蛋同飯一齊食，真係大滿足！ 🍮 甜品收尾 🍮 ▫️ 炸榴槤波波 外表完全聞唔到榴槤味，但一咬開成陣榴槤香衝出嚟！ ▫️ 日本芝士蛋糕 唔會太甜，食完成餐飯飽飽地再食都唔膩～ 環境同氣氛都好舒服，傾偈傾到唔捨得走。好彩我哋有book位，夜晚都幾full，下次慶祝一定會再嚟～🎊 …查看更多

朋友話佢中學年代幫襯野川拉麵到而家，覺得啲野好食兼抵食！仲諗住$100嘅牛肉壽喜燒🍲只係一人定食咁上下？！估唔到份量係咁多（好彩冇額外加烏冬😂）牛肉鋪滿一層又一層，墊底仲有蔬菜豆腐同粉絲，壽喜燒汁係甜但佢食到後期又唔覺好膩，唔錯！炸魷魚鬚同軟殼蟹天婦羅都非常酥脆，軟殼蟹係2大隻，咬落好香😋重點推介‼️甲羅燒伴燒鱈魚乾✨必點✅鱈魚乾真係脆到不得了，配埋甲羅燒，真係超好味👍🥗帶子刺身同埋角切魚生沙律都好新鮮，食落清甜，份量仍唔少。🍢燒雞軟骨同燒豬頸肉串火喉都岩岩好，爽口得黎又有啲油脂香。🍄‍🟫燒韭菜串冇乜燶，配埋調味粉都唔錯，而蒜蓉牛油金菇就正常發輝（實在係其他食物太出色，搶哂風頭）。🍹飲品：青檸柚子梳打+芝士奶蓋忌廉抹茶紅豆冰價錢雖然唔係太平，但係份量係超級大杯，我覺得都幾抵，而且係好飲嘅！呢間舖嘅環境都幾乾淨又舒服，好適合同朋友食飯宵夜或者坐低飲兩杯傾下計。…查看更多

話說呢日約左朋友係尖沙咀見面，想搵個地方傾下計，所以去左諾士佛台。不過地面幾間酒吧都有啲嘈，想搵間環境舒服啲嘅，無意中就揀左Atmosphere~餐廳燈光主要係紫藍色（本人最愛🤭），環境好乾淨，有少少太空+cyber 嘅混合風格，仲有得掟飛標添！除咗酒類同飲品，原來食物方面選擇都幾多~我地揀左小食酥炸魷魚鬚、雪花牛小排流心蛋野菌飯，波士頓龍蝦薄餅。原本朋友話要飲酒，點知比menu 嘅mocktail 吸引左😂所以轉軚，叫左一杯Venus(Fresh mango, orange juice, cream),一杯Jupiter (Fresh dragon fruit, Yakult, apple juice).兩杯飲品都用左新鮮水果，飲落感覺好清新，而Jupiter 更帶有少少乳酸味，酸酸甜甜幾好飲。食物就更係意想不到嘅驚喜🤩•酥炸魷魚鬚外皮脆口，入面彈牙，仲可以點醬食。•雪花牛小排流心蛋野菌飯牛肉有少少黑胡椒味，帶點焦脆香。而且成碟飯索哂湯汁，非常入味，又唔會調味太過，好好食。•波士頓龍蝦薄餅原本對個pizza冇咩期望，諗住都係普普通通~估唔到係咁好食架，雖然佢係厚批，但外皮依然好脆！咬落每一啖都有芝士，仲有龍蝦肉，就算配埋佢啲醬都唔會覺得太咸，係岩岩好，唔使一陣就比我地清哂碟。（絕對比某啲連鎖薄餅店好食得多多聲！）推薦比大家~以後同朋友食晚飯、飲酒，吹水可以一個地方搞掂哂唔洗轉場啦~…查看更多