Kumi.Ho的个人专页

行行下街經過呢間主打藥膳米線的台灣店，下午時段都幾多人食，心諗都應該不錯我同朋友一人叫咗一碗米線🍜 另叫兩款小食，炸花枝丸同麻辣鴨血，order完食物好快就奉上，大大碗米線，我本人都幾喜歡食湯麵，開頭我覺得實食得哂，結果當然食唔哂，原因係碗麵太甜！點解麵係會甜？ 仲要無乜藥膳味道，失望… 如果係普通米線就乜味都講得通，真係食唔岀任何藥膳的味道！但雞真係要讚好滑好嫩！好食到我朋友打算單叫碟雞，但無得單叫😂 仲有小食花枝丸都好好食，炸到剛剛好，不油膩！真係好似係台灣食過的味道…查看更多

正如標題所言，食咗3樣食物，埋單差不多$800！只係Lunch，雖然係明碼實價係Meun，但食物質素不值呢個價格。見新開張，又有甜品食，平時都多人排隊等，應該唔會太差吧，但結果係食物只係好過food court小小讚一讚，個咖哩飯的牛肉係好食的，好淋身好夠味！而我就叫咗個龍蝦包$2xx，係完全唔值！包無牛油係凍的，肉都係小嘅，用生菜同沙津醬搭夠，因為我之前係日本食嘅龍蝦包真係天同地，點解會好意思開呢個價錢？？Btw呢間真係試過就算了。。…查看更多

星期六的尖沙咀一如以往逼爆人，如果無訂位食Dinner更係不可能的任務今日無食到Lunch，就打算早點食Dinner，但5點幾已經係人頭湧湧，最後情願食貴啲，安坐咗先！呢間我已經食第四次，每次都覺得每樣食物都非常好食，真係可以媲美日本！由其係海膽吞拿魚茸丼更係我每次必叫！仲仲炸蝦天婦羅🍤 真係好味到暈，我自己完全可以KO一碟天婦羅，而完全唔覺得膩今次因為太肚餓，就叫多個招牌三文治🥪 呢個反而無預期中咁好食，但都唔係難食嘅，其他仲叫咗我最愛的赤貝刺身，新鮮到爆，勁好食！最後老公仲叫多個牛肉烏冬，我無食到牛肉，因為真係太飽了！仲有個不得不提的係雪葩！！Meun上面係無顯示的，要同個職員order！$98/個，絕對不會令你失望…查看更多

呢間絕對係色香味俱全的火鍋！而且我帶住小朋友，姨姨上菜時亦格外小心，完全無服務態度唔好的情況講返海鮮先，叫咗個2人set，叫完無耐就好快送海鮮黎，第一ground係鮑魚、蝦、扇貝，每款都非常鮮味，爽口彈牙同埋一定唔係冷藏海鮮黎，因為送到上枱隻隻蝦都勁生猛，係咁跳！之後就上賴尿蝦，但我就冇食到，因為怕賴尿蝦毒所以不嬲都唔會食，就唔comment啦。之後仲有蟹，亦有多肉有膏，認真係啖啖肉！最驚喜係最後個麵，撈埋蒸嘅雞汁超惹味，可惜太太太小，唔夠喉，最後食埋個粥，個個攬住個大肚腩出門口。…查看更多

我自問又唔算非常喜歡食片皮鴨嘅，但今日下午又唔洗等位，直接入得，就試下呢間長龍店啦！當然片皮鴨係必叫，午餐就有比較細份的size可以叫，都算細心！我自己叫咗個龍蝦湯，朋友叫豆腐羹，亦有小朋友最愛的炸物-炸蝦球🍤，最後怕唔夠食叫多個嫩雞煨麵，仲有橙汁。首先個龍蝦湯有啲失望，有陣苦澀味，本人平時食海鮮唔會覺得腥，都覺得個湯真係送的都飲唔落 朋友的豆腐羹就普普通通啦不過不失！炸蝦球有驚喜，好有鮮味，亦非常爽口彈牙，絕對值得一試！ 至於亂雞會面就比我平時食的另一間質素差啲，唔知係咪食飽咗的關係，個麵真係唔需要試都得！我都知道嫩雞煨麵的味道比較淡，但未至於淡到水一樣…查看更多

係好好好難食的台灣野！！今次並唔係第一次食呢間，但但但係好耐之前食過，印象中無咁差架？點知真係好失望，奈何海港城只得度小月一間台灣餐廳:(先講下個肉燥麵先，係完全無任何味道的！真係比佢個樣呃咗，得隻蝦係稍為有點鮮味，碗麵係0分，完全係難食到極點！自己煮都絕對好味過呢碗野！！肉燥飯就好過個麵小小，起碼有啲味道，個肉燥同飯比例都好好，因為開頭2樣份量都係超迷你版，所以我地再加多個炒飯同3款小食。個炒飯食第一啖落口已經feel到勁油，好似食咗成啖油係個口度咁其餘3款小食，都唔想講，係一般過一般，呢間真係貼錢比我都唔會再去食，唔知難食服務又差價錢亦唔算平…查看更多

係人都知海港城消費唔平，但又要唔算太貴食物質素中上，呢間絕對可以試一試！因為成日係海港城行街關係，所以呢間我都算係常客仔平時每次我都係單點食物，今次老公落order，叫咗個2人套餐！岀其地每樣都不錯👍🏻 前菜我地叫咗雞絲粉皮同涼拌木耳，都好開胃主菜係清湯牛肉麵同最愛的蔥油拌麵，牛肉麵味道偏淡，我唔太鐘意，所以推咗比老公食，但老公覺得不錯 我就繼續品嘗我的蔥油拌麵，呢個麵同味道都剛剛好，唔會太咸又唔會得個油字，食完起碼唔會太油膩先。…查看更多

-今日Lunch又去咗海港城覓食了，呢間新開張的時候已經想去試，但又成日就唔啱時候，今日岀開呢頭就決定食呢間，一到門口都幾多人等緊，但麻煩在係用Apps黎攞飛，要填資料，可能太肚餓的關係，但都有等到，大概20分鐘就入得。-見到其他枱多數係叫Set Lunch，相比我地都叫咗幾多食物（最後有全部食哂），叫咗個牛肋骨湯、和牛乜乜飯 (唔記得個名了)、仲加多個炸雞🍗 最正前菜可以任加個芽菜真係超正！加咗好多round，有點不好意思😬 -最先黎係牛肋骨湯，味道剛剛好，比較重胡椒味，食到底會辣辣地，個牛肋骨好淋好入味！一個湯會配一個紫菜飯，一個人食一定會好飽-之後個和牛拌飯一黎到，已經眼前一亮！雖然價錢偏貴，但牛的份量好多，牛的僅僅熟，但一啲都唔生，再倒埋配上的醬汁落飯度，撈埋生雞蛋一齊撈，簡直絕配！呢個係必叫，絕對會比到驚喜你！-最後我地仲加多份原味炸雞，但個人覺得Kxx嗰啲仲好味，試過就算-埋單仲可以用埋海港城coupon，真係超級抵，我的喜愛餐廳又加多一間了…查看更多

-今日一家人起身又想去飲茶🫖 又唔想去屋企附近的，又試下新野！-爸爸預先去攞位先，我哋一黎到，點心就已經到咗，有鳳城水餃同白灼菜心，先講鳳城水餃🥟 真係有驚喜！超級足料，有大量木耳同海蝦，分量多到爆餡咁滯個湯底係平時雲吞麥的湯底，好味到我直頭湯都飲清光。-之後爸爸話想叫啲招牌點心，所以之後再叫多3樣係招牌，個名唔多記得了，招牌包括有腸粉、春卷、流沙包，如果話招牌黎講唔算太岀色，但普通點心黎講係不錯的！-最好食係個奶黃流心包，堅係爆漿！我平時麻麻地包，都覺得好好味！我個仔食完一個又食一個！無得輸！…查看更多

今日得閒就約朋友岀黎行下街shopping！順便食個Lunch，唔知點解突然好想飲珍珠奶茶🧋但疫情關係真係唔想攞住杯飲品係條街度。-講起珍珠奶茶就諗起希慎的春水堂，又有我最愛食的牛肉麵又有炸物同珍珠奶茶-朋友叫左原味牛肉麵，本來我都想叫一樣，但本人非常喜愛食辣，見到有個辣椒牛肉麵，即叫！但結果係原味夾好多，陣辣味有啲就咁勉強加落去咁，好唔夾，下次都係叫返店推薦嗰款🥲-另外，我哋仲叫咗兩款小食，炸菇同炸雞翼！雞翼係我最愛，所以必叫！炸菇係朋友叫的，我無食，不評論，但灑係炸物上的粉，真係超好味，絕配！再配埋珍珠奶茶🧋 滿足！…查看更多

自問自己唔算非常鐘意食Burger🍔 唯獨呢間漢堡店店，我會無限回頭食-今日朋友話想食漢堡包，一定推介呢間莫屬！不但食物高質又座位舒服，價錢亦相宜。-我地2大人1個小朋友，叫咗一個和牛漢堡包set+豬肋骨+迷你漢堡包比我仔食-個和牛漢堡係同朋友share黎食，之前自己食一個真係無可能食得哂，今次食一半剛剛好，建議同朋友食share會仲好，個胃仲可以食到其他野！呢款漢堡價錢係比其他漢堡貴小小，但確實啲牛係比一般的牛再高層次啲，非常juicy-個豬肋骨就普通啦，不過不失，始終呢間主打Burger，所以都無要求咁高了。-最後就黎小朋友的迷你Burger，迷你漢堡超可愛！我仔見到真係勁興奮，配埋脆卜卜的薯條，真的愛不釋手！食到飽飽！-最後埋單仲可以用海港城coupon，最多可以用5張，仲抵tim！…查看更多

今日係我同老公結婚三週年紀念日，老公提早book咗呢間，並安排坐outdoor，我哋book咗6點，可以食到8點，呢段時間食晩飯對我哋黎講真係好早，因為我哋平時比較夜食晚餐，但呢段時間可以邊食邊睇住個太陽落山，由黃昏欣賞到晚霞再到夜景，真係未食都飽哂 我哋坐低影一輪相無耐就上個餐前包，我仔勁愛🥖 不停地食包包，之後個龍蝦湯好愛，不太濃，易入口，仲好貼心幫我哋分咗3份湯🥣 飲完湯隨即上個松露焗龍蝦，開頭我有點抗拒，因為本人對松露真的不太喜歡，老公不停慫恿底下我就姑且嘗試一下，果然喜出望外地好味😋 不太似平時聞到嘅松露味，我仔亦都非常喜愛食之後就嚟過主菜，龍蝦配牛柳，想唔到係絕配！雖然啖啖肉，但味道非常夾，最後個甜品完全中和哂剛剛肉的肥膩感！呢間不論環境抑或是食物質素都非常高，而且而家仲有匯豐信用卡半價優惠，絕對推介你一試！…查看更多

因為屋企人好鐘意飲茶，但又成日早起唔到，起身無耐2點幾好多茶樓都已經落哂場，而王家沙就唔會落場，所以呢間都食過5-6次有多，成日黎到都過哂午餐時間，已經無乜人食，直頭包咗場咁因為帶住小朋友，呢度坐得好舒服又有bb凳食物不過不失啦，唔算好好食但絕對唔難食！比較喜愛小籠包、上海粗炒 都不錯！我每次都會叫個嫩雞煨麵比小朋友食的，但試過就真係麻麻地，雞唔夠嫩，有啲‘鞋’口，湯底亦唔夠味，其餘食物都過得去的，晏咗飲茶的，呢度真係不錯的選擇…查看更多

相信好多人都好掛食‘家鄉’日本🇯🇵 包括我今日同朋友去開銅鑼灣行街shopping，食完Lunch就梗係餵埋我第二個胃啦銅鑼灣岀名甜品舖多，揀到我都十五十六，抹茶控的我，梗係揀返主打抹茶的餐廳，左揀右揀最後揀咗呢間，開頭以為呢個時間無乜人食，誰知擰轉頭一班人等緊位等咗大概20分鐘就入得。因為有啲肚餓，所以叫咗個牛肉烏冬同香港限定的抹茶芭菲，烏冬包一杯茶，烏冬好滑口感不錯，但唔知點解湯底偏甜，btw都湯底都濃厚的再黎就我最愛的抹茶，食到中間加咗士多啤梨🍓 酸酸甜甜幾特別！平時我自己一個食一杯通常食剩小小，今次食得哂成杯，香港限定呢款幾好食，下次都會再黎試埋其他款甜品，Good…查看更多

見好耐無食泰國菜，Lunch就同朋友黎個即興泰國菜由於天氣太熱，一坐低就叫咗杯椰汁冰解下暑先🍹 一飲真係甜到眼到突埋，我自問都鐘意飲甜野等不健康飲料，但呢杯真係飲糖咁，之後全杯無再飲過我自己叫咗一個set lunch牛肉濕炒河粉，包餐湯、飲品加錢。朋友就叫左個蝦膏炒飯、咖哩雞配薄餅、西蘭花炒帶子，最先黎係咖哩雞，呢個係不錯的，啲咖哩汁都夠味夠燙，唔知關唔關肚餓事，之後個蝦膏炒飯完全係垃圾中垃圾！絕對無誇大，唔信的可以叫下，點垃圾法呢，炒飯啲飯係濕的，就要爛飯到痴埋一舊舊咁，又唔夠蝦膏，味道好淡，呢個炒飯真係貼錢比我都唔會再食！全餐最好食係個西蘭花炒帶子，西蘭花夠味道帶子亦都算多，所以成碟都食咗7-8成，食到最後見到有隻昆蟲係隻碟度🪲 即刻想反胃，因為我真係差唔多成碟食哂🤮🤮🤮 但我唔確定係飛落去定廚房衛生問題 就無反映，飲杯水即走，永久blacklist…查看更多