Carol 仔的个人专页

早一個星期吃完築間覺得好開心，就再約了一位邊爐腳再來二“擦”，有時吃放題火鍋，真的要找一個有戰鬥力的朋友仔，才會吃得起勁。第一次來是在星期四，這次來是星期五。可能星期五比較多客，上菜也比星期四來的慢，100分鐘用餐時間感覺不太足夠。這次也選了台式麻辣湯底，主力吃牛和海鮮，又試了牛筋飯，但好像蒜片豬油飯比較美味。本來也想試蟹膏拌飯，但上次和今次也售罄了，所以吃不到。最後吃了黑糖白玉奶酪和焦糖布蕾，本來想試雪糕，但侍應告訴已過時所以不能下單了。下次再來的話，我會選星期一至四平日一個人去，因為1-2人每次只可點6碟，隔7分鐘才可再點餐，而離場前35分鐘就last order，令人吃得有點緊張。如果一個人去，專心食和下單，應該可以吃得輕鬆又盡情一些。…查看更多

約朋友飯局，有朋友想吃火鍋，但其中一位不吃牛肉，我就在openrice搜尋‘‘一人一鍋’’，看了好多間餐廳，找到了這間台灣過江龍築間幸福鍋物，看相片覺得食物好像不錯，而且位置的交通非常方便，就決定一試。湯底有十多款，但最吸引我的就是麻辣火鍋，因為很久無去過台灣，好懷台式麻辣，香港其他一人一鍋餐廳的麻辣火鍋，通常都不太對辦。這次來到築間幸福鍋物，湯底一來到，我就覺得選對了！湯底麻辣程度恰到好處，又不會一味死鹹，加上有我最喜歡的鴨血和豆腐，好吃得很！（可惜太開心忘了影湯底，下次再來會影返）我們選了極奢套餐，這裡牛肉真的非常高質，最好吃的是澳洲黑毛和牛霜降，這個不會吃幾片就有很膩的感覺，令你越吃越開心的。海鮮當中，虎蝦、龍躉班片、蚵仔都好新鮮。不吃牛肉的朋友，有豬肉、雞肉、羊肉可選，品質也好。飲品我飲了鳳梨冰茶和冬瓜檸檬，是台式的味道雖然吃火鍋放題，不應該叫飯來吃，但是看到蒜片豬油飯，覺得好吸引，忍不住又點了一碗，吃了一啖就覺得驚為天人！下次再來，我會試牛筋撈飯甜品焦糖布甸和黑糖白玉奶酪都很好吃，我們吃得非常開心。另外值得一讚是店員的服務，由訂位到用餐，店員都好有禮貌。尤其是一位短髮高高的店員，她非常友善熱心，又向我們介紹餐廳的甜品，她推介我們吃黑糖白玉，的確沒有介紹錯。這晚的飯局我和朋友都感到好滿足，真的令人會感到幸福吃完後念念不忘，心裡已盤算著要約不同的朋友再來開懷大吃暢飲一番，以支持這間台灣過江龍餐廳。強調返：無受過餐廳任何優惠和款待，只因食完呢餐覺得開心，好想分享一下:)。…查看更多

以前食過深水埗漢發，記得佢嘅豬潤麵同西多士係好食，但礙於佢太早收工，假期又成日排長龍，所以好耐無去。最近知道佢喺旺角開咗分店，而且收得夜啲，就收工去試一試啦。叫咗一碗豬潤牛肉河，豬潤同總店一樣，好厚身又爽脆，牛肉就反而普通。漢發醬料好認真，有余均益、日清麻油，泰國胡椒粉去到西多士，漢發係用梳乎厘做法，但一上枱我發現舊牛油係盒裝anchor牛油，明明總店係用鮮牛油㗎，需知道牛油對一件西多嘅重要性呀！呢舊細細的盒裝牛油放落個西多士，完全係失哂色！雖然個西多都鬆軟，但無咗舊鮮牛油真係有啲失望，希望日後餐廳可以考慮用返鮮牛油。不過旺角店係坐得舒服，侍應服務都係好嘅。但係為咗個西多，下次會去返總店食。…查看更多

好耐無寫食評，食完呢餐實在受氣，忍唔住要評論一下。之前睇社交平台有人話話呢間大閘蟹好食，諗住嚟試下。第一次幫襯佢每位600蚊嘅4-5両重90分鐘大閘蟹放題，落蟹單只可向四眼男侍應落，但原來只可叫2次，第一次規定每人5隻，第2次男侍應過嚟問，但又唔講清楚落埋今次唔可以再落。到我第二碟蟹上枱時我地想再加，點知個四眼男侍應話：無得加！個男侍應好無禮貌，對客好晦氣，又成日喺後面鬧另一侍應阿姐，不斷放負。蟹的質素也有問題，食完呢餐蟹，我同朋友都肚痾。呢間嘢，不會有下次！…查看更多

有次搭巴士經過，見到呢間東坡豬骨粥，我好喜歡食豬骨粥，睇過openrice好似都有人推介，就搵日特登嚟試。平日中午嚟到，唔算多人，叫咗一碗豬骨粥，一個古法蒸蘿蔔糕。先講豬骨粥，啲粥同豬骨好似分開煲咁，好似把豬骨放入白粥咁，談不上美味。豬骨粥嚟講，尖沙咀巷仔那間，或者灣仔強記美食好食好多。個蘿蔔糕就真係好失敗，啲粉漿好似未蒸熟咁，太濕，食落口時感覺唔良好，味道也好一般。食完之後，完全覺得係浪費咗人生一餐嘅quota，已從收藏list中剔走。…查看更多

呢間餐廳我之前幫襯過好多次，多數堂食，覺得佢食物唔錯，以前唔係太多客。最近疫情緣故，所以多咗人外賣，呢日夜晚我去買一個外賣，見到外面有條人龍，原來餐廳話要每出咗一個外賣，先可以收另外一個人錢，然後先俾張單你。於是企咗半個幾鐘，先可以比錢攞到張單。最嬲就係排咗一輪，有著黑衫店員講，話出餐係優先比堂食。等咗足足50分鐘，外賣終於攞到，但店員問個老火湯啱啱無哂，如果要就等多20分鐘，問我等唔等?仲等?不了，呢間舖頭，無下次! 真係買咁多間餐廳外賣，未試過咁嘅安排，要罰企咁等佢收錢入單，仲要堂食優先。…查看更多

銀聯雲閃付最近有個推廣話買$30減$20，裝完個app諗住俾錢，點知收銀掃咗兩次都唔得，個收銀就好不耐煩話：人人都得，係你唔得，比錢啦你！仲問我之前用過未，我話第一次用，佢就話我未裝好嘢叫我唔好用，我話裝咗個app綁定埋咭仲要裝乜嘢？ 後來有第二個人俾錢，佢又態度好差問：你得未呀？希望呢間餐廳管理層留意下員工培訓，完全無禮貌，對新嘅付款程式一無所知就亂咁答！其實嘢食唔算差，但職員態度咁樣就真係扣哂分，有時成間餐廳大把位嘅時候，都總係要迫人搭枱，唔知點解！…查看更多

星期四晚，用 openrice 訂枱，去到同店員講用 app 訂枱，佢第一句就話：我地無睇㗎喎，我地而家得返哥張枱，你地坐住先。我心諗咁你唔好用個訂位 function 啦。然後男店員落單，佢記性好差又唔寫低我地叫乜，轉頭返嚟又要問多兩次羅宋湯同牛尾湯都好飲，牛舌沙律都係好食。黑椒牛柳絲炒意粉啲牛柳一般，意粉如果硬身少少更好。基輔炸雞卷有特色，味道都好，亦唔會太飽滯。埋單前提過店員會唔會 喺openrice confirm 我出席咗預約，佢答話佢地得閒先會一次過整。結果隔左幾日先 confirm 。…查看更多

有次食完飯經過九龍城，見到呢間鋪頭幾多人，就諗住下次試下佢。於是搵埋朋友嚟試，呢度啲丼飯唔算平，我揀咗個話係每日限量嘅蟹膏丼，裡面有火炙海膽同三文魚籽，啲海膽完全唔鮮甜，蟹糕都好一般。朋友話佢個丼啲魚生都係一般，唔算好新鮮。價錢亦唔平，兩碗丼埋單要4百幾，但係呢間鋪頭好小家，我見佢唔會主動俾杯茶顧客，啲人要叫佢攞先肯俾，而且杯茶都係無味嘅茶。服務態度都好麻麻，食完呢餐飯，一出門口我地就話以後唔洗再嚟。…查看更多

bookmark 咗呢間青花,見咁多人讚好，以為好嘢就嚟試下，點知食完先知浪費時間同金錢。第一次嚟諗住試佢餐牌的推介菜式：先嚟生蝦刺身，點知啲蝦又唔鮮甜蝦肉又唔爽，失敗。再嚟青青青沙律，青木瓜加豬頸肉沙律，又無辣味又無酸味，個樣係擺得靚，但食落淡而無味。泰式拼盤，蔗蝦蝦膠林的，唔彈牙。其餘的都好一般。問侍應白色碟醬係乜嘢，點邊樣嘢？佢驚惶地答話佢都唔知泰式炒邊粉，啲蝦白雪雪個樣好得人驚，又係無味。成間餐廳得飲品比較正常，仲有個環境，價錢偏貴，食泰國嘢，都係返九龍城正好多。總結，又貴又唔好食仲要等左成個鐘，呢間以後唔會再嚟，to eat list想去餐廳又 delete 一間。…查看更多

好多次想嚟食嚟到點知無開，今日諗住見到佢有開先去幫襯，好啦，見見到佢開先泊車，泊完六點行到去，點知閘已拉…明明話收8點，好飄忽…呢間鋪頭應該係好有性格，又唔憂做，又無電話俾人查詢下究竟佢今日開唔開，幾點收工……查看更多

見到呢間餐廳經常被傳媒吹捧，又好難訂位，於是2個月前訂位，之前8月初看openrice都有800，1000，1200元的價位的餐供選擇，但我8月中再打去時，侍應完全無提現在晚上改了只有2種餐可選，去到侍應才說晚上只有每人$1200和$1500餐。吃完之後，材料雖然是很新鮮，但都完全不值這個價錢，首先是店子裝修普通，第二是當晚坐吧枱的食客，不知是否老闆的熟客還是朋友，講嘢大大聲而且非常嘈吵，完全當自己屋企一樣，談話內容粗鄙，完全影響進食的心情。我訂的時段是8點半那輪，6點半和8點半那輪坐吧枱的客人都是非常嘈吵。這樣。每人$1500的價錢，還要再加一服務費（又唔覺有乜服務），埋單攞你命3千3，食呢個menu的食物再加進食環境，真係好唔值，如果知佢得兩個餐揀，一定唔會嚟。而且我覺得店員有責任提訂位者新安排，我看見坐隔離的食客也覺得中伏了。…查看更多

從網上看到這間陳勝記陳皮鴨和海鮮很出名，又上了米芝蓮美食，這次過澳門又住在路環，所以便訂了枱一試，點知大失所望。先講海鮮，花甲一斤160元，豉椒炒，鑊氣欠奉，不夠惹味，失敗。而且份量也偏，圖為上枱時拍的相片，話係有一斤，請食家自己衡量。另外叫了一隻椒鹽瀨尿蝦，店員又話好大隻又盛夠兩個人食……後來我見到張單，三百幾接近四百蚊，得9両……肉質亦很削，超不爽。至於話係馳名的陳皮鴨，除了鴨比和翼比較好吃，其餘的肉都很鞋，獻汁太濃，陳皮味也不算香。加埋個炒菜和兩支蔗汁，成餐飯8百幾蚊接近9百。完全唔值，以後唔洗再嚟。 …查看更多

由於本人在荃灣區返工，所以經常會在Openrice 找一找荃灣最新餐廳。試新嘢可算是我的興趣之一，大約半年前當我看到Nova這個名字的時候，看到食評的照片，覺得環境好像很舒適的，便找同事在LUNCH時會一會佢。第一次去過後，便深深愛上這間CAFE，原因是︰食物質素是酒店級的質素，但是價錢只是一般CAFE的收費，用料也講究。環境也是舒適的，聽著JAZZ音樂，又可以拿雜誌看看，總是令人想再坐幾會的。而且LUNCH竟然有花茶可以選擇，而且不是得個樣又無味那種，讚！往後的幾個月，我帶過不同的人去這間餐廳(包括同事、朋友、阿頭、家人)，每次去完的人都會大讚，覺得無介紹錯。 這裡的All Day breakfast $78 有煙三文魚和德國腸，忌廉薯千層和牛角包，還有很好味的磨菇，製作很認真，即叫即做，加$15還有即磨咖啡，我叫了latte，而朋友則叫了朱古力，兩杯都有拉花，飲得很開心呀。有一天晚上，收工後趕到Nova，他們是9點接LAST ORDER的，這次我試了他們的PIZZA和自家製意粉，PIZZA選了雅枝竹風乾火腿，意粉則選了牛面頰肉意粉。PIZZA我覺得是荃灣區最好吃的，價錢不算貴，才不過$98，而牛面頰肉亦煮得很稔和入味，自家制意粉有蛋味，很好味。這次飲了「一見鍾情」的花茶，有香片的味道。後來看過新假期有介紹這間餐廳，原來這裡的大廚以前是在金鐘的酒店工作的。怪不得食物的質素和外觀都十分講究，另外，這裡的甜品是非常好吃，尤其是TIRAMISU，吃過你會心思思想再去吃的。今年的母親節，我又和家人來吃飯，試了Nova拼盤，熱熱的法包已經很正，配上自家製的桂花果醬很開胃。還有那個南瓜海鮮意大利飯，那個汁很重海鮮味，非常好吃。因我媽是吃素的，餐廳白衫那位小姐很細心，將黑松露野菌意大利飯的SET DINNER全部轉了做素食，真是非常感謝Nova，那晚大家都吃得痛快! 早前去過台東旅遊，深深愛上慢活的飲食文化，來到這裡，如果是很趕時間的話，請到下面地的保齡球餐廳好了。Nova的主食全部是即叫即做的，所以點餐後，可以看看雜誌，聽聽音樂，不要催催貢，因為人家是用心做食物出來，你吃過便感受到他們的誠意。我會繼續帶不同的朋友來這裡，因為我很希望支持這間小店，令多些人知道這個地方有間「好嘢」~ …查看更多

中秋過後想同幾位好朋友吃飯聚舊，在OPENRICE見到這間新酒店，見到都幾多好評，又有七折優惠券，立刻訂了枱，會一會佢^^BUFFET 開始時間為6:30，一坐低覺得地方好舒適，樓底好高。坐窗邊位更可以望到禮頓道街景，見到電車來來往往，好不寫意。自助餐的主題為︰我愛三文魚，這晚有澳洲、蘇格蘭和愛爾蘭三款，澳洲的脂肪成份較低，而愛爾蘭的肉質較實，色澤呈粉妅。我地都非常欣賞，覺得夠新鮮又好味。佢地Ｄ阿拉斯加蟹腳好大隻，又鮮甜，又唔洗同人搶，好過九龍酒店的。此外，燒牛肉都好吃，仲有即煮的白酒藍青口和蜆都很鮮味。但講到最正之處，就係甜品，雲石芝士蛋糕和朱古力蛋糕都好鬼正，仲有十款雪糕任你揀，仲係靚雪糕，咖啡、青檸雪芭、朱古力、榛子、芒果熱情果雪芭都好好味～酒店好有心，仲搞左個遊戲，抽左現場一Ｄ食客參加，參加者要估碟裡面三舊三文魚的產地，都幾好玩架，我同Ｄ朋友扮哂食家，從外觀，顏色同脂肪紋去估，仲食一啖試下Ｄ三文魚的味道。呢個遊戲氣氛幾好，令人玩得好開心。總括嚟講，呢間酒店的食品雖然不多，但勝在好多樣東西都好精，而且refill都算密，朱古力雪糕喺九點幾仲refill呀，算係咁啦！　食品質素好過六國好多，環境舒適，值得一去！以銅鑼灣地段，＄268，抵食～～…查看更多