漁吉海鮮丼專門店 (已搬遷)

有次食完飯經過九龍城，見到呢間鋪頭幾多人，就諗住下次試下佢。
於是搵埋朋友嚟試，呢度啲丼飯唔算平，我揀咗個話係每日限量嘅蟹膏丼，裡面有火炙海膽同三文魚籽，啲海膽完全唔鮮甜，蟹糕都好一般。朋友話佢個丼啲魚生都係一般，唔算好新鮮。
價錢亦唔平，兩碗丼埋單要4百幾，但係呢間鋪頭好小家，我見佢唔會主動俾杯茶顧客，啲人要叫佢攞先肯俾，而且杯茶都係無味嘅茶。
服務態度都好麻麻，食完呢餐飯，一出門口我地就話以後唔洗再嚟。