gowithkaki的个人专页

位於深水埗基隆街嘅BOLD Coffee，佢哋出品嘅夢王·卡邦尼真係令人驚艷！🤤🤤🤤就算唔講食物，本身間餐廳嘅布藝裝潢已經好有心思，用埋布版色卡印Menu，成件事好一體化。店名Bold仲玩埋食字（我就係要呢啲！🤣），點出「布」呢個主題，令餐廳同以布業為根基嘅深水埗區有更深連結。🍳夢王·卡邦尼　$128真係好好食！隻日本夢王蛋應記一功！呢隻蛋曾經獲得日本人年度公投刺身蛋拌飯第一名，可想而知有幾咁勁！佢嘅蛋味極香濃，而且卡邦尼整體調味恰到好處，唔會太鹹亦唔太膩。除咗例牌嘅煙肉碎，仲有埋煙腩肉，口感更豐富！意粉亦處理得好好，軟硬度適中。夾硬要挑剔的話係份量略嫌少咗啲，大份少少會更滿足🥹🍝黑松露虎蝦蘆筍扁意粉　$158有兩大隻虎蝦，黑松露味唔算濃，反而黑胡椒味更出，整體偏重口味，幾惹味開胃！最欣賞係意粉之中混咗啲醃過嘅酸洋蔥絲，可以平衡到個味道，清新唔膩！☕️Flat White　$45我好膚淺，一飲只分到佢係我會鍾意嘅咖啡，即係好飲😌男朋友話果味重，大讚個blend做得好！🍵Matcha Latte (Hot)　$48由於怕會太甜，所以冇叫marshmallow嗰個，但後來有啲後悔，因為睇其他人嘅相個拉花好似會更特別😂不過就咁matcha latte都好飲！雖然抹茶味唔算好濃，奶味更出，但好creamy順口！🍮昭和布丁　$48佢唔係一郁就動L嗰種，而係口感濃郁嘅紮實派！好香蛋味！好好食！總結！呢間餐廳成功俘虜我了！好坐，好食，好飲，歌好聽！是一定會回頭的！🫶🏻⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆…查看更多

依家好似少咗人去大南街了？而我因為曬菲林相所以間唔中會去，不過食嚟食去都係嗰幾間🤣今次終於去咗Café Sausalito試新嘢！呢間Cafe開咗近10年，依家嘅裝修係經過翻新，有少少工業風，再搭配水松木同瓷磚裝飾嘅桌椅。牆上仲有唔少裝修留下嘅印記，例如師傅手畫嘅圖則之類，係有趣嘅小痕跡。落單之後店員會畀塊有號碼嘅瓷磚你，然後就可以返埋位安坐等送餐了。特別提到呢點係因為覺得塊瓷磚同裝修風格幾一體化，係有心思嘅小細節🫶🏻🍰Homemade Tiramisu $60佢唔係傳統間隔住手指餅嗰種Tiramisu，呢個餅底同中間隔住嘅係海綿蛋糕，可惜唔係幾夠濕潤，亦冇乜咖啡同冧酒味。Cream偏向綿而且輕身，整體偏甜。🍸Very dirty $88又畀限定供應吸引咗🤪呢杯coffee cocktail嘅酒味唔算好出，咖啡味亦比較淡，易入口，幾啱本身唔係特別鍾意飲咖啡嘅人～雖然佢應該冇預大家攪勻嚟飲（冇附上匙/棍），但我覺得攪勻之後smooth好多！可惜對我嚟講實在太甜🙈有啲似之前喺DONKI買過嘅朱古力咖啡甜酒，而嗰支酒係放棄咗飲唔晒的😂☕️Nostalgia (Salted lemon coffee) $55有飲過檸啡，但鹹檸咖啡真係第一次試！咖啡嘅味道似乎被鹹檸同梳打蓋過晒，比較似飲緊鹹檸七🤣係奇異又有趣嘅味道！總結！飲品賣相幾精緻～只係唔太啱我口味🙈不過今次只試咗特飲同甜品，見都有唔少人去食正餐，如果有推介不妨留言話我知🫶🏻⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆想睇更多分享歡迎移步IG👉🏻gowithkaki…查看更多

韓式飯卷Gimbap/ Kimbap本來係我心目中唔會踩雷嘅無腦選擇，但係位於K11 Musea嘅Soul Jook狠狠地打了我臉🥲完全顛覆咗我對飯卷嘅印象，食咗兩件就堅持唔到落去了🤢當日係叫咗芝士雞肉飯卷($65)，諗住呢個組合實冇死啦！點知唔係個餡出事（其實我冇乜試到味，但雞肉頗嚡🙊），係飯卷最重要嘅飯出咗事！啲飯乾到男朋友形容為食咗個沙漠入口咁😀具體嚟講，佢係雪過嘅冷飯咁，而且一咬就會散晒，啲飯係會自動變到你炒飯想要嘅粒粒分明咁⋯⋯我都唔想用到難食咁嚴重嘅指控，但連我咁唔想浪費食物嘅人都擺唔入口，就真係好難食🤧🤧🤧我都開始懷疑到底係我唔好彩食到倉底貨，定佢平時質素就係咁，總之我就唔會再試了🫠⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆…查看更多

說來慚愧，咁大個女先第一次去志蓮淨苑，但去完就明白點解會係旅遊景點。除咗到佛寺參拜之外，仲可以參觀大型嘅仿唐建築群打卡影相，更加有齋菜食😛不過由於見到志蓮素齋門口貼出請勿拍攝嘅告示，所以入餐廳就冇再影相，只有文字記述～容許我今個Post圖文不符🙈▫️五福拼盤　小$160有紅菜頭沙律、醬燒菌、紫甘藍醋粉皮、風味碧玉同香麻海苔麵根，調味大多係酸微微好開胃，全部都幾好食！最有驚喜係風味碧玉，原來係青瓜苗，第一次食覺得個口感幾得意😳有啲似變咗絲瓜（？！）未食過都值得試吓！▫️酥炸海苔卷拼香草芝士卷　$120雙拼每款各有4件，海苔卷似炸過嘅脆皮腐皮卷，芝士卷口感比較油膩，味道亦淡，冇乜芝士味🫠▫️地衣牛肝菌白玉炒飯　例$148估唔到素炒飯都可以咁香！啲飯粒粒分明，雖然唔算太乾身，但混合松子、菇菌同瓜粒口感豐富，份量亦夠兩個人食😎總結！餐廳環境靜雅，望住出面嘅水車磨坊好似置身水廉洞咁。雖然價錢略貴，但係係洗滌心靈之選，值得嚟參觀時順道一試！⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆喜歡以上内容歡迎到IG👉🏻gowithkaki睇更多分享🫶🏻🫶🏻🫶🏻…查看更多

一直覺得ikea餐廳性價比幾高，今次再去順便記錄低食咗啲咩畀大家參考吓😆酥皮龍蝦濃湯 $36酥皮好薄脆，湯入面有薯仔同洋蔥仲有小龍蝦，欣賞佢唔會太鹹！但飲到後面都幾滯🫢蘑菇忌廉湯 $16性價比之王！香濃足料！愛飲蘑菇湯真係必點！🤎蜜糖火腿蘆筍意粉配蒜香忌廉汁 $49呢個係7月精選，得九龍灣、沙田同荃灣有。食落有驚喜！個醬creamy得嚟帶啲香草味，雖然蘆筍過腍，但唔會老。火腿就唔係好食得出有蜜糖😀瑞典雞肉丸 $8/5粒經典之選唔使介紹啦😌蔬菜薯餅 $9西蘭花味騎劫晒成個薯餅，唔鍾意食西蘭花嘅慎點🙃榖飼西冷牛扒 $79呢個唔記得抄低全名，睇官網menu嗰款係伴黑松露薯蓉，但當日呢個係伴薯條，所以應該唔同🤣不過anyways, 青醬幾好食，扒煎得唔錯，穩定發揮，性價比高！香草醃三文魚沙律 $36本身配埋嗰個醬太甜，建議大家拎包凱撒沙律醬嚟撈沙律🤪凍蝦盤 $30每次去ikea必點！補充滿滿的蛋白質😆大家去ikea又鍾意食咩呢？👀⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆想睇更多分享😳😳…查看更多

串燒就食得多，串揚（Kushikatsu）真係第一次聽，佢嘅發源地係日本大阪，kushi指串燒，katsu指吉列，加埋一齊即係吉列串燒！Jan Jan 串揚專門店就係嚟自大阪，係當地人氣串揚連鎖專門店，而香港係佢哋衝出日本嘅首個地方。Jan Jan嘅格局係日式居酒屋，不過今次我哋係Lunch Time去食，價錢會比晚市平，但有啲菜就要晚市先有，所以係魚與熊掌🤪▪️7串套餐　$198套餐會包本日前菜一客、串物（4/7/10串）、主菜一客同飲品一杯，有部分串物同主菜要額外加錢，我哋每人7串嚟講，我就飽嘅，不過男朋友就覺得唔飽哈哈哈哈哈哈😂另外枱上面都放咗唔同嘅醬，最吸引我係秘製辣醬，食落有啲啤酒味，我覺得只係少少辣，但男朋友就認為幾辣。店員上菜嗰陣亦會逐串介紹同講解埋可以點咩醬，好貼心！前菜：分別有沙律同生椰菜，椰菜係一片片上咁蘸串揚汁食，聽講大阪人會用椰菜當掃咁掃啲醬上炸物，然後仲會同串物一齊食，中和油膩感，不過成片對我嚟講有啲難咬🤪串燒：💯雞胸軟骨原來呢個係我平時專食嘅三角骨，一次食到咁多條真係好爽！！！因為平時包住舊骨嘅肉都有啲嚡，可以直接食骨係天堂！！！！！！！萬分推介平時鍾意食三角骨嘅人食！🫶🏻✅赤雞頸肉幾爽口、香嫩！串揚：🉑豬豬肉肥瘦混合，初初食覺得有少少嚡，食到肥嘅部分就冇問題了⛔️雞肉紫蘇卷雞肉頗嚡，男朋友就認為炸完之後冇乜紫蘇葉味，所以有啲失望✅三文魚好嫩！平時煎熟少少我已經唔鍾意，但呢個真係恰到好處！✅洋蔥最神奇嘅地方係佢只係半生熟，但食落係甜！而且爽口得嚟唔會有洋蔥嗰種辣！✅薯仔好軟熟！（會有不好吃的薯仔嗎？！）✅香菇（+$5）外脆內juicy！鮮香味美！🉑牛（+$5）男朋友話牛肉普通，冇特別💯蝦（+$5）我本身好鍾意食蝦，但都幾揀擇，因為如果蝦唔新鮮我係會敏感的。呢個串揚蝦好好食！！佢係成隻大蝦炸，蝦肉新鮮好實淨，必試！！！！💯黑松露芝士（+$10）雖然要加10蚊有啲肉赤，但口腹得到滿足！好香黑松露味，個芝士波混咗薯蓉，香軟得嚟帶少少煙韌嘅口感！錢和美食之間，我下次還是會選擇美食！🥹主菜：✅燒飯糰（醬油）我第一次食燒飯團，佢燒得幾脆同埋有少少飯焦，好香！💯冷蕎麥麵（+5）呢樣又係我其中一樣無腦必選美食，有wasabi直頭完美！而且似係用新鮮wasabi磨，唔太攻鼻，同樣好食！！甜品：💯炸富士蘋果（+15）第一次食呢種形態嘅蘋果，不過食落個口感有啲熟悉，好似食緊蘋果批咁！但就冇咗啲醬，純脆皮包住超甜嘅蘋果！好食！連我平時唔鍾意食蘋果都覺得可以！飲品：✅可爾必思梳打水✅熱柚子茶總結！串揚出色，炸皮好精準，唔會過厚，亦都冇咩油膩感！是會回頭的店！下次想試嗰個半熟蛋😛⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆…查看更多

位於深水埗嘅「順流精品咖啡」大門裝咗依家買少見少嘅通花鐵閘，喺陽光下閃閃發亮，復古味濃✨兩層高嘅店面採用工業風裝修，無論室內室外都有唔錯嘅打卡位！店內嘅咖啡同食物質素都好高，絕對係去開大南街都值得去買杯咖啡試吓🫶🏻🍷Honduras Sherry Whiskey Barrel Fermentation　$80呢杯手沖咖啡係男朋友之前試完知我一定鍾意，所以再帶我去飲，結果真係深得我心😛佢聞落同咖啡完全沾唔上邊，反而有Whiskey嘅香氣，原來因為個咖啡豆係放喺「雪莉酒桶」（一種裝威士忌嘅橡木桶）發酵處理，所以有濃郁酒香🤤飲落亦有少少飲緊酒嘅感覺，但冇酒精，亦更順喉易入口。建議大家趁熱飲，因為涼咗就冇咗甜感會偏酸，但有另一番感覺😌不過我懷疑佢嘅咖啡因似乎偏高，因為對咖啡耐受性低嘅我，飲完兩杯仔開始飄同手震😂但成功登上我最喜愛咖啡第二位❤️（第一位仍然係Geisha）！另外要留意，店內嘅手沖咖啡會定期轉新產地同莊園，祝大家去嘅時候都幸運地試到呢杯咁有趣嘅手沖咖啡🥹🥹🥹🥣三溝　$55呢個咁港式嘅飲品名係受生菜、魚肉、碗仔翅組成嘅「三溝」啟發，呢度嘅「三溝」係混合咖啡☕️鮮奶🥛抹茶🍵啡、白、綠嘅漸層賣相已經非常適合打卡，記得影夠先好攪拌🤣未溝勻之前飲係Latte嘅感覺，溝完個口感好豐富，初初覺得奶味最重，慢慢又畀抹茶味搶番啲（可能我攪唔勻😂），味道十分微妙😆😆😆🍰Baileys Cheesecake　$48雖然雲呢拿比Baileys味道更濃，但口感Creamy，亦夠濕潤，唔會太甜太膩！推介配重酒香嗰個手沖咖啡，令Cheesecake酒味更出，簡直係味道昇華🤤🤤🤤總結！希望我下次去仲有嗰個偽Whiskey咖啡🥹🥹🥹…查看更多