影片
更多
2023-07-18
93 浏览
串烧就食得多，串扬（Kushikatsu）真系第一次听，佢嘅发源地系日本大阪，kushi指串烧，katsu指吉列，加埋一齐即系吉列串烧！Jan Jan 串扬专门店就系嚟自大阪，系当地人气串扬连锁专门店，而香港系佢哋冲出日本嘅首个地方。Jan Jan嘅格局系日式居酒屋，不过今次我哋系Lunch Time去食，价钱会比晚市平，但有啲菜就要晚市先有，所以系鱼与熊掌🤪▪️7串套餐 $198套餐会包本日前菜一客、串物（4/7/10串）、主菜一客同饮品一杯，有部分串物同主菜要额外加钱，我哋每人7串嚟讲，我就饱嘅，不过男朋友就觉得唔饱哈哈哈哈哈哈😂另外枱上面都放咗唔同嘅酱，最吸引我系秘制辣酱，食落有啲啤酒味，我觉得只系少少辣，但男朋友就认为几辣。店员上菜𠮶阵亦会逐串介绍同讲解埋可以点咩酱，好贴心！前菜：分别有沙律同生椰菜，椰菜系一片片上咁蘸串扬汁食，听讲大阪人会用椰菜当扫咁扫啲酱上炸物，然后仲会同串物一齐食，中和油腻感，不过成片对我嚟讲有啲难咬🤪串烧：💯鸡胸软骨原来呢个系我平时专食嘅三角骨，一次食到咁多条真系好爽！！！因为平时包住旧骨嘅肉都有啲嚡，可以直接食骨系天堂！！！！！！！万分推介平时钟意食三角
Jan Jan 串扬专门店就系嚟自大阪，系当地人气串扬连锁专门店，而香港系佢哋冲出日本嘅首个地方。Jan Jan嘅格局系日式居酒屋，不过今次我哋系Lunch Time去食，价钱会比晚市平，但有啲菜就要晚市先有，所以系鱼与熊掌🤪
▪️7串套餐 $198
套餐会包本日前菜一客、串物（4/7/10串）、主菜一客同饮品一杯，有部分串物同主菜要额外加钱，我哋每人7串嚟讲，我就饱嘅，不过男朋友就觉得唔饱哈哈哈哈哈哈😂
另外枱上面都放咗唔同嘅酱，最吸引我系秘制辣酱，食落有啲啤酒味，我觉得只系少少辣，但男朋友就认为几辣。店员上菜𠮶阵亦会逐串介绍同讲解埋可以点咩酱，好贴心！
前菜：
分别有沙律同生椰菜，椰菜系一片片上咁蘸串扬汁食，听讲大阪人会用椰菜当扫咁扫啲酱上炸物，然后仲会同串物一齐食，中和油腻感，不过成片对我嚟讲有啲难咬🤪
8 浏览
0 赞好
0 留言
串烧：
💯鸡胸软骨
原来呢个系我平时专食嘅三角骨，一次食到咁多条真系好爽！！！因为平时包住旧骨嘅肉都有啲嚡，可以直接食骨系天堂！！！！！！！万分推介平时钟意食三角骨嘅人食！🫶🏻
✅赤鸡颈肉
几爽口、香嫩！
16 浏览
0 赞好
0 留言
串扬：
🉑猪
猪肉肥瘦混合，初初食觉得有少少嚡，食到肥嘅部分就冇问题了
⛔️鸡肉紫苏卷
鸡肉颇嚡，男朋友就认为炸完之后冇乜紫苏叶味，所以有啲失望
✅三文鱼
好嫩！平时煎熟少少我已经唔钟意，但呢个真系恰到好处！
✅洋葱
最神奇嘅地方系佢只系半生熟，但食落系甜！而且爽口得嚟唔会有洋葱𠮶种辣！
23 浏览
0 赞好
0 留言
✅薯仔
好软熟！（会有不好吃的薯仔吗？！）
✅香菇（+$5）
外脆内juicy！鲜香味美！
🉑牛（+$5）
男朋友话牛肉普通，冇特别
💯虾（+$5）
我本身好钟意食虾，但都几拣择，因为如果虾唔新鲜我系会敏感的。呢个串扬虾好好食！！佢系成只大虾炸，虾肉新鲜好实净，必试！！！！
7 浏览
0 赞好
0 留言
💯黑松露芝士（+$10）
虽然要加10蚊有啲肉赤，但口腹得到满足！好香黑松露味，个芝士波混咗薯蓉，香软得嚟带少少烟韧嘅口感！钱和美食之间，我下次还是会选择美食！🥹
主菜：
✅烧饭团（酱油）
我第一次食烧饭团，佢烧得几脆同埋有少少饭焦，好香！
4 浏览
0 赞好
0 留言
💯冷荞麦面（+5）
呢样又系我其中一样无脑必选美食，有wasabi直头完美！而且似系用新鲜wasabi磨，唔太攻鼻，同样好食！！
20 浏览
0 赞好
0 留言
甜品：
💯炸富士苹果（+15）
第一次食呢种形态嘅苹果，不过食落个口感有啲熟悉，好似食紧苹果批咁！但就冇咗啲酱，纯脆皮包住超甜嘅苹果！好食！连我平时唔钟意食苹果都觉得可以！
饮品：
✅可尔必思梳打水
✅热柚子茶
总结！串扬出色，炸皮好精准，唔会过厚，亦都冇咩油腻感！是会回头的店！下次想试𠮶个半熟蛋😛
⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆
张贴
