hk.life.battery的个人专页

喺充滿車房嘅享和街，純白嘅 Cafe 顯得非常搶眼 ✨ 雖然座位唔算多，但有半開放式嘅靠窗座位可以望住出面坐都幾舒服，而且店員全部都好好禮貌，整體服務 very nice 🥰————————————珍寶帶子明太子忌廉意粉($93)大大粒帶子再加埋大量明太子，成個意粉超 Creamy 😍 每條意粉都沾滿 sauce同明太子，唔怕會唔夠撈勻成碗嚟食 😋————————————全素經典千層麵($108)表面灑滿芝士粉，再焗到表面焦脆，千層面夾雜大量肉醬同蔬菜，食落層面分明，仲有多重口感 🤤 蕃茄醬酸度適中，非常開胃！重點唔講真係唔知原來係食緊素肉 😯…查看更多

日替定食套餐 ($190)定食本身包咗前菜沙律同白飯，主食方面小編就揀咗大蔥杏鮑菇和牛粒 + 燒芝士年糕 😋先講和牛粒，調味恰到好處，和牛食落都淋身，不過油脂唔算多，相對冇咁香 🙈 相反芝士年糕反而有喜出望外嘅感覺，用燒嘅方法做到表面焦脆，入面煙韌，份量仲好足！————————————日常貝果套餐($80)貝果同果醬口味會 keep 住轉，今次就試咗培茶 + 開心果貝果配蜂蜜同 cream cheese 😛上枱係啱啱好烘熱，口感好煙韌，個人比較鍾意開心果味，一嚟味道較濃，而且真係會食到開心果碎，培茶味就相對比較淡，唔太食到茶香 🍵————————————整體價格算偏貴，不過 cafe 採用和風設計，坐落好舒服，而且杯碟都係手工陶藝製，佈置好用心！同埋記得去之前要喺網上 book 位先，如果唔係 walk in 都幾難有位…查看更多

元祖魚介熊拉麵($89)餐廳提供咗唔同嘅湯底，好欣賞佢叉燒可以揀梅頭瘦叉燒或者火炙肥叉燒，啱晒未必鍾意食肥膏嘅人 😋落完單等咗 5 分鐘到就已經有得食，湯底味道夠濃郁又唔會太咸，叉燒煮得好淋身，有入口即溶嘅感覺，溏心蛋就不過不失 👐🏻 整體嚟講配料同麵嘅份量都俾得好足，CP 值 💯————————————強烈推薦要加佢枱面附送嘅辣芽菜！辣度恰到好處，而且 keep 到爽口，加入拉麵一齊食仲可以增加口感 🤤本身仲想試埋店舖招牌餃子，可惜晏晝嘅時間去已經冇晒.. 希望下次再去可以試到啦～…查看更多

炸軟殼蟹蕃茄意大利粉($88)蕃茄醬應該係舖頭自家製，唔似坊間食到茄膏嘅味道，好新鮮好 Juicy 🍅 軟殼蟹都炸得啱啱好，保留到外脆內軟嘅口感 🤤————————————青咖喱雞肉意大利飯($85)第一次見用青咖喱煮成嘅意大利飯，冇諗過個味道會咁夾 😱 不過比起一般青咖哩食落更加辣，雖然份量比較少，但因為夠 Creamy 所以食落都夠飽 😋————————————泰式奶茶由舖頭自家調製，迎合左香港人嘅口味，茶味濃之餘又唔會好似泰國飲到嘅咁甜 😗 而且用咗印有 logo 嘅玻璃樽上，夠曬 IG-able 📸…查看更多

木玥鹽酥雞飯($58 + $10 轉安格斯滷肉飯)平時嗌鹽酥雞飯通常得幾舊仔，但木玥巷呢度完全係俾散嗌小食嘅份量仲要多 😱 上枱見到都真係嚇親 😂 鹽酥雞炸到酥脆，配上酸酸甜甜嘅醬汁仲可以將油膩感減低～ 強烈建議大家要加錢轉做安格斯滷肉飯，佢唔係用一般豬肉而係用安格斯牛肉整成，比嘅份量好足之餘入口仲非常之香牛味，而且冇咗豬肉嘅肥膏相對地亦冇咁罪惡感 😛————————————紅燒牛肉麵($65)牛肉同蘿蔔都炆得好腍，湯底唔會太油，而且帶有些許清甜，麵條都好Q彈～ 不過雖然係餐牌推薦單品之一，但入口相對地就冇咁驚艷啦 🧐————————————…查看更多

無限時嘅樓上 Cafe，想坐幾耐都無問題，小編情人節當日去食都無額外收費，如果想同朋友飲杯嘢吹吓水都係一個唔錯嘅選擇～軟殼蟹黑松露意大利粉 ($92 配 $38 飯品一杯)原隻軟殼蟹即叫即炸，大大件放出嚟簡直係視覺嘅享受 😍 意粉掛滿黑松露汁，每啖都好香黑松露味，非常 creamy 又唔會太乾身 😋 重點係食落又唔會太滯，份量岩岩好 👍🏻香蕉朱古力咖啡 ($46)跟餐補咗差價嗌左比較少見嘅香蕉朱古力咖啡，入口朱古力味好濃，但就飲唔出香蕉味，所以同 expect 嘅都有少少落差 …查看更多

Cafe 採用落地玻璃設計，小編當日坐正吧枱，可以望住咖啡師沖咖啡 ☕️ 見到佢哋每杯咖啡拉花都好用心，聞住咖啡香食 cake 特別有風味 🥰咖啡巴斯克芝士蛋糕($42)比想像中細舊，但整體蛋糕質感好 Creamy 🍰 唔會太過實正，芝士打得好滑，入口有淡淡咖啡香 ✨ 如果份量多啲就好啦！黑芝麻乳酪芝士蛋糕 ($42)黑芝麻同乳酪味啱啱好一半半，互相唔會搶咗對方風頭 😛 芝士蛋糕同樣好幼滑，唔會食到一粒粒，不過都係嗰句 😣 太細舊唔過癮呀！！…查看更多

餐廳以黑白色風格為主題，環境好舒服（有露天位可以揀，但當日大風到連櫈都吹跌所以無開放）好啱同朋友坐低食住慢慢吹吓水，本身仲想試埋甜品，不過食完意粉個肚已經飽咗，唯有等下次再試～本身 Menu 係跟魷魚，不過缺貨嘅關係轉咗做明蝦，個人覺得比魷魚更易入口，而明太子嘅味都唔會太搶，加少少黑椒成個意粉味道好 balance 👍 但當日可能坐風口位嘅關係，食到一半就已經凍晒，有啲啲可惜 😕蘆筍爽口，入口有淡淡蕃茄香，味道相對比較清淡，如果怕白汁太漏嘅朋友不妨試吓叫呢個～…查看更多

如果想食虫二建議大家最好要預先係佢地嘅網站 Book 定枱因為佢都長期爆滿，如果 Walk in 都應該好難先會食到本身想坐露天位～可惜full曬，不過室內都好好影一汁三菜便當 嚟到虫二當然要試吓出名嘅和風料理，主菜方面可以五選一 😋 我就揀咗烤芝士漢堡扒伴海苔肉鬆便當～飯有三種食法，第一就係將鰹魚昆布高湯倒入飯變成茶漬飯，跟著加入附送嘅前菜，最後加埋溫泉蛋，濃濃嘅蛋香味令個飯更滑更易入口 😍 而漢堡扒相當厚實，份量十足！伯爵茶傳統班戟Pancake 即叫即整，中間夾有紅豆同滿滿嘅麻糬，食落煙煙韌韌，仲有淡淡茶香～不過比較可惜嘅係上枱時雪糕已經有少少溶，令到個賣相無相象中咁吸引 😕 炸雞炸雞炸雞 ‼️ 雖然 $68 得五舊，但一啲都唔會令你失望！炸粉比例啱啱好唔會太厚，上枱嘅時候仲出緊煙，啖啖肉食落口特別爽呀 🤤…查看更多

餐廳氛圍好好 好岩情侶黎二人晚餐大部分侍應都係外國人 落單時需要用英文溝通挪威煙三文魚野菌意大利飯除咗面頭嘅煙三文魚外，飯同飯之間亦都有三文魚碎 😋 忌廉汁又唔會太傑，夾埋雜菌一齊食岩岩好中和咗漏嘅感覺 👍🏻煙鴨胸香蒜炒意粉鴨胸煎得有啲濃同乾身，不過入口夠香脆，而且醬汁都非常入味！每條意粉都包裹着滿滿嘅香蒜，夠晒惹味 🤤個人認為洋蔥圈係必食 item 之一，識食一定係點滿滿嘅酸忌廉 💯 …查看更多

惹味塔香鹽酥雞即叫即炸，入口熱辣辣脆卜卜 🤤 配上椒鹽夠晒惹味 (如果有埋台式辣粉咁就 Perfect 啦)自選招牌燈籠滷味勁推介叫冬粉做麵底，超索汁之餘亦都非常飽肚 😋 就咁睇單價可能有啲高，但嚟到自選配料嘅份量都唔算細，而家冇得去旅行都可以喺度重拾下台灣嘅味道…查看更多