~~Kelvin仔~~的个人专页

真係食到一肚氣~~! 我相信大家都好怕一樣野... 就係唔知自己個杯Yogurt幾重~ 到時無啦啦俾多左錢都唔知~~~Yogo... 係我第1間所見... 個重量磅唔係對住人~ 只係對住自己睇!!!嘩~~~~ 咁你講哂啦~ 個杯幾重.. 我地唔知ga wor~ 都係任你講!! 我真係覺得自己好似俾人呃左咁~~~ 明明個杯得少少yogurt... 得1個topping~但係.... 差唔多30蚊!! 我真係O左咀~~ (20蚊都唔知有冇....) 仲有d 態度~ 真係好好~~ 問: 我想問杯yogurt幾重呀......? 答: "自己睇啦!!" --> 個磅對住佢.. 點睇wor~講真, 旺角咁多間yogurt.. 點解要黎呢度食wor... 我寧願去番家樂個邊食好過.... :(:(:(…查看更多

相信大家都會喜歡給朋友驚喜，無論是偷偷的準備求婚，甚至簡單點準備生日禮物，朋友的心意你都會深深領受到的﹗不過，今日於又一城的王家沙的這一餐晚飯，就真的給予我朋友無限的"驚喜"了!話說一行朋友一早已經預訂王家沙的晚餐，原因之一就係朋友非常喜歡王家沙的服務，而且多種類的上海料理~結果朋友A就一早預備生日蛋糕並寄存於店鋪內~ 希望製造驚喜﹗如是者，一行朋友就坐低食飯~ 開開心心食完晚飯就"叫上"甜品~ (高力豆沙)點知... 我地一共叫左催左3次上菜...第1次.. 佢收哂我地既碗碟後... 走了~ (沒有叫對講機予廚房..)20分鐘後第2次.. 佢今次放左碟同筷子... 走了~ (今次有叫廚房準備甜品...) 呢個時候.. 大家已經呆左~10分鐘後當我地繼續等待甜品時... 突然有人走埋黎問 - "你地係咪留左個蛋糕響度?"...即時全場呆左...... 點解!! 點解你會問條咁既問題~?? 留得個蛋糕就當然係有用.. 而家當堂壽星人都知道哂~ 冇野啦~!(而且.. 態度極差.. 非常想趕客走既感覺.. 不過出面其實冇人等位~!)而且.. 枱上面係放著筷子.. 唔通你想我地用筷子食蛋糕~????結果壽星人雖然好開心~ 不過準備生日的朋友就真係非常唔開心~ 任憑野食ok 都冇用~~ 態度.. 真係會趕客走!! 真係麻煩各位.. 要明白一下人地準備驚喜的辛苦吧!!!!!…查看更多

很久都沒有寫這裡既食評了﹗轉新menu後都已經試過幾次，今次大概說說新拉麵既評價了~今期剔除了沾麵﹑咖哩拉麵；反而換上了我覺得很特別既牛舌拉麵和新宿(紫菜)拉麵~首先說說牛舌拉麵，是我覺得最需要稱讚的新口味﹗何解？牛舌是特別用火再燒熟的，口感幾乎係脆既感覺，就算浸在湯中，食出黎仍然有少少脆既感覺。最重要就係牛舌上面係有少少調味料，如果與原本既牛骨湯融合，會有另一番風味，湯底也會變得更濃，不妨可以試下﹗新宿拉麵的特色，就係在湯碗邊用上幾塊大的紫菜，變成整碗拉麵都好似被紫菜所包圍，視覺上係幾特別的﹗至於紫菜浸過或是未浸過會好食？我個人就會偏好唔浸湯既紫菜，可能我覺得紫菜硬點點既口味會比較好；我朋友就會鍾意將所有紫菜完全浸入湯中，令所有紫菜吸下所有湯既味道﹗小食方面，就加入了燒牛舌與燒鰻魚(足一呎)~首先說說燒牛舌，製法與牛舌拉麵的牛舌差不多，但牛舌會被切成粒粒，就好似一口牛肉，幾得意﹗而燒鰻魚就完全迎合我的喜好，足一呎的鰻魚同平時既燒鰻魚差唔多，鰻魚會被切成四件，所以每件都會幾大，如果真的怕太大件的話，可要求稍為切得比較細件一點﹗鰻魚汁都唔錯，而鰻魚也唔會燒得太焦，食出黎鰻魚味會蓋過一切﹗^^新menu的確唔錯，有特色﹗大家真的可以值得一試呢﹗…查看更多

今晚八王子推出了新菜式~結果剛剛好與朋友既惠顧就可以嘗試新食物了~我今次點了全新既咖哩叉燒拉麵，而朋友們分別點了北海道蟹柳拉麵 x2, 和風野菜拉麵, 八王子拉麵~首先研究我既咖哩叉燒拉麵，由於小弟係咖哩之人，所以咖哩既口味就近合我既喜好了。湯，入口覺得有一定既辣味，但感覺係好重既咖哩味，而唔會只係給你辣，我個人就不需要飲水就能夠食呢碗麵，唔錯唔錯~ 雖然係叉燒拉麵，但入面就有一定既粟米，令呢碗麵比較有色彩~至於北海道蟹柳拉麵，我就偷左1條蟹柳去試，我會強烈建議先將d 蟹柳浸一浸d 湯先食，因為蟹柳本身係凍既，浸左湯後就會入味，口感也會好好多~和風野菜拉麵，太菜了~ 我朋友就非常喜愛，應該咁講~ 真係唔鍾意叉燒既人可以一試~至於炸物，我地叫左炸蠔﹑炸雞及八爪魚，其中我地全體最欣賞既，就係炸雞了﹗因為炸雞並沒有一般既炸漿味，會比較有肉感，點了沙律醬後口感更好﹗可能d 炸粉唔係一般既炸粉吧~ 但我就會較愛炸蠔，因為炸出黎既時候，我仲以為佢會炸得好老，沒有味道。但原來唔係... 咬起黎既時候仍然有蠔本身既水滲出，非常新鮮~^^~反而八爪魚相對下會比較失色，感覺與其他餐廳既炸八爪魚水準上唔會有太大既距離~綜觀而言，我會建議大家食炸物，絕對首選炸雞與炸蠔~~^^~!!由於我地既叫了溏心蛋﹑拉麵﹑炸物與雪糕，今晚消費高了~…查看更多

好﹗由於朋友睇完呢間食評後有興趣...所以就帶左佢地黎試了~其實，當中有朋友都已經試過.. 仲要覺得好好味呢~今次就讓另外2個朋友試下~一坐低，我地就叫左每人一客溏心蛋，何解？正如我之前所講，溏心蛋係有凍食同熱食之分...凍食既溏心蛋係可以做前菜，令你有一種特別既感覺先..結果... 我既朋友就覺得好special呢~^^~今日一行5人.. 叫左2個八王子拉麵，1個自家豚組拉麵，1個牛油粟米拉麵，1個味噌拉麵~對我黎講，由於牛骨湯既感覺太深刻，對唔住.. 我改變唔到去接受豬骨湯~~ 還是需要我將成碗湯飲下~不過，正如我今晚所講.. 叉燒可以繼續努力既~但係我知道下次就會有新既感覺.. haha~anyway.. 今次想講講飲邊種湯底好~如果2人同行既... 就一定係要試1款牛骨(推介八王子)﹑1款豬骨(推介牛油粟米)...原因.. 係因為唔係太多人會即時feel到牛骨既甜..因為呢間既牛骨湯.. 唔係清湯腩既鹹.. 也唔係味精既濃.... 會係比較fresh既甜~ 叫豬骨既原因... 係因為味道會比較濃，會迎合大眾化既合味既~ 繼續會推介俾d friend試~(紅豆雪糕... 如果大家唔鍾意街邊既紅豆雪糕太甜既.. 絕對要試~~)…查看更多

食strawberry forever的主要原因，就係佢既心太軟了...雖然每次叫既時候都需要等30 - 40分鐘，也試過等了成個鐘但因為漏單而冇左.. -_-..但係的確係可以嘗試既~今日，就係去食tea，但係就冇叫心太軟~我同我d friend就叫左朱古力waffle﹑蜆肉意粉﹑肥牛烏冬﹑雞翼拼薯仔...首先係我既雞翼薯仔... 味道係ok既~ 不過就真係少左d..兩隻雞翼加八小舊薯仔，對於一個鍾意食下午茶既人黎講... 有點兒少了...至於我女朋友既肥牛烏冬.. -_-... 就真係不值一提...唔入味~而且真係好淡好淡... 攪到要落左好多調味去整濃佢.. 坦白講... 心太軟外我真係諗唔到有咩值得推介..真的，甜品黎講呢間係唔差，不過熱葷就真係唔好了...題外話.. 今日見到個員工因為地板剛清理完杯翻了的水而跣倒... 真係要小心工作呢~…查看更多

:)今晚再去多次八王子拉麵館食晚餐~老闆真係認得我地~好野!~不過.. 因為今晚的豬骨湯沽清，所以我再次點了八王子拉麵。而我女朋友就點了胡椒風味拉麵~首先說說八王子拉麵，我發覺牛骨湯味濃了很多，而家叉燒也都好似濃了點~對於我這些鍾意有味，但要自然味的人，我既反應係正面既~坦白講，濃左既湯個種牛肉味會比較甜，的確係會令我更鍾意成碗湯飲清~而胡椒風味拉麵就真的如老闆所講，如果唔受得胡椒味既就會好辛苦~但我女朋友就食得好滋味，唔錯~但對於第一次幫襯既食客黎講最好都係先試傳統既八王子拉麵後先再試其他種類呢~^&^~今晚最大的surprise，就係溏心蛋呢~如果你另外order溏心蛋既，就會係以凍既方法送上，我就覺得凍食真係好味好多，如果鍾意食蛋汁既人，凍食係不二之選，9蚊我都覺得值~最後，如何欣賞牛骨湯好味既感覺，還是你每次到店舖既時候，坐響吧位，慢慢聽老闆的介紹呢~響呢度唔多提了~ haha~…查看更多

今晚與女朋友去到甜品工房食糖水~坦白講，我係冇睇過openrice，又剛剛經過而食既...店舖門外都唔錯，雖然見唔到任何特別生招牌的甜品放響店前...但甜品工房四個字已經令我同女朋友留下來嘗試了~我結果叫左雜果拉麵，因為感覺上好似係全芒果既陣容~^^~我女朋友就因為唔舒服，只係叫左香滑豆腐花only~先說說雜果拉麵，個拉麵都唔錯，反而我最欣賞係個外觀，用芒果片做底再加生果同拉麵上去~ok~不過就覺得d 拉麵稍為唔太夠芒果味，可能浸耐d會好d既~但真係唔錯既~ 講真~不過豆腐花就真係有d野要寫了...豆腐花據聞係凍既... 但係到既時候.. 係唔凍唔熱，對於我個肚唔太ok既人.. 會怕~而豆腐花唔知點解係比較爛既，同平時食開豆腐花係一片片既外觀有d唔同~而且... 我同我女朋友都食到豆腐花係有"沙"既，呢d"沙"，應該係磨黃豆既時候磨得唔夠滑而成...下次.. 真係要避開了..~最後，我都欣賞呢度有唔少特別設計，下次會試下宇治刨冰同和果子呢~衛生，真的要改善呢~因為張table上面，未抹既時候係比較黏既..就算抹完後都清晰見到兩粒粉紅色西米留於上面..…查看更多

開飯了﹗今晚與女朋友去了八王子拉麵館去嘗試，去的原因，就是因為在openrice內search到這間麵館，又用牛骨作湯底，於是去試試呢~一入去，不太多人，但老闆就已經好熱情同其他客人暢談整拉麵既故事等等... 好親切﹗店員也嘗試大概講講有咩食，或者係特別推介既~由於我地都係坐響bar seat，所以就一直都聽著老闆講拉麵的事... 我地兩個叫了八王子拉麵(其實即係傳統叉燒拉麵)，激辣拉麵，火炎叉燒，綠茶雪糕及宇治綠茶~呢間店舖最出名就係用牛骨去整既湯底，入口後... :)真係覺得佢冇落味精，而且好清甜呢﹗同平時我去某d大型拉麵店所食既超濃豬骨湯底完全相反... 結果我忍唔住拎起隻碗飲哂所有湯﹗~牛骨既味響飲完水後都仲留響我口...女朋友碗激辣拉麵就真係好辣，的確... 要想想點樣先可以令個湯辣得有牛味..~火炎叉燒，好食~ 因為d叉燒唔太肥，而且佢用左銀芽(唔係芽菜)做底，唔會太肥~雪糕果然係日本進口... 正常都係好食既.. haha~ 綠茶都真係幾濃，冇添加﹗都係個句，鍾意老闆既nice，也鍾意碗麵夠誠意，好有我響日本食拉麵時候既感覺，放心﹗我會繼續再食，目標12個印花﹗~^^~(唯一.. 我都覺得個糖心蛋.. 熱dd 會好d.. 可能我太心急冇浸耐d就已經食左..)…查看更多