wowowai的个人专页

大坑角落一間細細地嘅日式小店，中午定食價錢相當吸引，壽司定食有前菜、湯烏東及果物，都只係$158壽司定食共有6件壽司，當日包括有伊左木、油甘魚、深海池魚、海鯛、甜蝦、仲有吞拿魚背，看得出魚是新鮮的，大小適中，另外仲有蟹肉小卷。一個人份量剛剛好前菜當日係汁煮枝豆，枝豆出面食通常係撒鹽，汁煮第一次食，別有一番風味，另外個壽司定食仲有一碗熱嘅稻庭烏東，烏東非常滑，而且個紫菜蜆湯味道剛好，湯烏東配壽司係幾好配搭最後有切到成朵嘅橙，好靚好特別，食落都甜啲仲有好多其他熟食選擇，下次會再試其他野…查看更多

大坑一向都西式餐廳較多，最近見呢間新開中菜廳，門口璧畫左大坑舞火龍，好靚好有特色。望過餐牌午市啲套餐都幾吸引，一家四口試左個 $688 至尊套餐個套餐真心抵食，都幾豐富，有湯、4款小菜、炒飯，仲有甜品，都只係$688，而家啲餸菜都好好食先黎個老火湯，好足料！崧子蝦仁炒滑蛋小朋友至鐘意食青檸肉排 正，擺碟亦非常靚主角脆皮雞認真一流，咬落去皮脆卜卜，好香而唔會油膩炒食夠乾身，份量好足，甜品係芒果布甸，不過就冇影到相其他午市套餐最平二百零蚊起，呢個質素呢個價錢好抵食…查看更多

朋友生日黎左呢間居酒屋包左1間tatami房，間房好日式好靚居酒屋有齊壽司刺身、燒物、天婦羅等，師傅推介左當日龍蝦刺身，跟師傅去魚缸睇，超大隻好生猛，新鮮嘅活龍蝦刺身上枱時啲觸鬚仲郁緊，啲刺身龍蝦肉超鮮甜，非常爽口彈牙，之前真係未試過，師傅刀工一流隨左龍蝦刺身，師傅都安排左好多刺身，日本海膽都超正，toro 入口即溶另外燒和牛亦都大讚，入口即溶但唔會好油天婦羅亦都好出色，個漿夠薄，天婦羅蝦好好食最後encore 多幾款壽司，整晚氣氛超好，侍應服務都好好，同朋友响私隱度高房間食野傾計超開心…查看更多

呢間和牛燒肉店個燒肉和牛set 質素幾好，2人份量 $988，都有5款牛部位，西冷同埋肉眼雪花好靚，燒兩燒已經好香，仲好入口即溶，店家仲有3款醬汁，包括自家制燒肉汁、麵豉醬、同埋黑椒海鹽，牛舌點海鹽最好食，仲係厚切添另外好少可燒肉有得叫壽司刺身，叫左個8件壽司拼盤，有油甘魚、深海池魚、吞拿魚腩、甜蝦、帶子、赤貝、三文魚籽，吞拿魚背！啲魚生超新鮮，尤其拖羅真係同其他餐廳質素好好多，帶子超鮮甜滿足的一頓晚餐！…查看更多

星期六同屋企人出街食飯，偶然經過呢間位於京街角落嘅和牛專門店，入內睇睇啲和牛都幾靚，有打邊爐和牛，黑豚薄片，啲A5和牛西冷好大片，雪花超靚，唔差得過city super啲和牛，但價錢平好多，店員介紹下試埋A5和牛上肩肉薄片，明顯冇西冷咁肥，但食落都一樣入口即溶。除左火煱薄片，仲有好多燒肉拼盤、例如4人份量嘅A5和牛拼盤，有5款和牛䂋中只係$780，2人份量都有，都只係$298。肉扒等都有，下次會再試其他野…查看更多

這間位於大坑的睿日本料理, 質素非常高, 刺身及壽司都非常新鮮好食店鋪唔算好大, 只有數張枱及壽司吧枱, 所以建議需預先訂枱留座較好前菜係枝豆, 通常枝豆食開都係鹽沾, 但呢度個枝豆好特別, 係汁煮, 非常之入味前菜小食我地試左柑橘醋配海蜇, 海蜇爽口, 配上酸汁, 非常開胃牛油果吞拿魚沙律, 很好的配搭, 師傅係即開牛油果將其果肉磨成蓉黎伴吞拿魚背, 吞拿魚背的鮮紅色與牛油果的翠綠, 賣相超吸引上刺身拼盤, 約有6-7 款魚生及貝類, 包括拖羅, 深海池魚, 油甘魚, 甜蝦, 赤貝, 帶子, 吞拿魚背刺身係比較大件厚切, 並非常新鮮, 我地睇住師傅開赤貝, 師傅好正宗會先將赤貝用力啪上桌, 即時見到赤貝的肉向內捲, 證明是活赤貝, 故十分鮮甜另外單點了牡丹蝦刺身, 同樣都係大大隻, 只係$68 隻, 非常扺食我地都試左啲壽司, 包括吞拿魚三貫, 即大拖羅, 中拖羅及赤身各一件壽司都係大大件, 一啖絕對放唔落口, 魚生師傅會抹上一層wasabi, 如果唔食得辣記得要同師傅講走 wasabi仲有北海三貫下次再黎的話要再試其他刺身壽司, 絕對推介俾朋友仔試…查看更多

呢間小店充斥住濃厚日本氣氛，加上高質素的食品，店員亦很友善，是晚與友人聚會真的很滿足很開心蟹籽忌廉芝士沙律，清新的青瓜絲配上濃味芝士居酒屋有多款刺身，看menu價錢尙可接受，但原來刺身都好大件，同埋一吃係非常新鮮，所以絕對物超所值吞拿魚腩入口即溶帶子厚肉鮮甜除了刺身，居酒屋亦有多款串燒、燒物，甚至有壽司燒沙甸魚苗干，香脆的小食，配上Sapporo生啤很配牛舌串燒，唔會太乾，厚切，口感十足牛肋骨串燒，骨已起，師傅只將肉串起來燒，超好食芝士山芋雞肉丸，免治雞肉面上一層邪惡的芝士，以為會好漏，但食落其實剛好，沾上生蛋黃醬，更為香滑，口感更佳一定要帶其他朋友下次再黎試…查看更多

睿師傅於大坑繼居酒屋及和牛燒肉後又開新店, 新店主打天麩羅, 原來天麩羅都有 Omakaze, 當然要一試餐廳環境亮麗光鮮, 設有Bar枱及餐桌，坐吧枱可以看着師傅親自炸天婦羅餐具十分精緻美觀會席料理設有４等，包括"花", "鳥", "風", "月", 每款都設有前菜小食, 和風沙律, 刺身數款, 天麩羅 6-12件 (等級越高款式越多及材料越靚), 蕎麥麵及果物我們一行4人各自點了一份"花" 之會席料理, 很期待到底天麩羅會席料理會係點前菜包括: 柑橘醋配海蜇及煮螺, 份量剛好, 海蜇少少酸, 是很開胃的前菜,小螺亦很鮮甜, 然後侍應上了蔬菜沙律刺身有4款, 包括大拖羅, 銀雪魚, 帶子及深海池魚, 其實試過居酒屋那邊的食客都知道睿的刺身是每日日本空運到港, 故刺身十分新鮮, 大拖羅入口即溶, 正花竹蝦為天麩羅打了頭陣, 大大隻花竹蝦(即日本車海老)由師傅從魚缸剛撈上黎, 活生生即剝即炸, 雖然係炸天麩羅, 但鮮味勁出, 師傅的蛋醬夠薄, 唔會好厚, 好香好脆, 加上花竹蝦鮮味十足,  沾上少許師傅親自調制的天麩羅汁, 大讚松葉蟹腳天麩羅, 配上梅鹽或青檸汁, 咬時肉質豐腴帶鮮甜, 大愛帆立貝天麩羅配以蟹羔最驚喜係原來吞拿魚腩都可以做天麩羅, 炸好的Toro唔係全熟, 由於Toro本身油脂很高, 炸後半熟的狀態加上香脆的咬感十分特別, 師傅特別配以生蛋醬更加帶出Toro的鮮海膽紫菜卷天麩羅海鰻天麩羅, 鱚魚天麩羅, 日本小茄子鮮蝦小柱貝天麩羅, 用料十足, 十分大件, 十分滿足鮮蝦芝士腐皮卷, 內裏芝士係半流心狀態, 可見師傅的手藝十分高才能做出這效果, 另外不要以為小看腐皮, 師傅採用日本材料, 價值亦不菲12件天麩羅各有特色, 最後主食為冷蕎麥麵, 蕎麥麵配上師傅現場即磨的椎山蓉伴食, 口感清新, 剛好平衡剛吃落肚的炸物最後以日本靜岡蜜瓜作結估唔到原來天麩羅都可以咁精美, 咁多款式, 刮目相看…查看更多

東涌新開了一間日本料理店，是大坑睿居酒屋的分店，之前曾經試過睿師傅的手藝，睿師傅於東涌開新店，住附近的我當然要前來捧場！餐廳設有室內及戶外座位，座位寬敞，十分喜愛戶外的設計，像一個小小的日本亭園，十分適合假日帶同小狗於戶外進膳。室內座位十分寬敞，光線充足當然要點選壽司，點了一客特上壽司拼盤，每件壽司都跟總店睿居酒屋一樣，都是大件肥美，質素絕不遜色總店。這款炸豆腐亦大愛，很好的前菜小食炸芝士，同行女友人十分喜歡牛油果軟殼蟹卷，亦不失所望，賣相靚，亦很好吃這個蟹肉蟹羔是menu沒有的，由店員推介，$68一隻，但十分多肉多羔，愛食蟹的人必定大愛。我們亦點了其他燒物串燒，總括來說，食物質素拍得住總店睿居酒屋，但價錢相對較平宜，又多一個落腳點了。…查看更多

星期五晚上決定與好友入大坑揾好野食, 經過睿和牛燒肉, 被亮麗的門牌吸引, 看過門口的餐牌, 有和牛食, 亦有壽司刺身, 款式盡多, 所以與好友決定內進一嘗。店內的裝飾給人和暖的感覺, 很配合冬日食燒肉的氣氛, 我彷彿嗅到一點日本的味道。經店員講述, 原來睿和牛燒肉是相連店鋪睿居酒屋的延伸, 睿居酒屋已經開了一年多, 最近新開了這間睿和牛燒肉, 又有壽司又有和牛食, 內心經過一場交戰後, 決定兩樣都要試。我們點了少許壽司, 主要點了和牛。與友人各自點了一客吞拿魚三貫, 因為我倆都超愛食拖羅, 而這個吞拿魚三貫有齊大拖羅, 中拖羅, 及赤身。壽司到枱的那一刻我呆了, 因為那兩件拖羅絕對比我想像中大件, 顏色鮮明, 非常肥美, 真係愛不釋"口" !! 食完壽司, 主食和牛上枱,  是一個和牛拼盤, 由店員推介的, 有厚切和牛西冷, 和牛肉眼, 和牛肩胛肉, 和牛肋肉及牛舌。只能說, 從這盤拼盤擺設便能看出這間店的師傅不簡單, 藝術的氣息蓋不了, 和牛的擺位很美觀, 即時令人沉睡的胃喚醒起來, 我知道, 我和友人倆今晚會過得不簡單。我們第一時間首燒最靚的和牛厚切西冷, 和牛不需要燒得太熟, 我們將西冷牛放於爐上, 看到她原來粉嫩的肌膚開始變色, 香氣隨之噗鼻, 我們開動了, 放入口, 四個字, 入口即溶, 肉質幼嫩牛, 配以店主自家制的燒肉醬汁, 冇得頂。和牛肉眼肉同樣入口即溶, 肉味比較重, 肋肉則比較有嚼口, 牛舌非常爽, 沾少許鹽或檸檬汁都很配, 總括來說每一款和牛都很喜歡。這個拼盤份量真的很有份量, 所以總體黎講唔算貴, 因為真係俾足靚料! 抵讚 !我們都愛食牛舌, 所以再額外單點一份牛舌, 這擺設再上枱, 真的很美觀 !!!吃完非常飽, 可能我們亦吃了壽司的關係吧, 壽司與和牛一起食沒有違和感, 因為是先食完刺身後再食濃味的和牛, 仲同時滿足了我兩個願望, 壽司肥美和牛嫩, 一口和牛, 配一口啤酒, 滿足了!!!…查看更多

同朋友一行3人到大坑揾好野食, 發現左一間日本居酒屋, 望落樓面好舒服, 決定坐低一試。先叫了一客壽司拼盤同蟹子芝士沙律, 師父上碟好靚, 壽司亦都非常新鮮。之後叫左啲串燒燒物, 牛舌非常厚身, 開頭驚會唔會好 Un, 但咬落非常軟身同 juicy, 牛筯骨係成條串起, 非常香身鮮蝦露筍煙肉卷好脆身, 爽口, 食完會想再黎一客, 鵝肝配羊架好正, 個醬汁好配最後叫左一客和牛石板燒, 原來大廚會出黎親自幫客人枱上去燒, 啲和牛好靚好正, 入口即溶一邊食咁多好野, 一邊聽住日文歌慢嚐清酒, 同朋友食野吹水真係好舒服期待下次再黎試其他野 …查看更多