happyeaty的个人专页

上兩個禮拜，公司特別宴請由台灣黎香港既貴賓，有幸跟老闆可以去香港最高既ICC 101食lunch。第一次去到咁高樓層既地方食飯真係好高興，仲要係去食高貴版龍皇 -- 「龍璽酒家」添! 只可惜當日大霧到乜景都睇唔到，我地坐 window seat都係無用。慘 ~ :(我地預先點左個餐，前菜每人有兩碟點心，有石蠔春卷、花膠卷、黑松露粉果、咸水角、叉燒、三層肉、海蜇頭等等，每人一份，每樣少少，當中最like係個粉果，加左黑松露真係特別香，海蜇頭擺到好似玫瑰一樣好靚，其他就係龍皇一般既水準，都好味，但唔算好特別。之後既燉魚皇湯就特別每人有一個小鍋熱住，好貼心。砵酒焗石蠔炸得又脆又鮮味，最後上菜既海蝦貴妃泡飯大家都超鐘意，加左脆米好好咬口又好味，正 ~ 要一讚既係d服務員態度好好，我一起身已即刻行埋黎問我係咪去洗手間，讚 ~ 總括黎講，食物質素ok，但食物份量只係剛剛好足夠我地女士去食，如果同枱有男士，可能唔夠飽咯 ~~ 所以最適合請客食飯。…查看更多

同老公一路有去開「山葵」食飯，之前食開都仲ok，今次去食就唔係咁開心 ~ :(叫左個海鮮湯烏冬黎食，烏冬份量俾以前少左好多，好似只係得幾條咁，食完之後竟然好似無食過一樣，女士都唔夠飽，男士真係不得了 ~蟹籽沙律，不過不失。最慘係日式炒蜆，要催仲要等左好耐先等到，但上枱既時候竟然唔夠熱 ! d 蜆又唔入味，暫時都唔想再去幫襯 ~~ …查看更多

阿妹生日買左個 COVA Mango mousse cake 俾佢，只因為佢係一個芒果迷。本來一向對 mousse cake有d抗拒(尤其係朱古力mousse!) ，因為好怕又膩又會太甜、食少少都已經好滯既感覺，所以買芒果蛋糕一定會買有一粒粒芒果肉那一種，之但係我係sales熱情既介紹下，最終買左個 Mango mousse cake試下。個蛋糕雖然無一粒粒果肉，但全個蛋糕都有濃濃既芒果味，而且仲好滑添呀，加埋好似餅碎既toppings，真係好好味。唔知點解，食落竟然無我平時好怕既又甜又膩感覺，仲即刻想encore多一件添….. yummy ~。只係因為唔係訂貨，所以無加到個朱古力生日牌俾阿妹，有d美中不足….. …查看更多

朋友介紹有一間好好食既沖繩料理，都想睇下有幾好食。Lunch去食出奇地唔係好多人。我點左個近HK$200既海膽飯 set lunch 黎食。收到既時候係一個 surprise，因為d 海膽真係成板咁上，仲好鮮味添呀~ 而且個飯仲伴埋沖繩特產「海葡萄」，好有咸鮮味又爽爽地，連埋飯一齊食真係一流。個餐除左有一般既日式蒸蛋外，仲有沖繩既「水雲」食，少少酸酸甜甜幾開胃，但朋友話個賣相唔ok喎。不過，d 待應既服務就一般，叫幾次先應人，有待改善。…查看更多

9月初同朋友去左世貿5樓既海幸食lunch, 食左around $200一位都算少少貴，但就有幾多野食。 因為個餐前菜有任食salad bar, 好多日式冷盆都有齊，連帶子都有得食，算有誠意。:) <唔記得影相~ > Main course可以係 set menu度選兩款, 我個friend揀左大蝦 + 煎帶子 (煎帶子要加多$38)。D蝦都ok 大隻 ，帶子又夠大粒。而我自己就加$38要左個煎鵝肝同埋煎帶子，件鵝肝好鬼大件，都煎很好香，但食完已經有好膩既感覺。個set lunch仲包左粆飯/粆麵 + 甜品餐飲，最終真係食唔晒，有D浪費。 …查看更多