leungps1108的个人专页

海之戀入面有間叫做"星之戀"既酒樓, 啲點心做得有D精緻,唔似啲集團有是但求期。 我叫咗個魚肉釀青椒, 佢D 魚肉煎得好香同個醬係用咗章魚小丸子既醬, 再加上木魚絲.....個概念都好特別, 食落好match 好好食。都叫咗個豆苖蛟, 個皮唔會蒸到"諗"晒, 有質感同埋入面D蝦都好彈，好好食。豬手煙煙韌韌, 質感好正, 佢唔係凍食, 暖暖地, 我阿媽都好鐘意食, 食過2次每次都會必叫。叫咗個桂花糕, 濃厚既桂花味, 都可以一試。…查看更多

約咗朋友食飯揀咗荃灣西海之戀食, MTR一出就到商場, 好方便。海之戀入面都有好多餐廳, 我哋揀咗LEE 間韓式嘢食。我哋叫咗4道菜。LEE 款係叫做"卡邦尼年糕", 都得意, 估唔到卡邦尼汁都夾到韓式年糕,仲夾到好啱唔覺得奇怪。另一款叫咗韓國必食既炸雞.....醬油無骨雞, 配料有啲蝦片, 番薯條, 啱晒D小朋友食......LEE 款雞好似燒雞咁唔係太熱氣, 因為我本人好鐘意食燒雞, 尤其係灣仔個間好好食。LEE 款對於我哋新界人嚟講近近地過嚟食都好正。跟住叫咗2款煎餅, 八爪魚煎餅同牛肉煎餅。2款煎餅中我最鐘意係八爪魚煎餅, 因為八爪魚好MATCH 煎到脆脆地, 而牛肉唔知係唔係出咗D水, 所以攪到塊餅有D"琳", 冇咁好食, 所以推介八爪魚煎餅, 好好食下次都會叫。…查看更多

星期六周圍去食好野, 東涌有間泰越菜都OK 好食。價錢雖然冇九龍城咁抵, 但一次半次如果你又想食泰國野都接受到。環境舒服又寬落。我哋都係3條友去食叫咗3碟菜加1個小甜品。叫咗個泰式小併盤, 有越式春卷, 蝦餅, 2串牛同雞, 2條齋米卷同埋一個細細好似裝醬料既柚子沙律。LEE 碟野最好味係個蝦餅好彈牙, 其次係春卷同牛串燒, 但串燒真係要熱食, 凍咗唔好食, 因為一嚟我食咗個牛先感覺上好味軟軟的, 但凍咗之後有D硬, 所以LEE 個拼盤係親熱食。叫咗個菠蘿海鮮炒飯, 個菠蘿好新鮮好甜, 撈咗落D飯到拎到個層次感同味道提升咗, 咁幾正, 因為好少人用新鮮菠蘿而且佢係燒過所以甜,可以一試。叫咗個蝦醬通菜, 同一般餐廳差唔多味, 想食菜可以叫下。甜品就叫咗椰汁西米露布丁, 同出面街買既味道差不多。…查看更多

因為都隔咗一段時間未食過BEANS, 所以經過就排咗一陣隊食下。我哋3個人叫咗3樣野食, 第一個必叫係黑松露軟穀蟹意大利粉, 第二個我哋叫咗個新款-紅酒燉牛面頰意大利飯, 第三個就叫咗個開心果蜂蜜味PIZZA, 再加咗1個以優惠價好似$30 既黑松露醬薯條 同每款加咗$30 有1個MINI CAKE, 我就叫咗2個 CAKE SHARE......本人自己鐘意食黑松露醬既關係, 所以我覺得配飯,意粉都好MATCH, 不過都要視乎廚師調個味道得唔得,LEE道菜加咗好多菇類, 同埋有個少量既軟穀蟹炸物, 食落唔會咁"滯"。咁啱個日我見到隔離枱有1對母女都叫咗2碟 LEE 款意粉各自享用,  就知佢幾咁受歡迎。LEE 款意大利飯有少少番茄酸酸地既味再加上佢落咗少少辣粉 - "酸酸辣辣"咁食落有D驚喜,因為感覺上又唔會好飽驚食唔晒, 不過都係最好同人SHARE 可以一齊試更多野食。紅酒燉牛面頰 - 肉既質地佢炆到好"琳", 但又唔覺得有紅酒味, 相對成個味道都有6-7分......而開心果蜂蜜味PIZZA, 因為冇影到相所以POST 唔到俾大家睇到, 正正常常冇咩特別, 我覺得係甜甜地既味再灑啲開心果粹上去, 所以你哋想試又得, 唔試都冇所謂。黑松露薯條係即場炸熱辣辣, 我見到都好受小朋友歡迎.......我都好鐘意食, 點D醬更加好味。好CUTE CUTE 既橙味CAKE, 佢真係做咗成個橙出嚟, 個表面其實係白朱古力面, 入面有軟軟既CAKE 都好FRESH 好清新。而LEE 個係芒果味CAKE, 又係做咗個芒果型既樣出嚟, 點打卡都正。我見到另外一枱應該叫咗個桃味CAKE, 又係成個桃形出嚟, 真係好鬼正。叫晒同班FRIEND 打卡都一流.......…查看更多

同事介紹我食好野， 未食過街邊魚蛋咁彈牙， 聽聞小店係重開， 可能大家唔知佢真係似食魚蛋粉面檔D彈牙魚蛋咁既質素， 街邊小食好少有LＥＥ個水準。大家如果經過不妨一試， 當日我叫咗個雙拼＄２０。因為燒賣得２粒想再試真D個味， 我下午LUNCH 再出去買過＄２０有８粒。試真D佢Ｄ燒賣魚肉都係彈牙個隻， 所以都好好味。不過可能質數高所以成本高， 份量少咗Ｄ。…查看更多

今個WEEK約咗一班好朋友聚餐,朋友一早已BOOK位, 佢話LEE間餐廳要BOOK咗先,WALKIN多數都冇。到咗見到好泰FEEL裝修, 入到去我估D WAITRESS都係用泰國本地人。因為我朋友生日同隔離枱有人生日,佢哋會用泰文唱生日歌都幾特別,而個蛋糕係芒果糯米飯,好好食。我哋叫咗泰式生蝦剌生、泰式串燒沙爹(豬、牛、羊各兩串)、泰式燒雞、馬拉盞炒椰菜苖、小炒王生菜包同地甜品。但我有D食物忘記了影相,只影了3幅相。講下生蝦先, 佢用咗蝦身做刺生,蝦頭炸咗當熟食,1生1熟有兩個唔同味覺享受,佢D蝦好實好新鮮, 而個蝦頭炸咗好脆,好好味, 必推之一既菜式。泰式串燒沙爹(豬、牛、羊各兩串), 本人覺得過得去, 可以食或者唔食, 因為唔係炭燒既味道。泰式燒雞 - 我覺得LEE 個可以一試, 因為隻雞佢用咗D好似沙爹做醃料, 皮都有D脆, 所以好入味, 如果想試可以叫半隻食下。我個朋友就大力推, 佢話嚟到必食。其他都忘記了影相, 馬拉盞炒椰菜苖好入味好好食, 可以叫多兩碟都得, 因為SIZE 唔多。小炒王生菜包 - 因為同原味好大分別, 我哋D朋友都係覺得原始味道好食好多。芒果糯米飯 - 我覺得好好食, 大家可以試下, 同埋佢D甜品糕點都唔錯。我有個FRIEND 叫咗個椰子沙冰, 真係好好飲, 天熱時係PERFECT解渴。…查看更多

星期日特登入去東涌食pancake , 我記得要5:30pm前先有得食，上次過咗就冇，所以就啱時間5:00pm食埋晚飯。第一款叫咗蜆肉抄意粉，隻碟已經好得，雖然份量少D，但對細食女朋友都ok 第二款叫咗和牛芝士漢堡啱晒一家大細，由其是小朋友最鍾意薯條🍟，我自己都食唔停口🤣🤣😅第三款主角出場就係pancake 限時供應，忘記影menu, 佢有多款俾你揀有mango, strawberry, green tea, chocolate, etc….我哋上次食咗green tea 都好味，今次揀咗mango , 雖然有少少酸，但只係想食pancake 質感， 啱D情侶你一嗒我一嗒食😝😝😝…查看更多

之前約咗班好姊妹gathering ,我哋揀咗尖沙咀熱門地點食嘢，有個姊妹食過Lee 間韓國菜讚到好好食，份量又大啱晒一班人食嘢，又可以試唔同嘢食所以我好鐘意同佢哋一齊出去食嘢。而家介紹返D菜式先我哋叫咗豬手，Lee 盤嘢勁大碟勁抵食，肉質好琳D皮有煙韌感，佢配咗D少少酸既醬汁消除咗D肥膩感，我哋六個人先可以食曬D豬手，所以多人share 係開心D😊之後再叫咗炸雞同薯條蜜糖口味啱啱炸完熱辣辣係好好食🔥加咗蜜糖冇咁熱氣自我感覺良好🥰再叫咗海鮮炒年糕，原來係辣辣地都好好味加上炸魷魚酥個配搭好match 睇到都好開胃我哋都叫咗D野飲中和一下🤣店舖唔知係唔係出名大碟抵食兼好味所以都好多人排隊，如果大家想去最少預30mins等位😅…查看更多

前幾日同一班同事去咗灣仔Lee 間酒店食buffet,同事用HSBC credit card 有discount,折咗平均每人應該270蚊左右都算抵食咁講下食物先都離唔開冷盤丶熱盤同甜品區，當日我主攻冷盤，有凍蝦、長腳蟹、青口、麵包蟹同埋螺，賣相唔差，長腳蟹好味，但凍蝦就有好大條黑腸，要撩走先放心擺落口，肉質都ok所以都算喺咁，熟盤方面冇咩特別，所以我都冇影到.至於甜品方面個人各得不過不失，雖然都唔算多款但都正正常常，最驚喜有Haagen Dazs 新出雪糕cocktail 口味，我揀咗椰子菠蘿味，雪糕內有一絲絲既椰絲，味道唔錯，但另一款味道聽聞麻麻我就冇試啦🤣…查看更多

疫情已經持續了年幾，唯有食下buffet 調理一下自己心情，令自己開心一下，今次book 咗JW cafe 食下，同埋佢哋防疫措施做得好好，每次去拎野食area 區都要帶口罩同搓手先俾隻碟你去拎野食，確保大家都保持衞生🥰Lee 度值得一讚👍🏻JW D水準不嬲都有番咁上下，今次我食都保持水準，我當日食咗好多麵包蟹好好食好鮮甜😋仲有D熟食都好吸引有中式點心、龍躉魚、花膠都好好味，唔記得影叉燒聽朋友講必定要試因為都做得好出色同幾好味🎉至於甜品方面大致上都ok, 都幾多款式🥳…查看更多

母親節前夕我哋去咗yoho mall 行街，順便去咗食久違了既韓燒😋見到一間韓燒店價錢合理就入咗去食我哋叫咗一份平D，一份貴少少lunch set 套餐。有豬頸肉、五花腩，牛仔骨同埋D雜菇。仲有D前菜小食有海帶泡菜等等，爐邊仲有common 蛋漿都好全面，D肉方面我最鍾意都係豬腩肉同豬頸肉，韓燒我覺得燒lee 兩隻肉係比較出色，其他牛肉普普通通都可以接受，套餐包了一杯飲品，所以lee 個套餐喺假日嚟講都OK，大眾化價錢…查看更多

Yoho mall 入面有間cake 店勁吸引，隔住玻璃櫃見到都想食，之前買過一次黎食，個蛋糕勁軟個樣勁靚，我相信佢個賣點係日本直運過嚟，但覺得價錢尚算合理，我哋就買咗6件做飯後甜品。而我揀咗抹茶紅豆千層蛋糕，佢人氣No.1.我食落都OK,有好多層數，軟軟地有少量紅豆蓉，好重綠茶味，都可以一試。但因為忘記了影相，之前見到玻璃櫃好吸引影了一張相。大家不妨經過買1件cake 食下，下次我會再買啲新款cake 再呃下like …查看更多

Lee 間喺灣仔新開冇耐既手卷壽司店係同事介紹俾我哋去食，我哋lunch time 就去咗一試，店舖細細間，應該係專做外賣。我哋嗰個日差唔多都叫晒佢D特色壽司食你哋可以睇吓我D相，係唔係好吸引呢，見到都想食，佢D飯唔係凍冰冰，暖暖地，我都唔駛介紹相信各位會揀自己鍾意嘅手卷食希望大家可以支持一下D小店，唔想佢哋挨唔過疫情而消失，lee 間真係值得一試，好好味，lunch time take away 拎返公司食都OK…查看更多

Lee 間車仔麵湯底有芫茜皮蛋湯可以下下火，又清清底冇咁口渴同埋有好多款餸選擇，我揀咗滷水豆腐、蟹柳、炸魚皮同包埋一杯飲品我就揀咗熱菜蜜滷水豆腐佢整得好入味，所以我每次都叫，好味。上次叫過雞翼，佢既滷水汁都一樣好味。我碗車仔麵實在太清，lee 間店舖會用D碟仔裝唔同食物，唔會影響到車仔麵既湯底，值得一讚…查看更多

上幾個week疫情冇咁嚴重，我哋3個人去咗lee間店食lunch,見D店員係好地道既泰國人，我哋就去試一下，我叫咗海鮮濕炒河，D菜都比較多，清清地，味道OK。我同事就叫咗船麵，我哋食評係一般，好general，冇咩特別。:)…查看更多